Punjabi News Photo Gallery Lifestyle Photo best places to visit in september india amritsar kodaikanal lonavala ziro udaipur know in punjabi

ਸਤੰਬਰ ‘ਚ ਘੁੰਮਣ ਲਈ ਇਹ ਹਨ ਸਭ ਤੋਂ ਬਿਹਤਰੀਨ ਥਾਵਾਂ, ਹੁਣੇ ਬਣਾਓ ਟ੍ਰਿਪ ਦਾ ਪਲਾਨ

TV9 Punjabi

Published:

23 Aug 2026 17:32 PM IST

ਸਤੰਬਰ ਦੇ ਸੁਹਾਵਣੇ ਮੌਸਮ ਵਿੱਚ ਘੁੰਮਣ ਲਈ ਅੰਮ੍ਰਿਤਸਰ, ਕੋਡੈਕਨਾਲ, ਲੋਨਾਵਲਾ, ਜ਼ੀਰੋ ਵੈਲੀ ਅਤੇ ਉਦੈਪੁਰ ਬਿਹਤਰੀਨ ਵਿਕਲਪ ਹਨ। ਇਸ ਮਹੀਨੇ ਕੁਦਰਤੀ ਹਰਿਆਲੀ, ਝਰਨਿਆਂ, ਖ਼ੂਬਸੂਰਤ ਝੀਲਾਂ ਅਤੇ ਇਤਿਹਾਸਕ ਥਾਵਾਂ ਦਾ ਆਨੰਦ ਆਸਾਨੀ ਨਾਲ ਮਾਣਿਆ ਜਾ ਸਕਦਾ ਹੈ। ਸੁਖਾਵਾਂ ਤਾਪਮਾਨ ਹੋਣ ਕਾਰਨ ਇਹ ਸਥਾਨ ਪਰਿਵਾਰ ਤੇ ਦੋਸਤਾਂ ਨਾਲ ਟ੍ਰਿਪ ਪਲਾਨ ਕਰਨ ਲਈ ਬਿਲਕੁਲ ਢੁਕਵੇਂ ਹਨ।

ਸਤੰਬਰ ਦੇ ਮਹੀਨੇ ਵਿੱਚ ਤੁਸੀਂ ਅੰਮ੍ਰਿਤਸਰ ਜਾ ਸਕਦੇ ਹੋ। ਇਸ ਦੌਰਾਨ ਇੱਥੇ ਮੌਸਮ ਕਾਫ਼ੀ ਸੁਹਾਵਣਾ ਰਹਿੰਦਾ ਹੈ ਅਤੇ ਸਵੇਰ-ਸ਼ਾਮ ਦੇ ਨਾਲ-ਨਾਲ ਤੁਸੀਂ ਦਿਨ ਵੇਲੇ ਵੀ ਆਰਾਮ ਨਾਲ ਵੱਖ-ਵੱਖ ਥਾਵਾਂ ਦਾ ਦੌਰਾ ਕਰ ਸਕਦੇ ਹੋ। ਖ਼ਾਸ ਤੌਰ 'ਤੇ ਸ੍ਰੀ ਹਰਿਮੰਦਰ ਸਾਹਿਬ, ਗੋਬਿੰਦਗੜ੍ਹ ਕਿਲ੍ਹਾ, ਜਲ੍ਹਿਆਂਵਾਲਾ ਬਾਗ਼ ਅਤੇ ਵਾਹਗਾ ਬਾਰਡਰ ਇੱਥੇ ਘੁੰਮਣ ਲਈ ਸਭ ਤੋਂ ਮਸ਼ਹੂਰ ਥਾਵਾਂ ਹਨ। ਇਸ ਦੇ ਨਾਲ ਹੀ ਅੰਮ੍ਰਿਤਸਰ ਆਪਣੇ ਸੁਆਦੀ ਖਾਣ-ਪੀਣ ਲਈ ਵੀ ਬਹੁਤ ਮਸ਼ਹੂਰ ਹੈ। (All Images: Getty Images)

