Punjabi News Photo Gallery Lifestyle Photo healthy snacks recipe know about five tasty and crunchy prepaired with less oil snacks to stay fit and healthy detail in punjabi

ਨਾ ਭਾਰ ਵਧਣ ਦੀ ਟੈਨਸ਼ਨ, ਨਾ ਸੁਆਦ ਨਾਲ ਸਮਝੌਤਾ… ਛੋਟੀ-ਛੋਟੀ ਭੁੱਖ ਲਈ ਬੈਸਟ ਹਨ ਇਹ ਚਟਪਟੇ ਕਰੰਚੀ ਸਨੈਕਸ

TV9 Punjabi

Updated On:

17 Feb 2026 16:15 PM IST

Healthy Snacks Recipe: ਬ੍ਰੇਕਫਾਸਟ, ਲੰਚ ਅਤੇ ਡਿਨਰਦੇ ਵਿਚਕਾਰ ਦਾ ਜੋ ਟਾਈਮ ਹੁੰਦਾ ਹੈ, ਉਸ ਵਿੱਚ ਕੁਝ ਹਲਕਾ-ਫੁਲਕਾ ਖਾਣ ਦੀ ਕ੍ਰੇਵਿੰਗ ਹੁੰਦੀ ਰਹਿੰਦੀ ਹੈ। ਇਸ ਦੌਰਾਨ, ਲੋਕ ਅਕਸਰ ਕੁਝ ਕਰੰਚੀ ਅਤੇ ਚਟਪਟਾ ਖਾਣਾ ਚਾਹੁੰਦੇ ਹਨ। ਇਸ ਲਈ ਉਹ ਬਾਜਾਰ ਤੋਂ ਮਿਲਣ ਵਾਲੇ ਨਮਕੀਨ, ਚਿਪਸ ਵਰਗ ਸਨੈਕਸ ਦਾ ਸਹਾਰਾ ਲੈਂਦੇ ਹਨ, ਜਿਸ ਨਾਲ ਭਾਰ ਵਧਣ ਦਾ ਡਰ ਰਹਿੰਦਾ ਹੈ। ਇਸ ਲੇਖ ਵਿੱਚ, ਅਸੀਂ ਪੰਜ ਸੁਆਦੀ, ਕਰੰਚੀ ਅਤੇ ਹੈਲਦੀ ਸਨੈਕਸ ਬਾਰੇ ਦੱਸਾਂਗੇ, ਜੋ ਬਹੁਤ ਹੀ ਘੱਟ ਤੇਲ ਨਾਲ ਤਿਆਰ ਹੁੰਦੇ ਹਨ।

ਦਿਨ ਵੇਲੇ ਲੱਗਣ ਵਾਲੀ ਛੋਟੀ-ਛੋਟੀ ਭੁੱਖ ਲਈ ਕਰੰਚੀ ਸਨੈਕਸ ਖਾਣ ਦਾ ਦਿਲ ਹੋਵੇ ਤਾਂ ਕਈ ਵਾਰ ਲੋਕ ਇਸ ਡਰ ਤੋਂ ਨਹੀਂ ਖਾਂਦੇ ਕਿ ਇਸ ਨਾਲ ਭਾਰ ਵਧ ਸਕਦਾ ਹੈ। ਇਸੇ ਤਰ੍ਹਾਂ, ਵੇਟ ਲੌਸ ਜਰਨੀ 'ਤੇ ਰਹਿਣ ਵਾਲੇ ਲੋਕਾਂ ਨੂੰ ਲੱਗਦਾ ਹੈ ਕਿ ਉਨ੍ਹਾਂ ਨੂੰ ਸੁਆਦ ਨਾਲ ਸਮਝੌਤਾ ਕਰਨਾ ਪਵੇਗਾ, ਪਰ ਅਜਿਹੀਆਂ ਬਹੁਤ ਸਾਰੀਆਂ ਰੈਸਿਪੀ ਹਨ ਜੋ ਸੁਆਦੀ ਅਤੇ ਹੈਲਦੀ ਦੋਵੇਂ ਹਨ। ਆਓ ਸੁਆਦੀ ਕਰੰਚੀ ਸਨੈਕਸ ਬਾਰੇ ਜਾਣੀਏ ਜੋ ਘੱਟ ਤੇਲ ਨਾਲ ਤਿਆਰ ਹੋ ਸਕਦੇ ਹਨ। (All Image: Getty Images)

