Bhopal Shocking Case: ਪੈਂਟ ਦੀ ਜੇਬ ‘ਚ ਕੁੜੀਆਂ ਦੇ ਅੰਡਰਗਾਰਮੈਂਟ ਤੇ ਚਿਹਰੇ ‘ਤੇ ਮਾਸਕ… ਭੋਪਾਲ ‘ਚ ਅਧਿਆਪਕ ਦੇ ਬੇਟੇ ਨੇ ਕੀਤਾ ਅਜਿਹਾ ਕੰਮ, ਹੋਇਆ ਗ੍ਰਿਫਤਾਰ

ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ‘ਚ ਪੁਲਿਸ ਨੇ ਕੁੜੀਆਂ ਨਾਲ ਛੇੜਛਾੜ ਕਰਨ ਵਾਲੇ ਇੱਕ ਸਾਈਕੋ ਨੌਜਵਾਨ ਨੂੰ ਫੜਿਆ ਹੈ। ਦੋਸ਼ੀ ਮੂੰਹ ‘ਤੇ ਮਾਸਕ ਅਤੇ ਐਨਕਾਂ ਪਾ ਕੇ ਆਉਂਦਾ ਸੀ ਅਤੇ ਔਰਤਾਂ ਨਾਲ ਛੇੜਛਾੜ ਕਰਦਾ ਸੀ। ਮੁਲਜ਼ਮ ਇੰਨਾ ਚਲਾਕ ਹੈ ਕਿ ਉਸ ਨੇ ਐਕਟਿਵਾ ਸਕੂਟੀ ਦੀ ਨੰਬਰ ਪਲੇਟ ਨੂੰ ਕਾਗਜ਼ ਨਾਲ ਢੱਕ ਦਿੱਤਾ ਸੀ, ਜਿਸ ਕਾਰਨ ਪੁਲੀਸ ਉਸ ਨੂੰ ਫੜ ਨਹੀਂ ਸਕੀ। ਉਹ ਚੂਨਾ ਭੱਟੀ ਦੀ ਯਸ਼ੋਦਾ ਵਿਹਾਰ ਕਲੋਨੀ ਵਿੱਚ ਪਿਛਲੇ ਇੱਕ ਮਹੀਨੇ ਤੋਂ ਕੁੜੀਆਂ ਅਤੇ ਔਰਤਾਂ ਨਾਲ ਛੇੜਛਾੜ ਕਰ ਰਿਹਾ ਸੀ।

ਗ੍ਰਿਫ਼ਤਾਰੀ ਤੋਂ ਬਾਅਦ ਜਦੋਂ ਮੁਲਜ਼ਮ ਦੀ ਤਲਾਸ਼ੀ ਲਈ ਗਈ ਤਾਂ ਪੁਲਿਸ ਹੈਰਾਨ ਰਹਿ ਗਈ। ਮੁਲਜ਼ਮ ਦੇ ਸਕੂਟੀ ਦੀ ਡਿੱਗੀ ਚੋਂ ਵੱਡੀ ਗਿਣਤੀ ਵਿੱਚ ਔਰਤਾਂ ਦੇ ਅੰਡਰਗਾਰਮੈਂਟਸ ਮਿਲੇ ਹਨ। ਦਰਅਸਲ ਆਰੋਪੀ ਮੂੰਹ ਢੱਕ ਕੇ ਚੂਨਾਭੱਟੀ ਇਲਾਕੇ ਦੀ ਕਾਲੋਨੀ ‘ਚ ਆਉਂਦਾ ਸੀ। ਉੱਥੇ ਉਹ ਕੁੜੀਆਂ ਨਾਲ ਅਸ਼ਲੀਲ ਹਰਕਤਾਂ ਕਰਦਾ ਸੀ ਅਤੇ ਭੱਜ ਜਾਂਦਾ ਸੀ। ਅਜਿਹੀਆਂ ਹਰਕਤਾਂ ਤੋਂ ਤੰਗ ਆ ਕੇ ਲੋਕਾਂ ਨੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ।

