Black Magic on King Cobra: ਸ਼ਖਸ ਦੇ ਜਾਦੂ ਸਾਹਮਣੇ King Cobra ਨੇ ਕੀਤਾ ਸਰੈਂਡਰ, ਯਕੀਨ ਨਹੀਂ ਹੋ ਰਿਹਾ ਤਾਂ ਦੇਖੋ ਵੀਡੀਓ

ਸ਼ਖਸ ਨੇ King Cobra ਨੂੰ ਕੀਤਾ ਵੱਸ 'ਚ, ਵੀਡੀਓ ਦੇਖ ਕੇ ਹੋ ਜਾਓਗੇ ਹੈਰਾਨ ( Pic Credit: Videograb- degaulepanda)

ਧਰਤੀ ‘ਤੇ ਮੌਜੂਦ ਸੱਪ ਇਕ ਅਜਿਹਾ ਜੀਵ ਹੈ, ਜਿਸ ਦਾ ਨਾਂ ਸੁਣਦਿਆਂ ਹੀ ਲੋਕ ਕੰਬ ਜਾਂਦੇ ਹਨ। ਪਰ ਬਹੁਤ ਸਾਰੇ ਲੋਕ ਹਿੰਮਤ ਦਿਖਾਉਂਦੇ ਹਨ ਅਤੇ ਕੋਬਰਾ ਵਰਗੇ ਜ਼ਹਿਰੀਲੇ ‘ਦਾਨਵ’ ਤੋਂ ਵੀ ਪੰਗੇ ਲੈਣ ਤੋਂ ਪਿੱਛੇ ਨਹੀਂ ਹਟਦੇ। ਅਜਿਹਾ ਹੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਇਆ ਹੈ, ਜਿਸ ਨੇ ਨੈਟੀਜ਼ਨਜ਼ ਨੂੰ ਹੈਰਾਨ ਕਰ ਦਿੱਤਾ ਹੈ। ਕਿਉਂਕਿ, ਕੋਬਰਾ ਨੂੰ ਫੜਨ ਲਈ ਇੱਕ ਵਿਅਕਤੀ ਦੁਆਰਾ ਅਪਣਾਇਆ ਗਿਆ ਤਰੀਕਾ ਸੱਚਮੁੱਚ ਹੈਰਾਨ ਕਰਨ ਵਾਲਾ ਹੈ।

ਵਾਇਰਲ ਹੋ ਰਹੀ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਕਿਸ ਤਰ੍ਹਾਂ ਕੋਬਰਾ ਨੂੰ ਕਾਬੂ ਕਰਨ ਤੋਂ ਬਾਅਦ ਵਿਅਕਤੀ ਇਸ ਨੂੰ ਬੜੀ ਆਸਾਨੀ ਨਾਲ ਫੜ ਲੈਂਦਾ ਹੈ। ਵਿਅਕਤੀ ਨੇ ਆਪਣੇ ਹੱਥ ਵਿੱਚ ਇੱਕ ਅਜੀਬ ਸੋਟੀ ਫੜੀ ਹੋਈ ਹੈ, ਜੋ ਸੱਪ ਵਰਗੀ ਲੱਗ ਰਹੀ ਹੈ। ਇਸ ਤੋਂ ਬਾਅਦ ਉਹ ਆਪਣੇ ਮੂੰਹ ‘ਚੋਂ ਧੂੰਏਂ ਦੇ ਛੱਲੇ ਛੱਡ ਕੇ ਸੱਪ ਨੂੰ ਉਲਝਾਉਣ ਦੀ ਕੋਸ਼ਿਸ਼ ਕਰਦਾ ਹੈ। ਫਿਰ ਉਹ ਆਪਣਾ ਸੱਜਾ ਹੱਥ ਕੋਬਰਾ ਦੇ ਹੁੱਡ ਦੇ ਸਾਹਮਣੇ ਹਿਲਾਉਣਾ ਸ਼ੁਰੂ ਕਰ ਦਿੰਦਾ ਹੈ, ਜਿਵੇਂ ਕਿ ਉਹ ਇਸ ‘ਤੇ ਜਾਦੂ ਕਰ ਰਿਹਾ ਹੋਵੇ। ਇਸ ਤੋਂ ਬਾਅਦ ਕੋਬਰਾ ਉਸ ਦੇ ਸਾਹਮਣੇ ਆਤਮ ਸਮਰਪਣ ਕਰ ਦਿੰਦਾ ਹੈ। ਯਕੀਨ ਕਰੋ ਵੀਡੀਓ ਦੇਖ ਕੇ ਤੁਸੀਂ ਵੀ ਸੋਚਣ ਲੱਗ ਜਾਓਗੇ ਕਿ ਸੱਪ ਨੂੰ ਕੀ ਹੋਇਆ?

