RG Kar Medical College Case: ਡਾਕਟਰ ਬਲਾਤਕਾਰ ਮਾਮਲੇ ਵਿੱਚ ਸੰਜੇ ਰਾਏ ਨੂੰ ਠਹਿਰਾਇਆ ਗਿਆ ਦੋਸ਼ੀ, ਸਿਆਲਦਾਹ ਅਦਾਲਤ ਨੇ ਸੁਣਾਇਆ ਫੈਸਲਾ
ਅੱਜ ਕੋਲਕਾਤਾ ਵਿੱਚ ਇੱਕ ਸਿਖਿਆਰਥੀ ਡਾਕਟਰ ਨਾਲ ਬਲਾਤਕਾਰ ਅਤੇ ਕਤਲ ਦੇ ਮਾਮਲੇ ਵਿੱਚ ਫੈਸਲੇ ਦਾ ਦਿਨ ਹੈ। ਕੋਲਕਾਤਾ ਦੀ ਸਿਆਦਲਾਹ ਅਦਾਲਤ ਫੈਸਲਾ ਸੁਣਾਇਆ। ਇਸ ਮਾਮਲੇ ਦੀ ਸੁਣਵਾਈ 57 ਦਿਨਾਂ ਤੱਕ ਹੋਈ। 2024 ਵਿੱਚ ਅਗਸਤ ਮਹੀਨੇ ਵਿੱਚ ਵਾਪਰੀ ਇਸ ਘਟਨਾ ਤੋਂ ਲਗਭਗ 162 ਦਿਨ ਬਾਅਦ, ਅੱਜ ਫੈਸਲਾ ਸੁਣਾਇਆ ਗਿਆ।
ਪੱਛਮੀ ਬੰਗਾਲ ਦੇ ਕੋਲਕਾਤਾ ਦੇ ਆਰਜੀ ਕਾਰ ਮੈਡੀਕਲ ਕਾਲਜ ਦੇ ਮਾਮਲੇ ਵਿੱਚ ਅੱਜ ਫੈਸਲਾ ਸੁਣਾਇਆ ਕੇਂਦਰੀ ਜਾਂਚ ਬਿਊਰੋ ਨੂੰ ਉਮੀਦ ਸੀ ਕਿ ਮੁੱਖ ਮੁਲਜ਼ਮ ਸੰਜੇ ਰਾਏ ਨੂੰ ਅੱਜ ਸਿਆਲਦਾਹ ਅਦਾਲਤ ਨੇ ਦੋਸ਼ੀ ਠਹਿਰਾਇਆ। ਸੈਸ਼ਨ ਕੋਰਟ ਦੇ ਜੱਜ ਅਨਿਰਬਾਨ ਦਾਸ ਨੇ ਫੈਸਲਾ ਸੁਣਾਉਦਿਆਂ ਸੰਜੇ ਰਾਏ ਕਰਾਰ ਦੇ ਦਿੱਤਾ। 9 ਅਗਸਤ ਨੂੰ ਹਸਪਤਾਲ ਦੇ ਅਹਾਤੇ ਵਿੱਚ ਇੱਕ ਡਿਊਟੀ ‘ਤੇ ਤਾਇਨਾਤ ਪੀਜੀਟੀ ਇੰਟਰਨ ਨਾਲ ਬੇਰਹਿਮੀ ਨਾਲ ਬਲਾਤਕਾਰ ਕੀਤਾ ਗਿਆ ਅਤੇ ਫੇਰ ਉਸ ਦਾ ਕਤਲ ਕਰ ਦਿੱਤਾ ਗਿਆ।
13 ਅਗਸਤ ਨੂੰ ਕੋਲਕਾਤਾ ਪੁਲਿਸ ਤੋਂ ਕੇਸ ਲੈਣ ਤੋਂ ਬਾਅਦ, ਕੇਂਦਰੀ ਏਜੰਸੀ ਨੇ 120 ਤੋਂ ਵੱਧ ਗਵਾਹਾਂ ਦੇ ਬਿਆਨ ਦਰਜ ਕੀਤੇ। ਇਸ ਮਾਮਲੇ ਵਿੱਚ ਕੈਮਰਾ ਟ੍ਰਾਇਲ 66 ਦਿਨਾਂ ਤੱਕ ਜਾਰੀ ਰਿਹਾ। ਸੀਬੀਆਈ ਦੇ ਵਕੀਲ ਨੇ ਸੰਜੇ ਰਾਏ ਨੂੰ ਘਟਨਾ ਲਈ ਦੋਸ਼ੀ ਸਾਬਤ ਕਰਨ ਲਈ ਡੀਐਨਏ ਨਮੂਨੇ, ਵਿਸੇਰਾ ਆਦਿ ਤੋਂ ਇਲਾਵਾ ਜੈਵਿਕ ਸਬੂਤ (ਐਲਵੀਏ) ਪੇਸ਼ ਕੀਤੇ।
ਪੀੜਤ ਕਰਦੀ ਰਹੀ ਬਚਣ ਦੀ ਕੋਸ਼ਿਸ
