ਦਿੱਗਜ ਸ਼ੂਟਰ ਰਾਜਾ ਰਣਧੀਰ ਸਿੰਘ ਦਾ ਦੇਹਾਂਤ, ਏਸ਼ੀਆਈ ਖੇਡਾਂ 'ਚ ਜਿੱਤਿਆ ਸੀ ਪਹਿਲਾ ਸੋਨ ਤਗਮਾ | raja randhir singh olympian shooter passes away age 79 know in Punjabi - TV9 Punjabi
ਪੰਜਾਬਸ਼ਾਰਟ ਵੀਡੀਓਜ਼ਦੇਸ਼ਦੁਨੀਆਟ੍ਰੈਂਡਿੰਗਮਨੋਰੰਜਨਫੋਟੋ ਗੈਲਰੀਖੇਡਾਂਧਰਮਵੀਡੀਓਲਾਈਫਸਟਾਈਲਕਾਰੋਬਾਰਟੈਕਨੋਲਜੀਵੈੱਬ ਸਟੋਰੀਜ਼ਚੋਣਾਂ 2026

ਦਿੱਗਜ ਸ਼ੂਟਰ ਰਾਜਾ ਰਣਧੀਰ ਸਿੰਘ ਦਾ ਦੇਹਾਂਤ, ਏਸ਼ੀਆਈ ਖੇਡਾਂ ‘ਚ ਜਿੱਤਿਆ ਸੀ ਪਹਿਲਾ ਸੋਨ ਤਗਮਾ

TV9 Punjabi
Published: 

27 May 2026 17:00 PM IST

ਭਾਰਤੀ ਓਲੰਪਿਕ ਸੰਘ ਦੇ ਸਾਬਕਾ ਸਕੱਤਰ ਅਤੇ ਦਿੱਗਜ ਓਲੰਪੀਅਨ ਨਿਸ਼ਾਨੇਬਾਜ਼ ਰਾਜਾ ਰਣਧੀਰ ਸਿੰਘ ਦਾ 79 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਪਟਿਆਲਾ ਦੇ ਸ਼ਾਹੀ ਪਰਿਵਾਰ ਨਾਲ ਸਬੰਧਤ ਰਣਧੀਰ ਸਿੰਘ ਏਸ਼ੀਆਈ ਖੇਡਾਂ (1978) ਵਿੱਚ ਸੋਨ ਤਗਮਾ ਜਿੱਤਣ ਵਾਲੇ ਪਹਿਲੇ ਭਾਰਤੀ ਨਿਸ਼ਾਨੇਬਾਜ਼ ਸਨ।

1 / 5ਭਾਰਤੀ ਖੇਡ ਜਗਤ ਲਈ ਬੁੱਧਵਾਰ 27 ਮਈ ਦੀ ਸਵੇਰ ਇੱਕ ਬੁਰੀ ਖ਼ਬਰ ਲੈ ਕੇ ਆਈ। ਦੇਸ਼ ਦੇ ਮਸ਼ਹੂਰ ਖੇਡ ਪ੍ਰਸ਼ਾਸਕ ਅਤੇ ਪੂਰਵ ਨਿਸ਼ਾਨੇਬਾਜ਼ ਰਾਜਾ ਰਣਧੀਰ ਸਿੰਘ ਦਾ ਦੇਹਾਂਤ ਹੋ ਗਿਆ। ਉਹ 79 ਸਾਲਾਂ ਦੇ ਸਨ ਅਤੇ ਨਵੀਂ ਦਿੱਲੀ ਵਿੱਚ ਆਪਣੇ ਘਰ ਵਿਖੇ ਉਨ੍ਹਾਂ ਨੇ ਆਖ਼ਰੀ ਸਾਹ ਲਏ। (Photo: PTI)