ਇਹ ਵੀ ਪੜ੍ਹੋ- ਮੁੰਡਿਆਂ ਨੇ ਮਗਰਮੱਛ ਨਾਲ ਕੀਤਾ ਅਜਿਹਾ ਪ੍ਰੈਂਕ, ਵੀਡੀਓ ਦੇਖ ਕੇ ਲੋਕਾਂ ਨੇ ਕਿਹਾ -ਪਾਗਲ ਹੈ ਮੁੰਡਾ

ਵੀਡੀਓ ‘ਚ ਦਿਖਾਈ ਦੇਣ ਵਾਲੇ ਵਿਅਕਤੀ ਦੀ ਪਛਾਣ ਡੇਗੋਲੇ ਪਾਂਡਾ ਵਜੋਂ ਹੋਈ ਹੈ, ਜੋ ਅਫਰੀਕੀ ਦੇਸ਼ ਬੇਨਿਨ ਦੇ ਨਾਤੀਟਿੰਗੋ ਦਾ ਰਹਿਣ ਵਾਲਾ ਹੈ। ਉਸ ਨੇ ਖੁਦ ਇਸ ਵੀਡੀਓ ਨੂੰ ਇੰਸਟਾਗ੍ਰਾਮ @egaulepanda ‘ਤੇ ਸ਼ੇਅਰ ਕੀਤਾ ਹੈ। ਉਹ ਅਜਿਹੇ ਵੀਡੀਓਜ਼ ਅਕਸਰ ਅਪਲੋਡ ਕਰਦਾ ਰਹਿੰਦਾ ਹੈ। 29 ਜੂਨ ਨੂੰ ਅਪਲੋਡ ਕੀਤੇ ਗਏ ਇਸ ਵੀਡੀਓ ਨੂੰ ਹੁਣ ਤੱਕ 1.5 ਲੱਖ ਤੋਂ ਵੱਧ ਲੋਕ ਲਾਈਕ ਕਰ ਚੁੱਕੇ ਹਨ, ਜਦਕਿ ਲੋਕ ਕਮੈਂਟ ਸੈਕਸ਼ਨ ‘ਚ ਆਪਣੇ ਹੈਰਾਨੀਜਨਕ ਪ੍ਰਤੀਕਰਮ ਦਰਜ ਕਰ ਰਹੇ ਹਨ।

ਇਕ ਯੂਜ਼ਰ ਨੇ ਕਮੈਂਟ ਕੀਤਾ ਹੈ, ਇਹ ਵਿਅਕਤੀ ਅਫਰੀਕਨ ਮੈਜਿਕ ਦਾ ਇਸਤੇਮਾਲ ਕਰ ਰਿਹਾ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਜੇਕਰ ਥੋੜਾ ਜਿਹਾ ਧੂੰਆਂ ਇੱਕ ਕੋਬਰਾ ਨੂੰ ਕਾਬੂ ਕਰ ਸਕਦਾ ਹੈ, ਤਾਂ ਕਲਪਨਾ ਕਰੋ ਕਿ ਇਹ ਵਿਅਕਤੀ ਕੀ ਨਹੀਂ ਕਰ ਸਕਦਾ। ਇਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ, ਲੱਗਦਾ ਹੈ ਸੱਪ ਨੂੰ ਚੜ੍ਹ ਗਈ ਹੈ।