ਪੰਜਾਬ ਸਰਕਾਰ ਨੇ ਸੜਕ ਮੁਰੰਮਤ ‘ਚ ਕੀਤੀ 383 ਕਰੋੜ ਦੀ ਬਚਤ, AI ਨਾਲ ਕਰਵਾਇਆ ਸੀ ਸਰਵੇ
2 ਪੜਾਵਾਂ 'ਚ ਏਆਈ ਦੀ ਸਹਾਇਤਾ ਨਾਲ ਸਰਵੇਖਣ ਕੀਤਾ ਗਿਆ। ਇਸ 'ਚ ਮੁਰੰਮਤ ਯੋਗ ਸੜਕਾਂ ਦੀ ਗਿਣਤੀ ਘੱਟ ਕੀਤੀ ਗਈ ਸੀ, ਜਿਸ 'ਚ ਇਹ 2,526 ਹੋ ਗਈ ਸੀ। ਇਸੇ ਤਰ੍ਹਾਂ ਮੁਰੰਮਤ ਦੀ ਲੋੜ ਵਾਲੀਆਂ ਸੜਕਾਂ ਦੀ ਲੰਬਾਈ 7 ਹਜਾਰ 517 ਕਿਲੋਮੀਟਰ ਹੋਈ ਹੈ। ਹੁਣ ਇਸ ਤਕਨਾਲੋਜੀ ਦਾ ਇਸਤੇਮਾਲ ਕਰਕੇ ਪੰਜਾਬ ਸਰਕਾਰ ਨੇ 383.53 ਕਰੋੜ ਰੁਪਏ ਦੀ ਬਚਤ ਕੀਤੀ ਹੈ।
ਪੁਰਾਣੀ ਤਸਵੀਰ.
ਪੰਜਾਬ ਸਰਕਾਰ ਨੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏਆਈ) ਤਕਨਾਲੋਜੀ ਦੀ ਵਰਤੋਂ ਨਾਲ 843 ਲਿੰਕ ਸੜਕਾਂ ਦੀ ਮੁਰੰਮਤ ਲਈ ਕੀਤੀ ਹੈ ਅਤੇ ਇਸ ਨਾਲ 383.53 ਕਰੋੜ ਰੁਪਏ ਦੀ ਬਚਤ ਹੋਈ ਹੈ। ਜਾਂਚ ਤੋਂ ਬਾਅਦ ਇਹ ਪਤਾ ਲੱਗਾ ਕਿ 13 ਕਿਲੋਮੀਟਰ ਤੋਂ ਵਧ ਦੀ ਲੰਬਾਈ ਦੀਆਂ ਕਈ ਸੜਕਾਂ ਦੀ ਮੁਰੰਮਤ ਲਈ ਪ੍ਰਸਤਾਵ ਤਿਆਰ ਕੀਤੇ ਗਏ ਸਨ ‘ਤੇ ਅਸਲ ‘ਚ ਉਨ੍ਹਾਂ ਦੀ ਮੁਰੰਮਤ ਦੀ ਲੋੜ ਨਹੀਂ ਸੀ।
ਨਾਲ ਹੀ ਇਨ੍ਹਾਂ ਸੜਕਾਂ ‘ਤੇ ਵੱਡੇ ਟੋਏ ਦਿਖਾਏ ਗਏ ਸਨ ਪਰ ਇਨ੍ਹਾਂ ‘ਚ ਬਹੁਤ ਘੱਟ ਜਾਂ ਕੋਈ ਟੋਏ ਨਹੀਂ ਸਨ। ਪਾਰਟੀ ਬੁਲਾਰੇ ਨੀਲ ਗਰਗ ਨੇ ਦੱਸਿਆ ਹੈ ਕਿ ਕਿ ਸਰਕਾਰ ਜਨਤਾ ਦੇ ਪੈਸੇ ਬਚਾਉਣ ਲਈ ਲਗਾਤਾਰ ਯਤਨਸ਼ੀਲ ਹੈ।
ਦੋ ਪੜਾਵਾਂ ਵਿੱਚ ਸਰਵੇਖਣ ਕੀਤਾ ਗਿਆ
ਇਸ ਤੋਂ ਬਾਅਦ 2 ਪੜਾਵਾਂ ‘ਚ ਏਆਈ ਦੀ ਸਹਾਇਤਾ ਨਾਲ ਸਰਵੇਖਣ ਕੀਤਾ ਗਿਆ। ਇਸ ‘ਚ ਮੁਰੰਮਤ ਯੋਗ ਸੜਕਾਂ ਦੀ ਗਿਣਤੀ ਘੱਟ ਕੀਤੀ ਗਈ ਸੀ, ਜਿਸ ‘ਚ ਇਹ 2,526 ਹੋ ਗਈ ਸੀ। ਇਸੇ ਤਰ੍ਹਾਂ ਮੁਰੰਮਤ ਦੀ ਲੋੜ ਵਾਲੀਆਂ ਸੜਕਾਂ ਦੀ ਲੰਬਾਈ 7 ਹਜਾਰ 517 ਕਿਲੋਮੀਟਰ ਹੋਈ ਹੈ। ਹੁਣ ਇਸ ਤਕਨਾਲੋਜੀ ਦਾ ਇਸਤੇਮਾਲ ਕਰਕੇ ਪੰਜਾਬ ਸਰਕਾਰ ਨੇ 383.53 ਕਰੋੜ ਰੁਪਏ ਦੀ ਬਚਤ ਕੀਤੀ ਹੈ।
