Viral Video : 4 ਮਹੀਨਿਆਂ ਬਾਅਦ ਘਰ ਪਰਤਿਆ ਪੁੱਤਰ, ਮਾਂ ਨੇ ਦਿੱਤਾ ਅਜਿਹਾ ਸਰਪ੍ਰਾਈਜ਼, ਗਲ੍ਹ ਲੱਗ ਕੋ ਹੋਇਆ ਭਾਵੁਕ

Image Credit source: Instagram/@swetharahul003

Mother Son Emotional Video : ਸੋਸ਼ਲ ਮੀਡੀਆ ਇਨ੍ਹੀਂ ਦਿਨੀਂ ਭਾਵਨਾਵਾਂ ਦਾ ਹੜ੍ਹ ਆਇਆ ਹੋਇਆ ਹੈ। ਇਹ ਮੌਕਾ ਸੀ ਇੱਕ ਪੁੱਤਰ ਦੀ ਘਰ ਵਾਪਸੀ ਦਾ ਜਿਸਨੂੰ ਉਸਦੇ ਪਰਿਵਾਰ ਨੇ ਯਾਦਗਾਰੀ ਬਣਾ ਦਿੱਤਾ। ਇੰਡੀਅਨ ਇੰਸਟੀਚਿਊਟ ਆਫ਼ ਸਾਇੰਸ ਐਜੂਕੇਸ਼ਨ ਐਂਡ ਰਿਸਰਚ (IISER) ਵਿੱਚ ਪੜ੍ਹ ਰਿਹਾ ਬੇਟਾ 4 ਮਹੀਨਿਆਂ ਬਾਅਦ ਘਰ ਵਾਪਸ ਆਇਆ ਤਾਂ ਉਸਨੂੰ ਅੰਦਾਜ਼ਾ ਨਹੀਂ ਸੀ ਕਿ ਉਸਦੀ ਮਾਂ ਦਰਵਾਜ਼ੇ ਦੇ ਕੋਲ ਸਰਪ੍ਰਾਈਜ਼ ਲੈ ਕੇ ਖੜ੍ਹੀ ਹੈ। ਇਸ ਵਾਇਰਲ ਵੀਡੀਓ ਵੇਖ ਕੇ ਨੇਟੀਜ਼ਨਸ ਕਾਫੀ ਭਾਵੁਕ ਹੋ ਰਹੇ ਹਨ।

ਇੰਸਟਾਗ੍ਰਾਮ ਯੂਜ਼ਰ @swetharahul003 ਦੁਆਰਾ ਸ਼ੇਅਰ ਕੀਤਾ ਗਿਆ ਇਹ ਵੀਡੀਓ, ਇੱਕ ਮਾਂ ਨੂੰ ਆਪਣੇ ਪੁੱਤਰ ਲਈ ਸਰਪ੍ਰਾਈਜ਼ ਪਲਾਨ ਕਰਿਆਂ ਦਿਖਾ ਰਿਹਾ ਹੈ। ਉਹ ਦਰਵਾਜ਼ੇ ਦੇ ਕੋਲ ਇੱਕ ਪਾਰਟੀ ਪੋਪਰ ਲੈ ਕੇ ਲੁਕੀ ਹੋਈ ਹੈ। ਜਿਵੇਂ ਹੀ ਪੁੱਤਰ ਦਰਵਾਜ਼ਾ ਖੋਲ੍ਹਦਾ ਹੈ, ਮਾਂ ਉਸਦਾ ਸਵਾਗਤ ਕਰਨ ਲਈ ਪੌਪਰ ਵਜਾਉਂਦੀ ਹੈ। ਇਸ ਅਚਾਨਕ ਪਿਆਰ ਅਤੇ ਹੈਰਾਨੀ ਨਾਲ ਭਰਿਆ ਪੁੱਤਰ ਭਾਵੁਕ ਹੋ ਜਾਂਦਾ ਹੈ ਅਤੇ ਆਪਣੀ ਮਾਂ ਨੂੰ ਘੁੱਟ ਕੇ ਜੱਫੀ ਪਾ ਕੇ ਹੋਣ ਲੱਗਦਾ ਹੈ।