2 / 5

ਜੇਕਰ ਤੁਸੀਂ ਹਰਿਆਲੀ ਨਾਲ ਭਰਪੂਰ ਥਾਂ 'ਤੇ ਜਾਣਾ ਚਾਹੁੰਦੇ ਹੋ, ਤਾਂ ਸਤੰਬਰ ਵਿੱਚ ਤਾਮਿਲਨਾਡੂ ਦੇ ਹਿੱਲ ਸਟੇਸ਼ਨ ਕੋਡੈਕਨਾਲ ਦੀ ਟ੍ਰਿਪ ਪਲਾਨ ਕਰੋ। ਇਸ ਦੌਰਾਨ ਇੱਥੇ ਤਾਪਮਾਨ 14 ਡਿਗਰੀ ਸੈਲਸੀਅਸ ਤੋਂ ਲੈ ਕੇ 23 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹਿੰਦਾ ਹੈ, ਜੋ ਕਿ ਬੇਹੱਦ ਸੁਹਾਵਣਾ ਮੌਸਮ ਹੁੰਦਾ ਹੈ। ਬਾਰਿਸ਼ ਤੋਂ ਬਾਅਦ ਇੱਥੇ ਚਾਰੇ ਪਾਸੇ ਹਰਿਆਲੀ ਛਾਈ ਰਹਿੰਦੀ ਹੈ ਅਤੇ ਝਰਨੇ ਵੀ ਪੂਰੇ ਵੇਗ ਵਿੱਚ ਹੁੰਦੇ ਹਨ। ਇਸ ਦੇ ਨਾਲ ਹੀ ਆਫ਼-ਸੀਜ਼ਨ ਹੋਣ ਕਾਰਨ ਇੱਥੇ ਠਹਿਰਨ ਲਈ ਆਸਾਨੀ ਨਾਲ ਹੋਟਲ ਵਗੈਰਾ ਮਿਲ ਜਾਂਦੇ ਹਨ।

3 / 5

ਸਤੰਬਰ ਵਿੱਚ ਘੁੰਮਣ ਲਈ ਮਹਾਰਾਸ਼ਟਰ ਦਾ ਲੋਨਾਵਲਾ ਵੀ ਇੱਕ ਬਿਹਤਰੀਨ ਜਗ੍ਹਾ ਹੈ। ਇਸ ਮਹੀਨੇ ਵਿੱਚ ਇੱਥੋਂ ਦੇ ਝਰਨੇ ਅਤੇ ਹਰਿਆਲੀ ਕਮਾਲ ਦੀ ਦਿੱਖ ਪੇਸ਼ ਕਰਦੇ ਹਨ। ਜੇਕਰ ਬੱਦਲਾਂ ਨਾਲ ਢਕੀਆਂ ਚੋਟੀਆਂ ਨੂੰ ਨਿਹਾਰਨ ਦਾ ਸੁਪਨਾ ਹੈ, ਤਾਂ ਇੱਥੇ ਆਉਣ ਦਾ ਇਹ ਸਭ ਤੋਂ ਵਧੀਆ ਸਮਾਂ ਹੈ। ਮੌਸਮ ਸੁਹਾਵਣਾ ਹੋਣ ਕਾਰਨ ਘੁੰਮਣ-ਫਿਰਨ ਵਿੱਚ ਵੀ ਕੋਈ ਪਰੇਸ਼ਾਨੀ ਨਹੀਂ ਹੁੰਦੀ ਅਤੇ ਤੁਸੀਂ ਆਰਾਮ ਨਾਲ ਟ੍ਰੈਕਿੰਗ ਤੇ ਕੈਂਪਿੰਗ ਕਰ ਸਕਦੇ ਹੋ।

4 / 5

ਸਤੰਬਰ ਤੋਂ ਨਵੰਬਰ ਵਿਚਾਲੇ ਅਰੁਣਾਚਲ ਪ੍ਰਦੇਸ਼ ਦੀ ਜ਼ੀਰੋ ਵੈਲੀ ਘੁੰਮਣ ਦਾ ਸਭ ਤੋਂ ਉੱਤਮ ਸਮਾਂ ਹੁੰਦਾ ਹੈ। ਇਸ ਸਮੇਂ ਚਾਰੇ ਪਾਸੇ ਹਰਿਆਲੀ ਹੀ ਹਰਿਆਲੀ ਹੁੰਦੀ ਹੈ ਅਤੇ ਪੱਕੇ ਹੋਏ ਝੋਨੇ ਦੇ ਸੁਨਹਿਰੀ ਖੇਤ ਸ਼ਾਨਦਾਰ ਨਜ਼ਾਰਾ ਪੇਸ਼ ਕਰਦੇ ਹਨ। ਇੱਥੇ ਤੁਸੀਂ ਤਾਰੀਨ ਫਿਸ਼ ਫਾਰਮ, ਟੈਲੀ ਵੈਲੀ ਵਾਈਲਡਲਾਈਫ ਸੈਂਚੁਰੀ, ਮੇਘਨਾ ਗੁਫ਼ਾ ਮੰਦਰ, ਹਾਪੋਲੀ ਬਾਜ਼ਾਰ ਅਤੇ ਕਿਲੇ ਪਾਖੋ ਵਰਗੀਆਂ ਥਾਵਾਂ ਦੇਖ ਸਕਦੇ ਹੋ। ਕਿਲੇ ਪਾਖੋ ਤੋਂ ਵਾਦੀ ਦਾ ਸ਼ਾਨਦਾਰ ਪੈਨੋਰਮਿਕ ਵਿਊ ਦਿਖਾਈ ਦਿੰਦਾ ਹੈ।