ਹੁਣ, ਜਦੋਂ ਸਾਲ 2025-26 ਲਈ ਮੁਰੰਮਤ ਪ੍ਰੋਜੈਕਟ ਤਿਆਰ ਕੀਤਾ ਗਿਆ ਸੀ, ਤਾਂ ਜ਼ਿਲ੍ਹਿਆਂ ਦੁਆਰਾ ਤਿਆਰ ਕੀਤੇ ਗਏ ਅਨੁਮਾਨਾਂ ਦਾ AI ਦੀ ਵਰਤੋਂ ਕਰਕੇ ਦੁਬਾਰਾ ਸਰਵੇਖਣ ਕੀਤਾ ਗਿਆ ਸੀ। ਪੰਜਾਬ ਮੰਡੀ ਬੋਰਡ ਦੀ ਟੀਮ ਨੇ ਦੋ ਪੜਾਵਾਂ ਵਿੱਚ 23 ਜ਼ਿਲ੍ਹਿਆਂ ਦੀਆਂ ਲਿੰਕ ਸੜਕਾਂ ਦਾ AI ਸਰਵੇਖਣ ਕੀਤਾ। ਪਹਿਲੇ ਪੜਾਅ ਦੇ ਤਹਿਤ, ਜਦੋਂ AI ਤਕਨਾਲੋਜੀ ਨਾਲ ਸਰਵੇਖਣ ਕੀਤਾ ਗਿਆ ਸੀ, ਤਾਂ ਸਰਕਾਰੀਖਜ਼ਾਨੇ ਵਿੱਚੋਂ 121.39 ਕਰੋੜ ਰੁਪਏ ਦੀ ਬਚਤ ਹੋਈ ਸੀ।
ਖੇਤੀਬਾੜੀ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਦੇ ਨਿਰਦੇਸ਼ਾਂ ‘ਤੇ AI ਤਕਨਾਲੋਜੀ ਨੂੰ ਦੁਬਾਰਾ ਸਰਵੇਖਣ, ਵੀਡੀਓਗ੍ਰਾਫੀ ਤੇ ਰਿਪੋਰਟ ਨਾਲ ਜੋੜਿਆ ਗਿਆ ਸੀ। ਜਿਸ ਨਾਲ ਇਹ ਬੱਚਤ ਵੱਧ ਕੇ 383.53 ਕਰੋੜ ਰੁਪਏ ਹੋ ਗਈ ਸੀ। ਪਹਿਲੇ ਸਰਵੇਖਣ ਤੋਂ 60 ਕਰੋੜ ਰੁਪਏ ਦੀ ਬਚਤ ਹੋਈ ਸੀ। ਸਭ ਤੋਂ ਪਹਿਲਾਂ, ਸਾਲ 2022-23 ਵਿੱਚ 2 ਜ਼ਿਲ੍ਹਿਆਂ ‘ਚ 4.50 ਲੱਖ ਰੁਪਏ ਦੀ ਲਾਗਤ ਨਾਲ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਤਕਨਾਲੋਜੀ ਦੀ ਵਰਤੋਂ ਕਰਕੇ ਲਿੰਕ ਸੜਕਾਂ ਦੀ ਸਥਿਤੀ ਦੀ ਜਾਂਚ ਕਰਨ ਲਈ ਇੱਕ ਪਾਇਲਟ ਪ੍ਰੋਜੈਕਟ ਸ਼ੁਰੂ ਕੀਤਾ ਗਿਆ ਸੀ। ਇਸ ਨਾਲ 60 ਕਰੋੜ ਰੁਪਏ ਦੀ ਬਚਤ ਹੋਈ ਸੀ। ਸੂਤਰਾਂ ਦਾ ਇਹ ਕਹਿਣਾ ਹੈ ਕਿ ਬਹੁਤ ਸਾਰੇ ਵਿਧਾਇਕਾਂ ਨੇ ਆਪਣੇ ਹਲਕਿਆਂ ‘ਚ ਅਜਿਹੀਆਂ ਸੰਪਰਕ ਸੜਕਾਂ ਨੂੰ ਮੁਰੰਮਤ ਸੂਚੀ ‘ਚ ਸ਼ਾਮਲ ਕੀਤਾ ਸੀ, ਜਿੱਥੇ ਸੜਕਾਂ ਅਜੇ ਵੀ ਚੰਗੀ ਹਾਲਤ ‘ਚ ਸਨ।
ਇਹ ਵੀ ਪੜ੍ਹੋ
ਇਸ ਤਰ੍ਹਾਂ ਕੀਤਾ ਜਾਂਦਾ ਹੈ AI ਸਰਵੇਖਣ
ਸੜਕਾਂ ਦੇ AI ਸਰਵੇਖਣ ਵਿੱਚ, ਡਰੋਨ ਕੈਮਰਿਆਂ ਅਤੇ ਸੈਂਸਰਾਂ ਵਾਲੇ ਵਾਹਨ ਸੜਕ ਦੀ 360° ਫੋਟੋਗ੍ਰਾਫੀ ਅਤੇ ਵੀਡੀਓਗ੍ਰਾਫੀ ਕਰਦੇ ਹਨ। ਇਸ ਤੋਂ ਬਾਅਦ, ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਤਸਵੀਰਾਂ ਅਤੇ ਵੀਡੀਓ ਦਾ ਵਿਸ਼ਲੇਸ਼ਣ ਕਰਦਾ ਹੈ ਅਤੇ ਟੋਇਆਂ, ਤਰੇੜਾਂ ਅਤੇ ਖਰਾਬ ਹੋਏ ਹਿੱਸਿਆਂ ਦੀ ਪਛਾਣ ਕਰਦਾ ਹੈ।