World Champion Team India Returns Live Updates: ਟੀਮ ਇੰਡੀਆ ਨੂੰ ਮਿਲਿਆ 125 ਕਰੋੜ ਦਾ ਚੈੱਕ, ਬੀਸੀਸੀਆਈ ਨੇ ਕੀਤਾ ਸਨਮਾਨਿਤ

ਵਿਰਾਟ ਕੋਹਲੀ ਨੇ ਕਿਹਾ ਕਿ ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਜਦੋਂ ਉਹ ਅਤੇ ਰੋਹਿਤ ਇਕੱਠੇ ਪਵੇਲੀਅਨ ਦੀਆਂ ਪੌੜੀਆਂ ਚੜ੍ਹ ਰਹੇ ਸਨ ਤਾਂ ਦੋਵੇਂ ਰੋ ਰਹੇ ਸਨ ਅਤੇ ਦੋਵਾਂ ਨੇ ਇੱਕ-ਦੂਜੇ ਨੂੰ ਗਲੇ ਲਗਾਇਆ, ਉਹ ਪਲ ਉਨ੍ਹਾਂ ਲਈ ਹਮੇਸ਼ਾ ਲਈ ਸਭ ਤੋਂ ਖਾਸ ਰਹੇਗਾ।

ਵਿਰਾਟ ਕੋਹਲੀ ਨੇ ਸਟੇਡੀਅਮ ਵਿੱਚ ਮੌਜੂਦ ਪ੍ਰਸ਼ੰਸਕਾਂ ਨੂੰ ਜਸਪ੍ਰੀਤ ਬੁਮਰਾਹ ਲਈ ਤਾੜੀਆਂ ਵਜਾਉਣ ਲਈ ਕਿਹਾ ਅਤੇ ਪੂਰੇ ਸਟੇਡੀਅਮ ਵਿੱਚ ਬੁਮਰਾਹ ਲਈ ਨਾਅਰੇ ਲੱਗਣੇ ਸ਼ੁਰੂ ਹੋ ਗਏ।

ਰੋਹਿਤ ਅਤੇ ਰਾਹੁਲ ਦ੍ਰਾਵਿੜ ਤੋਂ ਬਾਅਦ ਜਦੋਂ ਵਿਰਾਟ ਕੋਹਲੀ ਬੋਲਣ ਲਈ ਪੋਡੀਅਮ ‘ਤੇ ਪਹੁੰਚੇ ਤਾਂ ਵਾਨਖੇੜੇ ਸਟੇਡੀਅਮ ‘ਚ ਕੋਹਲੀ-ਕੋਹਲੀ ਦੇ ਨਾਅਰੇ ਲੱਗਣੇ ਸ਼ੁਰੂ ਹੋ ਗਏ।

ਰੋਹਿਤ ਸ਼ਰਮਾ ਨੇ ਕਿਹਾ ਕਿ ਭਾਰਤੀ ਜਨਤਾ ਉਨ੍ਹਾਂ ਅਤੇ ਉਨ੍ਹਾਂ ਦੀ ਟੀਮ ਨਾਲੋਂ ਜ਼ਿਆਦਾ ਬੇਚੈਨ ਸੀ ਅਤੇ ਅਸੀਂ ਖੁਸ਼ ਹਾਂ ਕਿ ਅਸੀਂ ਅਜਿਹਾ ਕੁਝ ਕਰਨ ਦੇ ਯੋਗ ਹੋਏ ਜਿਸ ਨਾਲ ਸਾਰਿਆਂ ਨੂੰ ਖੁਸ਼ੀ ਹੋਈ।

ਰੋਹਿਤ ਸ਼ਰਮਾ-

ਮੈਨੂੰ ਇਸ ਟੀਮ ‘ਤੇ ਮਾਣ ਹੈ, ਮੈਂ ਬਹੁਤ ਖੁਸ਼ਕਿਸਮਤ ਹਾਂ ਕਿ ਇਹ ਟੀਮ ਮੈਨੂੰ ਮਿਲੀ।

ਕਿਸੇ ਇੱਕ ਖਿਡਾਰੀ ਦਾ ਨਾਂ ਲੈਣਾ ਠੀਕ ਨਹੀਂ ਹੋਵੇਗਾ, ਸਗੋਂ ਇਹ ਹਰ ਖਿਡਾਰੀ ਅਤੇ ਸਹਿਯੋਗੀ ਸਟਾਫ ਦੀ ਮਿਹਨਤ ਦਾ ਨਤੀਜਾ ਹੈ।

