Toll Plaza: ਸਮਾਣਾ-ਪਟਿਆਲਾ ਸੜਕ ‘ਤੇ ਬਣਿਆ ਟੋਲ ਪਲਾਜ਼ਾ ਹੋਵੇਗਾ ਬੰਦ, ਲੋਕਾਂ ਨੂੰ ਮਿਲੇਗੀ ਰਾਹਤ

ਸੰਕੇਤਿਕ ਤਸਵੀਰ

Punjab Toll Plaza: ਪੰਜਾਬ ਦਾ ਇੱਕ ਹੋਰ ਟੋਲ ਪਲਾਜ਼ਾ ਬੰਦ ਹੋਣ ਜਾ ਰਿਹਾ ਹੈ। ਸਮਾਣਾ-ਪਟਿਆਲਾ ਸੜਕ ‘ਤੇ ਪਿੰਡ ਚੁਪਕੀ ਨੇੜੇ ਬਣੇ ਟੋਲ ਪਲਾਜ਼ਾ (Toll Plaza) ਨੂੰ ਅੱਜ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਖੁਦ ਬੰਦ ਕਰਵਾਉਣਗੇ। ਇਸ ਟੋਲ ਪਲਾਜ਼ਾ ਦੀ ਮਿਆਦ 31 ਮਾਰਚ 2022 ਦੀ ਖਤਮ ਹੋ ਚੁੱਕੀ ਹੈ ਪਰ ਕਸਬਾ ਘੱਗਾ ਨੇੜੇ ਨਵੀਂ ਸੜਕ ਬਣਾਏ ਜਾਣ ਨੂੰ ਲੈ ਕੇ 22 ਅਕਤੂਬਰ 2022 ਤੱਕ ਇਸ ਟੋਲ ਪਲਾਜਾ ਦਾ ਵਾਧਾ ਕੰਪਨੀ ਨੂੰ ਮਿਲ ਗਿਆ ਹੈ। ਪਰ ਕਾਨੂੰਨੀ ਦਿਕਤਾਂ ਪੈਣ ਕਾਰਨ ਇਹ ਟੋਲ ਪਲਾਜ਼ਾ ਬੰਦ ਨਹੀਂ ਹੋ ਸਕਿਆ।

ਪਿੰਡ ਚੁਪਕੀ ਦਾ ਟੋਲ ਪਲਾਜ਼ ਹੋਵੇਗਾ ਬੰਦ

ਮਿਲੀ ਜਾਣਕਾਰੀ ਮੁਤਾਬਕ ਸਾਲ 2005 ਵਿੱਚ ਤਤਕਾਲੀ ਕਾਂਗਰਸ ਪਾਰਟੀ ਦੀ ਸਰਕਾਰ (Punjab Congress) ਵੱਲੋਂ ਕਰੀਬ 50 ਕਰੋੜ ਰੁਪਏ ਦੀ ਲਾਗਤ ਨਾਲ ਇੱਕ ਨਿੱਜੀ ਕੰਪਨੀ ਵੱਲੋਂ ਪਿੰਡ ਚੁਪਕੀ ਨੇੜੇ ਇਹ ਟੋਲ ਪਲਾਜ਼ਾ ਬਣਾਇਆ ਗਿਆ ਸੀ। ਇਸ ਟੋਲ ਪਲਾਜ਼ਾ ਰਾਹੀਂ ਲੋਕਾਂ ਨੂੰ ਕਰੀਬ 16 ਸਾਲ ਤੱਕ ਟੋਲ ਦੇਣਾ ਪਿਆ ਹੈ। ਬੀਤੇ ਸਾਲ 31 ਮਾਰਚ ਨੂੰ ਇਸ ਟੋਲ ਪਲਾਜ਼ਾ ਨੂੰ ਚੁੱਕੇ ਜਾਣ ਦੀ ਤਾਰੀਕ ਖਤਮ ਹੋ ਗਈ ਸੀ। ਰੋਹਨ-ਰਾਜਦੀਪ ਕੰਪਨੀ ਵੱਲੋਂ ਚਲਾਏ ਜਾ ਰਹੇ ਇਸ ਟੋਲ ਪਲਾਜ਼ਾ ਦੀ ਤਾਰੀਕ ਕੁਝ ਮਹਿਨੀਆਂ ਲਈ ਵਧਾ ਦਿੱਤੀ ਗਈ ਸੀ ਪਰ ਉਸ ਤੋਂ ਬਾਅਦ ਵੀ ਇਹ ਟੋਲ ਪਲਾਜ਼ਾ ਪਹਿਲਾਂ ਦੀ ਤਰ੍ਹਾਂ ਚੱਲਦਾ ਰਿਹਾ।

CM ਮਾਨ ਖੁਦ ਬੰਦ ਕਰਵਾਉਣਗੇ ਪਲਾਜ਼ਾ

ਅੱਜ ਮੁੱਖ ਮੰਤਰੀ ਭਗਵੰਤ ਸਿੰਗ ਮਾਨ ਇਸ ਟੋਲ ਪਲਾਜੇ ਨੂੰ ਬੰਦ ਕਰਵਾਉਣਗੇ। ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ (CM Bhagwant Mann) ਨੇ ਖੁਦ ਟਵੀਟ ਕਰ ਦੱਸਿਆ ਕਿ ‘ਪਰਸੋਂ ਨੂੰ ਇੱਕ ਹੋਰ ਟੋਲ ਪਲਾਜ਼ੇ ਦੀ ਵਾਰੀ ਹੈ8 ਪਹਿਲਾਂ ਅਸੀਂ ਬੰਦ ਕਰ ਚੁੱਕੇ ਹਾਂਪਹਿਲਾਂ ਵਾਲੇ ਟੋਲ ਕੰਪਨੀਆਂ ਨਾਲ ਰਲੇ ਹੁੰਦੇ ਸੀ ਤਾਹੀਓਂ ਪੰਜਾਬੀਆਂ ਦੇ ਪੈਸੇ ਦੀ ਲੁੱਟ ਜਾਰੀ ਰਹੀਹੁਣ ਇਹ ਲੁੱਟ ਬਿਲਕੁੱਲ ਬੰਦ ਕਰ ਦੇਵਾਂਗੇ’ ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ‘ਤੇ ਜਾਓ