Viral Video: ਅੱਧੀ ਰਾਤ ਨੂੰ ਕਬਰਸਤਾਨ ਤੋਂ ਆਇਆ ਫੋਨ, ਜਦੋਂ ਫੂਡ ਡਿਲੀਵਰੀ ਬੁਆਏ ਪਹੁੰਚਿਆ, ਤਾਂ ਅੱਗੇ ਜੋ ਹੋਇਆ ਉਹ ਕਰ ਦੇਵੇਗਾ ਹੈਰਾਨ!

ਡਿਲੀਵਰੀ ਬੁਆਏ ਦਾ ਵਾਇਰਲ ਵੀਡੀਓ Image Credit source: X/@choudhary_99415

Woman Order Food At Graveyard Video: ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਇੱਕ ਦਿਲ ਦਹਿਲਾ ਦੇਣ ਵਾਲਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜੋ ਲੋਕਾਂ ਨੂੰ ਹੈਰਾਨ ਕਰ ਰਿਹਾ ਹੈ। ਇਹ ਘਟਨਾ ਇੱਕ ਕਥਿਤ ਫੂਡ ਡਿਲੀਵਰੀ ਬੁਆਏ ਨਾਲ ਸਬੰਧਤ ਹੈ ਜਿਸ ਨੂੰ ਅੱਧੀ ਰਾਤ ਨੂੰ ਬਿਰਿਆਨੀ ਦਾ ਆਰਡਰ (Biryani Order) ਮਿਲਿਆ ਸੀ। ਪਰ ਜਦੋਂ ਉਹ ਉੱਥੇ ਪਹੁੰਚਿਆ ਤਾਂ ਉਹ ਹੈਰਾਨ ਰਹਿ ਗਿਆ। ਇਹ ਇੱਕ ਕਬਰਸਤਾਨ ਦਾ ਮੁੱਖ ਪ੍ਰਵੇਸ਼ ਦੁਆਰ ਸੀ। ਇਸ ਤੋਂ ਬਾਅਦ ਅੱਗੇ ਕੀ ਹੋਇਆ, ਖੁਦ ਦੇਖੋ।

ਕਹਾਣੀ ਇਹ ਹੈ ਕਿ ਇੱਕ ਔਰਤ ਨੇ ਰਾਤ 1 ਵਜੇ ਦੇ ਕਰੀਬ ਔਨਲਾਈਨ ਬਿਰਿਆਨੀ ਆਰਡਰ ਕੀਤੀ ਪਰ ਜਦੋਂ ਫੂਡ ਡਿਲੀਵਰੀ ਕਰਨ ਵਾਲਾ ਮੁੰਡਾ ਉਸ ਜਗ੍ਹਾ ‘ਤੇ ਪਹੁੰਚਿਆ ਜਿੱਥੇ ਉਸ ਨੇ ਆਰਡਰ ਦਿੱਤਾ ਸੀ, ਤਾਂ ਉਸ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਉਹ ਜਗ੍ਹਾ ਘਰ ਨਹੀਂ ਸੀ, ਸਗੋਂ ਇੱਕ ਕਬਰਸਤਾਨ ਦਾ ਮੁੱਖ ਦਰਵਾਜ਼ਾ ਸੀ।

ਇਸ ਵਾਇਰਲ ਵੀਡੀਓ ਵਿੱਚ, ਤੁਸੀਂ ਦੇਖੋਗੇ ਕਿ ਇੱਕ ਘਬਰਾਇਆ ਡਿਲੀਵਰੀ ਬੁਆਏ ਦਿੱਤੇ ਗਏ ਨੰਬਰ ‘ਤੇ ਕਾਲ ਕਰਦਾ ਹੈ, ਤਾਂ ਇੱਕ ਔਰਤ ਦੀ ਆਵਾਜ਼ ਆਈ, ਉਸ ਨੇ ਪੁੱਛਿਆ, “ਕੀ ਤੁਹਾਨੂੰ ਸਾਹਮਣੇ ਕਬਰਸਤਾਨ ਦਿੱਖ ਰਿਹਾ ਹੈ?” ਇਸ ਤੇ ਜਿਵੇਂ ਹੀ ਡਿਲੀਵਰੀ ਬੁਆਏ ਨੇ ਜਵਾਬ ਦਿੱਤਾ, “ਹਾਂ!” ਤਾਂ ਔਰਤ ਨੇ ਜਵਾਬ ਦਿੱਤਾ, “ਬਸ ਉਸ ਦੇ ਅੰਦਰ ਹੀ ਆ ਜਾਓ।”

