Punjabi News Photo Gallery Lifestyle Photo from a shower with lukewarm water to a bit of gentle sunshine these 6 self care practices will make your day better know in punjabi

ਕੋਸੇ ਪਾਣੀ ਨਾਲ ਸ਼ਾਵਰ ਤੋਂ ਹਲਕੀ ਧੁੱਪ ਤੱਕ, ਸੈਲਫ਼ ਕੇਅਰ ਦੇ ਇਹ 6 ਤਰੀਕੇ ਬਣਾਉਣਗੇ ਤੁਹਾਡਾ ਦਿਨ ਬਿਹਤਰ

TV9 Punjabi

Published:

22 Oct 2026 17:57 PM IST

Self Care Tips: ਪ੍ਰੋਫੈਸ਼ਨਲ ਲਾਈਫ ਵਿੱਚ ਅੱਗੇ ਵਧਣ ਦੇ ਦਬਾਅ ਅਤੇ ਨਿੱਜੀ ਜ਼ਿੰਦਗੀ ਦੀਆਂ ਜ਼ਿੰਮੇਵਾਰੀਆਂ ਵਿਚਕਾਰ ਖ਼ੁਦ ਨੂੰ ਤਣਾਅ ਤੋਂ ਮੁਕਤ ਰੱਖਣਾ ਬਹੁਤ ਜ਼ਰੂਰੀ ਹੈ। ਇਸ ਲਈ ਆਪਣੇ ਆਪ ਨੂੰ ਸਮਾਂ ਦੇਣ 'ਤੇ ਕਿਸੇ ਤਰ੍ਹਾਂ ਦਾ ਪਛਤਾਵਾ ਨਹੀਂ ਕਰਨਾ ਚਾਹੀਦਾ। ਜਾਣੋ, ਆਪਣੇ ਦਿਨ ਨੂੰ ਹੈਪੀ ਬਣਾਉਣ ਲਈ ਕਿਹੜੇ ਟਿਪਸ ਅਪਣਾਏ ਜਾ ਸਕਦੇ ਹਨ।

ਸਵੇਰੇ ਉੱਠਦੇ ਹੀ ਫ਼ੋਨ ਦੇਖਣ ਤੋਂ ਬਚੋ : ਸਵੇਰੇ ਜਾਗਦਿਆਂ ਹੀ ਫ਼ੋਨ ਚੁੱਕਣ ਦੀ ਆਦਤ ਤੋਂ ਦੂਰੀ ਬਣਾਓ। ਇਸ ਦੀ ਬਜਾਏ ਪਹਿਲਾਂ ਹਲਕੀ ਕਸਰਤ, ਯੋਗਾ ਜਾਂ ਘੱਟੋ-ਘੱਟ 30 ਮਿੰਟ ਸੈਰ ਕਰੋ। ਇਸ ਨਾਲ ਐਂਡੋਰਫਿਨ (ਹੈਪੀ ਹਾਰਮੋਨ) ਦਾ ਪੱਧਰ ਵਧਦਾ ਹੈ ਅਤੇ ਤੁਹਾਡਾ ਮੂਡ ਚੰਗਾ ਰਹਿੰਦਾ ਹੈ। ਇਸ ਦੇ ਨਾਲ ਹੀ ਸਵੇਰ ਦੀ ਹਲਕੀ ਧੁੱਪ ਅਤੇ ਤਾਜ਼ੀ ਹਵਾ ਦਾ ਆਨੰਦ ਮਾਣੋ। ਇਹ ਤੁਹਾਨੂੰ ਤਰੋਤਾਜ਼ਾ ਮਹਿਸੂਸ ਕਰਵਾਏਗਾ। (All Pics: Pexels)

2 / 6

ਸਵੇਰ ਦੀ ਸ਼ੁਰੂਆਤ ਪਾਣੀ ਅਤੇ ਹੈਲਦੀ ਨਾਸ਼ਤੇ ਨਾਲ ਕਰੋ : ਸਵੇਰੇ ਉੱਠਣ ਤੋਂ ਬਾਅਦ ਕੋਸਾ ਜਾਂ ਸਾਦਾ ਪਾਣੀ ਪੀ ਕੇ ਦਿਨ ਦੀ ਸ਼ੁਰੂਆਤ ਕਰੋ। ਇਸ ਤੋਂ ਬਾਅਦ ਰਾਤ ਭਰ ਭਿੱਜੇ ਹੋਏ ਕੁਝ ਮੇਵੇ ਖਾਓ। ਉੱਠਣ ਤੋਂ ਇੱਕ ਤੋਂ ਡੇਢ ਘੰਟੇ ਦੇ ਅੰਦਰ ਨਾਸ਼ਤਾ ਕਰ ਲਓ। ਨਾਸ਼ਤੇ ਵਿੱਚ ਹੈਲਦੀ ਫੈਟਸ, ਡਾਇਟਰੀ ਫਾਈਬਰ ਅਤੇ ਪ੍ਰੋਟੀਨ ਸ਼ਾਮਲ ਹੋਣੇ ਚਾਹੀਦੇ ਹਨ। ਇਹ ਤੁਹਾਨੂੰ ਦਿਨ ਭਰ ਊਰਜਾਵਾਨ ਰੱਖਣ ਵਿੱਚ ਮਦਦ ਕਰਦੇ ਹਨ।

