ਇਨ੍ਹਾਂ ਆਮ ਗਲਤੀਆਂ ਕਾਰਨ ਹੌਲੀ ਹੋ ਜਾਂਦੀ ਹੈ Wi-Fi ਦੀ ਸਪੀਡ, ਅਪਣਾਓ ਇਹ ਟਿਪਸ
ਵਾਈ-ਫਾਈ ਦੀ ਹੌਲੀ ਸਪੀਡ ਦਾ ਕਾਰਨ ਅਕਸਰ ਰਾਊਟਰ ਦੀ ਗਲਤ ਲੋਕੇਸ਼ਨ, ਗਲਤ ਨੈੱਟਵਰਕ ਬੈਂਡ ਦੀ ਚੋਣ ਅਤੇ ਇੱਕੋ ਸਮੇਂ ਬਹੁਤ ਸਾਰੇ ਡਿਵਾਈਸਾਂ ਦਾ ਕਨੈਕਟ ਹੋਣਾ ਹੁੰਦਾ ਹੈ। ਰਾਊਟਰ ਨੂੰ ਸਹੀ ਥਾਂ 'ਤੇ ਰੱਖਣ, ਲੋੜ ਅਨੁਸਾਰ 2.4GHz ਜਾਂ 5GHz ਬੈਂਡ ਦੀ ਵਰਤੋਂ ਕਰਨ ਅਤੇ ਬੇਲੋੜੇ ਡਿਵਾਈਸਾਂ ਨੂੰ ਡਿਸਕਨੈਕਟ ਕਰਨ ਨਾਲ ਇੰਟਰਨੈੱਟ ਦੀ ਕਾਰਗੁਜ਼ਾਰੀ ਅਤੇ ਸਪੀਡ ਵਿੱਚ ਸੁਧਾਰ ਹੋ ਸਕਦਾ ਹੈ।
ਕੀ ਤੁਸੀ ਵੀ ਹੌਲੀ Wi-Fi ਤੋਂ ਹੋ ਪ੍ਰੇਸ਼ਾਨ?
ਅੱਜ ਦੇ ਸਮੇਂ ਵਿੱਚ ਇੰਟਰਨੈੱਟ ਸਾਡੀ ਰੋਜ਼ਾਨਾ ਜ਼ਿੰਦਗੀ ਦੀ ਇੱਕ ਬੁਨਿਆਦੀ ਲੋੜ ਬਣ ਚੁੱਕਾ ਹੈ। ਘਰ ਵਿੱਚ ਆਨਲਾਈਨ ਪੜ੍ਹਾਈ, ਦਫ਼ਤਰ ਦਾ ਕੰਮ, ਵੀਡੀਓ ਸਟ੍ਰੀਮਿੰਗ ਜਾਂ ਗੇਮਿੰਗ ਵਰਗੀਆਂ ਗਤੀਵਿਧੀਆਂ ਲਈ ਤੇਜ਼ ਅਤੇ ਸਥਿਰ Wi-Fi ਕਨੈਕਸ਼ਨ ਬਹੁਤ ਜ਼ਰੂਰੀ ਹੋ ਗਿਆ ਹੈ। ਪਰ ਕਈ ਵਾਰ ਵਧੀਆ ਇੰਟਰਨੈੱਟ ਪਲਾਨ ਹੋਣ ਦੇ ਬਾਵਜੂਦ ਵੀ ਨੈੱਟਵਰਕ ਹੋਲੀ ਹੋ ਜਾਂਦਾ ਹੈ, ਜਿਸ ਕਾਰਨ ਵੀਡੀਓ ਵਾਰ-ਵਾਰ ਰੁਕਣ ਲੱਗਦੀਆਂ ਹਨ ਜਾਂ ਡਾਊਨਲੋਡਿੰਗ ਵਿੱਚ ਕਾਫ਼ੀ ਸਮਾਂ ਲੱਗਦਾ ਹੈ।
