Punjabi News Photo Gallery Lifestyle Photo beautiful indian travel destinations that give you mini europe feeling know in punjabi

ਭਾਰਤ ਦੀਆਂ ਇਹਨਾਂ ਥਾਵਾਂ ਨੂੰ ਕਿਹਾ ਜਾਂਦਾ ਹੈ ਮਿੰਨੀ ਯੂਰਪ, ਨਜ਼ਾਰੇ ਭੁਲਾਉਣਾ ਨਹੀਂ ਆਸਾਨ

TV9 Punjabi

Published:

04 Jul 2026 18:19 PM IST

ਭਾਰਤ ਵਿੱਚ ਕਈ ਅਜਿਹੀਆਂ ਖ਼ੂਬਸੂਰਤ ਥਾਵਾਂ ਹਨ ਜੋ ਯੂਰਪ ਵਰਗਾ ਅਹਿਸਾਸ ਕਰਵਾਉਂਦੀਆਂ ਹਨ। ਮਹਾਰਾਸ਼ਟਰ ਦਾ ਲਵਾਸਾ ਇਟਲੀ ਵਰਗਾ, ਪੁਡੂਚੇਰੀ ਫਰਾਂਸ ਦੇ ਕਲਚਰ ਵਰਗਾ, ਮੇਘਾਲਿਆ ਦਾ ਸ਼ਿਲਾਂਗ 'ਸਕਾਟਲੈਂਡ ਆਫ਼ ਦਿ ਈਸਟ' ਅਤੇ ਹਿਮਾਚਲ ਦਾ ਖੱਜੀਆਰ 'ਮਿੰਨੀ ਸਵਿਟਜ਼ਰਲੈਂਡ' ਵਜੋਂ ਮਸ਼ਹੂਰ ਹੈ। ਘੱਟ ਖਰਚੇ ਵਿੱਚ ਯੂਰਪ ਦੀ ਫੀਲਿੰਗ ਲੈਣ ਲਈ ਇਹ ਬਿਹਤਰੀਨ ਟੂਰਿਸਟ ਸਪਾਟ ਹਨ।

ਯੂਰਪ ਨੂੰ ਦੁਨੀਆ ਦਾ ਇੱਕ ਵੱਡਾ ਟੂਰਿਸਟ ਸਪਾਟ ਮੰਨਿਆ ਜਾਂਦਾ ਹੈ। ਇਸ ਸਮੇਂ ਇਹ ਭਿਆਨਕ ਗਰਮੀ ਦੇ ਕਹਿਰ ਤੋਂ ਪਰੇਸ਼ਾਨ ਹੈ, ਪਰ ਠੰਢੇ ਮੌਸਮ ਵਿੱਚ ਇੱਥੇ ਘੁੰਮਣ ਦੀ ਗੱਲ ਹੀ ਕੁਝ ਵੱਖਰੀ ਹੁੰਦੀ ਹੈ। ਇੱਥੇ ਜਾਣਾ, ਰਹਿਣਾ ਅਤੇ ਖਾਣਾ ਬਹੁਤ ਮਹਿੰਗਾ ਸਾਬਤ ਹੁੰਦਾ ਹੈ। ਪਰ ਜੇਕਰ ਭਾਰਤ ਵਿੱਚ ਹੀ ਯੂਰਪ ਵਾਲੀ ਫੀਲਿੰਗ ਮਿਲ ਜਾਵੇ ਤਾਂ ਗੱਲ ਹੀ ਕੁਝ ਹੋਰ ਹੋਵੇਗੀ। ਆਓ ਜਾਣਦੇ ਹਾਂ ਉਨ੍ਹਾਂ ਥਾਵਾਂ ਬਾਰੇ ਜਿਨ੍ਹਾਂ ਨੂੰ ਭਾਰਤੀ 'ਮਿੰਨੀ ਯੂਰਪ' ਕਹਿੰਦੇ ਹਨ।

2 / 5

ਲਵਾਸਾ, ਮਹਾਰਾਸ਼ਟਰ: ਮਹਾਰਾਸ਼ਟਰ ਵਿੱਚ ਸਥਿਤ ਲਵਾਸਾ ਨੂੰ ਇਟਲੀ ਦੇ ਛੋਟੇ ਯੂਰਪੀਅਨ ਕਸਬਿਆਂ ਤੋਂ ਪ੍ਰੇਰਿਤ ਮੰਨਿਆ ਜਾਂਦਾ ਹੈ। ਪੱਛਮੀ ਘਾਟ ਵਿੱਚ ਸਥਿਤ ਇਸ ਜਗ੍ਹਾ ਦੀਆਂ ਰੰਗ-ਬਿਰੰਗੀਆਂ ਇਮਾਰਤਾਂ, ਪੱਥਰਾਂ ਨਾਲ ਬਣੀਆਂ ਪਤਲੀਆਂ ਗਲੀਆਂ ਅਤੇ ਯੂਰਪੀਅਨ ਸ਼ੈਲੀ ਦੀ ਆਰਕੀਟੈਕਚਰ ਇਸ ਨੂੰ ਹੋਰ ਵੀ ਆਕਰਸ਼ਕ ਬਣਾਉਂਦੀ ਹੈ। ਇੱਥੇ ਆਉਣ ਤੋਂ ਬਾਅਦ ਇੱਕ ਵੱਖਰੀ ਹੀ ਸ਼ਾਂਤੀ ਮਿਲਦੀ ਹੈ ਅਤੇ ਇਸ ਦੇ ਨਜ਼ਾਰੇ ਇੰਨੇ ਸ਼ਾਨਦਾਰ ਹੁੰਦੇ ਹਨ ਕਿ ਕੋਈ ਵੀ ਇਸ ਦਾ ਦੀਵਾਨਾ ਹੋ ਜਾਵੇ। ਕੁਦਰਤ ਪ੍ਰੇਮੀਆਂ ਅਤੇ ਵੀਕੈਂਡ ਟ੍ਰਿਪ ਲਈ ਇਹ ਟੂਰਿਸਟ ਸਪਾਟ ਸਭ ਤੋਂ ਵਧੀਆ ਹੈ।

