Punjabi News Photo Gallery Sports Photo india vs zimbabwe second t20 team india eyes series win and top icc t20 ranking know in punjabi

IND vs ZIM: ਦੂਜਾ T20I ਜਿੱਤਣ ‘ਤੇ ਭਾਰਤ ਨੂੰ ਮਿਲਣਗੀਆਂ 2 ਵੱਡੀਆਂ ਖ਼ੁਸ਼ਖ਼ਬਰੀਆਂ, ਇੰਗਲੈਂਡ ਤੋਂ ਬਦਲਾ ਹੋਵੇਗਾ ਪੂਰਾ!

TV9 Punjabi

Published:

25 Jul 2026 17:56 PM IST

ਭਾਰਤ ਅਤੇ ਜ਼ਿੰਬਾਬਵੇ ਵਿਚਾਲੇ ਅੱਜ ਟੀ-20 ਸੀਰੀਜ਼ ਦਾ ਦੂਜਾ ਮੈਚ ਹਰਾਰੇ 'ਚ ਖੇਡਿਆ ਜਾਵੇਗਾ। ਪਹਿਲਾ ਮੈਚ ਜਿੱਤ ਚੁੱਕੀ ਭਾਰਤੀ ਟੀਮ ਜੇਕਰ ਅੱਜ ਜਿੱਤਦੀ ਹੈ, ਤਾਂ ਉਹ ਸੀਰੀਜ਼ 'ਚ 2-0 ਦੀ ਅਜੇਤੂ ਬੜ੍ਹਤ ਬਣਾ ਲਵੇਗੀ। ਇਸ ਨਾਲ ਕਪਤਾਨ ਸ਼੍ਰੇਅਸ ਅੱਯਰ ਦੀ ਅਗਵਾਈ 'ਚ ਪਹਿਲੀ ਸੀਰੀਜ਼ ਜਿੱਤ ਅਤੇ ਆਈਸੀਸੀ ਰੈਂਕਿੰਗ 'ਚ ਮੁੜ ਨੰਬਰ-1 ਟੀਮ ਬਣਨ ਦਾ ਮੌਕਾ ਮਿਲੇਗਾ।

ਭਾਰਤ ਅਤੇ ਜ਼ਿੰਬਾਬਵੇ ਵਿਚਾਲੇ ਖੇਡੀ ਜਾ ਰਹੀ ਟੀ-20 ਸੀਰੀਜ਼ ਦਾ ਦੂਜਾ ਮੁਕਾਬਲਾ ਅੱਜ ਯਾਨੀ 25 ਜੁਲਾਈ ਨੂੰ ਹਰਾਰੇ ਸਪੋਰਟਸ ਕਲੱਬ ਵਿਖੇ ਖੇਡਿਆ ਜਾਵੇਗਾ। ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 4:30 ਵਜੇ ਸ਼ੁਰੂ ਹੋਵੇਗਾ। ਸੀਰੀਜ਼ ਦਾ ਪਹਿਲਾ ਮੈਚ ਜਿੱਤ ਕੇ 1-0 ਦੀ ਬੜ੍ਹਤ ਬਣਾ ਚੁੱਕੀ ਭਾਰਤੀ ਟੀਮ ਜੇਕਰ ਅੱਜ ਦਾ ਮੁਕਾਬਲਾ ਜਿੱਤਣ 'ਚ ਸਫਲ ਰਹਿੰਦੀ ਹੈ, ਤਾਂ ਉਸ ਨੂੰ ਇਕੱਠੀਆਂ 2 ਵੱਡੀਆਂ ਖ਼ੁਸ਼ਖ਼ਬਰੀਆਂ ਮਿਲਣਗੀਆਂ। (PHOTO CREDIT- PTI)

2 / 5

ਪਹਿਲਾ ਮੈਚ ਆਪਣੇ ਨਾਮ ਕਰਨ ਤੋਂ ਬਾਅਦ ਟੀਮ ਇੰਡੀਆ ਅੱਜ ਦਾ ਮੁਕਾਬਲਾ ਜਿੱਤ ਕੇ ਸੀਰੀਜ਼ 'ਚ 2-0 ਦੀ ਅਜੇਤੂ ਬੜ੍ਹਤ ਹਾਸਲ ਕਰ ਲਵੇਗੀ। ਇਸ ਦੇ ਨਾਲ ਹੀ ਤੌਰ 'ਤੇ ਕਪਤਾਨ ਸ਼੍ਰੇਅਸ ਅੱਯਰ ਲਈ ਵੀ ਇਹ ਕਾਫ਼ੀ ਖ਼ਾਸ ਮੌਕਾ ਹੋਵੇਗਾ। ਇਹ ਉਨ੍ਹਾਂ ਦੀ ਅਗਵਾਈ ਹੇਠ ਭਾਰਤ ਦੀ ਪਹਿਲੀ ਅੰਤਰਰਾਸ਼ਟਰੀ ਟੀ-20 ਸੀਰੀਜ਼ ਜਿੱਤ ਸਾਬਤ ਹੋਵੇਗੀ। (PHOTO CREDIT- PTI)