ਡਿਲੀਵਰੀ ਬੁਆਏ ਨੇ ਜਦੋਂ ਘਬਰਾਹਟ ਨਾਲ ਕਿਹਾ ਕਿ ਬਹੁਤ ਹਨੇਰਾ ਹੈ ਅਤੇ ਉਹ ਡਰ ਗਿਆ ਹੈ, ਤਾਂ ਔਰਤ ਨੇ ਜਵਾਬ ਦਿੱਤਾ, “ਤੁਸੀਂ ਡਰ ਕਿਉਂ ਰਹੇ ਹੋ? ਮੈਂ ਅੰਦਰ ਹੀ ਹਾਂ।” ਫਿਰ ਉਸ ਨੇ ਕਿਹਾ, “ਸਾਹਮਣੇ ਬਿਜਲੀ ਦੇ ਖੰਭੇ ਕੋਲ ਆਓ। ਮੇਰੀ ਗੱਡੀ ਖਰਾਬ ਹੋ ਗਈ, ਮੈਂ ਬਾਹਰ ਨਹੀਂ ਆ ਸਕਦੀ।” ਪਰ ਕਬਰਸਤਾਨ ਦੀ ਚੁੱਪੀ ਤੇ ਔਰਤ ਦੇ ਸ਼ਬਦਾਂ ਨੇ ਡਿਲੀਵਰੀ ਬੁਆਏ ਨੂੰ ਇੰਨਾ ਡਰਾ ਦਿੱਤਾ ਕਿ ਉਸ ਨੇ ਜੋਖਮ ਲੈਣ ਤੋਂ ਇਨਕਾਰ ਕਰ ਦਿੱਤਾ ਤੇ ਕਿਹਾ, “ਤੁਸੀ ਆਰਡਰ ਕੈਂਸਲ ਕਰ ਦਿਓ।”

‘ਅਨਸੰਗ ਹੀਰੋ’ ਜਾਂ ਪ੍ਰੈਂਕ?

ਇਸ 1 ਮਿੰਟ 13 ਸਕਿੰਟ ਦੇ ਵੀਡੀਓ ਨੇ ਇੰਟਰਨੈੱਟ ‘ਤੇ ਇੱਕ ਨਵੀਂ ਬਹਿਸ ਛੇੜ ਦਿੱਤੀ ਹੈ। ਨੇਟੀਜ਼ਨ ਲਗਾਤਾਰ ਆਪਣੇ ਵਿਚਾਰ ਸਾਂਝੇ ਕਰ ਰਹੇ ਹਨ। ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਡਿਲੀਵਰੀ ਬੁਆਏ ਦੇ ਜਜ਼ਬੇ ਨੂੰ ਸਲਾਮ ਹੈ। ਭਾਵੇਂ ਤੇਜ਼ ਧੁੱਪ ਹੋਵੇ ਜਾਂ ਕੜਾਕੇ ਦੀ ਠੰਢ, ਇਹ ‘ਅਨਸੰਗ ਹੀਰੋ’ ਸਮੇਂ ਸਿਰ ਭੋਜਨ ਪਹੁੰਚਾਉਣ ਲਈ ਆਪਣੀ ਜਾਨ ਜੋਖਮ ਵਿੱਚ ਪਾਉਂਦੇ ਹਨ। ਜਦੋਂ ਕਿ ਬਹੁਤ ਸਾਰੇ ਯੂਜਰਸ ਮੰਨਦੇ ਹਨ ਕਿ ਇਹ ਇੱਕ ਯੂਟਿਊਬਰ ਦਾ ਪ੍ਰੈਂਕ ਹੋ ਸਕਦਾ ਹੈ, ਹਾਲਾਂਕਿ ਵੀਡੀਓ ਵਿੱਚ ਆਦਮੀ ਦੀ ਘਬਰਾਹਟ ਪੂਰੀ ਤਰ੍ਹਾਂ ਸੱਚੀ ਜਾਪਦੀ ਸੀ।