ਮਗਰਮੱਛ ਨਾਲ ਮੁੰਡੇ ਨੇ ਕੀਤਾ ਪਰੈਂਕ, ਵੀਡੀਓ ਕਰ ਦਵੇਗੀ ਦੰਗ
ਅਮਰੀਕਾ ਦੇ ਫਲੋਰੀਡਾ ਤੋਂ ਇੱਕ ਬਹੁਤ ਹੀ ਹੈਰਾਨ ਕਰਨ ਵਾਲਾ ਵੀਡੀਓ ਵਾਇਰਲ ਹੋਇਆ ਹੈ। ਮਗਰਮੱਛ ਵਰਗੇ ਖ਼ਤਰਨਾਕ ਜੀਵ ਨਾਲ ਅਜਿਹੀਆਂ ਹਰਕਤਾਂ ਕਰਨਾ ਨਾ ਬਹਾਦਰੀ ਨਹੀਂ ਸਗੋਂ ਮੂਰਖਤਾ ਮੰਨੀ ਜਾਵੇਗੀ। ਵਾਇਰਲ ਹੋਈ ਕਲਿੱਪ ਵਿੱਚ, ਚਾਰ ਦੋਸਤ ਆਪਣੀ ਕਿਸ਼ਤੀ ‘ਤੇ ਮਸਤੀ ਕਰਦੇ ਹੋਏ ਬੀਅਰ ਦਾ ਡੱਬਾ ਖੋਲ੍ਹਣ ਲਈ ਮਗਰਮੱਛ ਦੇ ਤਿੱਖੇ ਦੰਦਾਂ ਦੀ ਵਰਤੋਂ ਕਰਦੇ ਦਿਖਾਈ ਦਿੱਤੇ।
ਵਾਇਰਲ ਹੋ ਰਹੀ ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਇੱਕ ਵਿਅਕਤੀ ਨੇ ਕਿਸ਼ਤੀ ਤੋਂ ਲਟਕ ਕੇ ਮਗਰਮੱਛ ਦੇ ਮੂੰਹ ਕੋਲ ਬੀਅਰ ਦਾ ਕੈਨ ਰੱਖਿਆ। ਉਸੇ ਸਮੇਂ, ਜਦੋਂ ਮਗਰਮੱਛ ਨੇ ਉਸ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਤਾਂ ਡੱਬੇ ਵਿੱਚ ਇੱਕ ਛੇਦ ਹੋ ਗਿਆ ਅਤੇ ਬੀਅਰ ਬਾਹਰ ਨਿਕਲਣ ਲੱਗੀ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਉਕਤ ਵਿਅਕਤੀ ਦੇ ਬਾਕੀ ਦੋਸਤ ਇਸ ਘਟਨਾ ਨੂੰ ਦੇਖ ਕੇ ਖੁਸ਼ੀ ਨਾਲ ਝੂਮ ਉੱਠੇ। ਇਸ ਤੋਂ ਬਾਅਦ ਵਿਅਕਤੀ ਇੱਕ ਸਾਹ ਵਿੱਚ ਬੀਅਰ ਨੂੰ ਨਿਗਲ ਲੈਂਦਾ ਹੈ।
ਇਹ ਵੀ ਪੜ੍ਹੋ-
ਕਪਲ ਨੇ ਹਵਾ ਵਿੱਚ ਕੀਤਾ ਡਿਨਰ, ਵੀਡੀਓ ਹੋ ਰਹੀ ਵਾਇਰਲ
ਹੈਂਡਲ @WallStreetSilv ‘ਤੇ ਸ਼ੇਅਰ ਕੀਤੀ ਗਈ 27 ਸੈਕਿੰਡ ਦੀ ਇਸ ਕਲਿੱਪ ਨੂੰ ਹੁਣ ਤੱਕ 31 ਲੱਖ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ, ਜਦਕਿ 19 ਹਜ਼ਾਰ ਤੋਂ ਵੱਧ ਲੋਕ ਇਸ ਨੂੰ ਲਾਈਕ ਕਰ ਚੁੱਕੇ ਹਨ। ਇਸ ਤੋਂ ਇਲਾਵਾ ਲੋਕਾਂ ਨੇ ਮਜ਼ਾਕੀਆ ਪ੍ਰਤੀਕਿਰਿਆਵਾਂ ਵੀ ਦਿੱਤੀਆਂ ਹਨ। ਕੁਝ ਐਕਸ ਉਪਭੋਗਤਾਵਾਂ ਨੇ ਇਸ ਨੂੰ ਫਲੋਰੀਡਾ ਦੇ ਲੋਕਾਂ ਦੀ ਵਿਸ਼ੇਸ਼ਤਾ ਕਿਹਾ, ਜਦੋਂ ਕਿ ਕੁਝ ਨੇ ਇਸਨੂੰ ਹੁਣ ਤੱਕ ਦਾ ਸਭ ਤੋਂ ਮਜ਼ੇਦਾਰ ਵੀਡੀਓ ਕਿਹਾ।
ਹਾਲਾਂਕਿ, ਅਜਿਹੀਆਂ ਹਰਕਤਾਂ ਘਾਤਕ ਸਾਬਤ ਹੋ ਸਕਦੀਆਂ ਹਨ, ਅਤੇ ਅਜਿਹੀਆਂ ਜੋਖਮ ਭਰੀਆਂ ਹਰਕਤਾਂ ਤੋਂ ਬਚਣਾ ਚਾਹੀਦਾ ਹੈ। ਇੱਕ ਯੂਜ਼ਰ ਨੇ ਕਮੈਂਟ ਕੀਤਾ ਹੈ, ਕੂਲ ਡੂਡ ਬਣਨ ਦੇ ਚੱਕਰ ਵਿੱਚ ਆਪਣੀ ਜਾਨ ਨੂੰ ਖਤਰੇ ਵਿੱਚ ਨਾ ਪਾਓ। ਇਸ ਦੇ ਨਾਲ ਹੀ ਇਕ ਹੋਰ ਯੂਜ਼ਰ ਦਾ ਕਹਿਣਾ ਹੈ ਕਿ ਇਸੇ ਕਾਰਨ ਔਰਤਾਂ ਮਰਦਾਂ ਦੇ ਮੁਕਾਬਲੇ ਜ਼ਿਆਦਾ ਜਿਉਂਦੀਆਂ ਹਨ। ਇਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ ਹੈ, ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਰੂਸੀ ਲੋਕ ਇਸ ‘ਤੇ ਕੀ ਵੀਡੀਓ ਬਣਾਉਂਦੇ ਹਨ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ਇਨ੍ਹਾਂ ਲੋਕਾਂ ਨੇ ਮਗਰਮੱਛ ਨੂੰ ਵੇਟਰ ਬਣਾ ਦਿੱਤਾ। ਇਕ ਹੋਰ ਯੂਜ਼ਰ ਨੇ ਕਮੈਂਟ ਕੀਤਾ, ਇਹ ਬੰਦਾ ਪਾਗਲ ਹੈ।
