Punjabi News Photo Gallery Sports Photo mirabai chanu challenges herself not to go home without winning a medal at the asian games know in punjabi

Asian Games ਦਾ ਮੈਡਲ ਜਿੱਤੇ ਬਿਨਾਂ ਘਰ ਨਹੀਂ ਜਾਣਾ, ਮੀਰਾਬਾਈ ਚਾਨੂ ਨੇ ਆਪਣੇ ਆਪ ਨੂੰ ਦਿੱਤਾ ਚੈਲੰਜ

TV9 Punjabi

Published:

27 Aug 2026 18:01 PM IST

Asian Games 2026: ਮੀਰਾਬਾਈ ਨੇ ਏਸ਼ੀਅਨ ਗੇਮਜ਼ ਦੀਆਂ ਤਿਆਰੀਆਂ ਲਈ ਘਰ ਛੱਡ ਦਿੱਤਾ ਹੈ ਅਤੇ ਹੁਣ ਆਪਣੇ ਲਈ ਇੱਕ ਚੈਲੰਜ ਵੀ ਤੈਅ ਕੀਤਾ ਹੈ।

ਮੀਰਾਬਾਈ ਚਾਨੂ ਦੀ ਝੋਲੀ ਵਿੱਚ ਓਲੰਪਿਕ, ਕਾਮਨਵੈਲਥ ਗੇਮਜ਼ ਵਰਗੇ ਲਗਭਗ ਹਰ ਵੱਡੇ ਖੇਡ ਮੁਕਾਬਲੇ ਦੇ ਮੈਡਲ ਹਨ। ਸਿਰਫ਼ ਏਸ਼ੀਅਨ ਗੇਮਜ਼ ਹੀ ਇੱਕ ਅਜਿਹਾ ਮੁਕਾਬਲਾ ਹੈ, ਜਿੱਥੇ ਉਨ੍ਹਾਂ ਦੇ ਹੱਥ ਹੁਣ ਤੱਕ ਮੈਡਲ ਤੋਂ ਖਾਲੀ ਹਨ। ਏਸ਼ੀਆਈ ਦੇਸ਼ਾਂ ਵਿਚਾਲੇ ਹੋਣ ਵਾਲੇ ਇਸ ਮੁਕਾਬਲੇ ਵਿੱਚ ਮੈਡਲ ਜਿੱਤਣ ਲਈ ਇਸ ਵਾਰ ਉਨ੍ਹਾਂ ਨੇ ਆਪਣਾ ਇਰਾਦਾ ਹੋਰ ਪੱਕਾ ਕਰ ਲਿਆ ਹੈ। ਉਨ੍ਹਾਂ ਨੇ ਆਪਣੇ ਆਪ ਨੂੰ ਚੈਲੰਜ ਦਿੱਤਾ ਹੈ ਕਿ ਜਦੋਂ ਤੱਕ ਏਸ਼ੀਅਨ ਗੇਮਜ਼ ਵਿੱਚ ਮੈਡਲ ਨਹੀਂ ਜਿੱਤੇਗੀ, ਉਹ ਆਪਣੇ ਘਰ ਮਣੀਪੁਰ ਵਾਪਸ ਨਹੀਂ ਜਾਵੇਗੀ। (ਫੋਟੋ: PTI)

2 / 5

ਭਾਰਤ ਦੀ ਸਟਾਰ ਮਹਿਲਾ ਵੇਟਲਿਫਟਰ ਮੀਰਾਬਾਈ ਚਾਨੂ ਨੇ ਹਾਲ ਹੀ ਵਿੱਚ ਗਲਾਸਗੋ ਵਿੱਚ ਸਮਾਪਤ ਹੋਈਆਂ ਕਾਮਨਵੈਲਥ ਗੇਮਜ਼ ਵਿੱਚ ਇੱਕ ਵਾਰ ਫਿਰ ਗੋਲਡ ਮੈਡਲ ਜਿੱਤਿਆ ਸੀ। ਇਹ CWG ਵਿੱਚ ਉਨ੍ਹਾਂ ਦਾ ਲਗਾਤਾਰ ਤੀਜਾ ਗੋਲਡ ਮੈਡਲ ਸੀ। ਹੁਣ ਮੀਰਾਬਾਈ ਜਾਪਾਨ ਦੇ ਆਚੀ-ਨਾਗੋਯਾ ਵਿੱਚ ਹੋਣ ਵਾਲੀਆਂ ਏਸ਼ੀਅਨ ਗੇਮਜ਼ ਵਿੱਚ ਵੀ ਕੁਝ ਅਜਿਹਾ ਹੀ ਪੋਡੀਅਮ ਫਿਨਿਸ਼ ਕਰਨ ਦਾ ਮਨ ਬਣਾ ਚੁੱਕੀਆਂ ਹਨ। (ਫੋਟੋ: PTI)

3 / 5

32 ਸਾਲਾ ਮੀਰਾਬਾਈ ਨੇ 19 ਸਤੰਬਰ ਤੋਂ ਹੋਣ ਵਾਲੀਆਂ ਏਸ਼ੀਅਨ ਗੇਮਜ਼ ਲਈ ਟ੍ਰੇਨਿੰਗ ਸ਼ੁਰੂ ਕਰ ਦਿੱਤੀ ਹੈ। ਗਲਾਸਗੋ CWG ਵਿੱਚ ਗੋਲਡ ਮੈਡਲ ਜਿੱਤਣ ਤੋਂ ਬਾਅਦ ਉਨ੍ਹਾਂ ਨੇ ਘਰ ਜਾਣ ਦੀ ਬਜਾਏ ਮੋਦਿਨਗਰ ਦਾ ਰੁਖ ਕੀਤਾ। ਜਿੱਥੇ ਉਨ੍ਹਾਂ ਦੀ ਟ੍ਰੇਨਿੰਗ ਜਾਰੀ ਹੈ। ਉਨ੍ਹਾਂ ਨੇ ਠਾਨ ਲਿਆ ਹੈ ਕਿ ਹੁਣ ਉਹ ਆਪਣੇ ਘਰ ਮਣੀਪੁਰ ਏਸ਼ੀਅਨ ਗੇਮਜ਼ ਦਾ ਮੈਡਲ ਲੈ ਕੇ ਹੀ ਜਾਵੇਗੀ। (ਫੋਟੋ: PTI)

