Punjabi News Photo Gallery Religion Photo raghav chadha harbhajan singh vikramjit singh rajendra gupta swati maliwal sandeep pathak ashok mittal join bjp aap know about them in punjabi

ਰਾਘਵ ਚੱਢਾ ਤੋਂ ਸੰਦੀਪ ਪਾਠਕ ਤੇ ਹਰਭਜਨ ਸਿੰਘ ਤੱਕ… ਇਹ ਹਨ ਉਹ MP, ਜਿਹੜੇ AAP ਛੱਡ BJP ‘ਚ ਗਏ

TV9 Punjabi

Updated On:

24 Apr 2026 17:48 PM IST

AAP 7 MP Joined BJP : ਆਮ ਆਦਮੀ ਪਾਰਟੀ ਨੂੰ ਵੱਡਾ ਝਟਕਾ ਲੱਗਾ ਹੈ। ਰਾਘਵ ਚੱਢਾ ਨੇ 'ਆਪ' ਛੱਡਦੇ ਹੋਏ ਐਲਾਨ ਕੀਤਾ ਹੈ ਅਤੇ ਐਲਾਨ ਕੀਤਾ ਸੀ ਕਿ ਦੋ ਤਿਹਾਈ ਰਾਜ ਸਭਾ ਸੰਸਦ ਮੈਂਬਰ ਭਾਜਪਾ ਵਿੱਚ ਸ਼ਾਮਲ ਹੋਣਗੇ। 'ਆਪ' ਨੇ ਇਸ ਨੂੰ "ਆਪ੍ਰੇਸ਼ਨ ਲੋਟਸ" ਅਤੇ ਗੱਦਾਰੀ ਕਰਾਰ ਦਿੱਤਾ ਹੈ

ਰਾਘਵ ਚੱਢਾ ਦੀ ਗਿਣਤੀ ਆਮ ਆਦਮੀ ਪਾਰਟੀ ਦੇ ਸਭ ਤੋਂ ਪ੍ਰਮੁੱਖ ਅਤੇ ਨੀਤੀ ਘਾੜੇ ਆਗੂਆਂ ਵਿੱਚ ਹੁੰਦੀ ਸੀ। ਦਿੱਲੀ ਵਿੱਚ ਪੈਦਾ ਹੋਏ ਚੱਢਾ ਪੇਸ਼ੇ ਤੋਂ ਚਾਰਟਰਡ ਅਕਾਊਂਟੈਂਟ (CA) ਹਨ ਅਤੇ ਰਾਜਨੀਤੀ ਵਿੱਚ ਆਉਣ ਤੋਂ ਪਹਿਲਾਂ ਉਨ੍ਹਾਂ ਨੇ ਕਾਰਪੋਰੇਟ ਸੈਕਟਰ ਵਿੱਚ ਵੀ ਕੰਮ ਕੀਤਾ ਹੈ। ਉਹ ਦਿੱਲੀ ਸਰਕਾਰ ਵਿੱਚ ਵਿੱਤ ਮੰਤਰੀ ਦੇ ਸਲਾਹਕਾਰ ਅਤੇ ਦਿੱਲੀ ਜਲ ਬੋਰਡ ਦੇ ਉਪ-ਚੇਅਰਮੈਨ ਰਹੇ। ਸਾਲ 2020 ਵਿੱਚ ਦਿੱਲੀ ਦੇ ਰਾਜਿੰਦਰ ਨਗਰ ਤੋਂ ਵਿਧਾਇਕ ਚੁਣੇ ਜਾਣ ਤੋਂ ਬਾਅਦ, 2022 ਵਿੱਚ ਉਹ ਪੰਜਾਬ ਤੋਂ ਰਾਜ ਸਭਾ ਮੈਂਬਰ ਬਣੇ ਸਨ।

2 / 7

ਸਿੱਖਿਆ ਜਗਤ ਵਿੱਚ ਅਸ਼ੋਕ ਮਿੱਤਲ ਇੱਕ ਵੱਡਾ ਨਾਮ ਹਨ। ਉਹ ਮਸ਼ਹੂਰ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ਦੇ ਸੰਸਥਾਪਕ ਚਾਂਸਲਰ ਹਨ। ਸਾਲ 2022 ਵਿੱਚ ਉਹ ਪੰਜਾਬ ਤੋਂ ਰਾਜ ਸਭਾ ਮੈਂਬਰ ਚੁਣੇ ਗਏ ਸਨ। ਸਿੱਖਿਆ ਸੁਧਾਰਾਂ, ਸਕਿੱਲ ਡਿਵੈਲਪਮੈਂਟ ਅਤੇ ਉੱਚ ਸਿੱਖਿਆ ਨੂੰ ਸਾਰਿਆਂ ਲਈ ਸੁਲਭ ਬਣਾਉਣ ਦੇ ਮੁੱਦਿਆਂ 'ਤੇ ਉਹ ਹਮੇਸ਼ਾ ਸਰਗਰਮ ਰਹੇ ਹਨ।

