CSK vs SRH Highlights, IPL 2024: ਚੇਨਈ ਦੀ ਇਕਤਰਫਾ ਜਿੱਤ, ਹੈਦਰਾਬਾਦ ਨੂੰ 78 ਦੌੜਾਂ ਨਾਲ ਹਰਾਇਆ
Chennai Super Kings vs Sunrisers Hyderabad: ਇਸ ਸੀਜ਼ਨ 'ਚ 9 ਮੈਚਾਂ 'ਚ ਚੇਨਈ ਸੁਪਰ ਕਿੰਗਜ਼ ਦੀ ਇਹ 5ਵੀਂ ਜਿੱਤ ਹੈ ਅਤੇ ਟੀਮ 10 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਪਹੁੰਚ ਗਈ ਹੈ। ਇਸ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਤੋਂ ਇਹ ਤੀਜਾ ਸਥਾਨ ਖੋਹ ਲਿਆ ਹੈ, ਜਿਸ ਦੇ 10 ਅੰਕ ਹਨ ਪਰ ਉਸ ਦੀ ਨੈੱਟ ਰਨ ਰੇਟ ਬੁਰੀ ਤਰ੍ਹਾਂ ਡਿੱਗ ਗਈ ਹੈ।
ਆਈਪੀਐਲ 2024 ਦੇ 46ਵੇਂ ਮੈਚ ਵਿੱਚ ਚੇਨਈ ਸੁਪਰ ਕਿੰਗਜ਼ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਨੂੰ 78 ਦੌੜਾਂ ਨਾਲ ਹਰਾਇਆ। ਇਸ ਤਰ੍ਹਾਂ ਚੇਨਈ ਨੇ ਹੈਦਰਾਬਾਦ ਖਿਲਾਫ ਆਪਣੀ ਪਿਛਲੀ ਹਾਰ ਦਾ ਹਿਸਾਬ ਬਰਾਬਰ ਕਰ ਲਿਆ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਚੇਨਈ ਨੇ 212 ਦੌੜਾਂ ਬਣਾਈਆਂ। ਉਸ ਲਈ ਕਪਤਾਨ ਰੁਤੁਰਾਜ ਗਾਇਕਵਾੜ ਨੇ ਸਭ ਤੋਂ ਵੱਧ 98 ਦੌੜਾਂ ਬਣਾਈਆਂ।
ਇਸ ਦੇ ਜਵਾਬ ‘ਚ ਇੱਕ ਵਾਰ ਫਿਰ ਪਿੱਛਾ ਕਰਦੇ ਹੋਏ ਹੈਦਰਾਬਾਦ ਦੀ ਜ਼ਬਰਦਸਤ ਬੱਲੇਬਾਜ਼ੀ ਢਹਿ ਗਈ ਅਤੇ ਟੀਮ ਸਿਰਫ 134 ਦੌੜਾਂ ‘ਤੇ ਹੀ ਢੇਰ ਹੋ ਗਈ। ਚੇਨਈ ਵੱਲੋਂ ਤੇਜ਼ ਗੇਂਦਬਾਜ਼ ਤੁਸ਼ਾਰ ਦੇਸ਼ਪਾਂਡੇ ਨੇ ਸਭ ਤੋਂ ਵੱਧ 4 ਵਿਕਟਾਂ ਲਈਆਂ, ਜਦਕਿ ਡੇਰਿਲ ਮਿਸ਼ੇਲ ਨੇ ਵੀ 5 ਕੈਚ ਲੈ ਕੇ ਯੋਗਦਾਨ ਪਾਇਆ।
CSK vs SRH Live Updates
- 19ਵੇਂ ਓਵਰ ‘ਚ ਮੁਸਤਫਿਜ਼ੁਰ ਰਹਿਮਾਨ ਨੇ ਆਖਰੀ 2 ਵਿਕਟਾਂ ਲੈ ਕੇ ਹੈਦਰਾਬਾਦ ਨੂੰ ਸਿਰਫ 134 ਦੌੜਾਂ ‘ਤੇ ਹੀ ਢੇਰ ਕਰ ਦਿੱਤਾ ਅਤੇ ਮੈਚ 78 ਦੌੜਾਂ ਦੇ ਵੱਡੇ ਫਰਕ ਨਾਲ ਜਿੱਤ ਲਿਆ।