ਰੋਹਿਤ ਸ਼ਰਮਾ ਨੇ ਜਦੋਂ ਹਾਰਦਿਕ ਪੰਡਯਾ ਦੇ ਆਖਰੀ ਓਵਰ ਦੀ ਤਾਰੀਫ ਕੀਤੀ ਤਾਂ ਸਟੇਡੀਅਮ ‘ਚ ਹਾਰਦਿਕ-ਹਾਰਦਿਕ ਦੇ ਨਾਅਰੇ ਲੱਗਣੇ ਸ਼ੁਰੂ ਹੋ ਗਏ। ਹਾਰਦਿਕ ਨੇ ਵੀ ਖੜ੍ਹੇ ਹੋ ਕੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ।

ਰੋਹਿਤ ਨੇ ਕਿਹਾ ਕਿ ਇਹ ਵਿਸ਼ਵ ਕੱਪ ਇਸ ਦੇਸ਼ ‘ਚ ਲੈ ਕੇ ਆਉਣਾ ਬੇਹੱਦ ਖਾਸ ਹੈ। ਰੋਹਿਤ ਨੇ ਟੀਮ ਇੰਡੀਆ ਦੇ ਪ੍ਰਸ਼ੰਸਕਾਂ ਦੀ ਤਾਰੀਫ ਕੀਤੀ ਅਤੇ ਖਾਸ ਤੌਰ ‘ਤੇ ਮੁੰਬਈ ਦੇ ਪ੍ਰਸ਼ੰਸਕਾਂ ਦੀ ਪ੍ਰਸ਼ੰਸਾ ਕੀਤੀ ਜਿਨ੍ਹਾਂ ਨੇ ਜਿੱਤ ਪਰੇਡ ਦੌਰਾਨ ਸ਼ਾਨਦਾਰ ਸਵਾਗਤ ਕੀਤਾ, ਰੋਹਿਤ ਨੇ ਕਿਹਾ ਕਿ ਉਹ ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਬਹੁਤ ਰਾਹਤ ਮਹਿਸੂਸ ਕਰ ਰਿਹਾ ਹੈ।

ਟੀਮ ਇੰਡੀਆ ਵਾਨਖੇੜੇ ਸਟੇਡੀਅਮ ਦੇ ਅੰਦਰ ਪਹੁੰਚ ਗਈ ਹੈ, ਏਥੇ ਪਹੁੰਚਦੇ ਹੀ ਹਾਰਦਿਕ ਪੰਡਯਾ ਨੇ ਸਭ ਤੋਂ ਪਹਿਲਾਂ ਟਰਾਫੀ ਚੁੱਕੀ। ਇਸ ਤੋਂ ਬਾਅਦ ਟੀਮ ਇੰਡੀਆ ਦੇ ਸਾਰੇ ਖਿਡਾਰੀ ਮੈਦਾਨ ‘ਚ ਪ੍ਰਸ਼ੰਸਕਾਂ ਕੋਲ ਗਏ ਅਤੇ ਡਾਂਸ ਕਰਨ ਲੱਗੇ।