3 / 5

ਦੂਜਾ ਸਭ ਤੋਂ ਵੱਡਾ ਫ਼ਾਇਦਾ ਆਈ.ਸੀ.ਸੀ. (ICC) ਰੈਂਕਿੰਗ ਵਿੱਚ ਦੇਖਣ ਨੂੰ ਮਿਲੇਗਾ। ਹਾਲ ਹੀ ਵਿੱਚ ਇੰਗਲੈਂਡ ਖ਼ਿਲਾਫ਼ ਟੀ-20 ਸੀਰੀਜ਼ ਵਿੱਚ 0-4 ਦੀ ਕਰਾਰੀ ਹਾਰ ਤੋਂ ਬਾਅਦ ਭਾਰਤੀ ਟੀਮ ਤੋਂ ਨੰਬਰ-1 T20I ਟੀਮ ਦਾ ਤਾਜ ਖੋਹ ਲਿਆ ਗਿਆ ਸੀ। (PHOTO CREDIT- PTI)

4 / 5

ਜ਼ਿੰਬਾਬਵੇ ਸੀਰੀਜ਼ ਦੀ ਸ਼ੁਰੂਆਤ ਤੋਂ ਪਹਿਲਾਂ ਭਾਰਤ ਅਤੇ ਇੰਗਲੈਂਡ, ਦੋਵਾਂ ਹੀ ਟੀਮਾਂ ਦੇ 268-268 ਰੇਟਿੰਗ ਪੁਆਇੰਟ ਸਨ। ਅਜਿਹੇ ਵਿੱਚ ਹਰਾਰੇ ਵਿੱਚ ਜ਼ਿੰਬਾਬਵੇ ਨੂੰ ਧੂੜ ਚਟਾਉਂਦੇ ਹੀ ਭਾਰਤੀ ਟੀਮ ਰੇਟਿੰਗ ਪੁਆਇੰਟਾਂ ਵਿੱਚ ਬੜ੍ਹਤ ਹਾਸਲ ਕਰ ਲਵੇਗੀ ਅਤੇ ਇੰਗਲੈਂਡ ਨੂੰ ਪਛਾੜ ਕੇ ਇੱਕ ਵਾਰ ਫਿਰ ਦੁਨੀਆ ਦੀ ਨੰਬਰ-1 ਟੀ-20 ਟੀਮ ਦਾ ਦਰਜਾ ਹਾਸਲ ਕਰ ਲਵੇਗੀ। (PHOTO CREDIT- PTI)

5 / 5

ਹਾਲਾਂਕਿ, ਸੀਰੀਜ਼ ਦਾ ਤੀਜਾ ਅਤੇ ਆਖ਼ਰੀ ਮੈਚ 26 ਜੁਲਾਈ ਨੂੰ ਖੇਡਿਆ ਜਾਣਾ ਹੈ। ਅਜਿਹੇ ਵਿੱਚ ਇੰਟਰਨੈਸ਼ਨਲ ਕ੍ਰਿਕਟ ਕੌਂਸਲ ਸੀਰੀਜ਼ ਤੋਂ ਬਾਅਦ ਹੀ ਨਵੀਂ ਟੀਮ ਰੈਂਕਿੰਗ ਜਾਰੀ ਕਰੇਗਾ, ਜਿਸ ਨਾਲ ਭਾਰਤ ਨੂੰ ਫ਼ਾਇਦਾ ਹੋਣਾ ਤੈਅ ਹੈ। (PHOTO CREDIT- PTI)

LIVETV

Tag :

ਕੀ Commonwealth Games ਦਾ ਗੋਲਡ ਮੈਡਲ ਸੱਚਮੁੱਚ ਸ਼ੁੱਧ ਸੋਨੇ ਦਾ ਹੁੰਦਾ ਹੈ? ਜਾਣੋ 6 ਗ੍ਰਾਮ ਸੋਨੇ ਅਤੇ 92.5% ਚਾਂਦੀ ਦਾ ਪੂਰਾ ਸੱਚ

Commonwealth Games: 6 ਸੋਨੇ, 2 ਚਾਂਦੀ… ਇੱਕ ਹੀ ਐਡੀਸ਼ਨ ‘ਚ ਸਭ ਤੋਂ ਵੱਧ 8 ਮੈਡਲ ਕਿਸ ਨੇ ਜਿੱਤੇ?

Commonwealth Games: ਦਿੱਲੀ ਕਾਮਨਵੈਲਥ ਖੇਡਾਂ ਵਿੱਚ ਆਖਰੀ ਵਾਰ ਨਜ਼ਰ ਆਈਆਂ ਸਨ ਇਹ ਖੇਡਾਂ, ਫਿਰ ਨਹੀਂ ਹੋਇਆ ਦੁਬਾਰਾ ਆਯੋਜਨ

Commonwealth Games ਦੇ ਇਤਿਹਾਸ ‘ਚ ਭਾਰਤ ਦੇ 5 ਸਫਲ ਖਿਡਾਰੀ, ਜਿਨ੍ਹਾਂ ਨੇ ਜਿੱਤੇ ਸਭ ਤੋਂ ਵੱਧ ਗੋਲਡ ਮੈਡਲ

ਕਿੰਗ ਕੋਹਲੀ ਦਾ ਇੱਕ ਹੋਰ ਵੱਡਾ ਰਿਕਾਰਡ, ਇਸ ਖ਼ਾਸ ਰਿਕਾਰਡ ਵਿੱਚ ਸਚਿਨ ਦੀ ਕੀਤੀ ਬਰਾਬਰੀ