ਪਿੱਛੇ ਖੜ੍ਹਾ ਪਿਤਾ ਵੀ ਆਪਣੇ ਪੁੱਤਰ ਨੂੰ ਦੇਖ ਕੇ ਭਾਵੁਕ ਹੋ ਜਾਂਦਾ ਹੈ। ਮਾਂ-ਪੁੱਤਰ ਦੇ ਪੁਨਰ-ਮਿਲਨ ਦੇ ਇਸ ਦ੍ਰਿਸ਼ ਨੇ ਔਨਲਾਈਨ ਸਾਰਿਆਂ ਦੇ ਦਿਲਾਂ ਨੂੰ ਜਿੱਤ ਲਿਆ ਹੈ। ਇਹ ਵੀਡੀਓ ਸਿਰਫ਼ ਇੱਕ ਪਰਿਵਾਰਕ ਰਿਯੂਨੀਅਨ ਦਾ ਹੀ ਨਹੀਂ ਹੈ, ਸਗੋਂ ਇੰਟਰਨੈੱਟ ਸਨਸਨੀ ਵੀ ਬਣ ਗਿਆ ਹੈ।

ਖ਼ਬਰ ਲਿਖੇ ਜਾਣ ਤੱਕ, ਵੀਡੀਓ ਨੂੰ 30 ਮਿਲੀਅਨ ਤੋਂ ਵੱਧ ਵਿਊਜ਼ ਅਤੇ 20 ਲੱਖ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ। 17,000 ਤੋਂ ਵੱਧ ਲੋਕਾਂ ਨੇ ਪੋਸਟ ‘ਤੇ ਟਿੱਪਣੀ ਕੀਤੀ ਹੈ, ਅਤੇ ਇਹ ਗਿਣਤੀ ਵੱਧਦੀ ਜਾ ਰਹੀ ਹੈ। ਇਹ ਵੀ

ਇੱਕ ਯੂਜ਼ਰ ਨੇ ਟਿੱਪਣੀ ਕੀਤੀ, “ਮਾਂ ਦਾ ਪਿਆਰ ਦਿੱਖ ਜਾਂਦਾ ਹੈ, ਪਰ ਇੱਕ ਪਿਤਾ ਉਹ ਨੀਂਹ ਹੈ ਜਿਸ ਦੀ ਵਜ੍ਹਾ ਨਾਲ ਪਰਿਵਾਰ ਨੂੰ ਖੁਸ਼ੀਆਂ ਨਾਲ ਜਿਊਂਦਾ ਹੈ।” ਇੱਕ ਹੋਰ ਨੇ ਕਿਹਾ, “ਮੈਂ ਬੱਸ ਪ੍ਰਾਰਥਨਾ ਕਰ ਰਿਹਾ ਸੀ ਕਿ ਪੁੱਤਰ ਆਪਣੇ ਪਿਤਾ ਨੂੰ ਵੀ ਜੱਫੀ ਪਾ ਲਵੇ, ਕਿਉਂਕਿ ਉਹ ਵੀ ਬੇਸਬਰੀ ਨਾਲ ਉਡੀਕ ਕਰ ਰਿਹਾ ਸੀ।” ਬਹੁਤ ਸਾਰੇ ਨੇਟੀਜ਼ਨਸ ਨੇ ਇਸਨੂੰ ਦੁਨੀਆ ਦਾ ਸਭ ਤੋਂ ਸ਼ੁੱਧ ਅਤੇ ਸੱਚਾ ਪਿਆਰ ਕਿਹਾ।

ਇੱਥੇ ਦੇਖੋ ਵੀਡੀਓ