3 / 6

ਚੰਗੇ ਕੱਪੜੇ ਪਾਓ ਅਤੇ ਤਿਆਰ ਰਹੋ: ਚੰਗੇ ਢੰਗ ਨਾਲ ਤਿਆਰ ਹੋਣਾ ਵੀ ਤੁਹਾਨੂੰ ਖ਼ੁਸ਼ ਰੱਖਣ ਦਾ ਇੱਕ ਵਧੀਆ ਤਰੀਕਾ ਹੈ। ਜੇ ਤੁਸੀਂ ਦਫ਼ਤਰ ਜਾਂਦੇ ਹੋ, ਤਾਂ ਆਰਾਮ ਨਾਲ ਤਿਆਰ ਹੋਣ ਲਈ ਸਮਾਂ ਕੱਢੋ। ਕੱਪੜਿਆਂ ਤੋਂ ਲੈ ਕੇ ਐਕਸੈਸਰੀਜ਼, ਜੁੱਤੀਆਂ, ਮੇਕਅੱਪ ਅਤੇ ਹੇਅਰ ਸਟਾਈਲ ਤੱਕ ਹਰ ਚੀਜ਼ ਵੱਲ ਧਿਆਨ ਦਿਓ। ਜਦੋਂ ਤੁਸੀਂ ਸੋਹਣੇ ਅਤੇ ਪ੍ਰਭਾਵਸ਼ਾਲੀ ਦਿਖਾਈ ਦਿੰਦੇ ਹੋ, ਤਾਂ ਤੁਹਾਡਾ ਆਤਮ-ਵਿਸ਼ਵਾਸ ਵਧਦਾ ਹੈ ਅਤੇ ਤੁਸੀਂ ਖ਼ੁਸ਼ ਮਹਿਸੂਸ ਕਰਦੇ ਹੋ।

4 / 6

ਕੰਮ ਵਿਚਕਾਰ ਬ੍ਰੇਕ ਲੈਣਾ ਨਾ ਭੁੱਲੋ: ਲਗਾਤਾਰ ਕੰਮ ਕਰਨ ਨਾਲ ਨਾ ਸਿਰਫ਼ ਸਰੀਰਕ ਥਕਾਵਟ ਹੁੰਦੀ ਹੈ, ਸਗੋਂ ਮਾਨਸਿਕ ਤਣਾਅ ਵੀ ਵਧਦਾ ਹੈ। ਇਸ ਲਈ ਕੰਮ ਦੇ ਵਿਚਕਾਰ 10 ਤੋਂ 15 ਮਿੰਟ ਦਾ ਬ੍ਰੇਕ ਲੈਂਦੇ ਰਹੋ। ਇਸ ਦੌਰਾਨ ਆਪਣੀ ਪਸੰਦ ਦੇ ਹੈਲਦੀ ਸਨੈਕਸ ਖਾਣਾ, ਬਲੈਕ ਕੌਫੀ ਪੀਣਾ ਜਾਂ ਥੋੜ੍ਹੀ ਦੇਰ ਸੈਰ ਕਰਨਾ ਵਰਗੀਆਂ ਹਲਕੀਆਂ-ਫੁਲਕੀਆਂ ਗਤੀਵਿਧੀਆਂ ਕਰਨਾ ਫ਼ਾਇਦੇਮੰਦ ਰਹਿੰਦਾ ਹੈ।