ਟੀਮ ਇੰਡੀਆ ਦੀ ਵਿਕਟਰੀ ਪਰੇਡ ਹੁਣ ਪੂਰੀ ਹੋ ਗਈ ਹੈ ਅਤੇ ਵਾਨਖੇੜੇ ਸਟੇਡੀਅਮ ਦੇ ਨੇੜੇ ਪਹੁੰਚ ਗਈ ਹੈ। ਇੱਥੇ ਹੀ ਟੀਮ ਇੰਡੀਆ ਦੀ ਓਪਨ ਬੱਸ ਪਰੇਡ ਦੀ ਸਮਾਪਤੀ ਹੋਵੇਗੀ ਅਤੇ ਫਿਰ ਬੀਸੀਸੀਆਈ ਖਿਡਾਰੀਆਂ ਦਾ ਸਨਮਾਨ ਕਰੇਗਾ। ਇਸ ਸਮਾਗਮ ਲਈ ਸਟੇਡੀਅਮ ਦੇ ਅੰਦਰ ਭਾਰੀ ਭੀੜ ਇਕੱਠੀ ਹੋ ਗਈ।

ਟੀਮ ਇੰਡੀਆ ਦੀ ਵਿਕਰਟੀ ਪਰੇਡ ਸ਼ੁਰੂ ਹੋ ਗਈ ਹੈ। ਓਪਨ ਬੱਸ ‘ਤੇ ਕੋਚ ਰਾਹੁਲ ਦ੍ਰਾਵਿੜ ਸਮੇਤ ਸਾਰੇ ਖਿਡਾਰੀ ਅਤੇ ਸਹਾਇਕ ਸਟਾਫ ਮੈਂਬਰ ਮੌਜੂਦ ਹਨ।

ਮਰੀਨ ਡਰਾਈਵ ‘ਤੇ ਪ੍ਰਸ਼ੰਸਕਾਂ ਦੀ ਭੀੜ ਵਿਚਕਾਰ ਵਿਰਾਟ ਕੋਹਲੀ ਅਤੇ ਕਪਤਾਨ ਰੋਹਿਤ ਸ਼ਰਮਾ ਦੇ ਵੱਡੇ ਕੱਟਆਊਟ ਵੀ ਦਿਖਾਈ ਦੇ ਰਹੇ ਹਨ। ਪ੍ਰਸ਼ੰਸਕ ਆਪਣੇ ਸਟਾਰ ਖਿਡਾਰੀਆਂ ਦਾ ਨਿੱਘਾ ਸੁਆਗਤ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹਨ।

ਸਟਾਰ ਆਲਰਾਊਂਡਰ ਹਾਰਦਿਕ ਪੰਡਯਾ ਟੀਮ ਬੱਸ ‘ਚ ਟਰਾਫੀ ਲੈ ਕੇ ਬੈਠੇ ਹਨ ਅਤੇ ਉਨ੍ਹਾਂ ਨੇ ਟਵੀਟ ਕਰਕੇ ਮੁੰਬਈ ‘ਚ ਮੌਜੂਦ ਪ੍ਰਸ਼ੰਸਕਾਂ ਨੂੰ ਇਕ ਖਾਸ ਸੰਦੇਸ਼ ਦਿੱਤਾ ਹੈ- ‘ਜਲਦੀ ਹੀ ਮਿਲਦੇ ਹਾਂ ਵਾਨਖੇੜੇ’।

ਟੀਮ ਇੰਡੀਆ ਦੋ ਬੱਸਾਂ ‘ਚ ਏਅਰਪੋਰਟ ਤੋਂ ਰਵਾਨਾ ਹੋ ਗਈ ਹੈ, ਜੋ ਉਨ੍ਹਾਂ ਨੂੰ ਨਰੀਮਨ ਪੁਆਇੰਟ ਤੱਕ ਲੈ ਕੇ ਜਾਉਣਗੀਆਂ। ਇੱਥੋਂ ਖਿਡਾਰੀ ਖੁੱਲ੍ਹੀ ਬੱਸ ਵਿੱਚ ਸਵਾਰ ਹੋਣਗੇ ਅਤੇ ਫਿਰ ਵਾਨਖੇੜੇ ਸਟੇਡੀਅਮ ਤੱਕ ਵਿਕਟਰੀ ਪਰੇਡ ਸ਼ੁਰੂ ਹੋਵੇਗੀ। ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਬੱਸ ਦੇ ਅੱਗੇ ਹਾਰਦਿਕ ਪੰਡਯਾ ਬੈਠੇ ਹਨ, ਜਿਨ੍ਹਾਂ ਦੇ ਹੱਥ ‘ਚ ਵਿਸ਼ਵ ਕੱਪ ਟਰਾਫੀ ਹੈ।