2 / 6

ਮਸਾਲਾ ਮਖਾਨਾ: ਘੱਟ ਤੇਲ ਵਾਲੇ ਸੁਆਦੀ ਅਤੇ ਹੈਲਦੀ ਸਨੈਕ ਲਈ, ਤੁਹਾਨੂੰ ਭੁੰਨੇ ਹੋਏ ਮਸਾਲਾ ਮਖਾਨਾ ਖਾਣਾ ਚਾਹੀਦਾ ਹੈ। ਇਸਨੂੰ ਬਣਾਉਣ ਲਈ, ਮਖਾਨੇ ਨੂੰ ਹਲਕੇ ਸੇਕ 'ਤੇ ਭੁੰਨੋ, ਲਗਾਤਾਰ ਹਿਲਾਉਂਦੇ ਰਹੋ, ਜਦੋਂ ਤੱਕ ਇਹ ਕਰੰਚੀ ਨਾ ਹੋ ਜਾਵੇ। ਇਸਨੂੰ ਇੱਕ ਪਲੇਟ ਵਿੱਚ ਪਾਓ। ਅੱਧਾ ਚਮਚ ਘਿਓ ਵਿੱਚ ਇੱਕ ਚੁਟਕੀ ਹਲਦੀ, ਓਨੀ ਹੀ ਮਿਰਚ ਅਤੇ ਸੁਆਦ ਅਨੁਸਾਰ ਨਮਕ ਪਾਓ। ਤੁਰੰਤ ਮਖਾਨਾ ਪਾਓ ਅਤੇ ਕੜਛੀ ਨਾਲ ਮਿਲਾਓ।

3 / 6

ਪੀਨਟ-ਚਿਵੜਾ ਨਮਕੀਨ: ਘੱਟ ਤੇਲ ਵਾਲੇ ਕਰੰਚੀ ਸਨੈਕ ਲਈ, ਤੁਸੀਂ ਪੀਨਟ-ਚਿਵੜਾ ਨਮਕੀਨ ਬਣਾ ਸਕਦੇ ਹੋ। ਅਜਿਹਾ ਕਰਨ ਲਈ, ਕਾਜੂ ਨੂੰ ਬਹੁਤ ਘੱਟ ਤੇਲ ਵਿੱਚ ਭੁੰਨੋ ਜਾਂ ਡ੍ਰਾਈ ਰੋਸਟ ਕਰੋ। ਫਿਰ, ਚਿਵੜਾ (ਪੋਹਾ) ਨੂੰ ਹਲਕਾ ਜਿਹਾ ਭੁੰਨੋ। ਇਸੇ ਤਰ੍ਹਾਂ, ਮੂੰਗਫਲੀ ਡ੍ਰਾਈ ਰੋਸਟ ਕਰ ਲੈਣਾ ਹੈ। ਇੱਕ ਪੈਨ ਵਿੱਚ ਅੱਧਾ ਚਮਚ ਘਿਓ ਜਾਂ ਜੈਤੂਨ ਦਾ ਤੇਲ ਪਾਓ। ਮਸਾਲੇ ਪਾਓ ਅਤੇ ਸਾਰੀਆਂ ਚੀਜਾਂ ਪਾ ਕੇ ਮਿਲਾਓ। ਤੁਸੀਂ ਇਸ ਵਿੱਕ ਕੁਝ ਕਰੀ ਪੱਤੇ ਵੀ ਰੋਸਟ ਕਰ ਲਵੋ, ਇਸ ਨਾਲ ਸੁਆਦ ਹੋਰ ਵੀ ਵਧੀਆ ਹੋ ਜਾਂਦਾ ਹੈ।

4 / 6

ਭੇਲ ਪੁਰੀ: ਜਦੋਂ ਘੱਟ ਤੇਲ ਵਾਲੇ ਸਨੈਕਸ ਦੀ ਗੱਲ ਆਉਂਦੀ ਹੈ, ਤਾਂ ਭੇਲ ਪੁਰੀ ਸਭ ਤੋਂ ਵਧੀਆ ਆਪਸ਼ਨ ਹੁੰਦਾ ਹੈ। ਬਸ ਇਸ ਵਿੱਚ ਬਾਜ਼ਾਰ ਵਿੱਚ ਬਣੀ ਭੁਜੀਆ ਨਾ ਪਾਓ। ਮੁਰਮੁਰੇ ਰੋਸਟ ਕਰ ਲਵੋ। ਇਸ ਦੇ ਨਾਲ, ਥੋੜ੍ਹੇ ਜਿਹੇ ਤੇਲ ਵਿੱਚ ਮੂੰਗਫਲੀ ਵੀ ਭੁੰਨ ਲਵੋ। ਹੁਣ ਹਲਕੇ ਮਸਾਲੇ, ਨਿੰਬੂ ਦਾ ਰਸ, ਕੱਟਿਆ ਹੋਇਆ ਪਿਆਜ਼ ਅਤੇ ਟਮਾਟਰ ਪਾਓ। ਤੁਹਾਡੀ ਮਸਾਲੇਦਾਰ ਭੇਲ ਪੁਰੀ ਤਿਆਰ ਹੈ।