ਭਾਰਤੀ ਖੇਡ ਜਗਤ ਲਈ ਬੁੱਧਵਾਰ 27 ਮਈ ਦੀ ਸਵੇਰ ਇੱਕ ਬੁਰੀ ਖ਼ਬਰ ਲੈ ਕੇ ਆਈ। ਦੇਸ਼ ਦੇ ਮਸ਼ਹੂਰ ਖੇਡ ਪ੍ਰਸ਼ਾਸਕ ਅਤੇ ਪੂਰਵ ਨਿਸ਼ਾਨੇਬਾਜ਼ ਰਾਜਾ ਰਣਧੀਰ ਸਿੰਘ ਦਾ ਦੇਹਾਂਤ ਹੋ ਗਿਆ। ਉਹ 79 ਸਾਲਾਂ ਦੇ ਸਨ ਅਤੇ ਨਵੀਂ ਦਿੱਲੀ ਵਿੱਚ ਆਪਣੇ ਘਰ ਵਿਖੇ ਉਨ੍ਹਾਂ ਨੇ ਆਖ਼ਰੀ ਸਾਹ ਲਏ। (Photo: PTI)

2 / 5

ਜਾਣਕਾਰੀ ਮੁਤਾਬਕ, ਭਾਰਤੀ ਓਲੰਪਿਕ ਸੰਘ (IOA) ਦੇ ਸਾਬਕਾ ਸਕੱਤਰ ਰਣਧੀਰ ਸਿੰਘ ਪਿਛਲੇ ਕਾਫ਼ੀ ਸਮੇਂ ਤੋਂ ਉਮਰ ਨਾਲ ਸਬੰਧਤ ਬੀਮਾਰੀਆਂ ਤੋਂ ਪਰੇਸ਼ਾਨ ਸਨ ਅਤੇ ਕੁਝ ਸਮੇਂ ਤੱਕ ਹਸਪਤਾਲ ਵਿੱਚ ਭਰਤੀ ਵੀ ਰਹੇ ਸਨ, ਜਿਸ ਤੋਂ ਬਾਅਦ ਉਹ ਆਪਣੇ ਘਰ ਪਰਤ ਆਏ ਸਨ। (Photo: PTI)

3 / 5

ਪਟਿਆਲਾ ਦੇ ਮਹਾਰਾਜਾ ਅਤੇ ਸਾਬਕਾ ਕ੍ਰਿਕਟਰ ਭੁਪਿੰਦਰ ਸਿੰਘ ਦੇ ਵੰਸ਼ਜ ਰਣਧੀਰ ਸਿੰਘ ਇੱਕ ਟ੍ਰੈਪ ਸ਼ੂਟਰ ਸਨ ਅਤੇ ਇਸੇ ਈਵੈਂਟ ਵਿੱਚ 1978 ਦੀਆਂ ਬੈਂਕਾਕ ਏਸ਼ੀਆਈ ਖੇਡਾਂ (ਏਸ਼ੀਅਨ ਗੇਮਜ਼) ਵਿੱਚ ਉਨ੍ਹਾਂ ਨੇ ਸੋਨ ਤਗਮਾ (ਗੋਲਡ ਮੈਡਲ) ਜਿੱਤਿਆ ਸੀ। ਇਸ ਤਰ੍ਹਾਂ ਏਸ਼ੀਆਈ ਖੇਡਾਂ ਵਿੱਚ ਸੋਨ ਤਗਮਾ ਜਿੱਤਣ ਵਾਲੇ ਉਹ ਭਾਰਤ ਦੇ ਪਹਿਲੇ ਨਿਸ਼ਾਨੇਬਾਜ਼ ਬਣੇ ਸਨ। (Photo: PTI)

4 / 5

ਏਸ਼ੀਆਈ ਖੇਡਾਂ ਦੀ ਸਫਲਤਾ ਤੋਂ ਬਾਅਦ 1979 ਵਿੱਚ ਉਨ੍ਹਾਂ ਨੂੰ ਅਰਜੁਨ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਉਹ 1982 ਦੀਆਂ ਦਿੱਲੀ ਏਸ਼ੀਆਈ ਖੇਡਾਂ ਵਿੱਚ ਚਾਂਦੀ ਦਾ ਤਗਮਾ (ਸਿਲਵਰ ਮੈਡਲ) ਜਿੱਤਣ ਵਾਲੀ ਭਾਰਤੀ ਟੀਮ ਵਿੱਚ ਸ਼ਾਮਲ ਸਨ। ਉਨ੍ਹਾਂ ਨੇ 1968 ਤੋਂ 1984 ਤੱਕ ਲਗਾਤਾਰ 5 ਓਲੰਪਿਕ ਖੇਡਾਂ ਵਿੱਚ ਹਿੱਸਾ ਲਿਆ ਸੀ। (Photo: PTI)

