Punjabi News Photo Gallery Business Photo epfo database upgrade and upi atm pf withdrawal services from july 1 update know in punjabi

EPFO: ਕੀ 1 ਜੁਲਾਈ ਤੋਂ UPI ਅਤੇ ATM ਰਾਹੀਂ ਨਿਕਲੇਗਾ PF ਦਾ ਪੈਸਾ? EPFO ਨੇ ਜਾਰੀ ਕੀਤਾ ਵੱਡਾ ਅੱਪਡੇਟ

TV9 Punjabi

Updated On:

26 Jun 2026 19:03 PM IST

ਈ.ਪੀ.ਐੱਫ.ਓ. (EPFO) ਆਪਣੇ ਡਿਜੀਟਲ ਪਲੇਟਫਾਰਮ ਨੂੰ ਅੱਪਗ੍ਰੇਡ ਕਰ ਰਿਹਾ ਹੈ, ਜਿਸ ਕਾਰਨ 26 ਤੋਂ 30 ਜੂਨ ਤੱਕ ਪੀ.ਐੱਫ. ਆਨਲਾਈਨ ਸੇਵਾਵਾਂ ਬੰਦ ਰਹਿਣਗੀਆਂ। ਰਿਪੋਰਟਾਂ ਮੁਤਾਬਕ 1 ਜੁਲਾਈ ਤੋਂ ਸੇਵਾਵਾਂ ਮੁੜ ਸ਼ੁਰੂ ਹੋਣ ਮਗਰੋਂ ਮੈਂਬਰਾਂ ਨੂੰ ਜਲਦੀ ਹੀ UPI ਅਤੇ ATM ਰਾਹੀਂ ਪੀ.ਐੱਫ. ਫੰਡ ਕਢਵਾਉਣ ਦੀ ਸਹੂਲਤ ਮਿਲ ਸਕਦੀ ਹੈ, ਹਾਲਾਂਕਿ ਇਸਦੀ ਅਧਿਕਾਰਤ ਪੁਸ਼ਟੀ ਹੋਣੀ ਅਜੇ ਬਾਕੀ ਹੈ।

ਈ.ਪੀ.ਐੱਫ.ਓ. ਦੇ ਸਿਸਟਮ ਅੱਪਗ੍ਰੇਡ ਨਾਲ ਜੁੜੀਆਂ ਹਾਲੀਆ ਰਿਪੋਰਟਾਂ ਤੋਂ ਸੰਕੇਤ ਮਿਲਦਾ ਹੈ ਕਿ ਕਰਮਚਾਰੀ ਜਲਦੀ ਹੀ ਯੂ.ਪੀ.ਆਈ. (UPI) ਅਤੇ ਏ.ਟੀ.ਐੱਮ. (ATM) ਸੇਵਾਵਾਂ ਦੀ ਵਰਤੋਂ ਕਰਕੇ ਆਪਣੇ ਪੀ.ਐੱਫ. ਫੰਡ ਕਢਵਾ ਸਕਣਗੇ। ਇਸੇ ਦੌਰਾਨ, ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਨੇ 26 ਤੋਂ 30 ਜੂਨ ਦਰਮਿਆਨ ਤੈਅ ਸਿਸਟਮ ਮਾਈਗ੍ਰੇਸ਼ਨ ਅਤੇ ਅੱਪਗ੍ਰੇਡ ਦੇ ਸਬੰਧ ਵਿੱਚ ਇੱਕ ਨਵੀਂ ਨੋਟੀਫਿਕੇਸ਼ਨ ਜਾਰੀ ਕੀਤੀ ਹੈ। ਇਸ ਤੋਂ ਸੰਕੇਤ ਮਿਲਦਾ ਹੈ ਕਿ ਸੰਗਠਨ ਆਪਣੇ ਡਿਜੀਟਲ ਪਲੇਟਫਾਰਮ ਨੂੰ ਨਵੀਆਂ ਸਹੂਲਤਾਂ ਲਈ ਤਿਆਰ ਕਰ ਰਿਹਾ ਹੈ।