- ਕਪਤਾਨ ਪੈਟ ਕਮਿੰਸ ਵੀ ਕੁਝ ਖਾਸ ਨਹੀਂ ਕਰ ਸਕੇ ਅਤੇ ਤੁਸ਼ਾਰ ਦੇਸ਼ਪਾਂਡੇ ਦਾ ਚੌਥਾ ਸ਼ਿਕਾਰ ਬਣੇ।
- ਹੈਦਰਾਬਾਦ ਦੀ ਹਾਰ ਹੁਣ ਪੱਕੀ ਜਾਪਦੀ ਹੈ। ਹੇਨਰਿਕ ਕਲਾਸੇਨ ਤੇ ਅਬਦੁਲ ਸਮਦ ਬਾਹਰ ਹਨ।
- ਹੈਦਰਾਬਾਦ ਨੇ 100 ਦੌੜਾਂ ਪੂਰੀਆਂ ਕਰ ਲਈਆਂ ਹਨ ਪਰ ਉਸ ਨੂੰ 13 ਓਵਰਾਂ ਦਾ ਇੰਤਜ਼ਾਰ ਕਰਨਾ ਪਿਆ।
- ਮਤੀਸ਼ਾ ਪਥੀਰਾਨਾ ਨੇ ਆਪਣੇ ਪਹਿਲੇ ਹੀ ਓਵਰ ਵਿੱਚ ਏਡਨ ਮਾਰਕਰਮ ਨੂੰ ਜਾਨਲੇਵਾ ਯਾਰਕਰ ਨਾਲ ਬੋਲਡ ਕਰ ਦਿੱਤਾ।
- ਨਿਤੀਸ਼ ਰੈਡੀ (15) ਵੀ ਇਸ ਵਾਰ ਕੁਝ ਖਾਸ ਨਹੀਂ ਕਰ ਸਕੇ ਅਤੇ ਰਵਿੰਦਰ ਜਡੇਜਾ ਦੀ ਗੇਂਦ ‘ਤੇ ਧੋਨੀ ਦੇ ਹੱਥੋਂ ਕੈਚ ਹੋ ਗਏ।
- ਤੁਸ਼ਾਰ ਦੇਸ਼ਪਾਂਡੇ ਨੇ ਵੀ ਤੀਜਾ ਵਿਕਟ ਲਿਆ ਅਤੇ ਇੱਕ ਹੋਰ ਇਨ-ਫਾਰਮ ਬੱਲੇਬਾਜ਼ ਅਭਿਸ਼ੇਕ ਸ਼ਰਮਾ (15) ਵੀ ਆਊਟ ਹੋ ਗਏ।
- ਹੈਦਰਾਬਾਦ ਦੀ ਸ਼ੁਰੂਆਤ ਖ਼ਰਾਬ ਰਹੀ ਅਤੇ ਦੂਜੇ ਓਵਰ ਵਿੱਚ ਹੀ ਤੁਸ਼ਾਰ ਦੇਸ਼ਪਾਂਡੇ ਨੇ ਟ੍ਰੈਵਿਸ ਹੈੱਡ ਅਤੇ ਅਨਮੋਲਪ੍ਰੀਤ ਸਿੰਘ ਦੀਆਂ ਵਿਕਟਾਂ ਲਈਆਂ।
- ਸ਼ਿਵਮ ਦੁਬੇ (39) ਨੇ ਆਖਰੀ ਓਵਰ ‘ਚ ਛੱਕਾ ਲਗਾਇਆ ਅਤੇ ਇਸ ਤਰ੍ਹਾਂ ਚੇਨਈ ਸੁਪਰ ਕਿੰਗਜ਼ ਨੇ 20 ਓਵਰਾਂ ‘ਚ 212 ਦੌੜਾਂ ਬਣਾਈਆਂ।
- ਰਿਤੂਰਾਜ ਗਾਇਕਵਾੜ ਲਗਾਤਾਰ ਦੂਜਾ ਸੈਂਕੜਾ ਬਣਾਉਣ ਦੇ ਨੇੜੇ ਆਇਆ ਅਤੇ ਖੁੰਝ ਗਿਆ। ਉਹ ਆਖਰੀ ਓਵਰ ਵਿੱਚ 98 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਨਟਰਾਜਨ ਨੂੰ ਸਫਲਤਾ ਮਿਲੀ।
- ਚੇਨਈ ਨੇ 16 ਓਵਰਾਂ ਵਿੱਚ 150 ਦੌੜਾਂ ਪੂਰੀਆਂ ਕਰ ਲਈਆਂ ਹਨ ਅਤੇ ਰਿਤੁਰਾਜ ਗਾਇਕਵਾੜ ਇੱਕ ਹੋਰ ਸੈਂਕੜੇ ਦੇ ਨੇੜੇ ਹੈ।
- ਮਿਸ਼ੇਲ ਆਪਣੀ ਪਾਰੀ ਨੂੰ ਵੱਡੇ ਸਕੋਰ ਵਿੱਚ ਨਹੀਂ ਬਦਲ ਸਕੇ। ਉਹ 52 ਦੌੜਾਂ ਬਣਾ ਕੇ ਆਊਟ ਹੋ ਗਏ।ਡੇਰਿਲ ਮਿਸ਼ੇਲ ਨੇ ਆਈਪੀਐਲ ਵਿੱਚ ਆਪਣਾ ਪਹਿਲਾ ਅਰਧ ਸੈਂਕੜਾ ਲਗਾਇਆ ਹੈ। ਮਿਸ਼ੇਲ ਨੇ ਇਹ ਅਰਧ ਸੈਂਕੜਾ 29 ਗੇਂਦਾਂ ਵਿੱਚ ਪੂਰਾ ਕੀਤਾ।