ਮਰੀਨ ਡਰਾਈਵ ‘ਤੇ ਪ੍ਰਸ਼ੰਸਕਾਂ ਦੀ ਭਾਰੀ ਭੀੜ ਕਾਰਨ ਮੁੰਬਈ ਪੁਲfਸ ਨੇ ਆਮ ਲੋਕਾਂ ਨੂੰ ਇਸ ਰਸਤੇ ਤੋਂ ਨਾ ਲੰਘਣ ਦੀ ਸਲਾਹ ਦਿੱਤੀ ਹੈ।

ਭਾਰਤੀ ਖਿਡਾਰੀ ਏਅਰਪੋਰਟ ਤੋਂ ਬਾਹਰ ਆ ਗਏ ਹਨ ਅਤੇ ਸਭ ਤੋਂ ਖਾਸ ਨਜ਼ਾਰਾ ਹਾਰਦਿਕ ਪੰਡਯਾ ਨੂੰ ਲੈ ਕੇ ਸੀ, ਜਿਨ੍ਹਾਂ ਨੇ ਬਾਹਰ ਆਉਂਦੇ ਹੀ ਟੀ-20 ਵਿਸ਼ਵ ਕੱਪ ਦੀ ਟਰਾਫੀ ਨੂੰ ਹਵਾ ਵਿੱਚ ਲਹਿਰਾਇਆ।

ਭਾਰਤੀ ਖਿਡਾਰੀ ਏਅਰਪੋਰਟ ਤੋਂ ਬਾਹਰ ਆ ਗਏ ਹਨ ਅਤੇ ਸਭ ਤੋਂ ਖਾਸ ਨਜ਼ਾਰਾ ਹਾਰਦਿਕ ਪੰਡਯਾ ਨੂੰ ਲੈ ਕੇ ਸੀ, ਜਿਨ੍ਹਾਂ ਨੇ ਬਾਹਰ ਆਉਂਦੇ ਹੀ ਟੀ-20 ਵਿਸ਼ਵ ਕੱਪ ਦੀ ਟਰਾਫੀ ਨੂੰ ਹਵਾ ਵਿੱਚ ਲਹਿਰਾਇਆ।

ਟੀਮ ਇੰਡੀਆ ਦੀ ਵਿਕਟਰੀ ਪਰੇਡ ਸ਼ੁਰੂ ਹੋਣ ‘ਚ ਦੇਰੀ ਹੋਣੀ ਯਕੀਨੀ ਹੈ ਕਿਉਂਕਿ ਜਿਸ ਓਪਨ ਬੱਸ ‘ਚ ਭਾਰਤੀ ਖਿਡਾਰੀਆਂ ਨੇ ਇਹ ਪਰੇਡ ਕੱਢਣੀ ਹੈ, ਉਹ ਫਿਲਹਾਲ ਟਰੈਫਿਕ ਜਾਮ ‘ਚ ਫਸ ਗਈ ਹੈ ਕਿਉਂਕਿ ਮਰੀਨ ਡਰਾਈਵ ਤੋਂ ਵਾਨਖੇੜੇ ਸਟੇਡੀਅਮ ਤੱਕ ਪ੍ਰਸ਼ੰਸਕਾਂ ਦੀ ਭੀੜ ਇਕੱਠੀ ਹੋ ਗਈ ਹੈ। .