2 / 6

ਈ.ਪੀ.ਐੱਫ.ਓ. ਵੱਲੋਂ ਜਾਰੀ ਇੱਕ ਨੋਟਿਸ ਅਨੁਸਾਰ, ਈ.ਪੀ.ਐੱਫ.ਓ. ਮੈਂਬਰ ਪੋਰਟਲ, ਰੁਜ਼ਗਾਰਦਾਤਾ ਪੋਰਟਲ ਅਤੇ ਉਮੰਗ ਐਪ ਸਮੇਤ ਕਈ ਸੇਵਾਵਾਂ 26 ਜੂਨ, 2026 ਦੀ ਅੱਧੀ ਰਾਤ ਤੋਂ 30 ਜੂਨ, 2026 ਦੀ ਰਾਤ 11:59 ਵਜੇ ਤੱਕ ਕੁੱਲ 120 ਘੰਟਿਆਂ ਲਈ ਅਸਥਾਈ ਤੌਰ 'ਤੇ ਬੰਦ ਰਹਿਣਗੀਆਂ। ਕਰੋੜਾਂ ਕਰਮਚਾਰੀਆਂ ਦੇ ਰਿਟਾਇਰਮੈਂਟ ਫੰਡ ਦਾ ਪ੍ਰਬੰਧਨ ਕਰਨ ਵਾਲੀ ਸਰਕਾਰੀ ਸੰਸਥਾ ਨੇ ਕਿਹਾ ਕਿ ਇਸ ਮਿਆਦ ਦੇ ਦੌਰਾਨ ਸਿਸਟਮ ਮਾਈਗ੍ਰੇਸ਼ਨ ਅਤੇ ਡਾਟਾਬੇਸ ਅੱਪਗ੍ਰੇਡ ਕੀਤੇ ਜਾਣਗੇ ਤਾਂ ਜੋ ਭਵਿੱਖ ਵਿੱਚ ਸੇਵਾਵਾਂ ਤੇਜ਼, ਵਧੇਰੇ ਸੁਰੱਖਿਅਤ ਅਤੇ ਵਧੇਰੇ ਭਰੋਸੇਮੰਦ ਬਣ ਸਕਣ।

3 / 6

ਮੌਜੂਦਾ ਸਮੇਂ ਉਪਲਬਧ ਜਾਣਕਾਰੀ ਦੇ ਆਧਾਰ 'ਤੇ, ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਸਿਸਟਮ ਅੱਪਗ੍ਰੇਡ ਤੋਂ ਬਾਅਦ 1 ਜੁਲਾਈ ਨੂੰ ਈ.ਪੀ.ਐੱਫ.ਓ. ਦੀਆਂ ਆਨਲਾਈਨ ਸੇਵਾਵਾਂ ਫਿਰ ਤੋਂ ਸ਼ੁਰੂ ਹੋ ਜਾਣਗੀਆਂ। ਹਾਲਾਂਕਿ, ਈ.ਪੀ.ਐੱਫ.ਓ. ਨੇ ਅਜੇ ਤੱਕ ਅਧਿਕਾਰਤ ਤੌਰ 'ਤੇ ਇਹ ਪੁਸ਼ਟੀ ਨਹੀਂ ਕੀਤੀ ਹੈ ਕਿ ਯੂ.ਪੀ.ਆਈ. ਅਤੇ ਏ.ਟੀ.ਐੱਮ. ਰਾਹੀਂ ਪੀ.ਐੱਫ. ਕਢਵਾਉਣ ਦੀ ਸਹੂਲਤ ਵੀ ਉਸੇ ਦਿਨ ਤੋਂ ਸ਼ੁਰੂ ਹੋਵੇਗੀ ਜਾਂ ਨਹੀਂ। ਇਸ ਲਈ, ਇਸ ਸਹੂਲਤ ਦੇ ਸਬੰਧ ਵਿੱਚ ਈ.ਪੀ.ਐੱਫ.ਓ. ਦੇ ਅਧਿਕਾਰਤ ਐਲਾਨ ਦੀ ਉਡੀਕ ਕਰਨੀ ਪਵੇਗੀ।