4 / 5

ਮੀਰਾਬਾਈ ਚਾਨੂ ਲਈ ਇਸ ਸਮੇਂ ਉਨ੍ਹਾਂ ਦੇ ਕੋਚ ਵਿਜੈ ਸ਼ਰਮਾ ਅਤੇ ਅਮਰੀਕਾ ਦੇ ਉਨ੍ਹਾਂ ਦੇ ਸਟ੍ਰੈਂਥ ਐਂਡ ਕੰਡੀਸ਼ਨਿੰਗ ਕੋਚ ਡਾਕਟਰ ਐਰੋਨ ਹੀ ਪਰਿਵਾਰ ਵਾਂਗ ਹਨ, ਜੋ ਹਰ ਵੀਰਵਾਰ ਵੀਡੀਓ ਕਾਲ ਰਾਹੀਂ ਮੀਰਾਬਾਈ ਨਾਲ ਗੱਲ ਕਰਕੇ ਉਨ੍ਹਾਂ ਦੀ ਟ੍ਰੇਨਿੰਗ ਦਾ ਜਾਇਜ਼ਾ ਲੈਂਦੇ ਹਨ। ਮੀਰਾਬਾਈ ਦੇ ਮੁਤਾਬਕ, ਡਾਕਟਰ ਐਰੋਨ ਖੁਦ ਵੀ ਵੇਟਲਿਫਟਰ ਰਹਿ ਚੁੱਕੇ ਹਨ। ਅਜਿਹੇ ਵਿੱਚ ਉਹ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਸਮਝਦੇ ਹਨ ਅਤੇ ਬਿਹਤਰ ਰਿਵਿਊ ਦਿੰਦੇ ਹਨ। (ਫੋਟੋ: PTI)

5 / 5

ਮੀਰਾਬਾਈ ਚਾਨੂ 2023 ਦੀਆਂ ਏਸ਼ੀਅਨ ਗੇਮਜ਼ ਵਿੱਚ ਚੌਥੇ ਸਥਾਨ 'ਤੇ ਰਹੀ ਸਨ। ਇਸ ਤੋਂ ਪਹਿਲਾਂ ਇੰਡੋਨੇਸ਼ੀਆ ਦੇ ਜਕਾਰਤਾ ਵਿੱਚ ਹੋਈਆਂ ਏਸ਼ੀਅਨ ਗੇਮਜ਼ ਵਿੱਚ ਉਹ ਪਿੱਠ ਦੀ ਸੱਟ ਕਾਰਨ ਮੁਕਾਬਲੇ ਵਿੱਚ ਹਿੱਸਾ ਨਹੀਂ ਲੈ ਸਕੀ ਸਨ। ਪਰ ਇਸ ਵਾਰ ਮੀਰਾਬਾਈ ਏਸ਼ੀਅਨ ਗੇਮਜ਼ ਵਿੱਚ ਆਪਣੀ ਕਾਮਯਾਬੀ ਦਾ ਕੋਈ ਵੀ ਮੌਕਾ ਹੱਥੋਂ ਨਹੀਂ ਜਾਣ ਦੇਣਾ ਚਾਵੇਗੀ। (ਫੋਟੋ: PTI)

Unable to load recommendations.

LIVETV

Tag :

ਦ੍ਰਵਿੜ-ਸਹਿਵਾਗ ਦੇ ਬੇਟੇ ਨੂੰ ਮਿਲੀ ਟੀਮ ਇੰਡੀਆ ‘ਚ ਥਾਂ, ਇਸ ਵਨਡੇ ਸੀਰੀਜ਼ ‘ਚ ਖੇਡਣਗੇ

US Open 2026: US Open ਦੇ ਸੈਮੀਫਾਈਨਲ ‘ਚ ਪਤੀ-ਪਤਨੀ ਦੀ ਜੋੜੀ ਦਾ ਧਮਾਲ

ਸ਼੍ਰੀਲੰਕਾ ਖਿਲਾਫ ਦੂਜੇ ਟੈਸਟ ‘ਚ ਸ਼ੁਭਮਨ ਗਿੱਲ ਨੇ ਰਚਿਆ ਇਤਿਹਾਸ, ਕੋਹਲੀ ਨੂੰ ਛੱਡਿਆ ਪਿੱਛੇ

FIFA World Cup 2026 ‘ਚ ਖੇਡਣ ਵਾਲੀਆਂ ਇਨ੍ਹਾਂ 3 ਟੀਮਾਂ ਦਾ ਸਾਹਮਣਾ ਕਰੇਗਾ ਭਾਰਤ

IND vs SL Test: ਦੇਵਦੱਤ ਪਡਿਕਲ ਬਣੇ ਨੰਬਰ-1, ਸ਼੍ਰੀਲੰਕਾ ‘ਚ ਤੋੜਿਆ 23 ਸਾਲ ਪੁਰਾਣਾ ਰਿਕਾਰਡ