5 / 5

ਆਪਣੇ ਸ਼ੂਟਿੰਗ ਕਰੀਅਰ ਦੇ ਨਾਲ ਹੀ ਰਣਧੀਰ ਸਿੰਘ ਨੇ ਬਤੌਰ ਖੇਡ ਪ੍ਰਸ਼ਾਸਕ ਵੀ ਵੱਡੀ ਸਫਲਤਾ ਹਾਸਲ ਕੀਤੀ ਅਤੇ ਉਨ੍ਹਾਂ ਨੂੰ ਭਾਰਤ ਦੇ ਸਭ ਤੋਂ ਪ੍ਰਸਿੱਧ ਅਤੇ ਸਫਲ ਪ੍ਰਸ਼ਾਸਕਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। 1987 ਤੋਂ 2012 ਤੱਕ ਉਹ IOA ਦੇ ਸਕੱਤਰ ਰਹੇ, ਜਦੋਂ ਕਿ 2001 ਤੋਂ 2014 ਤੱਕ ਇੰਟਰਨੈਸ਼ਨਲ ਓਲੰਪਿਕ ਕਮੇਟੀ ਦੇ ਮੈਂਬਰ ਰਹੇ। (Photo: PTI)

Follow Us
LIVETV
Tag :
Related Gallery
RCB vs GT, IPL 2026 Qualifier1: ਵਿਰਾਟ ਕੋਹਲੀ, ਸ਼ੁਭਮਨ ਗਿੱਲ, ਅਤੇ ਸਾਈ ਸੁਦਰਸ਼ਨ ਵਿਚਾਲੇ ਕਿਸ ਗੱਲ ਦੀ ਜੰਗ?
Shubman Gill: ਸ਼ੁਭਮਨ ਗਿਲ ਦਾ ਆਲੋਚਕਾਂ ਦੇ ਮੂੰਹ ‘ਤੇ ਥੱਪੜ, ਬਣੇ ਨੰਬਰ 1 IPL ਕਪਤਾਨ
IPL 2026 ਦੌਰਾਨ ਟੀਮਾਂ ‘ਤੇ ਕਾਰਵਾਈ ਕਰੇਗਾ BCCI, ਨਿਯਮ ਤੋੜਨ ਵਾਲਿਆਂ ਦੀਆਂ ਵਧਣਗੀਆਂ ਮੁਸ਼ਕਲਾਂ
ਕ੍ਰਿਕਟਰ ਹੋਵੇ ਜਾਂ ਸਟਾਰ ਖਿਡਾਰੀ… ਏਅਰਪੋਰਟ ‘ਤੇ ਸਾਰਿਆਂ ਦੀ ਹੁੰਦੀ ਹੈ ਚੈਕਿੰਗ, ਪਰ ਸਚਿਨ ਤੇਂਦੁਲਕਰ ਦੀ ਕਿਉਂ ਨਹੀਂ ਹੁੰਦੀ ਜਾਂਚ? ਜਾਣੋ ਵਜ੍ਹਾ
T20 World Cup 2026 Final: ਭਾਰਤ ਦਾ ਗੁਮਨਾਮ ਹੀਰੋ, ਜਿਸਨੇ 3 ਵਾਰ ਟੀਮ ਇੰਡੀਆ ਨੂੰ ਬਣਾਇਆ ਚੈਂਪੀਅਨ
T20 World Cup 2026: ਟੀਮ ਇੰਡੀਆ ਦੀ ਲੱਗੀ ਲਾਟਰੀ, ਫਾਈਨਲ ਤੋਂ ਪਹਿਲਾਂ ਹੀ ਇੰਨੇ ਕਰੋੜ ਦਾ ਇਨਾਮ ਮਿਲਣਾ ਤੈਅ