4 / 6

ਈ.ਪੀ.ਐੱਫ.ਓ. ਅਨੁਸਾਰ, ਸੇਵਾਵਾਂ ਲਗਭਗ ਪੰਜ ਦਿਨਾਂ ਬਾਅਦ ਯਾਨੀ 1 ਜੁਲਾਈ, 2026 ਨੂੰ ਮੁੜ ਸ਼ੁਰੂ ਹੋਣ ਦੀ ਉਮੀਦ ਹੈ। ਇੱਕ ਹਫ਼ਤਾ ਪਹਿਲਾਂ ਆਈਆਂ ਖ਼ਬਰਾਂ ਅਨੁਸਾਰ, 'EPFO 2.0' ਦੇ ਤਹਿਤ ਇੱਕ ਕੇਂਦਰੀਕ੍ਰਿਤ ਆਈ.ਟੀ. ਪ੍ਰਣਾਲੀ ਤਿਆਰ ਹੈ ਅਤੇ ਯੂ.ਪੀ.ਆਈ. ਰਾਹੀਂ ਪੀ.ਐੱਫ. ਕਢਵਾਉਣ ਦੀ ਸਹੂਲਤ ਜੂਨ ਦੇ ਅੰਤ ਤੱਕ ਸ਼ੁਰੂ ਹੋ ਸਕਦੀ ਹੈ। ਖ਼ਬਰਾਂ ਮੁਤਾਬਕ, ਮੈਂਬਰ ਜਲਦੀ ਹੀ ਯੂ.ਪੀ.ਆਈ. ਰਾਹੀਂ ਸਿੱਧੇ ਆਪਣੇ ਬੈਂਕ ਖਾਤਿਆਂ ਵਿੱਚ ਪੀ.ਐੱਫ. ਦੀ ਰਕਮ ਪ੍ਰਾਪਤ ਕਰ ਸਕਣਗੇ ਅਤੇ ਲੋੜ ਪੈਣ 'ਤੇ ਏ.ਟੀ.ਐੱਮ. ਤੋਂ ਨਕਦੀ ਕਢਵਾ ਸਕਣਗੇ। ਹਾਲਾਂਕਿ, ਈ.ਪੀ.ਐੱਫ.ਓ. ਨੇ ਅਜੇ ਤੱਕ ਇਸ ਸਹੂਲਤ ਦੇ ਸ਼ੁਰੂ ਹੋਣ ਦੇ ਸਬੰਧ ਵਿੱਚ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ।

5 / 6

ਈ.ਪ.ਐੱਫ.ਓ. ਦੇ ਮੌਜੂਦਾ ਨਿਯਮਾਂ ਅਨੁਸਾਰ, ਈ.ਪੀ.ਐੱਫ. ਖਾਤੇ ਵਿੱਚ ਜਮ੍ਹਾ ਕੀਤੀ ਰਕਮ ਦਾ ਘੱਟੋ-ਘੱਟ 25% ਹਿੱਸਾ ਰੱਖਣਾ ਲਾਜ਼ਮੀ ਹੈ। ਉੱਥੇ ਹੀ, ਬੀਮਾਰੀ, ਸਿੱਖਿਆ, ਵਿਆਹ ਅਤੇ ਮਕਾਨ ਨਿਰਮਾਣ ਵਰਗੇ ਉਦੇਸ਼ਾਂ ਲਈ 5 ਲੱਖ ਰੁਪਏ ਤੱਕ ਦੇ ਕਲੇਮਾਂ ਦਾ ਨਿਪਟਾਰਾ ਆਟੋਮੈਟਿਕ ਤੌਰ 'ਤੇ ਕੀਤਾ ਜਾ ਸਕਦਾ ਹੈ। ਕਿਰਤ ਮੰਤਰਾਲੇ (ਲੇਬਰ ਮਿਨਿਸਟਰੀ) ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਨਵੀਂ ਡਿਜੀਟਲ ਪ੍ਰਣਾਲੀ ਨੂੰ ਲਾਗੂ ਕਰਨ ਲਈ ਈ.ਪ.ਐੱਫ.ਓ. ਸਰਵਰਾਂ ਨੂੰ ਕੁਝ ਦਿਨਾਂ ਲਈ ਬੰਦ ਕਰਨਾ ਪਵੇਗਾ; ਇਸ ਲਈ, ਮੌਜੂਦਾ ਸਮੇਂ ਸਿਸਟਮ ਮਾਈਗ੍ਰੇਸ਼ਨ ਦਾ ਕੰਮ ਚੱਲ ਰਿਹਾ ਹੈ। ਉਮੀਦ ਹੈ ਕਿ ਇਹ ਅੱਪਗ੍ਰੇਡ ਭਵਿੱਖ ਵਿੱਚ ਯੂ.ਪੀ.ਆਈ. ਆਧਾਰਿਤ ਨਿਕਾਸੀ, ਇੱਕ ਨਵੀਂ ਮੋਬਾਈਲ ਐਪ ਅਤੇ ਹੋਰ ਡਿਜੀਟਲ ਸੇਵਾਵਾਂ ਵਰਗੀਆਂ ਸਹੂਲਤਾਂ ਦੀ ਨੀਂਹ ਰੱਖੇਗਾ।