3 / 7

ਡਾ. ਸੰਦੀਪ ਪਾਠਕ ਨੂੰ ਆਮ ਆਦਮੀ ਪਾਰਟੀ ਦਾ 'ਚਾਣਕਿਆ' ਮੰਨਿਆ ਜਾਂਦਾ ਸੀ। ਸਿਆਸਤ ਵਿੱਚ ਆਉਣ ਤੋਂ ਪਹਿਲਾਂ ਉਹ ਅਧਿਆਪਨ ਅਤੇ ਖੋਜ ਕਾਰਜਾਂ ਨਾਲ ਜੁੜੇ ਰਹੇ। ਪਾਰਟੀ ਦੇ ਰਾਸ਼ਟਰੀ ਸੰਗਠਨ ਮਹਾਂਮੰਤਰੀ ਵਜੋਂ ਉਨ੍ਹਾਂ ਨੇ ਦੇਸ਼ ਭਰ ਵਿੱਚ ਪਾਰਟੀ ਦੇ ਵਿਸਥਾਰ ਵਿੱਚ ਅਹਿਮ ਭੂਮਿਕਾ ਨਿਭਾਈ। 2022 ਵਿੱਚ ਉਹ ਪੰਜਾਬ ਤੋਂ ਰਾਜ ਸਭਾ ਮੈਂਬਰ ਬਣੇ ਸਨ। ਉਨ੍ਹਾਂ ਨੂੰ ਲੋ-ਪ੍ਰੋਫਾਈਲ ਰਹਿ ਕੇ ਵੱਡੇ ਸਿਆਸੀ ਉਲਟਫੇਰ ਕਰਨ ਵਾਲੇ ਆਗੂ ਵਜੋਂ ਜਾਣਿਆ ਜਾਂਦਾ ਹੈ।

4 / 7

ਦੇਸ਼ ਦੇ ਦਿੱਗਜ ਸਾਬਕਾ ਕ੍ਰਿਕਟਰ ਹਰਭਜਨ ਸਿੰਘ (ਭੱਜੀ) ਮੌਜੂਦਾ ਸਮੇਂ ਵਿੱਚ ਰਾਜ ਸਭਾ ਮੈਂਬਰ ਹਨ। ਜਲੰਧਰ ਵਿੱਚ ਜਨਮੇ ਹਰਭਜਨ ਨੇ ਆਪਣੀ ਆਫ-ਸਪਿਨ ਗੇਂਦਬਾਜ਼ੀ ਨਾਲ ਵਿਸ਼ਵ ਪੱਧਰ 'ਤੇ ਨਾਮਣਾ ਖੱਟਿਆ ਅਤੇ ਟੀਮ ਇੰਡੀਆ ਨੂੰ ਕਈ ਇਤਿਹਾਸਕ ਜਿੱਤਾਂ ਦਿਵਾਈਆਂ। ਸਾਲ 2022 ਵਿੱਚ ਉਹ ਪੰਜਾਬ ਤੋਂ ‘ਆਪ’ ਦੀ ਹਮਾਇਤ ਨਾਲ ਰਾਜ ਸਭਾ ਮੈਂਬਰ ਬਣੇ ਸਨ। ਉਹ ਸੰਸਦ ਵਿੱਚ ਅਕਸਰ ਖੇਡਾਂ ਅਤੇ ਨੌਜਵਾਨਾਂ ਦੇ ਵਿਕਾਸ ਦੇ ਮੁੱਦੇ ਉਠਾਉਂਦੇ ਹਨ।

5 / 7

ਪੰਜਾਬ ਦੇ ਕੋਟਕਪੂਰਾ ਦੇ ਰਹਿਣ ਵਾਲੇ ਵਿਕਰਮਜੀਤ ਸਿੰਘ ਸਾਹਨੀ ਸਾਲ 2022 ਵਿੱਚ ਰਾਜ ਸਭਾ ਦੇ ਮੈਂਬਰ ਚੁਣੇ ਗਏ ਸਨ। ਸੰਸਦ ਵਿੱਚ ਉਹ ਪੰਜਾਬ ਦੇ ਆਰਥਿਕ, ਖੇਤੀਬਾੜੀ ਅਤੇ ਬੁਨਿਆਦੀ ਢਾਂਚੇ ਦੇ ਮੁੱਦਿਆਂ ਨੂੰ ਜ਼ੋਰ-ਸ਼ੋਰ ਨਾਲ ਉਠਾਉਂਦੇ ਰਹੇ ਹਨ। ਉਹ 'ਸਨ ਗਰੁੱਪ/ਸਨ ਇੰਟਰਨੈਸ਼ਨਲ' ਦੇ ਚੇਅਰਮੈਨ ਹਨ। ਸਮਾਜ ਸੇਵਾ ਲਈ ਉਨ੍ਹਾਂ ਨੂੰ ਸਾਲ 2008 ਵਿੱਚ 'ਪਦਮ ਸ਼੍ਰੀ' ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਕੌਮਾਂਤਰੀ ਸ਼ਾਂਤੀ ਪੁਰਸਕਾਰ ਸਮੇਤ ਕਈ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਸਨਮਾਨ ਮਿਲ ਚੁੱਕੇ ਹਨ।

