ਪੰਜਾਬ ਆ ਕੇ ਵਾਪਸ ਪਰਤ ਜਾ ਰਹੇ ਪਾਕਿਸਤਾਨੀ ਡਰੋਨ, ਸਿਸਟਮ ਦਾ ਤੋੜ ਲੱਭਣ ‘ਚ ਜੁੱਟੀ ਪੁਲਿਸ

ਸੰਕੇਤਕ ਤਸਵੀਰ

ਪੰਜਾਬ ਸਰਕਾਰ ਨੇ ਕਰੋੜਾਂ ਦੀ ਲਾਗਤ ਨਾਲ ਐਂਟੀ ਡਰੋਨ ਸਿਸਟਮ ਲਗਾਇਆ ਹੈ। ਇਸ ਦਾ ਮਕਸਦ ਪਾਕਿਸਤਾਨ ਤੋਂ ਆਉਣ ਵਾਲੇ ਡਰੋਨਾਂ ਨੂੰ ਡੇਗਣਾ ਹੈ ਤੇ ਗੁਆਂਢੀ ਮੁਲਕ ਦੀਆਂ ਸਾਜ਼ਿਸ਼ਾਂ ਨੂੰ ਨਾਕਾਮ ਕਰਨਾ ਹੈ। ਪੁਲਿਸ ਹੁਣ ਪਾਕਿਸਤਾਨ ਡਰੋਨਾਂ ਦੇ ਸਿਗਨਲ ਤਾਂ ਤੋੜ ਦੇ ਰਹੀ ਹੈ, ਪਰ ਉੱਨਤ ਕਿਸਮ ਦੇ ਡਰੋਨ ਪਰੇਸ਼ਾਨੀ ਬਣਦੇ ਜਾ ਰਹੇ ਹਨ।

ਡਰੋਨ ‘ਚ ਕਈ ਤਰ੍ਹਾਂ ਦੇ ਫੀਚਰ ਹੁੰਦੇ ਹਨ। ਇਨ੍ਹਾਂ ਦੇ ਚੱਲਦੇ ਕਈ ਡਰੋਨ ਵਾਪਸ ਪਰਤ ਜਾਂਦੇ ਹਨ। ਕਈ ਕਮਰਸ਼ੀਅਲ ਡਰੋਨ ‘ਚ ਫੇਲ ਸੇਫ ਰਿਟਰਨ ਟੂ ਹੋਮ ਐਕਟਿਵ ਹੋ ਜਾਂਦਾ ਹੈ। ਅਜਿਹੇ ਡਰੋਨ ਪਹਿਲੇ ਤੋਂ ਹੀ ਸੈੱਟ ਹੋਮ ਪੁਆਇੰਟ ‘ਤੇ ਪਰਤਣ ਦੀ ਕੋਸ਼ਿਸ਼ ਕਰਦੇ ਹਨ, ਪਰ ਜੀਪੀਐਸ ਪੂਰੀ ਤਰ੍ਹਾਂ ਬਲਾਕ ਹੋ ਜਾਵੇ ਤਾਂ ਇਹ ਵਾਪਸ ਨਹੀਂ ਪਰਤ ਸਕਦੇ ਤੇ ਥੱਲੇ ਉਤਰ ਜਾਂਦੇ ਹਨ। ਪੰਜਾਬ ਪੁਲਿਸ ਹੁਣ ਇਸ ‘ਤੇ ਕੰਮ ਕਰ ਰਹੀ ਹੈ।