6 / 6

ਈ.ਪੀ.ਐੱਫ.ਓ. ਮੈਂਬਰਾਂ ਨੂੰ ਵਟਸਐਪ ਰਾਹੀਂ ਵੀ ਵੱਖ-ਵੱਖ ਸੇਵਾਵਾਂ ਪ੍ਰਦਾਨ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਇਸ ਚੈਨਲ ਰਾਹੀਂ ਮੈਂਬਰ ਆਪਣੇ ਪੀ.ਐੱਫ. ਬੈਲੇਂਸ, ਕਲੇਮ ਸਟੇਟਸ ਅਤੇ ਪਿਛਲੇ ਪੰਜ ਲੈਣ-ਦੇਣ ਦੀ ਜਾਣਕਾਰੀ ਪ੍ਰਾਪਤ ਕਰ ਸਕਣਗੇ। ਇਸ ਤੋਂ ਇਲਾਵਾ, ਈ.ਪੀ.ਐੱਫ.ਓ. ਇੱਕ ਨਵੀਂ ਮੋਬਾਈਲ ਐਪਲੀਕੇਸ਼ਨ ਵਿਕਸਿਤ ਕਰ ਰਿਹਾ ਹੈ। ਇਹ ਐਪਲੀਕੇਸ਼ਨ ਬੈਂਕ ਖਾਤਿਆਂ ਦੇ ਨਾਲ-ਨਾਲ ਭੀਮ ਅਤੇ ਹੋਰ ਯੂ.ਪ.ਆਈ. ਐਪਲੀਕੇਸ਼ਨਾਂ ਨਾਲ ਵੀ ਲਿੰਕ ਹੋਵੇਗੀ, ਜਿਸ ਨਾਲ ਡਿਜੀਟਲ ਸੇਵਾਵਾਂ ਦੀ ਵਰਤੋਂ ਪਹਿਲਾਂ ਨਾਲੋਂ ਕਿਤੇ ਵੱਧ ਆਸਾਨ ਹੋ ਜਾਵੇਗੀ।

Unable to load recommendations.

LIVETV

Tag :

ਸਰਕਾਰ UPI ਭੁਗਤਾਨ ਨਿਯਮਾਂ ‘ਚ ਕਰ ਸਕਦੀ ਹੈ ਵੱਡਾ ਬਦਲਾਅ, 2,000 ਰੁਪਏ ਤੋਂ ਉੱਪਰ ਦੇ ਮਰਚੈਂਟ ਭੁਗਤਾਨ ‘ਤੇ ਲੱਗ ਸਕਦਾ ਹੈ MDR

ਟੁੱਟੇ ਹੋਏ ਵਾਲਾਂ ਨੂੰ ਕੂੜਾ ਸਮਝ ਕੇ ਨਾ ਸੁੱਟੋ, ਇਨ੍ਹਾਂ ਨੂੰ ਵੇਚ ਕੇ ਹਰ ਮਹੀਨੇ ਕਰ ਸਕਦੇ ਹੋ ਵਾਧੂ ਕਮਾਈ, ਜਾਣੋ ਪੂਰਾ ਤਰੀਕਾ

1 ਅਗਸਤ ਤੋਂ ਬਦਲਣਗੇ ਕਈ ਵੱਡੇ ਨਿਯਮ! LPG ਸਿਲੰਡਰ ਤੋਂ ਰੇਲਵੇ ਤਤਕਾਲ ਟਿਕਟ ਅਤੇ ਬੈਂਕਿੰਗ ਤੱਕ ਜਾਣੋ ਕੀ ਹੋਵੇਗਾ ਮਹਿੰਗਾ ਤੇ ਕੀ ਬਦਲੇਗਾ

ਵਿਆਹ ਲਈ ਚਾਹੀਦੇ ਹਨ ਪੈਸੇ? EPFO ਤੋਂ ਕੱਢ ਸਕਦੇ ਹੋ PF ਐਡਵਾਂਸ, ਜਾਣੋ ਨਿਯਮ

Gold Price: ਸੋਨਾ-ਚਾਂਦੀ ਦੀਆਂ ਕੀਮਤਾਂ ‘ਚ ਵੱਡਾ ਉਛਾਲ, ਜਾਣੋ ਅੱਜ ਦੇ ਨਵੇਂ ਰੇਟ