Viral Video: ਪਾਰਕਿੰਗ ‘ਦੇ ਪੈਸੇ ਬਚਾਉਣ ਲਈ ਆਦਮੀ ਨੇ ਅਪਣਾਇਆ ਅਨੋਖਾ ਤਰੀਕਾ, ਹਰ ਕੋਈ ਖਾ ਗਿਆ ਧੋਖਾ

ਪਾਰਕਿੰਗ 'ਦੇ ਪੈਸੇ ਬਚਾਉਣ ਲਈ ਆਦਮੀ ਨੇ ਅਪਣਾਇਆ ਅਨੋਖਾ ਤਰੀਕਾ

ਅਜਿਹਾ ਅਕਸਰ ਕਿਹਾ ਜਾਂਦਾ ਹੈ ਕਿ ਤੁਹਾਨੂੰ ਆਪਣੇ ਵਾਹਨ ਹਮੇਸ਼ਾ ਪਾਰਕਿੰਗ ਵਿੱਚ ਹੀ ਪਾਰਕ ਕਰਨੇ ਚਾਹੀਦੇ ਹਨ, ਤਾਂ ਜੋ ਤੁਹਾਡਾ ਵਾਹਨ ਕਿਸੇ ਵੀ ਤਰ੍ਹਾਂ ਦੀ ਅਸੁਵਿਧਾ ਦਾ ਕਾਰਨ ਨਾ ਬਣੇ ਅਤੇ ਸੁਰੱਖਿਅਤ ਰਹੇ। ਹਾਲਾਂਕਿ, ਕੁਝ ਲੋਕ ਅਜਿਹੇ ਹੁੰਦੇ ਹਨ ਜੋ ਪਾਰਕਿੰਗ ਫੀਸ ਬਚਾਉਣ ਲਈ ਆਪਣੇ ਵਾਹਨ ਬੇਤਰਤੀਬੇ ਢੰਗ ਨਾਲ ਕੀਤੇ ਵੀ ਪਾਰਕ ਕਰ ਦਿੰਦੇ ਹਨ । ਇਸ ਤਰ੍ਹਾਂ ਦੀ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ, ਜਿਸ ਨਾਲ ਲੋਕ ਹੈਰਾਨ ਅਤੇ ਖੁਸ਼ ਦੋਵੇਂ ਹੋ ਰਹੇ ਹਨ। ਇਹ ਘਟਨਾ ਅਸਲ ਵਿੱਚ ਪਾਰਕਿੰਗ ਫੀਸ ਬਚਾਉਣ ਬਾਰੇ ਹੈ, ਪਰ ਜਿਸ ਚਲਾਕੀ ਨਾਲ ਇਸ ADMI ਨੇ ਇਹ ਜੁਗਾੜ ਲਗਾਇਆ, ਉਸ ਨੇ ਇੰਟਰਨੈੱਟ ‘ਤੇ ਇੱਕ ਨਵੀਂ ਬਹਿਸ ਛੇੜ ਦਿੱਤੀ ਹੈ।

