Viral Video: 30 ਲੱਕੜਬੱਘਿਆਂ ਦੇ ਝੁੰਡ ‘ਚ ਘਿਰਿਆ ‘ਜੰਗਲ ਦਾ ਰਾਜਾ’, ਵੀਡੀਓ ਹੋਇਆ ਵਾਇਰਲ

ਜੰਗਲ ਦੀ ਦੁਨੀਆਂ ਸਿਰਫ਼ ਤਾਕਤ ਹੀ ਨਹੀਂ ਸਗੋਂ ਧੀਰਜ ਦੀ ਵੀ ਪਰਖ ਕਰਦੀ ਹੈ। ਜੇਕਰ ਕਿਸੇ ਜਾਨਵਰ ਕੋਲ ਤਾਕਤ ਅਤੇ ਸਬਰ ਹੋਵੇ, ਤਾਂ ਉਹ ਜੰਗਲ ਵਿੱਚ ਲੰਬੇ ਸਮੇਂ ਤੱਕ ਜਿਉਂਦਾ ਰਹਿ ਸਕਦਾ ਹੈ, ਪਰ ਜੇਕਰ ਉਸ ਵਿੱਚ ਦੋਵਾਂ ਦੀ ਘਾਟ ਹੋਵੇ, ਤਾਂ ਬਚਾਅ ਮੁਸ਼ਕਲ ਹੋ ਜਾਂਦਾ ਹੈ। ਜੰਗਲ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜੋ ਲੋਕਾਂ ਨੂੰ ਹੈਰਾਨ ਕਰ ਰਿਹਾ ਹੈ। ਇਸ ਵੀਡੀਓ ਵਿੱਚ, ਇੱਕ ਸ਼ੇਰ, “ਜੰਗਲ ਦਾ ਰਾਜਾ”, ਲਗਭਗ 30 ਲੱਕੜਬੱਘਿਆਂ ਦੇ ਗਰੁੱਪ ਨਾਲ ਘਿਰਿਆ ਹੋਇਆ ਦਿਖਾਈ ਦੇ ਰਿਹਾ ਹੈ। ਬਾਅਦ ਵਿੱਚ ਇਸ ਨੇ ਜੋ ਤਾਕਤ ਅਤੇ ਧੀਰਜ ਦਿਖਾਇਆ, ਉਹ ਜੰਗਲੀ ਜਾਨਵਰਾਂ ਲਈ ਇੱਕ ਸਬਕ ਹੈ।

ਵੀਡੀਓ ਇੱਕ ਖੁੱਲ੍ਹੇ ਜੰਗਲ ਵਿੱਚ ਸ਼ੁਰੂ ਹੁੰਦਾ ਹੈ, ਜਿੱਥੇ ਇੱਕ ਸ਼ੇਰ ਲੱਕੜਬੱਘਿਆਂ ਦੇ ਝੁੰਡ ਨਾਲ ਘਿਰਿਆ ਹੋਇਆ ਦਿਖਾਈ ਦਿੰਦਾ ਹੈ। ਉਨ੍ਹਾਂ ਦੀਆਂ ਉੱਚੀਆਂ ਗਰਜਾਂ ਅਤੇ ਹਰਕਤਾਂ ਮਾਹੌਲ ਵਿੱਚ ਤਣਾਅ ਪੈਦਾ ਕਰਦੀਆਂ ਹਨ। ਹਾਲਾਂਕਿ ਉਨ੍ਹਾਂ ਦੀਆਂ ਹਰਕਤਾਂ ਸ਼ੇਰ ‘ਤੇ ਜ਼ਿਆਦਾ ਪ੍ਰਭਾਵ ਨਹੀਂ ਪਾਉਂਦੀਆਂ, ਪਰ ਲੱਕੜਬੱਘੇ ਉਸ ਦੇ ਪਿੱਛੇ ਪੈ ਗਏ ਹਨ। ਇੱਕ ਪਲ ਲਈ, ਅਜਿਹਾ ਲੱਗਦਾ ਹੈ ਕਿ ਸ਼ੇਰ ਮੁਸੀਬਤ ਵਿੱਚ ਹੈ, ਪਰ ਫਿਰ ਕਹਾਣੀ ਇੱਕ ਦਿਲਚਸਪ ਮੋੜ ਲੈਂਦੀ ਹੈ। ਜਿਵੇਂ ਹੀ ਲੱਕੜਬੱਘਿਆਂ ਦਾ ਝੁੰਡ ਸ਼ੇਰ ‘ਤੇ ਹਮਲਾ ਕਰਦਾ ਹੈ, ਸ਼ੇਰ ਆਪਣੇ ਅਸਲੀ ਰੂਪ ਵਿੱਚ ਵਾਪਸ ਆ ਜਾਂਦਾ ਹੈ। ਫਿਰ, ਇਕੱਲੇ, ਉਹ ਲੱਕੜਬੱਘਿਆਂ ਦਾ ਸਾਹਮਣਾ ਕਰਦਾ ਹੈ, ਉਸ ਤੋਂ ਬਾਅਦ ਲੱਕੜਬੱਘੇ ਡਰ ਜਾਂਦੇ ਹਨ।

ਲੱਕੜਬੱਘਿਆਂ ਦੇ ਝੁੰਡ ‘ਚ ਘਿਰੇ ਹੋਏ ਸ਼ੇਰ ਨੇ ਇੰਝ ਦਿਖਾਈ ਹਿੰਮਤ

ਇਹ ਜੰਗਲੀ ਜੀਵ ਵੀਡੀਓ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @Axaxia88 ਯੂਜ਼ਰ ਦੁਆਰਾ ਸਾਂਝਾ ਕੀਤਾ ਗਿਆ ਸੀ, ਜਿਸਦੀ ਕੈਪਸ਼ਨ ਸੀ, “ਇੱਕ ਸ਼ੇਰ ਰਾਜਾ ਆਪਣੇ ਆਪ ਨੂੰ 30 ਲੱਕੜਬੱਘਿਆਂ ਦੇ ਝੁੰਡ ਨਾਲ ਘਿਰਿਆ ਹੋਇਆ ਪਾਉਂਦਾ ਹੈ। ਅੰਦਾਜ਼ਾ ਲਗਾਓ ਕਿ ਕੌਣ ਜਿੱਤਿਆ ? ਉਹ ਗੱਲ ਵੱਖਰੀ ਹੈ ਕਿ ਉਹ ਲੱਕੜਬੱਘਿਆਂ ਦੇ ਚੀਕਾਂ ਤੋਂ ਮੂੰਹ ਮੋੜ ਲੈਂਦਾ ਹੈ,ਪਰ ਉਸਦਾ ਆਤਮਵਿਸ਼ਵਾਸ ਬਹੁਤ ਕੁਝ ਦੱਸਦਾ ਹੈ।”

ਇਸ 2 ਮਿੰਟ, 15 ਸਕਿੰਟ ਦੇ ਵੀਡੀਓ ਨੂੰ 26,000 ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਸੈਂਕੜੇ ਲੋਕਾਂ ਨੇ ਇਸਨੂੰ ਪਸੰਦ ਕੀਤਾ ਹੈ ਅਤੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਇੱਕ ਯੂਜ਼ਰ ਨੇ ਲਿਖਿਆ, “ਜਦੋਂ ਮੈਂ ਇਸ ਤਰ੍ਹਾਂ ਦੀਆਂ ਵੀਡੀਓ ਦੇਖਦਾ ਹਾਂ, ਤਾਂ ਮੈਨੂੰ ਕਦੇ ਸਮਝ ਨਹੀਂ ਆਉਂਦਾ ਕਿ ਉਹ ਸਾਰੇ ਇੱਕੋ ਸਮੇਂ ਸ਼ੇਰ ‘ਤੇ ਹਮਲਾ ਕਿਉਂ ਨਹੀਂ ਕਰਦੇ।” ਇੱਕ ਹੋਰ ਯੂਜ਼ਰ ਨੇ ਅੱਗੇ ਕਿਹਾ, “ਬਦਕਿਸਮਤੀ ਨਾਲ, ਉਹ ਮਰ ਜਾਵੇਗਾ ਜਦੋਂ ਤੱਕ ਉਸਦੇ ਦੋਸਤ ਉਸਨੂੰ ਬਚਾਉਣ ਲਈ ਨਹੀਂ ਆਉਂਦੇ। ਉਹ ਲੱਕੜਬੱਘੇ ਉਸਨੂੰ ਨਹੀਂ ਛੜੇਂਗੇ।”

ਇੱਥੇ ਦੇਖੋ ਵੀਡੀਓ