ਤਿਉਹਾਰਾਂ ਦੇ ਸੀਜ਼ਨ ਦਾ ਤੋਹਫ਼ਾ! GST ਘਟਣ ਤੋਂ ਪਹਿਲਾਂ 1 ਰੁਪਏ ‘ਚ ਹੋ ਰਹੀ ਹੈ AC ਦੀ ਬੁਕਿੰਗ

Image Credit source: Freepik/File Photo

ਸਰਕਾਰ ਨੇ ਜੀਐਸਟੀ (GST) ਵਿੱਚ ਬਦਲਾਅ ਕਰਕੇ ਆਮ ਲੋਕਾਂ ਨੂੰ ਕਾਫ਼ੀ ਰਾਹਤ ਦਿੱਤੀ ਹੈ। ਜੀਐਸਟੀ (GST) ਦੀਆਂ ਨਵੀਆਂ ਦਰਾਂ 22 ਸਤੰਬਰ ਤੋਂ ਲਾਗੂ ਹੋਣਗੀਆਂ। ਇਸ ਤੋਂ ਪਹਿਲਾਂ, ਏਅਰ ਕੰਡੀਸ਼ਨਰ ਨਿਰਮਾਤਾਵਾਂ ਅਤੇ ਡੀਲਰਾਂ ਨੇ ਘੱਟ ਕੀਮਤਾਂ ‘ਤੇ ਯੂਨਿਟਾਂ ਦੀ ਪ੍ਰੀ-ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਸ ਪ੍ਰੀ-ਬੁਕਿੰਗ ਦੇ ਪਿੱਛੇ ਕਾਰਨ ਇਹ ਹੈ ਕਿ ਕੰਪਨੀਆਂ ਅਤੇ ਡੀਲਰਾਂ ਨੂੰ ਉਮੀਦ ਹੈ ਕਿ ਕੀਮਤਾਂ ਵਿੱਚ ਕਟੌਤੀ ਨਾਲ ਨਵੇਂ AC ਦੀ ਮੰਗ ਵਧੇਗੀ।

ਏਅਰ ਕੰਡੀਸ਼ਨਰ ਬਣਾਉਣ ਵਾਲੀਆਂ ਕੰਪਨੀਆਂ Blue Star ਅਤੇ Haier ਨੇ ਪ੍ਰੀ-ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। AC ਬਣਾਉਣ ਵਾਲੀਆਂ ਕੰਪਨੀਆਂ ਦਾ ਕਹਿਣਾ ਹੈ ਕਿ 10 ਪ੍ਰਤੀਸ਼ਤ GST ਦਰ ਵਿੱਚ ਕਟੌਤੀ ਦਾ ਪੂਰਾ ਲਾਭ ਗਾਹਕਾਂ ਨੂੰ ਮਿਲੇਗਾ ਅਤੇ ਇਸ ਨਾਲ ਪ੍ਰਤੀ ਯੂਨਿਟ 4 ਹਜ਼ਾਰ ਰੁਪਏ ਤੱਕ ਦੀ ਬਚਤ ਹੋਵੇਗੀ ਪਰ ਬੱਚਤ AC ਦੇ ਮਾਡਲ ‘ਤੇ ਨਿਰਭਰ ਕਰੇਗੀ। ਕੁਝ ਦਿਨ ਪਹਿਲਾਂ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੀ ਪ੍ਰਧਾਨਗੀ ਹੇਠ ਹੋਈ GST ਕੌਂਸਲ ਦੀ ਮੀਟਿੰਗ ਵਿੱਚ GST ਦੇ 4 ਸਲੈਬ ਘਟਾ ਕੇ 2 ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ। ਹੁਣ ਨਵੀਆਂ GST ਦਰਾਂ 5 ਪ੍ਰਤੀਸ਼ਤ ਅਤੇ 18 ਪ੍ਰਤੀਸ਼ਤ ਹੋਣਗੀਆਂ।

