IND vs AUS WTC 2023 Final Day 1: ਟੀਮ ਇੰਡੀਆ ਪਹਿਲੇ ਦਿਨ ਢਹਿ ਢੇਰੀ, ਟ੍ਰੈਵਿਸ ਹੈੱਡ ਦਾ ਸ਼ਤਕ, ਸਟੀਵ ਸਮਿਥ ਵੀ ਨੇੜੇ
India vs Australia WTC Final Match Day Report Today: ਭਾਰਤ ਨੂੰ ਦੂਜੇ ਸੈਸ਼ਨ 'ਚ ਤੀਜਾ ਵਿਕਟ ਮਿਲਿਆ ਪਰ ਇਸ ਤੋਂ ਬਾਅਦ ਟੀਮ ਇੰਡੀਆ ਵਿਕਟਾਂ ਲਈ ਤਰਸਦੀ ਰਹੀ।
Image Credit source: AFP
WTC 2023 Final Day 1: ਦੋ ਸਾਲ ਬਾਅਦ ਮੁੜ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (WTC) ਦਾ ਫਾਈਨਲ ਖੇਡ ਰਹੀ ਭਾਰਤੀ ਕ੍ਰਿਕਟ ਟੀਮ ਦੀ ਸ਼ੁਰੂਆਤ ਇਕ ਵਾਰ ਫਿਰ ਚੰਗੀ ਨਹੀਂ ਰਹੀ। ਆਖਰੀ ਫਾਈਨਲ ‘ਚ ਨਿਊਜ਼ੀਲੈਂਡ ਖਿਲਾਫ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਟੀਮ ਦੇ ਬੱਲੇਬਾਜ਼ਾਂ ਨੇ ਪਹਿਲੇ ਦਿਨ ਹੀ ਨਿਰਾਸ਼ ਕੀਤਾ ਸੀ।
ਇਸ ਵਾਰ ਟੀਮ ਦੇ ਗੇਂਦਬਾਜ਼ ਕੋਈ ਪ੍ਰਭਾਵ ਨਹੀਂ ਬਣਾ ਸਕੇ। ਟ੍ਰੈਵਿਸ ਹੈੱਡ (ਨਾਬਾਦ 146) ਅਤੇ ਸਟੀਵ ਸਮਿਥ (ਨਾਬਾਦ 95) ਦੀਆਂ ਜ਼ਬਰਦਸਤ ਪਾਰੀਆਂ ਦੇ ਦਮ ‘ਤੇ ਆਸਟ੍ਰੇਲੀਆ (Australia) ਨੇ ਪਹਿਲੇ ਦਿਨ ਸਿਰਫ਼ 3 ਵਿਕਟਾਂ ਗੁਆ ਕੇ 327 ਦੌੜਾਂ ਬਣਾ ਕੇ ਫਾਈਨਲ ਵਿੱਚ ਮਜ਼ਬੂਤ ਸ਼ੁਰੂਆਤ ਕੀਤੀ।
ਓਵਲ ਮੈਦਾਨ ‘ਚ ਜੂਨ ਮਹੀਨੇ ‘ਚ ਹੋਣ ਵਾਲੇ ਟੈਸਟ ਮੈਚ ‘ਚ ਪਹਿਲੀ ਵਾਰ ਉਮੀਦ ਕੀਤੀ ਜਾ ਰਹੀ ਸੀ ਕਿ ਪਿੱਚ ਤੇਜ਼ ਗੇਂਦਬਾਜ਼ਾਂ ਦੀ ਮਦਦ ਕਰੇਗੀ। ਪਿੱਚ ‘ਤੇ ਘਾਹ ਨੂੰ ਦੇਖ ਕੇ ਅਜਿਹਾ ਲੱਗ ਰਿਹਾ ਸੀ ਕਿ ਬੱਲੇਬਾਜ਼ਾਂ ਨੂੰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ। ਅਜਿਹੇ ‘ਚ ਪਹਿਲਾਂ ਗੇਂਦਬਾਜ਼ੀ ਕਰਨ ਵਾਲੀ ਟੀਮ ਨੂੰ ਫਾਇਦਾ ਹੋਣ ਦੀ ਉਮੀਦ ਸੀ। ਅਜਿਹਾ ਨਹੀਂ ਹੋ ਸਕਿਆ।
ਭਾਰਤ ਲਈ ਮਜ਼ਬੂਤ ਸ਼ੁਰੂਆਤ
ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਕਪਤਾਨ ਰੋਹਿਤ ਸ਼ਰਮਾ ਦੇ ਟਾਸ ਜਿੱਤਣ ਤੋਂ ਬਾਅਦ ਭਾਰਤੀ ਟੀਮ ਅਤੇ ਪ੍ਰਸ਼ੰਸਕਾਂ ਨੂੰ ਰਾਹਤ ਮਿਲੀ। ਟੀਮ ਇੰਡੀਆ ਨੇ ਜਿਸ ਤਰ੍ਹਾਂ ਨਾਲ ਸ਼ੁਰੂਆਤ ਕੀਤੀ, ਉਸ ਤੋਂ ਲੱਗ ਰਿਹਾ ਸੀ ਕਿ ਭਾਰਤ ਸ਼ੁਰੂ ਤੋਂ ਹੀ ਹਾਵੀ ਹੋਵੇਗਾ। ਚੌਥੇ ਓਵਰ ਵਿੱਚ ਹੀ ਮੁਹੰਮਦ ਸਿਰਾਜ ਨੇ ਉਸਮਾਨ ਖਵਾਜਾ (0) ਨੂੰ ਵਿਕਟਕੀਪਰ ਕੇਐਸ ਭਰਤ ਹੱਥੋਂ ਕੈਚ ਕਰਵਾਇਆ।