5 / 5

ਸਤੰਬਰ ਦਾ ਮਹੀਨਾ ਰਾਜਸਥਾਨ ਦੀਆਂ ਵੱਖ-ਵੱਖ ਥਾਵਾਂ ਦੀ ਸੈਰ ਕਰਨ ਲਈ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਤੁਸੀਂ ਇਸ ਮਹੀਨੇ ਇੱਥੇ ਉਦੈਪੁਰ ਘੁੰਮਣ ਜਾ ਸਕਦੇ ਹੋ, ਜਿਸ ਨੂੰ ਝੀਲਾਂ ਦਾ ਸ਼ਹਿਰ ਵੀ ਕਿਹਾ ਜਾਂਦਾ ਹੈ। ਇੱਥੇ ਤੁਸੀਂ ਦੋ-ਤਿੰਨ ਦਿਨਾਂ ਦੀ ਟ੍ਰਿਪ ਪਲਾਨ ਕਰ ਸਕਦੇ ਹੋ। ਜਿਵੇਂ ਪਹਿਲੇ ਦਿਨ ਸਵੇਰੇ ਸਿਟੀ ਪੈਲੇਸ ਜਾਓ, ਇਸ ਤੋਂ ਬਾਅਦ ਜਗਦੀਸ਼ ਮੰਦਰ, ਪਿਛੋਲਾ ਝੀਲ ਅਤੇ ਫਿਰ ਗਣਗੌਰ ਘਾਟ ਜਾ ਸਕਦੇ ਹੋ। ਅਗਲੇ ਦਿਨ ਫ਼ਤਿਹ ਸਾਗਰ ਝੀਲ, ਕਰਣੀ ਮਾਤਾ ਮੰਦਰ ਅਤੇ ਸੱਜਣਗੜ੍ਹ ਪੈਲੇਸ ਵਰਗੀਆਂ ਖ਼ੂਬਸੂਰਤ ਥਾਵਾਂ ਦਾ ਆਨੰਦ ਮਾਣ ਸਕਦੇ ਹੋ।

Unable to load recommendations.

LIVETV

Tag :

ਰੱਖੜੀ ‘ਤੇ ਪਰਿਵਾਰ ਨਾਲ ਘੁੰਮਣ ਲਈ ਬੈਸਟ ਹਨ ਇਹ ਥਾਵਾਂ, ਭੈਣ ਹੋ ਜਾਵੇਗੀ ਖੁਸ਼

Raksha Bandhan 2026: ਸੱਜੇ ਹੱਥ ‘ਤੇ ਰੱਖੜੀ ਬੰਨ੍ਹਣ ਦਾ ਕੀ ਹੈ ਧਾਰਮਿਕ ਮਹੱਤਵ?

ਰੱਖੜੀ ‘ਤੇ ਪਾਓ ਅਨਾਰਕਲੀ ਸੂਟ, ਇਨ੍ਹਾਂ ਅਭਿਨੇਤਰੀਆਂ ਦੇ ਲੁੱਕ ਤੋਂ ਲਓ ਫੈਸ਼ਨ ਇੰਸਪਿਰੇਸ਼ਨ

ਪਾਣੀ ਪੀਣ ਦੇ ਬਾਵਜੂਦ ਵਾਰ-ਵਾਰ ਲੱਗਦੀ ਹੈ ਪਿਆਸ? ਇਨ੍ਹਾਂ ਬਿਮਾਰੀਆਂ ਦਾ ਹੋ ਸਕਦਾ ਹੈ ਸੰਕੇਤ

ਬਰਸਾਤ ‘ਚ ਚਾਹ-ਪਕੌੜੇ ਕਿਤੇ ਵਧਾ ਨਾ ਦੇਣ ਭਾਰ! ਰੋਜ਼ਾਨਾ ਸਵੇਰੇ ਕਰੋ ਇਹ 5 ਯੋਗ ਆਸਣ