3 / 5

ਪੁਡੂਚੇਰੀ ਵੀ ਹੈ ਲਿਸਟ ਵਿੱਚ: ਸਮੁੰਦਰੀ ਤੱਟਾਂ ਨਾਲ ਘਿਰੀ ਇਸ ਜਗ੍ਹਾ 'ਤੇ ਫਰਾਂਸ ਦੇ ਸੱਭਿਆਚਾਰ ਦੀ ਝਲਕ ਦੇਖਣ ਨੂੰ ਮਿਲਦੀ ਹੈ। ਇੱਥੋਂ ਦੀਆਂ ਸੜਕਾਂ, ਮਸਟਰਡ ਰੰਗ ਦੀਆਂ ਬਿਲਡਿੰਗਾਂ, ਫਰੈਂਚ ਵਿੱਚ ਲਿਖੇ ਸਟ੍ਰੀਟ ਸਾਈਨ ਬੋਰਡ ਅਤੇ ਕੈਫੇ ਕਲਚਰ ਇੱਕ ਵੱਖਰਾ ਹੀ ਅਹਿਸਾਸ ਦਿੰਦੇ ਹਨ। ਅਜਿਹਾ ਲੱਗਦਾ ਹੈ ਜਿਵੇਂ ਅਸੀਂ ਸਾਊਥ ਫਰਾਂਸ ਦੇ ਕਿਸੇ ਕੋਸਟਲ ਇਲਾਕੇ ਵਿੱਚ ਘੁੰਮ ਰਹੇ ਹੋਈਏ। ਇੱਥੇ 'ਵਾਈਟ ਟਾਊਨ' ਮੌਜੂਦ ਹੈ ਜੋ ਆਪਣੀ ਯੂਰਪੀਅਨ ਵਾਸਤੂਕਲਾ ਲਈ ਜਾਣਿਆ ਜਾਂਦਾ ਹੈ। ਇਸ ਲੋਕੇਸ਼ਨ ਦਾ ਸ਼ਾਂਤ ਮਾਹੌਲ ਸੈਲਾਨੀਆਂ ਨੂੰ ਬਹੁਤ ਪਸੰਦ ਆਉਂਦਾ ਹੈ।

4 / 5

ਸ਼ਿਲਾਂਗ, ਮੇਘਾਲਿਆ: ਮੇਘਾਲਿਆ ਦੀ ਰਾਜਧਾਨੀ ਸ਼ਿਲਾਂਗ ਨੂੰ 'ਸਕਾਟਲੈਂਡ ਆਫ਼ ਦਿ ਈਸਟ' ਵੀ ਕਿਹਾ ਜਾਂਦਾ ਹੈ। ਇਸ ਦਾ ਕਾਰਨ ਇੱਥੋਂ ਦੀਆਂ ਹਰੀਆਂ-ਭਰੀਆਂ ਪਹਾੜੀਆਂ, ਠੰਢਾ ਮੌਸਮ ਅਤੇ ਚੀੜ ਦੇ ਘਣੇ ਜੰਗਲ ਹਨ। ਇਸ ਤੋਂ ਇਲਾਵਾ ਇੱਥੇ ਬਸਤੀਵਾਦੀ ਦੌਰ ਦੀਆਂ ਕਈ ਇਮਾਰਤਾਂ ਹਨ ਜੋ ਕਿਸੇ ਵਿਦੇਸ਼ੀ ਲੋਕੇਸ਼ਨ ਦੀ ਫੀਲ ਦਿੰਦੀਆਂ ਹਨ। ਭਾਰਤ ਦੇ ਇਸ ਮਸ਼ਹੂਰ ਹਿੱਲ ਸਟੇਸ਼ਨ ਦੀਆਂ ਘਾਟੀਆਂ ਹੀ ਨਹੀਂ, ਸਗੋਂ ਇੱਥੋਂ ਦੇ ਆਕਰਸ਼ਕ ਲੱਕੜ ਦੇ ਕਾਟੇਜ ਅਤੇ ਸ਼ਾਂਤ ਵਾਤਾਵਰਣ ਵੀ ਇਹ ਅਹਿਸਾਸ ਕਰਵਾਉਂਦੇ ਹਨ ਕਿ ਤੁਸੀਂ ਸਕਾਟਲੈਂਡ ਦੇ ਕਿਸੇ ਪਿੰਡ ਵਿੱਚ ਘੁੰਮ ਰਹੇ ਹੋ।

