IPL 2023 ਤੋਂ ਬਾਹਰ ਹੋਏ ਕੇਨ ਵਿਲੀਅਮਸਨ, ਹਾਰਦਿਕ ਪੰਡਯਾ ਦੀ ਗੁਜਰਾਤ ਟਾਈਟਨਸ ਨੂੰ ਵੱਡਾ ਝਟਕਾ!

ਕੇਨ ਵਿਲੀਅਮਸਨ ਫੀਲਡਿੰਗ ਕਰਦੇ ਸਮੇਂ ਹੋਏ ਜ਼ਖਮੀ Image Credit Source: PTI

IPL 2023 News: ਚੇਨਈ ਸੁਪਰ ਕਿੰਗਜ਼ ‘ਤੇ ਜਿੱਤ ਦੇ ਨਾਲ Indian Premier League 2023 ਵਿੱਚ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰਨ ਵਾਲੀ ਗੁਜਰਾਤ ਟਾਈਟਨਸ ਨੂੰ ਵੱਡਾ ਝਟਕਾ ਲੱਗਾ ਹੈ। ਪਹਿਲੀ ਜਿੱਤ ਤੋਂ ਬਾਅਦ ਹੀ ਹਾਰਦਿਕ ਪੰਡਯਾ ਦੀ ਟੈਂਸ਼ਨ ਵਧ ਗਈ ਹੈ। ਗੁਜਰਾਤ ਦੇ ਸਟਾਰ ਖਿਡਾਰੀ ਕੇਨ ਵਿਲੀਅਮਸਨ ਦੇ ਪੂਰੇ ਟੂਰਨਾਮੈਂਟ ਤੋਂ ਬਾਹਰ ਹੋਣ ਦੀ ਖਬਰ ਸਾਹਮਣੇ ਆ ਰਹੀ ਹੈ। ਵਿਲੀਅਮਸਨ ਲੀਗ ਦੇ ਸ਼ੁਰੂਆਤੀ ਮੈਚ ਦਾ ਹਿੱਸਾ ਸਨ ਪਰ ਫੀਲਡਿੰਗ ਕਰਦੇ ਸਮੇਂ ਉਹ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ। ਵਿਲੀਅਮਸਨ ਦੇ ਗੋਡੇ ‘ਤੇ ਸੱਟ ਲੱਗ ਗਈ ਸੀ। ਜਿਸ ਕਾਰਨ ਉਸ ਨੂੰ ਮੈਦਾਨ ਤੋਂ ਬਾਹਰ ਜਾਣਾ ਪਿਆ।

ਗੁਜਰਾਤ ਨੂੰ ਪਹਿਲੀ ਜਿੱਤ ਤੋਂ ਬਾਅਦ ਵੱਡਾ ਝਟਕਾ

ਗੁਜਰਾਤ ਨੂੰ ਪਹਿਲੀ ਜਿੱਤ ਤੋਂ ਬਾਅਦ ਹੀ ਵੱਡਾ ਝਟਕਾ ਲੱਗਾ ਹੈ। ਕੇਨ ਵਿਲੀਅਮਸਨ (Kane Williamson) ਨੂੰ ਉਦੋਂ ਸੱਟ ਲੱਗ ਗਈ ਜਦੋਂ ਚੇਨਈ ਦੇ ਸਲਾਮੀ ਬੱਲੇਬਾਜ਼ ਰਿਤੂਰਾਜ ਗਾਇਕਵਾੜ ਨੇ 13ਵੇਂ ਓਵਰ ਵਿੱਚ ਹਵਾ ਵਿੱਚ ਸ਼ਾਟ ਮਾਰਿਆ। ਵਿਲੀਅਮਸਨ ਇਸ ਨੂੰ ਬਾਊਂਡਰੀ ਦੇ ਨੇੜੇ ਕੈਚ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਉਸ ਨੇ ਛਾਲ ਮਾਰ ਦਿੱਤੀ। ਇਸ ਦੌਰਾਨ ਉਹ ਕੈਚ ਲੈ ਨਾ ਸਕੇ ਪਰ ਉਨ੍ਹਾਂ ਦੇ ਸੱਟ ਲੱਗ ਗਈ।

ਵਿਲੀਅਮਸਨ ਦਾ ਦਰਦ ਨਾਲ ਸੀ ਬੁਰ੍ਹਾ ਹਾਲ

ਵਿਲੀਅਮਸਨ ਨੇ ਬਾਊਂਡਰੀ (Boundary) ‘ਤੇ ਹੀ ਦਰਦ ਨਾਲ ਚੀਕਣਾ ਸ਼ੁਰੂ ਕਰ ਦਿੱਤਾ। ਉਹ ਠੀਕ ਤਰ੍ਹਾਂ ਖੜ੍ਹਾ ਵੀ ਨਹੀਂ ਹੋ ਸਕਦਾ ਸੀ। 2 ਖਿਡਾਰੀ ਉਸ ਨੂੰ ਮੈਦਾਨ ਤੋਂ ਬਾਹਰ ਲੈ ਗਏ। ਵਿਲੀਅਮਸਨ ਦੀ ਜਗ੍ਹਾ ਸਾਈ ਸੁਦਰਸ਼ਨ ਮੈਦਾਨ ‘ਤੇ ਆਏ ਅਤੇ ਉਨ੍ਹਾਂ ਨੇ ਵੀ ਬੱਲੇ ਨਾਲ 22 ਦੌੜਾਂ ਦਾ ਯੋਗਦਾਨ ਪਾਇਆ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ‘ਤੇ ਜਾਓ