Punjabi News Photo Gallery Sports Photo this batsman made this special record scoring the 100th century of his career that too during the ashes series know in punjabi

ਕਰੀਅਰ ਦਾ 100ਵਾਂ ਸੈਂਕੜਾ, ਉਹ ਵੀ ਐਸ਼ੇਜ਼ ਸੀਰੀਜ਼ ਦੌਰਾਨ, ਇਸ ਬੱਲੇਬਾਜ਼ ਨੇ ਬਣਾਇਆ ਸੀ ਇਹ ਖ਼ਾਸ ਰਿਕਾਰਡ

TV9 Punjabi

Published:

11 Aug 2026 19:48 PM IST

Geoffrey Boycott: ਇੰਗਲੈਂਡ ਦੇ ਦਿੱਗਜ ਬੱਲੇਬਾਜ਼ ਜੈਫਰੀ ਬਾਇਕਾਟ ਨੇ 11 ਅਗਸਤ 1977 ਨੂੰ ਇਹ ਇਤਿਹਾਸ ਰਚਿਆ ਸੀ, ਜਦੋਂ ਉਨ੍ਹਾਂ ਨੇ ਲੀਡਜ਼ ਟੈਸਟ ਮੈਚ ਵਿੱਚ ਸੈਂਕੜਾ ਲਗਾਇਆ ਸੀ। ਇਹ ਉਨ੍ਹਾਂ ਦੇ ਫਰਸਟ-ਕਲਾਸ ਕਰੀਅਰ ਦਾ 100ਵਾਂ ਸੈਂਕੜਾ ਸੀ।

ਕ੍ਰਿਕਟ ਇਤਿਹਾਸ ਵਿੱਚ ਬਹੁਤ ਹੀ ਘੱਟ ਅਜਿਹੇ ਬੱਲੇਬਾਜ਼ ਹੋਏ ਹਨ, ਜਿਨ੍ਹਾਂ ਨੇ ਫਰਸਟ-ਕਲਾਸ ਕ੍ਰਿਕਟ ਵਿੱਚ 100 ਤੋਂ ਵੱਧ ਸੈਂਕੜੇ ਲਗਾਏ ਹਨ। ਇਨ੍ਹਾਂ ਵਿੱਚ ਵੀ ਗਿਣਤੀ ਦੇ ਕੁਝ ਹੀ ਅਜਿਹੇ ਬੱਲੇਬਾਜ਼ ਰਹੇ ਹਨ, ਜਿਨ੍ਹਾਂ ਨੇ ਆਪਣਾ 100ਵਾਂ ਸੈਂਕੜਾ ਕਿਸੇ ਟੈਸਟ ਮੈਚ ਵਿੱਚ ਲਗਾਇਆ। ਜੈਫਰੀ ਬੌਇਕਾਟ ਵੀ ਉਨ੍ਹਾਂ ਵਿੱਚੋਂ ਇੱਕ ਸਨ ਅਤੇ ਉਹ ਅਜਿਹਾ ਕਰਨ ਵਾਲੇ ਸਭ ਤੋਂ ਪਹਿਲੇ ਬੱਲੇਬਾਜ਼ ਸਨ। (Photo: Getty Images)

2 / 5

ਇੰਗਲੈਂਡ ਦੇ ਮਹਾਨ ਬੱਲੇਬਾਜ਼ ਰਹੇ ਜੈਫਰੀ ਬੌਇਕਾਟ ਨੇ ਆਪਣੇ ਲੰਬੇ ਟੈਸਟ ਅਤੇ ਓਵਰਆਲ ਕ੍ਰਿਕਟ ਕਰੀਅਰ ਵਿੱਚ ਕਈ ਰਿਕਾਰਡ ਬਣਾਏ, ਪਰ ਇੱਕ ਸਭ ਤੋਂ ਖ਼ਾਸ ਕੀਰਤੀਮਾਨ ਉਨ੍ਹਾਂ ਨੇ 49 ਸਾਲ ਪਹਿਲਾਂ, 11 ਅਗਸਤ 1977 ਨੂੰ ਬਣਾਇਆ ਸੀ। (Photo: Getty Images)

3 / 5

ਇਹ ਸਭ ਕੁਝ ਹੈਡਿੰਗਲੇ ਟੈਸਟ ਮੈਚ ਵਿੱਚ ਹੋਇਆ ਸੀ, ਜਿੱਥੇ ਐਸ਼ੇਜ਼ ਸੀਰੀਜ਼ ਦਾ ਚੌਥਾ ਮੁਕਾਬਲਾ ਖੇਡਿਆ ਜਾ ਰਿਹਾ ਸੀ ਅਤੇ ਇੰਗਲੈਂਡ ਪਹਿਲੀ ਪਾਰੀ ਵਿੱਚ ਬੱਲੇਬਾਜ਼ੀ ਕਰ ਰਿਹਾ ਸੀ। ਓਪਨਿੰਗ ਕਰਨ ਆਏ ਜੈਫਰੀ ਬੌਇਕਾਟ ਨੇ ਇਸ ਪਾਰੀ ਵਿੱਚ ਸ਼ਾਨਦਾਰ ਸੈਂਕੜਾ ਲਗਾਇਆ ਅਤੇ 191 ਦੌੜਾਂ ਬਣਾ ਕੇ ਨਾਬਾਦ ਵਾਪਸ ਪਰਤੇ। (Photo: Getty Images)