6 / 7

ਰਾਜੇਂਦਰ ਗੁਪਤਾ ਮਾਰਚ 2011 ਤੋਂ ਅਕਤੂਬਰ 2025 ਤੱਕ ਪੰਜਾਬ ਰਾਜ ਆਰਥਿਕ ਨੀਤੀ ਅਤੇ ਯੋਜਨਾ ਬੋਰਡ ਦੇ ਉਪ-ਚੇਅਰਮੈਨ ਰਹੇ। ਉਹ ਅਕਤੂਬਰ 2025 ਵਿੱਚ ਰਾਜ ਸਭਾ ਲਈ ਚੁਣੇ ਗਏ ਸਨ। ਦਸੰਬਰ 2025 ਤੋਂ ਉਹ ਲੇਬਰ, ਟੈਕਸਟਾਈਲ ਅਤੇ ਹੁਨਰ ਵਿਕਾਸ ਕਮੇਟੀ ਦੇ ਮੈਂਬਰ ਵਜੋਂ ਸੇਵਾਵਾਂ ਨਿਭਾ ਰਹੇ ਹਨ।

7 / 7

ਸਮਾਜਿਕ ਕਾਰਕੁਨ ਤੋਂ ਸਿਆਸਤਦਾਨ ਬਣੀ ਸਵਾਤੀ ਮਾਲੀਵਾਲ ਇੱਕ ਬੇਬਾਕ ਮਹਿਲਾ ਆਗੂ ਵਜੋਂ ਜਾਣੀ ਜਾਂਦੀ ਹੈ। ਇੰਜੀਨੀਅਰਿੰਗ ਦੀ ਪੜ੍ਹਾਈ ਤੋਂ ਬਾਅਦ ਉਨ੍ਹਾਂ ਨੇ ਸਮਾਜਿਕ ਖੇਤਰ ਵਿੱਚ ਕੰਮ ਸ਼ੁਰੂ ਕੀਤਾ। ਉਹ ਦਿੱਲੀ ਮਹਿਲਾ ਕਮਿਸ਼ਨ ਦੀ ਪ੍ਰਧਾਨ ਰਹੀ ਹੈ ਅਤੇ ਇਸ ਅਹੁਦੇ 'ਤੇ ਰਹਿੰਦਿਆਂ ਉਨ੍ਹਾਂ ਨੇ ਮਹਿਲਾ ਸੁਰੱਖਿਆ, ਘਰੇਲੂ ਹਿੰਸਾ ਅਤੇ ਮਨੁੱਖੀ ਤਸਕਰੀ ਵਿਰੁੱਧ ਵੱਡੀ ਮੁਹਿੰਮ ਚਲਾਈ। ਸਾਲ 2024 ਵਿੱਚ ਉਹ ‘ਆਪ’ ਵੱਲੋਂ ਰਾਜ ਸਭਾ ਮੈਂਬਰ ਬਣੀ ਸੀ।

LIVETV

Tag :

Vastu Tips: ਗਲਤ ਦਿਸ਼ਾ ਵਿੱਚ ਤਾਂ ਨਹੀਂ ਰੱਖਿਆ ਹੈ ਮਨੀ ਪਲਾਂਟ? ਫਾਇਦੇ ਦੀ ਥਾਂ ਹੋ ਸਕਦਾ ਹੈ ਭਾਰੀ ਨੁਕਸਾਨ!

Baisakhi 2026: ਸਭਾ ‘ਚ ਛਾਈ ਚੁੱਪੀ ਵਿਚਾਲੇ ਕਿਵੇਂ ਹੋਈ ਖਾਲਸਾ ਪੰਥ ਦੀ ਸਥਾਪਨਾ?

ਹੋਲੇ ਮਹੱਲੇ ਦਾ ਖਾਲਸਾਈ ਜਾਹੋ ਜਲਾਲ ! ਖਾਲਸੇ ਦੀ ਧਰਤੀ ‘ਤੇ ਹੋਇਆ ਸੰਗਤਾਂ ਦਾ ਭਾਰੀ ਇਕੱਠ

Kharmas 2025: ਖਰਮਾਸ ਵਿੱਚ ਮਾਂਗਲਿਕ ਕੰਮ ਨਹੀਂ ਹੁੰਦੇ, ਪਰ ਕੀ ਨਵੇਂ ਕੱਪੜੇ ਖਰੀਦਣਾ ਸ਼ੁਭ ਹੈ?

ਚਾਣਕਿਆ ਨੀਤੀ: ਜੇਕਰ ਘਰ ਵਿੱਚ ਹਨ ਅਜਿਹੇ ਲੋਕ ਹੋ ਜਾਓ ਤਾਂ ਸਾਵਧਾਨ, ਖਤਰੇ ‘ਚ ਹੈ ਤੁਹਾਡੀ ਜਾਨ