Shocking Video: ਅਜਿਹੀ ਕਿਰਲੀ ਨਹੀਂ ਦੇਖੀ ਹੋਵੇਗੀ ਕਦੇ, ਲੋਕ ਨੇ ਦੱਸਿਆ ‘ਮਿੰਨੀ ਡਾਇਨਾਸੌਰ’; ਵੀਡੀਓ ਵਾਇਰਲ
Frilled Neck Dragon Lizard Video Viral: ਦੁਨੀਆ 'ਚ ਕਿਰਲੀਆਂ ਦੀਆਂ ਕਈ ਪ੍ਰਜਾਤੀਆਂ ਪਾਈਆਂ ਜਾਂਦੀਆਂ ਹਨ ਪਰ ਕੀ ਤੁਸੀਂ ਕਦੇ ਅਜਿਹੀ ਕਿਰਲੀ ਦੇਖੀ ਹੈ ਜੋ ਤੁਹਾਨੂੰ ਡਾਇਨਾਸੌਰ ਦੀ ਯਾਦ ਦਿਵਾਉਂਦੀ ਹੋਵੇ? ਅੱਜਕਲ ਸੋਸ਼ਲ ਮੀਡੀਆ 'ਤੇ ਇਕ ਅਜਿਹੀ ਅਜੀਬੋ-ਗਰੀਬ ਕਿਰਲੀ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਲੋਕ ਹੈਰਾਨ ਹਨ ਅਤੇ ਇਸ ਨੂੰ 'ਮਿੰਨੀ ਡਾਇਨਾਸੌਰ' ਕਹਿ ਰਹੇ ਹਨ।
![Shocking Video: ਅਜਿਹੀ ਕਿਰਲੀ ਨਹੀਂ ਦੇਖੀ ਹੋਵੇਗੀ ਕਦੇ, ਲੋਕ ਨੇ ਦੱਸਿਆ ‘ਮਿੰਨੀ ਡਾਇਨਾਸੌਰ’; ਵੀਡੀਓ ਵਾਇਰਲ Shocking Video: ਅਜਿਹੀ ਕਿਰਲੀ ਨਹੀਂ ਦੇਖੀ ਹੋਵੇਗੀ ਕਦੇ, ਲੋਕ ਨੇ ਦੱਸਿਆ ‘ਮਿੰਨੀ ਡਾਇਨਾਸੌਰ’; ਵੀਡੀਓ ਵਾਇਰਲ](https://images.tv9punjabi.com/wp-content/uploads/2024/01/dragon-lizard.webp?w=1280)
ਇਸ ਧਰਤੀ ‘ਤੇ ਜਾਨਵਰਾਂ ਦੀਆਂ ਲੱਖਾਂ ਕਿਸਮਾਂ ਪਾਈਆਂ ਜਾਂਦੀਆਂ ਹਨ, ਜਿਨ੍ਹਾਂ ‘ਚੋਂ ਕੁਝ ਤਾਂ ਅਸੀਂ ਹਰ ਰੋਜ਼ ਦੇਖਦੇ ਹਾਂ, ਜਦਕਿ ਕੁਝ ਅਜਿਹੇ ਵੀ ਹਨ ਜੋ ਕਦੇ-ਕਦਾਈਂ ਹੀ ਦੇਖਣ ਨੂੰ ਮਿਲਦੇ ਹਨ ਅਤੇ ਉਹ ਦੇਖਣ ‘ਚ ਇੰਨੇ ਅਜੀਬ ਹੁੰਦੇ ਹਨ ਕਿ ਲੋਕ ਹੈਰਾਨ ਹੋ ਜਾਂਦੇ ਹਨ। ਤੁਸੀਂ ਡਾਇਨਾਸੌਰਸ ਦੀਆਂ ਫਿਲਮਾਂ ਜ਼ਰੂਰ ਦੇਖੀਆਂ ਹੋਣਗੀਆਂ। ਮੰਨਿਆ ਜਾਂਦਾ ਹੈ ਕਿ ਉਹ ਦੈਂਤ ਹੁੰਦੇ ਸਨ ਅਤੇ ਲੱਖਾਂ ਸਾਲ ਪਹਿਲਾਂ ਧਰਤੀ ਤੋਂ ਅਲੋਪ ਹੋ ਗਏ ਸਨ, ਪਰ ਅੱਜਕਲ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਲੋਕਾਂ ਨੂੰ ਡਾਇਨਾਸੌਰ ਦੀ ਯਾਦ ਆ ਗਈ ਹੈ। ਹਾਲਾਂਕਿ ਇਹ ਵੀਡੀਓ ਇੱਕ ਕਿਰਲੀ ਦੀ ਹੈ, ਜੋ ਕਿ ਆਮ ਕਿਰਲੀਆਂ ਵਾਂਗ ਹੀ ਛੋਟੀ ਹੈ ਪਰ ਇਸ ਦੀ ਬਣਤਰ ਬਹੁਤ ਹੀ ਅਜੀਬ ਹੈ।
ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਕਿਵੇਂ ਇੱਕ ਅਜੀਬ ਜਿਹੀ ਦਿੱਖ ਵਾਲੀ ਕਿਰਲੀ ਇੱਕ ਵਿਅਕਤੀ ਦੇ ਪਿੱਛੇ ਭੱਜਦੀ ਹੈ। ਜਿੰਨਾ ਜ਼ਿਆਦਾ ਵਿਅਕਤੀ ਉਸ ਤੋਂ ਦੂਰ ਜਾਣ ਦੀ ਕੋਸ਼ਿਸ਼ ਕਰਦਾ ਹੈ, ਉਹ ਓਨਾ ਹੀ ਉਸ ਦੇ ਨੇੜੇ ਆਉਂਦੀ ਜਾਂਦੀ ਹੈ। ਫਿਰ ਉਹ ਅਚਾਨਕ ਛਾਲ ਮਾਰ ਕੇ ਉਸਦੇ ਪੈਰਾਂ ਨੂੰ ਲਿਪਟ ਜਾਂਦੀ ਹੈ। ਇੰਝ ਲੱਗਦਾ ਹੈ ਜਿਵੇਂ ਉਹ ਉਸ ਤੋਂ ਕੁਝ ਮੰਗ ਰਹੀ ਹੋਵੇ। ਦਰਅਸਲ, ਇਸ ਅਜੀਬ ਕਿਰਲੀ ਦਾ ਨਾਮ ‘ਫ੍ਰਿਲਡ ਨੈਕ ਲਿਜ਼ਾਰਡ’ ਹੈ, ਜਿਸ ਨੂੰ ਫਰਿੱਲਡ ਡਰੈਗਨ ਜਾਂ ਡਰੈਗਨ ਲਿਜ਼ਾਰਡ ਵੀ ਕਿਹਾ ਜਾਂਦਾ ਹੈ। ਇਹ ਆਪਣੀ ਗਰਦਨ ਦੇ ਦੁਆਲੇ ਚਮੜੀ ਨੂੰ ਇਸ ਤਰ੍ਹਾਂ ਫੈਲਾ ਦਿੰਦੀ ਹੈ ਕਿ ਇਹ ਕਿਸੇ ਹੋਰ ਸੰਸਾਰ ਦੇ ਜੀਵ ਵਰਗਾ ਲੱਗਦਾ ਹੈ। ਕੁਝ ਲੋਕ ਇਸ ਨੂੰ ਡਾਇਨਾਸੌਰ ਦੀ ਛੋਟੀ ਜਾਤੀ ਵੀ ਕਹਿੰਦੇ ਹਨ।
View this post on Instagram
ਡ੍ਰੈਗਨ ਕਿਰਲੀ ਦੀ ਇਹ ਵੀਡੀਓ ਆਸਟ੍ਰੇਲੀਆ ਦੀ ਦੱਸੀ ਜਾ ਰਹੀ ਹੈ। ਇਸ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ‘ਤੇ Earthpix ਨਾਮ ਦੀ ਆਈਡੀ ਨਾਲ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਨੂੰ ਹੁਣ ਤੱਕ 2.6 ਮਿਲੀਅਨ ਯਾਨੀ 26 ਲੱਖ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ 60 ਹਜ਼ਾਰ ਤੋਂ ਵੱਧ ਲੋਕ ਇਸ ਵੀਡੀਓ ਨੂੰ ਪਸੰਦ ਵੀ ਕਰ ਚੁੱਕੇ ਹਨ।
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ – ਬੇਬੀ ਕੰਗਾਰੂ ਦਾ ਮੁਕਾਬਲਾ ਦੱਸ ਮੈਨੂੰ ਕਿੱਥੇ ਐ, ਛੋਟੇ ਜਿਹੇ ਜਾਨਵਰ ਨੇ ਕੱਢਾ ਦਿੱਤੇ ਜੰਗਲੀ ਕੁੱਤੇ ਦੇ ਸਾਹ, ਦੇਖੋ Viral Video
ਇਸ ਦੇ ਨਾਲ ਹੀ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਨੇ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਕੋਈ ਕਹਿ ਰਿਹਾ ਹੈ ਕਿ ‘ਸ਼ਾਇਦ ਕਿਰਲੀ ਪਾਣੀ ਮੰਗ ਰਹੀ ਹੈ’, ਤਾਂ ਕਿਸੇ ਨੇ ਇਸ ਨੂੰ ‘ਮਿੰਨੀ ਡਾਇਨਾਸੌਰ’ ਦੱਸਿਆ ਹੈ, ਉਥੇ ਹੀ ਕੁਝ ਯੂਜ਼ਰਸ ਇਹ ਵੀ ਕਹਿ ਰਹੇ ਹਨ ਕਿ ਉਨ੍ਹਾਂ ਨੇ ਅੱਜ ਤੱਕ ਅਜਿਹੀ ਕਿਰਲੀ ਕਦੇ ਨਹੀਂ ਦੇਖੀ।?