iPhone 16 ਅਤੇ 16 Plus ਹੋਏ ਲਾਂਚ, ਜਾਣੋ ਕੀਮਤ ਦੇ ਨਾਲ-ਨਾਲ ਫੀਚਰਸ

iPhone 16 and iPhone 16 Plus: ਦੁਨੀਆ ਦੀ ਸਭ ਤੋਂ ਵੱਡੀ ਤਕਨੀਕੀ ਕੰਪਨੀ ਐਪਲ ਨੇ ਆਪਣੇ iPhone 16 ਅਤੇ iPhone 16 Plus ਨੂੰ ਲਾਂਚ ਕਰ ਦਿੱਤਾ ਹੈ। ਆਈਫੋਨ 16 ਅਤੇ ਆਈਫੋਨ 16 ਪਲੱਸ ਦੀ ਪ੍ਰੀ-ਬੁਕਿੰਗ 10 ਸਤੰਬਰ ਤੋਂ ਐਪਲ ਦੀ ਵੈੱਬਸਾਈਟ ਅਤੇ ਭਾਰਤ ‘ਚ ਐਪਲ ਸਟੋਰ ਸਾਕੇਤ ਦਿੱਲੀ ਅਤੇ ਮੁੰਬਈ ਦੇ ਸਟੋਰਾਂ ‘ਤੇ ਸ਼ੁਰੂ ਹੋਵੇਗੀ।

ਐਪਲ ਨੇ ਆਈਫੋਨ 16 ਅਤੇ ਆਈਫੋਨ 16 ਪਲੱਸ ‘ਚ ਏ18 ਬਾਇਓਨਿਕ ਪ੍ਰਦਾਨ ਕੀਤਾ ਹੈ, ਇਨ੍ਹਾਂ ਦੋਵਾਂ ਆਈਫੋਨਾਂ ਦੀ ਬੁਕਿੰਗ 10 ਸਤੰਬਰ ਤੋਂ ਆਨਲਾਈਨ ਐਪਲ ਦੀ ਵੈੱਬਸਾਈਟ ਅਤੇ ਆਨਲਾਈਨ ਐਪਲ ਸਟੋਰ ਸਾਕੇਤ, ਦਿੱਲੀ ਅਤੇ ਮੁੰਬਈ ਦੇ ਸਟੋਰਾਂ ‘ਤੇ ਸ਼ੁਰੂ ਹੋਵੇਗੀ। ਐਪਲ ਨੇ ਆਈਫੋਨ 16 ਅਤੇ ਆਈਫੋਨ 16 ਪਲੱਸ ‘ਚ ਐਪਲ ਇੰਟੈਲੀਜੈਂਸ ਫੀਚਰ ਦਿੱਤਾ ਹੈ।

ਕੈਮਰਾ ਕੰਟਰੋਲ iPhone 16 ਤੇ iPhone 16 Plus ਵਿੱਚ ਉਪਲਬਧ ਹੋਵੇਗਾ

iPhone 16 ਅਤੇ 16 Plus ਵਿੱਚ 16MP ਅਤੇ 18MP ਕੈਮਰੇ ਹੋਣਗੇ। ਇਸ ਦੇ ਨਾਲ ਹੀ ਇਨ੍ਹਾਂ ਦੋਵਾਂ ਆਈਫੋਨ ‘ਚ ਇੰਟੈਲੀਜੈਂਸ ਕੰਟਰੋਲ ਕੈਮਰਾ ਫੀਚਰ ਹੋਵੇਗਾ, ਜਿਸ ਦੇ ਜ਼ਰੀਏ ਤੁਸੀਂ ਪ੍ਰੋਫੈਸ਼ਨਲ ਕੈਮਰੇ ਨੂੰ ਜਾਣੇ ਬਿਨਾਂ ਵੀ ਬਿਹਤਰ ਫੋਟੋ ਕਲਿੱਕ ਕਰ ਸਕੋਗੇ।