5 / 6

ਨਕਾਰਾਤਮਕ ਸੋਚ ਵਾਲੇ ਲੋਕਾਂ ਤੋਂ ਦੂਰੀ ਬਣਾਓ: ਅਸੀਂ ਜਿਸ ਤਰ੍ਹਾਂ ਦੇ ਮਾਹੌਲ ਵਿੱਚ ਰਹਿੰਦੇ ਹਾਂ, ਉਸ ਦਾ ਅਸਰ ਸਾਡੇ ਮੂਡ ਅਤੇ ਆਦਤਾਂ 'ਤੇ ਵੀ ਪੈਂਦਾ ਹੈ। ਭਾਵੇਂ ਪ੍ਰੋਫੈਸ਼ਨਲ ਲਾਈਫ ਹੋਵੇ ਜਾਂ ਨਿੱਜੀ ਜ਼ਿੰਦਗੀ, ਉਨ੍ਹਾਂ ਲੋਕਾਂ ਤੋਂ ਦੂਰੀ ਬਣਾਉਣ ਦੀ ਕੋਸ਼ਿਸ਼ ਕਰੋ ਜੋ ਹਮੇਸ਼ਾ ਨਕਾਰਾਤਮਕ ਗੱਲਾਂ ਕਰਦੇ ਹਨ ਜਾਂ ਤੁਹਾਡੇ ਲਈ ਤਣਾਅ ਦਾ ਕਾਰਨ ਬਣਦੇ ਹਨ। ਖ਼ੁਸ਼ ਰਹਿਣ ਵਾਲੇ ਲੋਕਾਂ ਨਾਲ ਦੋਸਤੀ ਕਰੋ। ਖ਼ਾਸ ਤੌਰ 'ਤੇ ਵਰਕਪਲੇਸ 'ਤੇ ਇਹ ਹੋਰ ਵੀ ਜ਼ਰੂਰੀ ਹੋ ਜਾਂਦਾ ਹੈ, ਕਿਉਂਕਿ ਤੁਸੀਂ ਦਿਨ ਦੇ ਘੱਟੋ-ਘੱਟ 9 ਘੰਟੇ ਆਪਣੇ ਸਹਿਕਰਮੀਆਂ ਨਾਲ ਬਿਤਾਉਂਦੇ ਹੋ।

6 / 6

ਸੌਣ ਤੋਂ ਪਹਿਲਾਂ ਸਰੀਰ ਨੂੰ ਆਰਾਮ ਦਿਓ: ਦਿਨ ਭਰ ਦੀ ਥਕਾਵਟ ਤੋਂ ਬਾਅਦ ਸਰੀਰ ਨੂੰ ਅਗਲੇ ਦਿਨ ਲਈ ਤਰੋਤਾਜ਼ਾ ਕਰਨਾ ਬਹੁਤ ਜ਼ਰੂਰੀ ਹੈ। ਇਸ ਲਈ ਸੌਣ ਤੋਂ ਪਹਿਲਾਂ ਕੋਸੇ ਪਾਣੀ ਨਾਲ ਨਹਾਓ ਅਤੇ ਪੈਰਾਂ ਦੇ ਤਲਿਆਂ ਦੀ ਤੇਲ ਨਾਲ ਮਾਲਿਸ਼ ਕਰੋ। ਰਾਤ ਦਾ ਖਾਣਾ ਸਿਹਤਮੰਦ ਅਤੇ ਹਲਕਾ ਰੱਖੋ। ਇਸ ਤੋਂ ਬਾਅਦ ਕੋਈ ਕਿਤਾਬ ਪੜ੍ਹੋ ਅਤੇ ਸਮੇਂ ਸਿਰ ਸੌਂ ਜਾਓ। ਇਸ ਤਰ੍ਹਾਂ ਤੁਸੀਂ ਅਗਲੇ ਦਿਨ ਲਈ ਬਿਨਾਂ ਤਣਾਅ ਦੇ ਤਿਆਰ ਰਹਿ ਸਕਦੇ ਹੋ।

Unable to load recommendations.

LIVETV

Tag :

ਅਟੈਕਟਿਵ ਦਿਖਣਾ ਚਾਹੁੰਦੇ ਹੋ? ਆਪਣੇ ਅੰਦਰ ਬਦਲੋ ਇਹ 5 ਚੀਜ਼ਾਂ, ਨਜ਼ਰ ਆਵੇਗਾ ਅਸਰ

ਕੀ ਖੜ੍ਹੇ ਹੋ ਕੇ ਪਾਣੀ ਪੀਣ ਨਾਲ ਗੋਡਿਆਂ ਤੇ ਜੋੜਾਂ ਨੂੰ ਹੁੰਦਾ ਹੈ ਨੁਕਸਾਨ? ਜਾਣੋ ਮਾਹਿਰ ਡਾਕਟਰ ਦੀ ਰਾਏ

ਕੈਨੇਡਾ ਜਾਣ ਵਾਲਿਆਂ ਲਈ ਵੱਡੀ ਖ਼ਬਰ! Study Permit, Work Permit ਅਤੇ PR ਅਰਜ਼ੀਆਂ ਨੂੰ ਟ੍ਰੈਕ ਕਰਨਾ ਹੋਵੇਗਾ ਆਸਾਨ

ਖੜ੍ਹੇ ਹੋ ਕੇ ਪਾਣੀ ਪੀਣ ਨਾਲ ਗੋਡਿਆਂ ‘ਚ ਦਰਦ ਹੁੰਦਾ ਹੈ? ਜਾਣੋ ਕੀ ਕਹਿੰਦੇ ਹਨ ਮਾਹਰ

ਇਹ Street Food ਸਿਹਤ ਲਈ ਹੁੰਦੇ ਹਨ ਫਾਇਦੇਮੰਦ, ਖੁਰਾਕ ਵਿੱਚ ਸ਼ਾਮਲ ਕਰਕੇ ਨਹੀਂ ਹੋਵੇਗਾ Guilt