ਵਾਨਖੇੜੇ ਸਟੇਡੀਅਮ ਪਹੁੰਚਣ ਲਈ ਵੱਖ-ਵੱਖ ਥਾਵਾਂ ਤੋਂ ਫੈਂਸ ਆ ਰਹੇ ਹਨ, ਜਿਸ ਕਾਰਨ ਰੇਲਵੇ ਸਟੇਸ਼ਨਾਂ ‘ਤੇ ਵੀ ਭਾਰੀ ਭੀੜ ਇਕੱਠੀ ਹੋ ਗਈ ਹੈ। ਚਰਚਗੇਟ ਰੇਲਵੇ ਸਟੇਸ਼ਨ ‘ਤੇ ਵੀ ਪ੍ਰਸ਼ੰਸਕਾਂ ਦੀ ਅਜਿਹੀ ਹੀ ਭੀੜ ਦੇਖਣ ਨੂੰ ਮਿਲੀ।

ਦਿੱਲੀ ਤੋਂ ਟੀਮ ਇੰਡੀਆ ਦੀ ਫਲਾਈਟ ਆਖਿਰਕਾਰ ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਪਹੁੰਚ ਗਈ ਹੈ। ਕੁਝ ਸਮੇਂ ਬਾਅਦ ਮਰੀਨ ਡਰਾਈਵ ਤੋਂ ਵਾਨਖੇੜੇ ਸਟੇਡੀਅਮ ਤੱਕ ਵਿਕਟਰੀ ਪਰੇਡ ਸ਼ੁਰੂ ਹੋਵੇਗੀ।

2007 ‘ਚ ਟੀ-20 ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਵੀ ਟੀਮ ਇੰਡੀਆ ਨੇ ਮੁੰਬਈ ‘ਚ ਖੁੱਲ੍ਹੀ ਬੱਸ ‘ਚ ਵਿਕਟਰੀ ਪਰੇਡ ਕੱਢੀ ਸੀ। ਹੁਣ 17 ਸਾਲ ਬਾਅਦ ਇੱਕ ਵਾਰ ਫਿਰ ਫੈਂਸ ਉਹੀ ਨਜ਼ਾਰਾ ਦੇਖਣ ਜਾ ਰਹੇ ਹਨ ਅਤੇ ਹਰ ਕੋਈ ਇਸ ਲਈ ਪੂਰੇ ਜੋਸ਼ ਨਾਲ ਤਿਆਰ ਹੈ। ਵਾਨਖੇੜੇ ਸਟੇਡੀਅਮ ਦੇ ਬਾਹਰ ਪ੍ਰਸ਼ੰਸਕ ਪਹਿਲਾਂ ਹੀ ਨੱਚ ਕੇ ਜਸ਼ਨ ਮਨਾ ਰਹੇ ਹਨ।

ਟੀਮ ਇੰਡੀਆ ਦਾ ਦਿੱਲੀ ਦਾ ਸ਼ਡਿਊਲ ਪੂਰਾ ਹੋ ਚੁੱਕਾ ਹੈ ਅਤੇ ਹੁਣ ਉਹ ਕੁਝ ਸਮੇਂ ਬਾਅਦ ਮੁੰਬਈ ਪਹੁੰਚੇਗੀ। ਟੀਮ ਇੰਡੀਆ ਜਿਸ ਫਲਾਈਟ ਰਾਹੀਂ ਮੁੰਬਈ ਪਹੁੰਚੇਗੀ, ਉਹ ਰੋਹਿਤ ਅਤੇ ਵਿਰਾਟ ਨੂੰ ਸਮਰਪਿਤ ਹੈ। ਦਰਅਸਲ, ਉਸ ਫਲਾਈਟ ਦਾ ਨੰਬਰ ਰੋਹਿਤ ਅਤੇ ਵਿਰਾਟ ਦੀ ਜਰਸੀ ਨੰਬਰ ‘ਤੇ ਹੈ। ਟੀਮ ਇੰਡੀਆ ਵਿਸਤਾਰਾ ਯੂਕੇ 1845 ਫਲਾਈਟ ਰਾਹੀਂ ਦਿੱਲੀ ਤੋਂ ਮੁੰਬਈ ਜਾ ਰਹੀ ਹੈ।

ਪੀਐਮ ਮੋਦੀ ਨੇ ਨਾ ਸਿਰਫ ਟੀਮ ਇੰਡੀਆ ਦੇ ਖਿਡਾਰੀਆਂ ਨਾਲ ਮੁਲਾਕਾਤ ਕੀਤੀ, ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਹਰੇਕ ਖਿਡਾਰੀ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਵੱਖ-ਵੱਖ ਤਸਵੀਰਾਂ ਵੀ ਖਿਚਵਾਈਆਂ।