ਵੀਡੀਓ ਵਿੱਚ, ਤੁਸੀਂ ਇੱਕ ਆਦਮੀ ਨੂੰ ਆਪਣੀ ਪਿੱਠ ਉੱਤੇ ਇੱਕ ਬੈਗ ਲਟਕਦੇ ਹੋਏ ਦੇਖ ਸਕਦੇ ਹੋ, ਜੋ ਤੁਰੰਤ ਕਾਰ ਦੀ ਡਿੱਗੀ ਖੋਲ੍ਹਦਾ ਹੈ। ਫਿਰ ਉਹ ਆਪਣਾ ਬੈਗ ਡਿੱਗੀ ਅੰਦਰ ਰੱਖਦਾ ਹੈ, ਇਸ ਤੋਂ ਬਾਅਦ ਉਹ ਅੱਗੇ ਜੋ ਕਰਦਾ ਹੈ ਉਹ ਸਭ ਨੂੰ ਹੈਰਾਨ ਕਰ ਦਿੰਦਾ ਹੈ। ਕਾਰ ਦੇ ਹੇਠਾਂ ਤੋਂ ਦੋ ਲੱਤਾਂ ਬਾਹਰ ਨਿਕਲਦੀਆਂ ਹੋਇਆ ਦਿਖਾਈ ਦਿੰਦੀਆਂ ਹਨ। ਅਜਿਹਾ ਲੱਗਦਾ ਹੈ ਜਿਵੇਂ ਕੋਈ ਮਕੈਨਿਕ ਜਾਂ ਕਾਰ ਮਾਲਕ ਖੁਦ ਕਾਰ ਦੇ ਹੇਠਾਂ ਲੇਟਿਆ ਹੋਇਆ ਮੁਰੰਮਤ ਦਾ ਕੰਮ ਕਰ ਰਿਹਾ ਹੋਵੇ , ਪਰ ਅਸਲ ਵਿੱਚ, ਉਹ ਲੱਤਾਂ ਨਕਲੀ ਹੁੰਦੀਆਂ ਹਨ। ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਉਸ ਆਦਮੀ ਨੇ ਕਾਰ ਦੇ ਹੇਠਾਂ ਨਕਲੀ ਲੱਤਾਂ ਰੱਖੀਆਂ ਸਨ ਤਾਂ ਜੋ ਦੂਰੋਂ ਇਹ ਲੱਗੇ ਕਿ ਕੋਈ ਹੇਠਾਂ ਕੰਮ ਕਰ ਰਿਹਾ ਹੈ ਤਾਂਕਿ ਉਹ ਪਾਰਕਿੰਗ ਦੇ ਪੈਸੇ ਬਚਾ ਸਕੇ। ਤੁਸੀਂ ਅਜਿਹੀ ਟ੍ਰੀਕ ਪਹਿਲਾਂ ਕਦੇ ਨਹੀਂ ਦੇਖੀ ਹੋਵੇਗੀ।

ਕਾਰ ਦੇ ਹੇਠਾਂ ਰੱਖਿਆ ਨਕਲੀ ਲੱਤਾਂ

ਇਸ ਮਜ਼ੇਦਾਰ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @iAnonPatriot ਯੂਜ਼ਰਨੇਮ ਦੁਆਰਾ ਸਾਂਝਾ ਕੀਤਾ ਗਿਆ ਸੀ, ਜਿਸਦੇ ਕੈਪਸ਼ਨ ਵਿੱਚ ਲਿਖਿਆ ਸੀ, “ਆਦਮੀ ਆਪਣੀ ਕਾਰ ਦੇ ਹੇਠਾਂ ਨਕਲੀ ਲੱਤਾਂ ਰੱਖ ਕੇ ਪਾਰਕਿੰਗ ਟਿਕਟ ਤੋਂ ਬਚ ਜਾਂਦਾ ਹੈ ਤਾਂ ਜੋ ਇਹ ਦਿਖਾਈ ਦੇਵੇ ਕਿ ਉਹ ਇਸ ‘ਤੇ ਕੰਮ ਕਰ ਰਿਹਾ ਹੈ।”

ਇਸ 18-ਸਕਿੰਟ ਦੇ ਵੀਡੀਓ ਨੂੰ 226,000 ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, 2,000 ਤੋਂ ਵੱਧ ਲੋਕਾਂ ਨੇ ਇਸਨੂੰ ਲਾਇਕ ਕੀਤਾ ਹੈ ਅਤੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਇੱਕ ਯੂਜਰਸ ਨੇ ਲਿਖਿਆ, “ਜੀਨੀਅਸ ਹੈ, ਪਰ ਮੈਨੂੰ ਨਹੀਂ ਲੱਗਦਾ ਇਸ ਦਾ ਕੋਈ ਫ਼ਾਇਦਾ ਹੈ। ਇਹ ਡਮੀ ਤਾ ਟਰੱਕ ਨਾਲੋਂ ਵੀ ਤੇਜ਼ੀ ਨਾਲ ਚੋਰੀ ਹੋ ਜਾਵੇਗਾ।” ਇੱਕ ਹੋਰ ਯੂਜ਼ਰਸ ਨੇ ਲਿਖਿਆ, “ਇਹ ਤਾ ਨੇਕਸਟ ਲੈਵਲ ਪ੍ਰੌਬਲਮ ਸਾਲਵਿੰਗ ਹੈ।”

ਇੱਥੇ ਦੇਖੋ ਵੀਡੀਓ