ਅਕਸਰ ਲੋਕ ਇਸ ਲਈ ਇੰਟਰਨੈੱਟ ਸਰਵਿਸ ਪ੍ਰੋਵਾਈਡਰ ਨੂੰ ਜ਼ਿੰਮੇਵਾਰ ਮੰਨ ਲੈਂਦੇ ਹਨ, ਜਦਕਿ ਕਈ ਵਾਰ ਸਮੱਸਿਆ ਘਰ ਦੇ ਅੰਦਰ ਹੀ ਹੁੰਦੀ ਹੈ। ਰਾਊਟਰ ਨੂੰ ਗਲਤ ਥਾਂ ‘ਤੇ ਰੱਖਣਾ, ਗਲਤ ਨੈੱਟਵਰਕ ਬੈਂਡ ਦੀ ਵਰਤੋਂ ਕਰਨਾ ਅਤੇ ਲੋੜ ਤੋਂ ਵੱਧ ਡਿਵਾਈਸਾਂ ਦਾ ਕਨੈਕਟ ਹੋਣਾ ਵਰਗੀਆਂ ਛੋਟੀਆਂ-ਛੋਟੀਆਂ ਗਲਤੀਆਂ ਵੀ Wi-Fi ਦੀ ਸਪੀਡ ‘ਤੇ ਕਾਫ਼ੀ ਅਸਰ ਪਾ ਸਕਦੀਆਂ ਹਨ। ਜੇਕਰ ਤੁਹਾਡਾ ਇੰਟਰਨੈੱਟ ਵੀ ਹੋਲੀ ਚੱਲ ਰਿਹਾ ਹੈ, ਤਾਂ ਇਨ੍ਹਾਂ ਆਦਤਾਂ ਨੂੰ ਬਦਲ ਕੇ ਤੁਸੀਂ ਆਪਣੇ ਨੈੱਟਵਰਕ ਦੀ ਕਾਰਗੁਜ਼ਾਰੀ ਨੂੰ ਬਿਹਤਰ ਬਣਾ ਸਕਦੇ ਹੋ।
ਰਾਊਟਰ ਨੂੰ ਗਲਤ ਥਾਂ ‘ਤੇ ਰੱਖਣਾ
Wi-Fi ਸਿਗਨਲ ਦੀ ਚੰਗੀ ਰੇਂਜ ਲਈ ਰਾਊਟਰ ਦੀ ਲੋਕੇਸ਼ਨ ਸਭ ਤੋਂ ਮਹੱਤਵਪੂਰਨ ਹੁੰਦੀ ਹੈ। ਕਈ ਲੋਕ ਰਾਊਟਰ ਨੂੰ ਕਮਰੇ ਦੇ ਕਿਸੇ ਕੋਨੇ, ਅਲਮਾਰੀ ਦੇ ਅੰਦਰ ਜਾਂ ਫਰਸ਼ ਦੇ ਨੇੜੇ ਰੱਖ ਦਿੰਦੇ ਹਨ, ਜਿਸ ਕਾਰਨ ਸਿਗਨਲ ਕਮਜ਼ੋਰ ਹੋ ਜਾਂਦਾ ਹੈ।
ਰਾਊਟਰ ਨੂੰ ਸਹੀ ਥਾਂ ‘ਤੇ ਰੱਖੋ
Wi-Fi ਸਿਗਨਲ ਦੀ ਚੰਗੀ ਰੇਂਜ ਲਈ ਰਾਊਟਰ ਦੀ ਲੋਕੇਸ਼ਨ ਸਭ ਤੋਂ ਮਹੱਤਵਪੂਰਨ ਹੁੰਦੀ ਹੈ। ਕਈ ਲੋਕ ਰਾਊਟਰ ਨੂੰ ਕਮਰੇ ਦੇ ਕਿਸੇ ਕੋਨੇ, ਅਲਮਾਰੀ ਦੇ ਅੰਦਰ ਜਾਂ ਫਰਸ਼ ਦੇ ਨੇੜੇ ਰੱਖ ਦਿੰਦੇ ਹਨ, ਜਿਸ ਨਾਲ ਸਿਗਨਲ ਕਮਜ਼ੋਰ ਹੋ ਜਾਂਦਾ ਹੈ।
ਸਹੀ Wi-Fi ਬੈਂਡ ਦੀ ਵਰਤੋਂ ਨਾ ਕਰਨਾ