4 / 5

ਇਸ ਦੇ ਨਾਲ ਹੀ ਬੌਇਕਾਟ ਨੇ ਫਰਸਟ ਕਲਾਸ ਕ੍ਰਿਕਟ ਵਿੱਚ ਆਪਣਾ 100ਵਾਂ ਸੈਂਕੜਾ ਪੂਰਾ ਕੀਤਾ। ਇਸ ਤਰ੍ਹਾਂ ਉਹ ਅਜਿਹੇ ਪਹਿਲੇ ਬੱਲੇਬਾਜ਼ ਬਣ ਗਏ, ਜਿਨ੍ਹਾਂ ਨੇ ਕਿਸੇ ਟੈਸਟ ਮੈਚ ਦੌਰਾਨ ਆਪਣਾ 100ਵਾਂ ਫਰਸਟ ਕਲਾਸ ਸੈਂਕੜਾ ਪੂਰਾ ਕੀਤਾ। ਸੈਂਕੜਾ ਪੂਰਾ ਕਰਦੇ ਹੀ ਪ੍ਰਸ਼ੰਸਕ ਮੈਦਾਨ ਵਿੱਚ ਦਾਖਲ ਹੋ ਗਏ ਅਤੇ ਬੌਇਕਾਟ ਨੂੰ ਘੇਰ ਲਿਆ। ਇੰਗਲੈਂਡ ਨੇ ਇਹ ਮੈਚ ਇੱਕ ਪਾਰੀ ਅਤੇ 85 ਦੌੜਾਂ ਨਾਲ ਜਿੱਤ ਲਿਆ। (Photo: Getty Images)

5 / 5

ਬੌਇਕਾਟ ਨੇ ਇੰਗਲੈਂਡ ਲਈ 108 ਟੈਸਟ ਮੈਚ ਖੇਡੇ ਅਤੇ ਇਸ ਦੌਰਾਨ 8114 ਦੌੜਾਂ ਬਣਾਈਆਂ, ਜਿਸ ਵਿੱਚ 22 ਸੈਂਕੜੇ ਸ਼ਾਮਲ ਸਨ। ਉੱਥੇ ਹੀ ਆਪਣੇ ਪੂਰੇ ਫਰਸਟ ਕਲਾਸ ਕਰੀਅਰ ਵਿੱਚ ਉਨ੍ਹਾਂ ਨੇ ਹੈਰਾਨੀਜਨਕ 609 ਮੈਚ ਖੇਡੇ, ਜਿਸ ਵਿੱਚ 151 ਸੈਂਕੜਿਆਂ ਦੀ ਮਦਦ ਨਾਲ 48,426 ਦੌੜਾਂ ਬਣਾਈਆਂ। (Photo: Getty Images)

Unable to load recommendations.

LIVETV

Tag :

Taipei Open: ਤਨਵੀ ਸ਼ਰਮਾ ਬਣੀ ਸਭ ਤੋਂ ਘੱਟ ਉਮਰ ਦੀ ਚੈਂਪੀਅਨ, 214 ਹਫ਼ਤੇ ਨੰਬਰ-1 ਰਹੀ ਖਿਡਾਰਨ ਦਾ ਤੋੜਿਆ ਰਿਕਾਰਡ

CWG 2026: ਭਾਰਤ ਦੀਆਂ 8 ਧੀਆਂ ਬਣੀਆਂ ਚੈਂਪੀਅਨ, ਗੋਲਡ ਮੈਡਲ ਜਿੱਤ ਰਚਿਆ ਇਤਿਹਾਸ

Asian Games 2026: ਏਸ਼ੀਅਨ ਗੇਮਜ਼ ‘ਚ ਵੈਭਵ ਸੂਰਯਵੰਸ਼ੀ ਤੋੜ ਸਕਦੇ ਹਨ ਅਭਿਸ਼ੇਕ ਸ਼ਰਮਾ ਦਾ ਇਹ ਵੱਡਾ ਰਿਕਾਰਡ

ਆਸਟ੍ਰੇਲੀਆਈ ਤੇਜ਼ ਗੇਂਦਬਾਜ਼ ਸਪੈਂਸਰ ਜੌਨਸਨ ਅਤੇ ਸਾਰਾ ਦਾ ਹੋਇਆ ਵਿਆਹ, ਸਕੂਲ ਦੌਰਾਨ ਹੋਈ ਸੀ ਪਹਿਲੀ ਮੁਲਾਕਾਤ

ਈਸ਼ਾ ਦੀ ਬੰਦੂਕ ‘ਚੋਂ ਨਿਕਲੀ ਗੋਲੀ ਨੇ ਭਾਰਤ ਨੂੰ ਦੁਆਇਆ ਗੋਲਡ, ਮਨੂ ਭਾਕਰ ਨੇ ਜਿੱਤਿਆ ਬ੍ਰਾਂਜ