5 / 5

ਖੱਜੀਆਰ, ਚੰਬਾ: ਹਿਮਾਚਲ ਪ੍ਰਦੇਸ਼ ਦੇ ਚੰਬਾ ਜ਼ਿਲ੍ਹੇ ਵਿੱਚ ਸਥਿਤ ਖੱਜੀਆਰ ਨੂੰ 'ਭਾਰਤ ਦਾ ਮਿੰਨੀ ਸਵਿਟਜ਼ਰਲੈਂਡ' ਵੀ ਕਿਹਾ ਜਾਂਦਾ ਹੈ। ਹਰੇ-ਭਰੇ ਘਾਹ ਦੇ ਮੈਦਾਨ, ਦੇਵਦਾਰ ਦੇ ਘਣੇ ਜੰਗਲ ਅਤੇ ਬਰਫ਼ ਨਾਲ ਢਕੀਆਂ ਪਹਾੜੀਆਂ ਦੀਆਂ ਚੋਟੀਆਂ ਦੇ ਕਾਰਨ ਇਹ ਜਗ੍ਹਾ ਬਿਲਕੁਲ ਮਿੰਨੀ ਸਵਿਟਜ਼ਰਲੈਂਡ ਵਰਗੀ ਲੱਗਦੀ ਹੈ। ਇਸ ਦੀ ਕੁਦਰਤੀ ਸੁੰਦਰਤਾ ਵਿਦੇਸ਼ੀ ਟੂਰਿਸਟ ਸਪਾਟ ਸਵਿਟਜ਼ਰਲੈਂਡ ਵਿੱਚ ਘੁੰਮਣ ਦੀ ਫੀਲ ਦਿੰਦੀ ਹੈ। ਇੱਥੋਂ ਦਾ ਸ਼ਾਂਤ ਮਾਹੌਲ, ਖੁੱਲ੍ਹੀਆਂ ਵਾਦੀਆਂ ਅਤੇ ਚਾਰੋਂ ਪਾਸੇ ਫੈਲੀ ਹਰਿਆਲੀ ਨੇਚਰ ਲਵਰਜ਼ ਨੂੰ ਦੀਵਾਨਾ ਬਣਾ ਦਿੰਦੀ ਹੈ। ਜਿਨ੍ਹਾਂ ਨੂੰ ਐਡਵੈਂਚਰ ਦਾ ਸ਼ੌਕ ਹੈ, ਉਨ੍ਹਾਂ ਲਈ ਵੀ ਇਹ ਜਗ੍ਹਾ ਇੱਕ ਬਿਹਤਰੀਨ ਟੂਰਿਸਟ ਪਲੇਸ ਹੈ।

Unable to load recommendations.

LIVETV

Tag :

World Elephant Day: ਭਾਰਤ ਦੀ ਇਹ ਜਗ੍ਹਾ ਹੈ ਹਾਥੀਆਂ ਦਾ ਸਵਰਗ, ਘੁੰਮਣ ਲਈ ਬੈਸਟ, ਇੰਝ ਪਹੁੰਚੋ

Sugar Damage Skin: ਸਰੀਰ ਹੀ ਨਹੀਂ, ਸਕਿਨ ਦੀ ਵੀ ਦੁਸ਼ਮਣ ਹੈ ਚਿੱਟੀ ਚੀਨੀ, ਡਰਮੈਟੋਲੋਜਿਸਟ ਤੋਂ ਜਾਣੋ ਸੱਚਾਈ

High Protein Diet Side Effects: ਹਾਈ ਪ੍ਰੋਟੀਨ ਡਾਈਟ ਕਿਵੇਂ ਬਣ ਜਾਂਦੀ ਹੈ ਕਬਜ਼ ਦਾ ਕਾਰਨ? ਮਾਹਿਰਾਂ ਤੋਂ ਜਾਣੋ

ਮਾਨਸੂਨ ‘ਚ ਦਹੀ ਖਾਣਾ ਚਾਹੀਦਾ ਹੈ ਜਾਂ ਨਹੀਂ? ਜਾਣੋ ਕੀ ਇਸ ਨਾਲ ਵਧਦਾ ਹੈ ਸਰਦੀ-ਖੰਘ ਦਾ ਖ਼ਤਰਾ

ਗਰਭ ਅਵਸਥਾ ਦੇ ਪਹਿਲੇ 3 ਮਹੀਨੇ ਕਿਉਂ ਹੁੰਦੇ ਹਨ ਸਭ ਤੋਂ ਅਹਿਮ? ਜਾਣੋ ਸਹੀ ਡਾਇਟ ਅਤੇ ਜ਼ਰੂਰੀ ਸਾਵਧਾਨੀਆਂ