ਅੱਜਕੱਲ੍ਹ ਕਈ ਰਾਊਟਰ 2.4GHz ਅਤੇ 5GHz ਦੋਵੇਂ Wi-Fi ਬੈਂਡਾਂ ਨੂੰ ਸਪੋਰਟ ਕਰਦੇ ਹਨ। 2.4GHz ਬੈਂਡ ਦੀ ਰੇਂਜ ਜ਼ਿਆਦਾ ਹੁੰਦੀ ਹੈ, ਪਰ ਇਸ ‘ਤੇ ਵੱਧ ਡਿਵਾਈਸ ਜੁੜੇ ਹੋਣ ਕਾਰਨ ਇੰਟਰਨੈੱਟ ਦੀ ਸਪੀਡ ਘੱਟ ਮਿਲ ਸਕਦੀ ਹੈ। ਦੂਜੇ ਪਾਸੇ, 5GHz ਬੈਂਡ ਤੇਜ਼ ਇੰਟਰਨੈੱਟ ਸਪੀਡ ਅਤੇ ਬਿਹਤਰ ਪਰਫਾਰਮੈਂਸ ਪ੍ਰਦਾਨ ਕਰਦਾ ਹੈ। ਜੇਕਰ ਤੁਹਾਡਾ ਡਿਵਾਈਸ ਅਤੇ ਰਾਊਟਰ ਇਸ ਨੂੰ ਸਪੋਰਟ ਕਰਦੇ ਹਨ, ਤਾਂ 5GHz ਨੈੱਟਵਰਕ ਦੀ ਵਰਤੋਂ ਕਰਨ ਨਾਲ Wi-Fi ਦੀ ਸਪੀਡ ਵਿੱਚ ਕਾਫ਼ੀ ਸੁਧਾਰ ਆ ਸਕਦਾ ਹੈ।
ਇਹ ਵੀ ਪੜ੍ਹੋ
ਬਹੁਤ ਜ਼ਿਆਦਾ ਡਿਵਾਈਸ Wi-Fi ਨਾਲ ਕਨੈਕਟ ਰੱਖਣਾ
ਇੱਕੋ Wi-Fi ਨੈੱਟਵਰਕ ਨਾਲ ਬਹੁਤ ਸਾਰੇ ਡਿਵਾਈਸ ਜੁੜੇ ਹੋਣ ਨਾਲ ਇੰਟਰਨੈੱਟ ਦੀ ਸਪੀਡ ਪ੍ਰਭਾਵਿਤ ਹੋ ਸਕਦੀ ਹੈ। ਕਈ ਵਾਰ ਕੁਝ ਡਿਵਾਈਸ ਵਰਤੋਂ ਵਿੱਚ ਨਹੀਂ ਹੁੰਦੇ, ਪਰ ਉਨ੍ਹਾਂ ਵਿੱਚ ਬੈਕਗ੍ਰਾਊਂਡ ‘ਚ ਐਪ ਅਪਡੇਟ, ਕਲਾਊਡ ਬੈਕਅੱਪ ਜਾਂ ਹੋਰ ਗਤੀਵਿਧੀਆਂ ਚੱਲਦੀਆਂ ਰਹਿੰਦੀਆਂ ਹਨ। ਇਸ ਲਈ ਜਿਹੜੇ ਡਿਵਾਈਸ ਲੋੜੀਂਦੇ ਨਹੀਂ ਹਨ, ਉਨ੍ਹਾਂ ਨੂੰ Wi-Fi ਤੋਂ ਡਿਸਕਨੈਕਟ ਕਰ ਦੇਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਸਮੇਂ-ਸਮੇਂ ‘ਤੇ ਰਾਊਟਰ ਨਾਲ ਜੁੜੇ ਡਿਵਾਈਸਾਂ ਦੀ ਜਾਂਚ ਕਰਦੇ ਰਹਿਣਾ ਵੀ ਫਾਇਦੇਮੰਦ ਹੁੰਦਾ ਹੈ। ਇਨ੍ਹਾਂ ਆਸਾਨ ਤਬਦੀਲੀਆਂ ਨੂੰ ਅਪਣਾ ਕੇ ਤੁਸੀਂ ਨਵਾਂ ਇੰਟਰਨੈੱਟ ਪਲਾਨ ਲਏ ਬਿਨਾਂ ਹੀ ਆਪਣੇ Wi-Fi ਦੀ ਸਪੀਡ ਅਤੇ ਸਥਿਰਤਾ ਵਿੱਚ ਕਾਫ਼ੀ ਸੁਧਾਰ ਕਰ ਸਕਦੇ ਹੋ।