Microsoft ਦਾ ਸਰਵਰ ਹੋਇਆ ਠੱਪ, IT ਵਾਲਿਆਂ ਦੀ ਹੋ ਗਈ ਮੌਜ, ਸੋਸ਼ਲ ਮੀਡੀਆ ‘ਤੇ ਆਇਆ Memes ਦਾ ਹੜ੍ਹ

Microsoft ਦਾ ਸਰਵਰ ਹੋਇਆ ਠੱਪ, ਸੋਸ਼ਲ ਮੀਡੀਆ 'ਤੇ ਆਇਆ Memes ਦਾ ਹੜ੍ਹ ( Pic Credit: Social Media)

ਮਾਈਕ੍ਰੋਸਾਫਟ ਵਿੰਡੋਜ਼ ‘ਚ ਤਕਨੀਕੀ ਖਰਾਬੀ ਕਾਰਨ ਦੁਨੀਆ ਭਰ ‘ਚ ਬੈਂਕਿੰਗ ਸੇਵਾਵਾਂ ਅਤੇ ਇੱਥੋਂ ਤੱਕ ਕਿ ਫਲਾਈਟ ਸੇਵਾਵਾਂ ਵੀ ਪ੍ਰਭਾਵਿਤ ਹੋਈਆਂ ਹਨ। ਦੁਨੀਆ ਭਰ ਦੇ ਵਿੰਡੋਜ਼ ਉਪਭੋਗਤਾਵਾਂ ਨੂੰ ਉਹਨਾਂ ਦੇ ਡਿਵਾਈਸਾਂ ‘ਤੇ ਬਲੂ ਸਕ੍ਰੀਨ ਦਿਖਾਈ ਦੇ ਰਹੀ ਹੈ। ਜਿਸ ਤੇ ਏਰਰ ਲਿਖਿਆ ਹੋਇਆ ਨਜ਼ਰ ਆ ਰਿਹਾ ਹੈ। ਵਿੰਡੋ ‘ਚ ਗੜਬੜੀ ਕਾਰਨ ਸੁਪਰਮਾਰਕੀਟ, ਬੈਂਕਿੰਗ ਸੰਚਾਲਨ, ਸ਼ੇਅਰ ਬਾਜ਼ਾਰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਏ ਹਨ। ਅਮਰੀਕਾ ਤੋਂ ਭਾਰਤ ਤੱਕ ਹਰ ਪਾਸੇ ਉਡਾਣਾਂ ਠੱਪ ਹੋ ਗਈਆਂ ਹਨ। ਸਰਵਰ ਖਰਾਬ ਹੋਣ ਕਾਰਨ ਕਈ ਦੇਸ਼ਾਂ ਦੀਆਂ 911 ਐਮਰਜੈਂਸੀ ਸੇਵਾਵਾਂ ਵੀ ਪ੍ਰਭਾਵਿਤ ਹੋਈਆਂ ਹਨ। ਸਰਵਰ ਖਰਾਬ ਹੋਣ ਕਾਰਨ ਮੀਡੀਆ ਅਦਾਰਿਆਂ ਦਾ ਕੰਮ ਵੀ ਪ੍ਰਭਾਵਿਤ ਹੋਇਆ ਹੈ। ਬ੍ਰਿਟੇਨ ਵਿੱਚ ਸਕਾਈ ਨਿਊਜ਼ ਨੂੰ ਆਫ ਏਅਰ ਕਰਨਾ ਪਿਆ।

ਇਹ ਵੀ ਪੜ੍ਹੋ- ਦੋਹਤੀ ਨੂੰ ਲਾੜੀ ਦੇ ਰੂਪ ਚ ਦੇਖ ਕੇ ਭਾਵੁਕ ਹੋਈ ਨਾਨੀ, ਫੁੱਟ-ਫੁੱਟ ਕੇ ਰੋਣ ਲੱਗੀ

ਮਾਈਕ੍ਰੋਸਾਫਟ ਦੇ ਸਰਵਰ ਡਾਊਨ ਹੋਣ ਨੂੰ ਲੈ ਕੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਮੀਮਜ਼ ਵੀ ਬਣਨੇ ਸ਼ੁਰੂ ਹੋ ਗਏ ਹਨ। ਲੋਕਾਂ ਦਾ ਮੰਨਣਾ ਹੈ ਕਿ ਅੱਜ ਮਾਈਕ੍ਰੋਸਾਫਟ ਦੇ ਸਰਵਰ ਡਾਊਨ ਹੋਣ ਕਾਰਨ ਆਈਟੀ ਸੈਕਟਰ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਦੀ ਮੌਜ ਹੋ ਗਈ ਹੈ। ਹੁਣ ਉਨ੍ਹਾਂ ਨੂੰ ਅੱਜ ਦੀ ਛੁੱਟੀ ਤਾਂ ਮਿਲ ਹੀ ਗਈ ਸਗੋਂ ਸ਼ਨੀਵਾਰ ਅਤੇ ਐਤਵਾਰ ਦੀ ਛੁੱਟੀ ਵੀ ਮਿਲ ਗਈ। ਇਸ ਦਾ ਮਤਲਬ ਹੈ ਕਿ ਆਈਟੀ ਸੈਕਟਰ ਵਿੱਚ ਕੰਮ ਕਰਨ ਵਾਲੇ ਸਮੁੱਚੇ ਲੋਕਾਂ ਨੂੰ ਇੱਕ ਲਾਂਗ ਵੀਕਐਂਡ ਮਿਲ ਗਿਆ ਹੈ। ਲੋਕਾਂ ਨੇ ਮਾਈਕ੍ਰੋਬਲਾਗਿੰਗ ਸਾਈਟ ਐਕਸ ‘ਤੇ ਵਿੰਡੋ ਕਰੈਸ਼ ਹੋਣ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ।