Viral Video: ਪੋਤੀ ਨੇ ਦਾਦੀ ਦੇ ਜਨਮਦਿਨ ‘ਤੇ ਦਿੱਤਾ ਅਜਿਹਾ ਸਰਪ੍ਰਾਈਜ਼! ਦੇਖ ਕੇ ਭਾਵੁਕ ਹੋ ਗਏ ਲੋਕ

ਹਰ ਕੋਈ ਆਪਣੇ ਜਨਮਦਿਨ ‘ਤੇ ਕਿਸੇ ਖਾਸ ਤੋਹਫ਼ੇ ਦੀ ਉਡੀਕ ਕਰਦਾ ਹੈ, ਪਰ ਇੱਕ ਔਰਤ ਨੇ ਇਸ ਤੋਂ ਇੱਕ ਕਦਮ ਅੱਗੇ ਵਧਦਿਆਂ ਆਪਣੀ ਦਾਦੀ ਨੂੰ ਇੱਕ ਅਜਿਹਾ ਤੋਹਫ਼ਾ ਦਿੱਤਾ ਜਿਸ ਨੇ ਸਾਰਿਆਂ ਨੂੰ ਭਾਵੁਕ ਕਰ ਦਿੱਤਾ। Influencer ਅਪੂਰਵਾ ਵਿਜੇਕੁਮਾਰ ਨੇ ਆਪਣੀ ਦਾਦੀ ਨੂੰ ਉਨ੍ਹਾਂ ਦੇ ਜਨਮਦਿਨ ‘ਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਵਰਤੋਂ ਕਰਕੇ ਇੱਕ ਦਿਲ ਨੂੰ ਛੂਹ ਲੈਣ ਵਾਲਾ ਸਰਪ੍ਰਾਈਜ਼ ਦਿੱਤਾ। ਇਹ ਇੱਕ ਵੀਡੀਓ ਕਲਿੱਪ ਸੀ ਜਿਸ ਵਿੱਚ ਉਸਦੀ ਦਾਦੀ ਆਪਣੇ ਸਵਰਗਵਾਸੀ ਪਤੀ ਦਾ ਹੱਥ ਫੜ ਕੇ ਤੁਰਦੀ ਨਜ਼ਰ ਆਈ। ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਗਿਆ ਇਹ ਭਾਵੁਕ ਪਲ ਹੁਣ ਇੰਟਰਨੈੱਟ ‘ਤੇ ਵਾਇਰਲ ਹੋ ਰਿਹਾ ਹੈ।

ਵਾਇਰਲ ਵੀਡੀਓ ਦੇ ਸ਼ੁਰੂ ਵਿੱਚ, ਦਾਦੀ ਨੂੰ ਡਾਇਨਿੰਗ ਟੇਬਲ ਦੇ ਕੋਲ ਬੈਠਾ ਦੇਖਿਆ ਜਾ ਸਕਦਾ ਹੈ, ਜਦੋਂ ਕਿ ਏਆਈ ਦੁਆਰਾ ਬਣਾਇਆ ਗਿਆ ਇੱਕ ਵੀਡੀਓ ਟੀਵੀ ‘ਤੇ ਚੱਲ ਰਿਹਾ ਹੈ। ਜਿਵੇਂ ਹੀ ਬਜ਼ੁਰਗ ਔਰਤ ਆਪਣੇ ਸਵਰਗਵਾਸੀ ਪਤੀ ਨਾਲ ਆਪਣੀ AI Generated ਵੀਡੀਓ ਦੇਖਦੀ ਹੈ, ਉਸਦਾ ਚਿਹਰਾ ਖੁਸ਼ੀ ਨਾਲ ਖਿੜ ਜਾਂਦਾ ਹੈ। ਕਦੇ ਦਾਦੀ ਦੀਆਂ ਅੱਖਾਂ ਵਿੱਚ ਪਿਆਰ ਦੀ ਚਮਕ ਦਿਖਾਈ ਦਿੰਦੀ ਹੈ, ਅਤੇ ਕਦੇ ਆਪਣੇ ਪਤੀ ਤੋਂ ਵਿਛੋੜੇ ਦਾ ਦੁੱਖ ਦਿਖਾਈ ਦਿੰਦਾ ਹੈ। ਦਾਦੀ ਦੇ Reactions ਸੱਚਮੁੱਚ ਦਿਲ ਨੂੰ ਛੂਹ ਲੈਣ ਵਾਲੀਆਂ ਹਨ।

ਅਪੂਰਵਾ ਨੇ ਇੰਸਟਾਗ੍ਰਾਮ ‘ਤੇ ਇਹ ਵੀਡੀਓ ਸ਼ੇਅਰ ਕੀਤਾ ਹੈ ਅਤੇ ਇੱਕ ਦਿਲ ਨੂੰ ਛੂਹ ਲੈਣ ਵਾਲਾ ਸੁਨੇਹਾ ਸ਼ੇਅਰ ਕੀਤਾ ਹੈ। ਉਸਨੇ ਲਿਖਿਆ, ਜਨਮਦਿਨ ਮੁਬਾਰਕ ਅੰਮੂ। ਮੈਨੂੰ ਪਤਾ ਹੈ ਕਿ ਅੱਪੂਪਨ ਤੋਂ ਬਿਨਾਂ ਰਹਿਣਾ ਮੁਸ਼ਕਲ ਹੋ ਗਿਆ ਹੈ। ਇਸ ਲਈ ਉਨ੍ਹਾਂ ਦੀਆਂ ਯਾਦਾਂ ਤਾਜ਼ਾਂ ਕਰਵਾਉਣ ਲਈ ਇਹ ਕਲਿੱਪ ਬਣਾਈ ਹੈ। ਉਹ ਅਜੇ ਵੀ ਸਾਡੇ ਵਿਚਕਾਰ ਹੈ। ਹਰ ਪਲ, ਹਰ ਛੋਟੀ ਜਿਹੀ ਖੁਸ਼ੀ ਵਿੱਚ। ਉਸਨੇ ਅੱਗੇ ਕਿਹਾ, ਤੁਸੀਂ ਉਨ੍ਹਾਂ ਨੂੰ ਦੇਖ ਨਹੀਂ ਸਕਦੇ, ਪਰ ਉਹ ਹਮੇਸ਼ਾ ਤੁਹਾਡੇ ਨਾਲ ਹੈ, ਤੁਹਾਡੀ ਰੱਖਿਆ ਕਰਦਾ ਹੈ ਅਤੇ ਹਮੇਸ਼ਾ ਤੁਹਾਡੇ ਨਾਲ ਚੱਲਦਾ ਹੈ।

ਇਹ ਵੀ ਪੜ੍ਹੋ- ਪੁਲਿਸ ਵਾਲੇ ਦਾ ਚਲਾਨ ਕੱਟਣ ਦਾ ਮਜ਼ੇਦਾਰ ਤਰੀਕਾ ਹੋ ਰਿਹਾ ਵਾਇਰਲ, ਇੰਝ ਕੀਤਾ ਮੁੰਡਿਆਂ ਨਾਲ ਖੇਡ

1 ਜੁਲਾਈ ਨੂੰ ਅਪਲੋਡ ਕੀਤੇ ਗਏ ਇਸ ਵੀਡੀਓ ‘ਤੇ ਨੇਟੀਜ਼ਨ ਪਿਆਰ ਦੀ ਵਰਖਾ ਕਰ ਰਹੇ ਹਨ। ਇਸ ਦੇ ਨਾਲ ਹੀ, ਜ਼ਿਆਦਾਤਰ ਲੋਕ ਕਲਿੱਪ ਦੇਖਣ ਤੋਂ ਬਾਅਦ ਭਾਵੁਕ ਹੋ ਗਏ। ਇੱਕ ਯੂਜ਼ਰ ਨੇ ਲਿਖਿਆ, ਮੈਂ ਕਿਸੇ ਦੀ ਰੀਲ ਦੇਖ ਕੇ ਕਦੇ ਇੰਨਾ ਨਹੀਂ ਰੋਇਆ। ਇੱਕ ਹੋਰ ਨੇ ਕਿਹਾ, ਅੰਮੂ ਦੀ ਪ੍ਰਤੀਕਿਰਿਆ ਨੇ ਮੇਰਾ ਦਿਨ ਬਣਾ ਦਿੱਤਾ। ਇੱਕ ਹੋਰ ਯੂਜ਼ਰ ਨੇ ਕਮੈਂਟ ਕੀਤਾ, ਅੰਮੂ ‘ਤੇ ਉਹ Hair ਕਲਿੱਪ ਬਹੁਤ ਸੁੰਦਰ ਲੱਗ ਰਹੀ ਹੈ।