ਪੀਐਮ ਮੋਦੀ ਨੇ ਭਾਰਤੀ ਖਿਡਾਰੀਆਂ ਨੂੰ ਮਿਲਣ ਤੋਂ ਬਾਅਦ ਟਵੀਟ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਉਨ੍ਹਾਂ ਨਾਲ ਬਿਤਾਏ ਪਲਾਂ ਨੂੰ ਸ਼ਾਨਦਾਰ ਦੱਸਿਆ। ਪੀਐਮ ਮੋਦੀ ਨੇ ਟੀਮ ਇੰਡੀਆ ਨਾਲ ਆਪਣੀ ਮੁਲਾਕਾਤ ਦੀਆਂ 2 ਖਾਸ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ।

ਅਕਾਲੀ ਦਲ ‘ਚ ਬਗਾਵਤ ਵਿਚਾਲੇ ਸੁਖਬੀਰ ਬਾਦਲ ਨੇ ਮੋਰਚਾ ਸੰਭਾਲਿਆ ਹੈ। ਉਨ੍ਹਾਂ ਨੇ ਅਕਾਲੀ ਦਲ ਦੇ ਕਈ ਆਗੂਆਂ ਨਾਲ ਮੁਲਾਕਾਤ ਕੀਤੀ ਹੈ।

ਟੀਮ ਇੰਡੀਆ ਨੇ ਪੀਐਮ ਮੋਦੀ ਨਾਲ ਮੁਲਾਕਾਤ ਕੀਤੀ। ਵਰਲਡ ਚੈਂਪੀਅਨ ਬਣ ਕੇ ਵਾਪਸੀ ਕਰਨ ਵਾਲੇ ਭਾਰਤੀ ਖਿਡਾਰੀਆਂ ਨਾਲ ਪ੍ਰਧਾਨ ਮੰਤਰੀ ਦੀ ਮੁਲਾਕਾਤ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਮੀਟਿੰਗ ਤੋਂ ਬਾਅਦ ਖਿਡਾਰੀ ਪ੍ਰਧਾਨ ਮੰਤਰੀ ਨਿਵਾਸ ਤੋਂ ਨਿਕਲ ਚੁੱਕੇ ਹਨ। ਭਾਰਤੀ ਟੀਮ ਦੇ ਦੁਪਹਿਰ 2 ਵਜੇ ਮੁੰਬਈ ਲਈ ਰਵਾਨਾ ਹੋਣ ਦੀ ਸੂਚਨਾ ਹੈ।

ਟੀਮ ਇੰਡੀਆ ਦੁਪਹਿਰ 2 ਵਜੇ ਮੁੰਬਈ ਲਈ ਰਵਾਨਾ ਹੋਵੇਗੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਉਹ ਦੁਪਹਿਰ 12.30 ਵਜੇ ਹੋਟਲ ਆਈਟੀਸੀ ਮੌਰਿਆ ਤੋਂ ਹਵਾਈ ਅੱਡੇ ਲਈ ਰਵਾਨਾ ਹੋ ਚੁੱਕੀ ਹੈ। ਸ਼ਾਮ 5 ਵਜੇ ਤੋਂ ਮੁੰਬਈ ‘ਚ ਟੀਮ ਇੰਡੀਆ ਦੀ ਵਿਕਟਰੀ ਪਰੇਡ ਹੋਵੇਗੀ।

ਪੀਐਮ ਮੋਦੀ ਅਤੇ ਟੀਮ ਇੰਡੀਆ ਵਿਚਾਲੇ ਮੁਲਾਕਾਤ ਖਤਮ ਹੋ ਗਈ ਹੈ। ਮੀਟਿੰਗ ਤੋਂ ਬਾਅਦ ਟੀਮ ਇੰਡੀਆ ਦੇ ਖਿਡਾਰੀ ਪ੍ਰਧਾਨ ਮੰਤਰੀ ਨਿਵਾਸ ਤੋਂ ਨਿਕਲ ਕੇ ਮੁੰਬਈ ਲਈ ਰਵਾਨਾ ਹੋਣ ਜਾ ਰਹੇ ਹਨ, ਜਿੱਥੇ ਉਨ੍ਹਾਂ ਨੇ ਸ਼ਾਮ ਨੂੰ ਵਿਕਟਰੀ ਪਰੇਡ ‘ਚ ਹਿੱਸਾ ਲੈਣਾ ਹੈ।