ਉਨ੍ਹਾਂ ਕਿਹਾ ਕਿ ਪੀੜਤ ਦੇ ਸਰੀਰ ‘ਤੇ ਲਾਰ ਦੇ ਸਵੈਬ ਦੇ ਨਮੂਨੇ ਅਤੇ ਡੀਐਨਏ ਦੇ ਨਮੂਨੇ ਸੰਜੇ ਰਾਏ ਨਾਲ ਮੇਲ ਖਾਂਦੇ ਹਨ। ਏਜੰਸੀ ਨੇ ਦਾਅਵਾ ਕੀਤਾ ਕਿ ਪੀੜਤਾ ਨੇ ਬਲਾਤਕਾਰ ਅਤੇ ਕਤਲ ਕੀਤੇ ਜਾਣ ਦੌਰਾਨ ਆਪਣੇ ਆਪ ਨੂੰ ਬਚਾਉਣ ਲਈ ਲੰਬੇ ਸਮੇਂ ਤੱਕ ਸੰਘਰਸ਼ ਕੀਤਾ। ਇਸ ਵਿੱਚ ਉਸਨੇ ਸੰਜੇ ਰਾਏ ਦੇ ਸਰੀਰ ‘ਤੇ ਪੰਜ ਵਾਰ ਜ਼ਖ਼ਮ ਦਿੱਤੇ ਸਨ, ਜੋ ਕਿ ਰਿਪੋਰਟ ਵਿੱਚ ਸਾਹਮਣੇ ਆਇਆ ਹੈ।
ਸੀਬੀਆਈ ਦੇ ਵਕੀਲ ਨੇ ਇਸ ਘਟਨਾ ਨੂੰ ਅਣਮਨੁੱਖੀਤਾ ਦੀਆਂ ਹੱਦਾਂ ਪਾਰ ਕਰਨ ਵਾਲਾ ਦੱਸਿਆ ਹੈ। ਜਾਂਚ ਦੌਰਾਨ, ਇੱਕ ਬਹੁ-ਸੰਸਥਾਗਤ ਮੈਡੀਕਲ ਬੋਰਡ ਦੁਆਰਾ ਪੇਸ਼ ਕੀਤੀ ਗਈ ਇੱਕ ਰਿਪੋਰਟ ਨੇ ਵੀ ਪੁਸ਼ਟੀ ਕੀਤੀ ਕਿ ਪੀੜਤ ਦੀ ਮੌਤ ਹੱਥੀਂ ਗਲਾ ਘੁੱਟਣ ਕਾਰਨ ਹੋਈ ਹੈ। ਜਦੋਂ ਸਿਖਿਆਰਥੀ ਡਾਕਟਰ ਨੇ ਆਪਣੇ ਆਪ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸਦੀ ਐਨਕ ਟੁੱਟ ਗਈ। ਪੀੜਤਾ ਨਾਲ ਬੇਰਹਿਮੀ ਇੰਨੀ ਭਿਆਨਕ ਸੀ ਕਿ ਉਸ ਦੀਆਂ ਅੱਖਾਂ, ਮੂੰਹ ਅਤੇ ਗੁਪਤ ਅੰਗਾਂ ਤੋਂ ਲਗਾਤਾਰ ਖੂਨ ਵਹਿ ਰਿਹਾ ਸੀ। ਪੀੜਤ ਦੀ ਗਰਦਨ ਅਤੇ ਬੁੱਲ੍ਹਾਂ ‘ਤੇ ਸੱਟਾਂ ਦੇ ਨਿਸ਼ਾਨ ਮਿਲੇ ਹਨ।
ਸੁਪਰੀਮ ਕੋਰਟ ਨੇ ਖੁਦ ਨੋਟਿਸ ਲਿਆ ਸੀ
ਸੁਪਰੀਮ ਕੋਰਟ ਨੇ ਇਸ ਘਟਨਾ ਦਾ ਖੁਦ ਨੋਟਿਸ ਲਿਆ ਸੀ ਅਤੇ ਦੇਸ਼ ਦੇ ਡਾਕਟਰਾਂ ਦੀ ਸੁਰੱਖਿਆ ਬਾਰੇ ਚਿੰਤਾ ਪ੍ਰਗਟ ਕੀਤੀ ਸੀ, ਜਿਸ ਤੋਂ ਬਾਅਦ ਦੇਸ਼ ਭਰ ਦੇ ਡਾਕਟਰਾਂ ਦੀ ਸੁਰੱਖਿਆ ਪਾੜੇ ਨੂੰ ਪੂਰਾ ਕਰਨ ਲਈ ਇੱਕ ਰਾਸ਼ਟਰੀ ਟਾਸਕ ਫੋਰਸ ਬਣਾਈ ਗਈ ਸੀ।
ਇਹ ਵੀ ਪੜ੍ਹੋ
ਮੈਂ ਦੋਸ਼ੀ ਨਹੀਂ ਹਾਂ- ਸੰਜੈ ਰਾਏ
ਜਿਵੇਂ ਹੀ ਕੋਰਟ ਨੇ ਸੰਜੇ ਰਾਏ ਨੂੰ ਦੋਸ਼ੀ ਕਰਾਰ ਦਿੱਤਾ ਤਾਂ ਕੋਰਟ ਵਿੱਚ ਸੰਜੇ ਉੱਚੀ ਅਵਾਜ਼ ਵਿੱਚ ਚੀਖਿਆ ਅਤੇ ਕਿਹਾ ਮੈਂ ਦੋਸ਼ੀ ਨਹੀਂ ਹਾਂ।