iPhone 16 ਤੇ iPhone 16 Plus ਦੀ ਕੀਮਤ

ਇਸ ਵਾਰ ਐਪਲ ਨੇ ਆਈਫੋਨ 16 ਨੂੰ ਭਾਰਤੀ ਮੁਦਰਾ ਦੇ ਅਨੁਸਾਰ ਲਗਭਗ 67081 ਰੁਪਏ ਵਿੱਚ ਲਾਂਚ ਕੀਤਾ ਹੈ, ਅਮਰੀਕਾ ਵਿੱਚ ਇਸਨੂੰ $799 ਵਿੱਚ ਲਾਂਚ ਕੀਤਾ ਗਿਆ ਹੈ। ਜਦੋਂ ਕਿ ਆਈਫੋਨ 16 ਪਲੱਸ ਨੂੰ ਭਾਰਤੀ ਕਰੰਸੀ ਦੇ ਅਨੁਸਾਰ ਲਗਭਗ 75476 ਰੁਪਏ ਵਿੱਚ ਪੇਸ਼ ਕੀਤਾ ਗਿਆ ਹੈ। iPhone 16 Plus ਨੂੰ ਅਮਰੀਕਾ ਵਿੱਚ $899 ਵਿੱਚ ਲਾਂਚ ਕੀਤਾ ਗਿਆ ਹੈ।

iPhone 16 ਤੇ iPhone 16 Plus ਦੀਆਂ ਵਿਸ਼ੇਸ਼ਤਾਵਾਂ

ਐਪਲ ਨੇ iPhone 16 ਅਤੇ iPhone 16 Plus ਵਿੱਚ 6.1 ਅਤੇ 6.7 ਇੰਚ ਦੀ ਸਕਰੀਨ ਦਿੱਤੀ ਹੈ। ਇਸ ਦੇ ਨਾਲ ਹੀ ਤੁਹਾਨੂੰ iPhone 16 ਅਤੇ iPhone 16 Plus ‘ਚ ਫੋਕਸ ਅਤੇ ਡੈਪਥ ਕੰਟਰੋਲ ਫੀਚਰ ਨਾਲ ਨੈਕਸਟ ਜਨਰੇਸ਼ਨ ਪੋਰਟਾਟੋਨਿਕ ਦਿੱਤਾ ਗਿਆ ਹੈ। ਤੁਸੀਂ iPhone 16 ਅਤੇ iPhone 16 Plus ਰਾਹੀਂ ਮੈਕਰੋ ਫੋਟੋਗ੍ਰਾਫੀ ਵੀ ਕਰ ਸਕਦੇ ਹੋ। ਨਾਲ ਹੀ, ਤੁਸੀਂ ਆਟੋਫੋਕਸ ਦੇ ਨਾਲ ਡੂੰਘਾਈ ਵਾਲੇ ਕੈਮਰੇ ਨਾਲ ਦੂਰ ਦੀਆਂ ਫੋਟੋਆਂ ਲੈ ਸਕਦੇ ਹੋ।

iPhone 16 ਤੇ iPhone 16 Plus ‘ਚ ਉਪਲਬਧ ਸੈਟੇਲਾਈਟ ਫੀਚਰ

iPhone 16 ਅਤੇ iPhone 16 Plus ਵਿੱਚ ਪਿਛਲੇ iPhones ਵਾਂਗ ਸੈਟੇਲਾਈਟ ਫੀਚਰ ਹੋਵੇਗਾ। ਜਦੋਂ ਆਈਫੋਨ 15 ‘ਚ ਸੈਟੇਲਾਈਟ ਫੀਚਰ ਨੂੰ ਪੇਸ਼ ਕੀਤਾ ਗਿਆ ਸੀ ਤਾਂ ਕੰਪਨੀ ਨੇ ਇਸ ਨੂੰ ਸਿਰਫ ਅਮਰੀਕਾ ‘ਚ ਹੀ ਰੋਲਆਊਟ ਕੀਤਾ ਸੀ ਪਰ ਇਸ ਵਾਰ ਸੈਟੇਲਾਈਟ ਫੀਚਰ ਨੂੰ 17 ਦੇਸ਼ਾਂ ‘ਚ ਪੇਸ਼ ਕੀਤਾ ਗਿਆ ਹੈ।