ਇੱਥੋਂ ਤੱਕ ਕਿ ਮੁਲਜ਼ਮ ਦੇ ਪਿਤਾ ਨੂੰ ਵੀ ਨਹੀਂ ਸੀ ਖ਼ਬਰ

ਪੁਲਿਸ ਮੁਲਾਜ਼ਮਾਂ ਨੇ ਮੰਗਲਵਾਰ ਨੂੰ ਘੇਰਾਬੰਦੀ ਕਰ ਕੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ। ਪੁਲਿਸ ਪੁੱਛਗਿੱਛ ਦੌਰਾਨ ਦੋਸ਼ੀ ਨੇ ਕੁੜੀਆਂ ਅਤੇ ਔਰਤਾਂ ਨਾਲ ਛੇੜਛਾੜ ਕਰਨ ਦੀ ਗੱਲ ਕਬੂਲੀ ਹੈ। ਮੁਲਜ਼ਮ ਦੀ ਪਛਾਣ ਇਜ਼ਹਾਰ ਖਾਨ ਵਾਸੀ ਗੌਤਮ ਨਗਰ ਵਜੋਂ ਹੋਈ ਹੈ।

ਪੁਲਿਸ ਅਨੁਸਾਰ ਉਸ ਦੇ ਮਾਤਾ-ਪਿਤਾ ਅਧਿਆਪਕ ਹਨ। ਜਦੋਂ ਮੁਲਜ਼ਮ ਦੇ ਪਿਤਾ ਥਾਣੇ ਪੁੱਜੇ ਤਾਂ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਆਪਣੇ ਪੁੱਤਰ ਦੀਆਂ ਹਰਕਤਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਉਹ ਵੀ ਇਹ ਖ਼ਬਰ ਸੁਣ ਕੇ ਸ਼ਰਮਿੰਦਾ ਹੋਏ ਅਤੇ ਕਿਹਾ ਕਿ ਉਸ ਦੇ ਪੁੱਤਰ ਨੇ ਉਸ ਨਾਲ ਕਦੇ ਵੀ ਆਪਣੇ ਠਿਕਾਣਿਆਂ ਜਾਂ ਦੋਸਤਾਂ ਬਾਰੇ ਗੱਲ ਨਹੀਂ ਕੀਤੀ।

ਇਹ ਵੀ ਪੜ੍ਹੋ- ਵਿਦੇਸ਼ੀ ਸੈਲਾਨੀ ਨੂੰ ਦੇਖ ਖੁੱਦ ਤੇ ਕੰਟਰੋਲ ਨਹੀਂ ਕਰ ਪਾਇਆ ਤਾਊ, ਫੋਟੋ ਲੈ ਰਹੀ ਔਰਤ ਨੂੰ ਕਰ ਦਿੱਤੀ Kiss

ਸੀਸੀਟੀਵੀ ਫੁਟੇਜ ਆਈ ਸਾਹਮਣੇ

ਥਾਣਾ ਚੂਨਾਭੱਟੀ ਦੇ ਇੰਚਾਰਜ ਬੀਕੇ ਸਿੰਧੂ ਨੇ ਦੱਸਿਆ ਕਿ ਮੁਲਜ਼ਮ ਨੌਜਵਾਨਾਂ ਕੋਲੋਂ ਵੱਡੀ ਮਾਤਰਾ ਵਿੱਚ ਲੜਕੀਆਂ ਦੇ ਅੰਡਰਗਾਰਮੈਂਟਸ ਬਰਾਮਦ ਹੋਏ ਹਨ। ਹੁਣ ਪੁਲਿਸ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਉਹ ਇਹ ਅੰਡਰਗਾਰਮੈਂਟਸ ਕਿੱਥੋਂ ਲਿਆਉਂਦਾ ਸੀ ਅਤੇ ਉਸ ਨੇ ਇਨ੍ਹਾਂ ਨਾਲ ਕੀ ਕੀਤਾ। ਨੌਜਵਾਨ ਸਾਈਕੋ ਵਰਗਾ ਲੱਗਦਾ ਹੈ। ਪੁੱਛਗਿੱਛ ਦੌਰਾਨ ਵੀ ਉਹ ਅਜੀਬ ਗੱਲਾਂ ਕਹਿ ਰਿਹਾ ਹੈ। ਗਲਤ ਜਵਾਬ ਦੇ ਰਿਹਾ ਹੈ। ਉਸ ਤੋਂ ਪੁੱਛਗਿੱਛ ਅਜੇ ਜਾਰੀ ਹੈ। ਮੁਲਜ਼ਮ ਨੂੰ ਬੁੱਧਵਾਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ। ਮੁਲਜ਼ਮਾਂ ਦੀਆਂ ਕੁਝ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈਆਂ ਹਨ, ਜੋ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਗਈਆਂ ਹਨ।