ਟੀ-20 ਵਿਸ਼ਵ ਕਪ ਦੀ ਟਰਾਫੀ ਲੈ ਕੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਮਿਲਣ ਲਈ ਉਨ੍ਹਾਂ ਦੀ ਰਿਹਾਇਸ਼ ਤੇ ਪਹੁੰਚੀ ਟੀਮ ਇੰਡੀਆ ਦੀ ਬੱਸ ਹੁਣ ਏਅਰਪੋਰਟ ਲਈ ਨਿਕਲ ਚੁੱਕੀ ਹੈ। ਟੀਮ ਦੇ ਸਾਰੇ ਖਿਡਾਰੀਆਂ ਨਾਲ ਮਿਲ ਕੇ ਪ੍ਰਧਾਨ ਮੰਤਰੀ ਮੋਦੀ ਨੇ ਉਨ੍ਹਾਂ ਨੂੰ ਜਿੱਤ ਦੀ ਵਧਾਈ ਦਿੱਤੀ ਅਤੇ ਭਵਿੱਖ ਲਈ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ।

ਵਰਲਡ ਚੈਂਪੀਅਨ ਬਣ ਕੇ ਬਾਰਬਾਡੋਸ ਤੋਂ ਪਰਤੀ ਟੀਮ ਇੰਡੀਆ ਇਸ ਸਮੇਂ ਪੀਐਮ ਮੋਦੀ ਦੀ ਰਿਹਾਇਸ਼ ਤੇ ਹੈ। ਪਰ, ਇਸ ਦੌਰਾਨ, ਮੁੰਬਈ ਵਿੱਚ ਉਸਦੀ ਵਿਕਟਰੀ ਪਰੇਡ ਦੀਆਂ ਤਿਆਰੀਆਂ ਵੀ ਪੂਰੀਆਂ ਹੋ ਚੁੱਕੀਆਂ ਹਨ। ਜਿਸ ਬੱਸ ‘ਚ ਟੀਮ ਜਿੱਤ ਦੀ ਪਰੇਡ ਕਰੇਗੀ, ਉਹ ਪੂਰੀ ਤਰ੍ਹਾਂ ਸਜ-ਧੱਜ ਕੇ ਤਿਆਰ ਹੈ। ਪੀਐਮ ਮੋਦੀ ਨੂੰ ਮਿਲਣ ਤੋਂ ਬਾਅਦ ਟੀਮ ਮੁੰਬਈ ਲਈ ਰਵਾਨਾ ਹੋਵੇਗੀ।