- ਸੀਐਸਕੇ ਨੇ 11ਵੇਂ ਓਵਰ ਵਿੱਚ 100 ਦੌੜਾਂ ਪੂਰੀਆਂ ਕਰ ਲਈਆਂ ਹਨ। ਮਿਸ਼ੇਲ ਤੇ ਗਾਇਕਵਾੜ ਵਿਚਾਲੇ ਚੰਗੀ ਸਾਂਝੇਦਾਰੀ ਹੈ।
- ਚੇਨਈ ਦੇ ਕਪਤਾਨ ਰੁਤੁਰਾਜ ਗਾਇਕਵਾੜ ਨੇ ਸਿਰਫ਼ 27 ਗੇਂਦਾਂ ਵਿੱਚ ਅਰਧ ਸੈਂਕੜਾ ਜੜਿਆ ਹੈ।
- ਕਪਤਾਨ ਗਾਇਕਵਾੜ ਨੇ ਚੌਕੇ ਮਾਰ ਕੇ ਅਤੇ ਪਾਵਰਪਲੇਅ ਵਿੱਚ 50 ਦੌੜਾਂ ਤੋਂ ਪਾਰ ਲੈ ਕੇ ਟੀਮ ਨੂੰ ਸੰਭਾਲ ਲਿਆ ਹੈ।
- ਅਜਿੰਕਿਆ ਰਹਾਣੇ (9) ਦਾ ਖ਼ਰਾਬ ਸੀਜ਼ਨ ਜਾਰੀ ਹੈ ਅਤੇ ਇਸ ਵਾਰ ਵੀ ਉਹ ਤੀਜੇ ਓਵਰ ਵਿੱਚ ਹੀ ਆਊਟ ਹੋ ਕੇ ਪੈਵੇਲੀਅਨ ਪਰਤ ਗਿਆ।
- ਸਨਰਾਈਜ਼ਰਜ਼ ਹੈਦਰਾਬਾਦ: ਪੈਟ ਕਮਿੰਸ (ਕਪਤਾਨ), ਟ੍ਰੈਵਿਸ ਹੈੱਡ, ਅਭਿਸ਼ੇਕ ਸ਼ਰਮਾ, ਏਡਨ ਮਾਰਕਰਮ, ਹੇਨਰਿਕ ਕਲਾਸੇਨ, ਨਿਤੀਸ਼ ਰੈਡੀ, ਅਬਦੁਲ ਸਮਦ, ਸ਼ਾਹਬਾਜ਼ ਅਹਿਮਦ, ਭੁਵਨੇਸ਼ਵਰ ਕੁਮਾਰ, ਜੈਦੇਵ ਉਨਾਦਕਟ ਅਤੇ ਟੀ ਨਟਰਾਜਨ।
- ਚੇਨਈ ਸੁਪਰ ਕਿੰਗਜ਼: ਰਿਤੂਰਾਜ ਗਾਇਕਵਾੜ (ਕਪਤਾਨ), ਅਜਿੰਕਿਆ ਰਹਾਣੇ, ਡੇਰਿਲ ਮਿਸ਼ੇਲ, ਮੋਇਨ ਅਲੀ, ਸ਼ਿਵਮ ਦੂਬੇ, ਰਵਿੰਦਰ ਜਡੇਜਾ,
- ਐਮਐਸ ਧੋਨੀ, ਦੀਪਕ ਚਾਹਰ, ਤੁਸ਼ਾਰ ਦੇਸ਼ਪਾਂਡੇ, ਮਤੀਸ਼ਾ ਪਤਿਰਾਨਾ ਅਤੇ ਮੁਸਤਫਿਜ਼ੁਰ ਰਹਿਮਾਨ।
- ਹੈਦਰਾਬਾਦ ਨੂੰ ਪਿਛਲੇ ਮੈਚ ‘ਚ ਵੀ ਪਿੱਛਾ ਕਰਦੇ ਹੋਏ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਪਰ ਇਸ ਵਾਰ ਵੀ ਟੀਮ ਪਿੱਛਾ ਕਰੇਗੀ।
- ਸਨਰਾਈਜ਼ਰਜ਼ ਹੈਦਰਾਬਾਦ ਦੇ ਕਪਤਾਨ ਪੈਟ ਕਮਿੰਸ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ।
ਇਹ ਵੀ ਪੜ੍ਹੋ: LSG vs RR: ਲਖਨਊ ਵੀ ਰਾਜਸਥਾਨ ਨੂੰ ਰੋਕਣ ਚ ਨਾਕਾਮ, ਸੰਜੂ ਸੈਮਸਨ ਨੇ ਛੱਕਾ ਲਗਾ ਕੇ ਜਿੱਤ ਦਿਵਾਈ