5 / 6

ਮਸਾਲਾ ਪਾਪੜ ਚਾਟ: ਕਰੰਚੀ, ਟੈਸਟੀ ਅਤੇ ਘੱਟ ਤੇਲ ਵਾਲੇ ਸਨੈਕਸ ਲਈ, ਤੁਸੀਂ ਮਸਾਲਾ ਪਾਪੜ ਚਾਟ ਬਣਾ ਕੇ ਖਾ ਸਕਦੇ ਹੋ। ਪਾਪੜ ਨੂੰ ਵਾਰ-ਵਾਰ ਪਲਟ ਕੇ ਸਿੱਧੇ ਸੇਕ ਲਵੋ। ਇਸਨੂੰ ਟੁਕੜਿਆਂ ਵਿੱਚ ਤੋੜੋ ਜਾਂ ਇਸਨੂੰ ਇਸੇ ਤਰ੍ਹਾਂ ਛੱਡ ਦਿਓ। ਇਸ 'ਤੇ ਬਾਰੀਕ ਕੱਟੇ ਹੋਏ ਟਮਾਟਰ, ਪਿਆਜ਼, ਖੀਰਾ ਅਤੇ ਕਕੜੀ ਪਾਓ। ਕੁਝ ਮਸਾਲੇ ਛਿੜਕੋ, ਨਿੰਬੂ ਦਾ ਰਸ ਪਾਓ, ਅਤੇ ਤੁਰੰਤ ਇੰਜੁਆਏ ਲਓ।

6 / 6

ਰੋਸਟੇਡ ਪੀਨੈਟ: ਬਿਲਕੁੱਲ ਸਿੰਪਲ ਅਤੇ ਪ੍ਰੋਟੀਨ ਨਾਲ ਭਰਪੂਰ, ਘੱਟ ਜਾਂ ਕਹੀਏ ਕਿ ਬਗੈਰ ਤੇਲ ਵਾਲੀ, ਹੈਲਦੀ ਸਨੈਕ ਹੈ ਰੋਸਟੇਡ ਪੀਨਟ, ਪਰ ਧਿਆਨ ਰੱਖੋ ਕਿ ਉਹਨਾਂ ਨੂੰ ਬਾਜ਼ਾਰ ਤੋਂ ਨਾ ਖਰੀਦੋ। ਕੱਚੀ ਮੂੰਗਫਲੀ ਖਰੀਦੋ ਅਤੇ ਪਹਿਲਾਂ ਉਹਨਾਂ ਨੂੰ ਪਾਣੀ ਵਿੱਚ ਉਬਾਲੋ। ਇਸ ਤੋਂ ਬਾਅਦ, ਇੱਕ ਕੜਾਹੀ ਵਿੱਚ ਢੇਰ ਸਾਰਾ ਨਮਕ ਗਰਮ ਕਰੋ ਅਤੇ ਉਬਲੇ ਹੋਏ ਮੂੰਗਫਲੀ ਦੇ ਦਾਣੇ ਪਾਓ ਅਤੇ ਉਹਨਾਂ ਨੂੰ ਉਦੋਂ ਤੱਕ ਭੁੰਨੋ ਜਦੋਂ ਤੱਕ ਉਹ ਪੂਰੀ ਤਰ੍ਹਾਂ ਡ੍ਰਾਈ ਕਰੰਚੀ ਨਾ ਹੋ ਜਾਣ। ਇਸਤੋਂ ਬਾਅਦ, ਛਿਲਕੇ ਕੱਢ ਕੇ ਇੱਕ ਪਾਸੇ ਕਰ ਦਿਓ।

Unable to load recommendations.

LIVETV

Tag :

Raksha Bandhan 2026: ਸੱਜੇ ਹੱਥ ‘ਤੇ ਰੱਖੜੀ ਬੰਨ੍ਹਣ ਦਾ ਕੀ ਹੈ ਧਾਰਮਿਕ ਮਹੱਤਵ?

ਰੱਖੜੀ ‘ਤੇ ਪਾਓ ਅਨਾਰਕਲੀ ਸੂਟ, ਇਨ੍ਹਾਂ ਅਭਿਨੇਤਰੀਆਂ ਦੇ ਲੁੱਕ ਤੋਂ ਲਓ ਫੈਸ਼ਨ ਇੰਸਪਿਰੇਸ਼ਨ

ਪਾਣੀ ਪੀਣ ਦੇ ਬਾਵਜੂਦ ਵਾਰ-ਵਾਰ ਲੱਗਦੀ ਹੈ ਪਿਆਸ? ਇਨ੍ਹਾਂ ਬਿਮਾਰੀਆਂ ਦਾ ਹੋ ਸਕਦਾ ਹੈ ਸੰਕੇਤ

ਬਰਸਾਤ ‘ਚ ਚਾਹ-ਪਕੌੜੇ ਕਿਤੇ ਵਧਾ ਨਾ ਦੇਣ ਭਾਰ! ਰੋਜ਼ਾਨਾ ਸਵੇਰੇ ਕਰੋ ਇਹ 5 ਯੋਗ ਆਸਣ

ਬਰਸਾਤ ‘ਚ ਘਰ ਤੋਂ ਆਉਂਦੀ ਸੀਲਨ ਦੀ ਬਦਬੂ, ਇਹ 5 ਆਸਾਨ ਤਰੀਕੇ ਕਰਨਗੇ ਦੂਰ