ਵਿਸ਼ਵ ਚੈਂਪੀਅਨ ਹਾਰਦਿਕ ਪੰਡਯਾ ਦਾ ਭੰਗੜਾ ਡਾਂਸ ਹੋਟਲ ਦੇ ਬਾਹਰ ਦਾ ਲੱਗ ਰਿਹਾ ਹੈ। ਟੀਮ ਇੰਡੀਆ ਦਿੱਲੀ ਏਅਰਪੋਰਟ ਤੋਂ ਪਹਿਲਾਂ ਹੋਟਲ ਆਈਟੀਸੀ ਮੌਰੀਆ ਪਹੁੰਚੀ ਸੀ, ਜਿੱਥੇ ਟੀਮ ਦੇ ਬੱਸ ਤੋਂ ਉਤਰਨ ਤੋਂ ਬਾਅਦ ਖਿਡਾਰੀਆਂ ਦਾ ਢੋਲ ਨਾਲ ਸਵਾਗਤ ਕੀਤਾ ਗਿਆ। ਜਦੋਂ ਹਾਰਦਿਕ ਪੰਡਯਾ ਨੇ ਢੋਲ ਦੀ ਆਵਾਜ਼ ਸੁਣੀ ਤਾਂ ਉਹ ਇਸ ‘ਤੇ ਭੰਗੜਾ ਪਾਉਣ ਤੋਂ ਖੁਦ ਨੂੰ ਰੋਕ ਨਹੀਂ ਸਕੇ। ਹਾਰਦਿਕ ਪੰਡਯਾ ਦਾ ਇਹ ਡਾਂਸ ਇੱਕ ਪਾਸੇ ਦਿਲ ਜਿੱਤਣ ਵਾਲਾ ਹੈ। ਤਾਂ ਦੂਜੇ ਪਾਸੇ ਹਾਰਦਿਕ ਪੰਡਯਾ ਦਾ ਡਾਂਸ ਦੇਖਣ ਤੋਂ ਬਾਅਦ ਵਿਰਾਟ ਕੋਹਲੀ ਦੇ ਚਿਹਰੇ ‘ਤੇ ਖੁਸ਼ੀ ਸਾਫ ਦਿਖਾਈ ਦੇ ਰਹੀ ਸੀ। ਉਸ ਦ੍ਰਿਸ਼ ਨੂੰ ਦੇਖ ਕੇ ਉਹ ਹੱਸਦੇ-ਮੁਸਕਰਾਉਂਦੇ ਨਜ਼ਰ ਆਏ।

ਟੀ-20 ਵਿਸ਼ਵ ਕੱਪ ਟਰਾਫੀ ਲੈ ਕੇ ਰੋਹਿਤ ਸ਼ਰਮਾ ਐਂਡ ਕੰਪਨੀ ਪੀਐੱਮ ਮੋਦੀ ਦੀ ਰਿਹਾਇਸ਼ ਤੇ ਪਹੁੰਚ ਗਏ ਹਨ। ਭਾਰਤੀ ਖਿਡਾਰੀਆਂ ਨਾਲ ਪੀਐਮ ਮੋਦੀ ਦੀ ਮੁਲਾਕਾਤ 11 ਵਜੇ ਹੋਣੀ ਹੈ।

ਦਿੱਲੀ ਦੇ ਹੋਟਲ ਆਈਟੀਸੀ ਮੌਰਿਆ ਵਿੱਚ ਟੀਮ ਇੰਡੀਆ ਦੀ ਸਫਲਤਾ ਦਾ ਜਸ਼ਨ ਮਨਿਆ। ਟੀਮ ਦੇ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਅਤੇ ਕਪਤਾਨ ਰੋਹਿਤ ਸ਼ਰਮਾ ਨੇ ਇਸ ਖਾਸ ਮੌਕੇ ਲਈ ਬਣਾਇਆ ਵਿਸ਼ੇਸ਼ ਕੇਕ ਕੱਟਿਆ।

ਟੀਮ ਇੰਡੀਆ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਮਿਲਣ ਲਈ ਹੋਟਲ ਤੋਂ ਰਵਾਨਾ ਹੋ ਗਈ ਹੈ। ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਨੇ ਹੋਟਲ ਵਿੱਚ ਆਪਣੀ ਸਫਲਤਾ ਦਾ ਜਸ਼ਨ ਮਨਾਇਆ। ਉਨ੍ਹਾਂ ਨੇ ਹੋਟਲ ਵਿੱਚ ਕੇਕ ਵੀ ਕੱਟਿਆ।

ਟੀਮ ਇੰਡੀਆ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਮਿਲਣ ਲਈ ਹੋਟਲ ਤੋਂ ਰਵਾਨਾ ਹੋ ਗਈ ਹੈ। ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਨੇ ਹੋਟਲ ਵਿੱਚ ਆਪਣੀ ਸਫਲਤਾ ਦਾ ਜਸ਼ਨ ਮਨਾਇਆ। ਉਨ੍ਹਾਂ ਟੀਮ ਹੋਟਲ ਵਿੱਚ ਕੇਕ ਕੱਟਿਆ।