ਇਹ ਵੀ ਪੜ੍ਹੋ
ਸਿਰਾਜ ਅਤੇ ਮੁਹੰਮਦ ਸ਼ਮੀ ਨੇ ਮਿਲ ਕੇ ਆਸਟਰੇਲੀਆ ਨੂੰ ਮੁਸੀਬਤ ਵਿੱਚ ਰੱਖਿਆ। ਇਸ ਦੇ ਬਾਵਜੂਦ ਡੇਵਿਡ ਵਾਰਨਰ (43) ਅਤੇ ਮਾਰਨਸ ਲਾਬੂਸ਼ੇਨ (26) ਨੇ ਭਾਰਤੀ ਤੇਜ਼ ਗੇਂਦਬਾਜ਼ਾਂ ਦੇ ਹਮਲੇ ਦਾ ਸਾਹਮਣਾ ਕਰਦਿਆਂ ਟੀਮ ਨੂੰ ਵਾਪਸੀ ਦਿਵਾਈ। ਪਹਿਲੇ ਸੈਸ਼ਨ ਦੀ ਸਮਾਪਤੀ ਤੋਂ ਠੀਕ ਪਹਿਲਾਂ ਸ਼ਾਰਦੁਲ ਠਾਕੁਰ ਨੇ ਵਾਰਨਰ ਦਾ ਵਿਕਟ ਲਿਆ। ਪਹਿਲੇ ਸੈਸ਼ਨ ‘ਚ ਆਸਟ੍ਰੇਲੀਆ ਨੇ 2 ਵਿਕਟਾਂ ਗੁਆ ਕੇ 73 ਦੌੜਾਂ ਬਣਾਈਆਂ ਸਨ।
ਹੈਡ ਨੇ ਲਪੇਟਿਆ, ਸਮਿਥ ਵੀ ਬਣੇ ਆਫ਼ਤ
ਦੂਜਾ ਸੈਸ਼ਨ ਸ਼ੁਰੂ ਹੁੰਦੇ ਹੀ ਭਾਰਤ ਨੂੰ ਵੱਡੀ ਸਫਲਤਾ ਮਿਲੀ। ਸੈਸ਼ਨ ਦੇ ਦੂਜੇ ਓਵਰ ਦੀ ਪਹਿਲੀ ਹੀ ਗੇਂਦ ‘ਤੇ ਮੁਹੰਮਦ ਸ਼ਮੀ ਨੇ ਲਾਬੂਸ਼ੇਨ ਨੂੰ ਸ਼ਾਨਦਾਰ ਇਨਸਵਿੰਗ ‘ਤੇ ਬੋਲਡ ਕਰ ਦਿੱਤਾ। ਆਸਟ੍ਰੇਲੀਆ ਦੀਆਂ 3 ਵਿਕਟਾਂ ਸਿਰਫ 76 ਦੌੜਾਂ ‘ਤੇ ਡਿੱਗ ਗਈਆਂ ਸਨ ਅਤੇ ਅਜਿਹਾ ਲੱਗ ਰਿਹਾ ਸੀ ਕਿ ਭਾਰਤੀ ਟੀਮ (Team India) ਇੱਥੇ ਹਾਵੀ ਹੋ ਸਕਦੀ ਹੈ ਪਰ ਟ੍ਰੈਵਿਸ ਹੈੱਡ ਨੇ ਆਉਂਦੇ ਹੀ ਜਵਾਬੀ ਹਮਲਾ ਸ਼ੁਰੂ ਕਰ ਦਿੱਤਾ ਅਤੇ ਚੌਕਿਆਂ ਦੀ ਬਰਸਾਤ ਕਰ ਦਿੱਤੀ।
ਤੀਜੇ ਸੈਸ਼ਨ ‘ਚ ਭਾਰਤੀ ਗੇਂਦਬਾਜ਼ ਕਾਫੀ ਥੱਕੇ ਹੋਏ ਨਜ਼ਰ ਆਏ ਅਤੇ ਸਮਿਥ ਅਤੇ ਲਾਬੂਸ਼ੇਨ ਨੇ ਇਸ ਦਾ ਫਾਇਦਾ ਉਠਾਉਂਦੇ ਹੋਏ ਦੌੜਾਂ ਦੀ ਰਫਤਾਰ ਨੂੰ ਵਧਾਇਆ ਅਤੇ ਟੀਮ ਨੂੰ 300 ਦੌੜਾਂ ਤੋਂ ਪਾਰ ਲੈ ਗਏ। ਇਸ ਦੌਰਾਨ ਹੈੱਡ ਨੇ ਭਾਰਤ ਖਿਲਾਫ ਆਪਣਾ ਪਹਿਲਾ ਸੈਂਕੜਾ 106 ਗੇਂਦਾਂ ‘ਚ ਪੂਰਾ ਕੀਤਾ, ਜਦਕਿ ਸਮਿਥ ਵੀ ਦਿਨ ਦੀ ਖੇਡ ਖਤਮ ਹੋਣ ਤੱਕ ਸ਼ਤਕ ਦੇ ਨੇੜੇ ਪਹੁੰਚ ਗਿਆ। ਦੋਵਾਂ ਵਿਚਾਲੇ ਹੁਣ ਤੱਕ 251 ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ ਹੋ ਚੁੱਕੀ ਹੈ।
ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ,ਲੇਟੇਸਟ ਵੇੱਬ ਸਟੋਰੀ,NRI ਨਿਊਜ਼,ਮਨੋਰੰਜਨ ਦੀ ਖਬਰ,ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼,ਪਾਕਿਸਤਾਨ ਦਾ ਹਰ ਅਪਡੇਟ,ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