1 ਰੁਪਏ ਵਿੱਚ ਪ੍ਰੀ-ਬੁਕਿੰਗ

Haier ਨੇ 1 ਰੁਪਏ ਤੋਂ ਘੱਟ ਕੀਮਤ ‘ਤੇ AC ਦੀ ਪ੍ਰੀ-ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਹ ਚੋਣਵੇਂ ਵਿਕਲਪਾਂ ‘ਤੇ 10 ਪ੍ਰਤੀਸ਼ਤ ਤੱਕ ਕੈਸ਼ਬੈਕ, ਇਨਵਰਟਰ ਸਪਲਿਟ ਏਸੀ ‘ਤੇ ਮੁਫਤ ਇੰਸਟਾਲੇਸ਼ਨ, ਗੈਸ ਚਾਰਜਿੰਗ ਦੇ ਨਾਲ 5-ਸਾਲ ਦੀ ਵਿਆਪਕ ਵਾਰੰਟੀ, ਅਤੇ ਆਸਾਨ EMI ਵਿਕਲਪਾਂ ਦੀ ਪੇਸ਼ਕਸ਼ ਵੀ ਕਰ ਰਿਹਾ ਹੈ।

ਕੰਪਨੀ ਨੇ ਕਿਹਾ ਕਿ ਬੁਕਿੰਗ ਵਿੰਡੋ 10 ਤੋਂ 21 ਸਤੰਬਰ 2025 ਤੱਕ ਖੁੱਲ੍ਹੀ ਰਹੇਗੀ। Haier ਨੇ 1.6 ਟਨ 5 ਸਟਾਰ ਏਸੀ ਦੀਆਂ ਕੀਮਤਾਂ ਵਿੱਚ 3905 ਰੁਪਏ ਦੀ ਕਟੌਤੀ ਕੀਤੀ ਹੈ, ਜਦੋਂ ਕਿ ਦੂਜੇ ਪਾਸੇ, 1.0 ਟਨ 3 ਸਟਾਰ AC ਦੀਆਂ ਕੀਮਤਾਂ ਵਿੱਚ 2577 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ।

10% ਫੀਸਦ ਬੱਚਤ

ਏਅਰ ਕੰਡੀਸ਼ਨਰਾਂ ‘ਤੇ ਇਸ ਵੇਲੇ 28% GST ਲੱਗਦਾ ਹੈ, ਪਰ 22 ਸਤੰਬਰ ਤੋਂ ਨਵੀਆਂ ਦਰਾਂ ਲਾਗੂ ਹੋਣ ਤੋਂ ਬਾਅਦ, AC ‘ਤੇ 28% ਦੀ ਬਜਾਏ 18% GST ਲਗਾਇਆ ਜਾਵੇਗਾ। ਬੇਮੌਸਮੀ ਗਰਮੀਆਂ ਦੀ ਬਾਰਿਸ਼ ਕਾਰਨ ਜੂਨ ਤਿਮਾਹੀ ਦੌਰਾਨ ਵਿਕਰੀ ਵਿੱਚ ਗਿਰਾਵਟ ਦਾ ਸਾਹਮਣਾ ਕਰ ਰਹੇ AC ਨਿਰਮਾਤਾ ਹੁਣ ਆਸਾਨ ਵਿੱਤ, ਮੁਫਤ ਇੰਸਟਾਲੇਸ਼ਨ, ਗੈਸ ਚਾਰਜਿੰਗ ਦੇ ਨਾਲ ਵਧੀ ਹੋਈ ਵਾਰੰਟੀ, ਅਤੇ ਜ਼ੀਰੋ-ਕਾਸਟ EMI ਵਰਗੇ ਲਾਭ ਪੇਸ਼ ਕਰ ਰਹੇ ਹਨ।

ਬਲੂ ਸਟਾਰ ਦੇ ਪ੍ਰਬੰਧ ਨਿਰਦੇਸ਼ਕ ਬੀ ਤਿਆਗਰਾਜਨ ਨੇ ਨਿਊਜ਼ ਏਜੰਸੀ ਪੀਟੀਆਈ ਨੂੰ ਦੱਸਿਆ ਕਿ ਗਾਹਕਾਂ ਦਾ ਹੁੰਗਾਰਾ ਸ਼ਾਨਦਾਰ ਹੈ। ਡੀਲਰ ਪ੍ਰੀ-ਬੁਕਿੰਗ ਲੈ ਰਹੇ ਹਨ, ਪਰ ਇਨਵੌਇਸ ਸਿਰਫ਼ 22 ਸਤੰਬਰ ਨੂੰ ਹੀ ਤਿਆਰ ਕੀਤੇ ਜਾਣਗੇ, ਜਦੋਂ ਨਵੀਂ GST ਦਰ ਲਾਗੂ ਹੋਵੇਗੀ।