ਚੰਦਰਯਾਨ-3 ਹੁਣ ਚੰਦਰਮਾ ਤੋਂ ਸਿਰਫ 25 ਕਿਲੋਮੀਟਰ ਦੂਰ, ਸਫਲ ਰਿਹਾ ਦੂਜਾ ਡੀਬੂਸਟਿੰਗ ਆਪ੍ਰੇਸ਼ਨ

ਭਾਰਤ ਦਾ ਚੰਦਰਮਾ ਮਿਸ਼ਨ ਚੰਦਰਯਾਨ-3 ਚੰਦਰਮਾ ਦੇ ਬਹੁਤ ਨੇੜੇ ਪਹੁੰਚ ਗਿਆ ਹੈ। ਇਸਰੋ ਨੇ ਦੂਜੀ ਅਤੇ ਆਖਰੀ ਡੀਬੂਸਟਿੰਗ ਆਪ੍ਰੇਸ਼ਨ ਨੂੰ ਸਫਲਤਾਪੂਰਵਕ ਪੂਰਾ ਕਰ ਲਿਆ ਹੈ। ਇਸ ਆਪ੍ਰੇਸ਼ਨ ਤੋਂ ਬਾਅਦ ਚੰਦਰਯਾਨ-3 ਦੀ ਚੰਦਰਮਾ ਤੋਂ ਦੂਰੀ ਹੋਰ ਘਟ ਗਈ ਹੈ। ਲੈਂਡਰ ਮੋਡੀਊਲ ਹੁਣ 25 km x 134 ਕਿਲੋਮੀਟਰ ਦੀ ਦੂਰੀ ‘ਤੇ ਹੈ। ਮੋਡੀਊਲ ਹੁਣ ਅੰਦਰੂਨੀ ਜਾਂਚ ਤੋਂ ਗੁਜ਼ਰੇਗਾ ਅਤੇ ਲੈਂਡਿੰਗ ਸਾਈਟ ‘ਤੇ ਸੂਰਜ ਚੜ੍ਹਨ ਦੀ ਉਡੀਕ ਕਰੇਗਾ। ਇਸਰੋ ਨੇ 1 ਵਜੇ ਕੇ 50 ਵਜੇ ਚੰਦਰਯਾਨ-3 ਦਾ ਦੂਜਾ ਡੀਬੂਸਟਿੰਗ ਆਪ੍ਰੇਸ਼ਨ ਪੂਰਾ ਕੀਤਾ। ਪੁਲਾੜ ਏਜੰਸੀ ਨੇ ਟਵੀਟ ਕੀਤਾ ਕਿ ਲੈਂਡਰ ਮੋਡੀਊਲ ਨੇ ਸਫਲਤਾਪੂਰਵਕ ਆਪਣਾ ਦੂਜਾ ਅਤੇ ਆਖਰੀ ਡੀਬੂਸਟਿੰਗ ਆਪ੍ਰੇਸ਼ਨ ਪੂਰਾ ਕਰ ਲਿਆ ਹੈ। ਹੁਣ ਇਸ ਦਾ ਔਰਬਿਟ 25 km x 134 km ਰਹਿ ਗਿਆ ਹੈ। ਦੱਸ ਦੇਈਏ ਕਿ ਸਪੀਡ ਘਟਾਉਣ ਦੀ ਪ੍ਰਕਿਰਿਆ ਨੂੰ ਡੀਬੂਸਟਿੰਗ ਕਿਹਾ ਜਾਂਦਾ ਹੈ। ਲੈਂਡਰ ਮੋਡੀਊਲ ਦਾ ਪਹਿਲਾ ਡੀਬੂਸਟਿੰਗ ਆਪ੍ਰੇਸ਼ਨ 18 ਅਗਸਤ ਨੂੰ ਹੋਇਆ ਸੀ।

Chandrayaan-3 Mission:

ਇਹ ਵੀ ਪੜ੍ਹੋ

ਭਾਰਤ ਸਾਡਾ ਵਿਰੋਧੀ ਨਹੀਂ, ਭਾਈਵਾਲ ਹੈ PM ਮੋਦੀ ਨਾਲ ਮੁਲਾਕਾਤ 'ਚ ਬੋਲੇ ਜਿਨਪਿੰਗ

PM ਮੋਦੀ-ਜਿਨਪਿੰਗ ਦੀ ਮੁਲਾਕਾਤ... ਬ੍ਰਿਕਸ ਸੰਮੇਲਨ ਦੇ ਪਹਿਲੇ ਦਿਨ ਕੀ ਹੋਇਆ?

ਭਾਰਤ-ਚੀਨ ਇੱਕ ਦੂਜੇ ਦੀਆਂ ਤਾਕਤਾਂ ਤੋਂ ਸਿੱਖ ਸਕਦੇ ਹਨ- ਜਿਨਪਿੰਗ

The second and final deboosting operation has successfully reduced the LM orbit to 25 km x 134 km. The module would undergo internal checks and await the sun-rise at the designated landing site. The powered descent is expected to commence on August pic.twitter.com/7ygrlW8GQ5 — ISRO (@isro) August 19, 2023

23 ਅਗਸਤ ਨੂੰ ਭਾਰਤ ਰਚੇਗਾ ਇਤਿਹਾਸ

ਭਾਰਤ ਦਾ ਚੰਦਰਮਾ ਮਿਸ਼ਨ ਚੰਦਰਯਾਨ-3 ਹੁਣ ਤੱਕ ਦੀ ਯੋਜਨਾ ਅਨੁਸਾਰ ਅੱਗੇ ਵਧਿਆ ਹੈ। ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ 23 ਅਗਸਤ ਨੂੰ ਚੰਦਰਯਾਨ-3 ਸਵੇਰੇ 5.47 ਵਜੇ ਚੰਦਰਮਾ ‘ਤੇ ਉਤਰੇਗਾ। ਜੇਕਰ ਲੈਂਡਿੰਗ ਸਫਲ ਰਹੀ ਤਾਂ ਭਾਰਤ ਇਤਿਹਾਸ ਰਚੇਗਾ। ਰੂਸ, ਅਮਰੀਕਾ ਅਤੇ ਚੀਨ ਤੋਂ ਬਾਅਦ ਭਾਰਤ ਚੰਦ ‘ਤੇ ਸਾਫਟ ਲੈਂਡਿੰਗ ਕਰਨ ਵਾਲਾ ਚੌਥਾ ਦੇਸ਼ ਬਣ ਜਾਵੇਗਾ।

ਚੰਦਰਯਾਨ-3 ਨੂੰ 14 ਜੁਲਾਈ ਨੂੰ ਕੀਤਾ ਗਿਆ ਲਾਂਚ

ਚੰਦਰਮਾ ਦੀ ਸਤ੍ਹਾ ‘ਤੇ ਸਾਫਟ-ਲੈਂਡਿੰਗ ਤੋਂ ਬਾਅਦ, ਲੈਂਡਰ ਦੇ ਅੰਦਰ ਦਾ ਰੋਵਰ (26 ਕਿਲੋਗ੍ਰਾਮ) ਇੱਕ ਰੈਂਪ ਰਾਹੀਂ ਬਾਹਰ ਆਵੇਗਾ ਅਤੇ ਇਸਦੇ ਆਲੇ ਦੁਆਲੇ ਦੇ ਖੇਤਰ ਦੀ ਪੜਚੋਲ ਕਰੇਗਾ। ਦੱਸ ਦੇਈਏ ਕਿ ਚੰਦਰਯਾਨ-3 ਨੂੰ ਇਸਰੋ ਨੇ 14 ਜੁਲਾਈ ਨੂੰ ਲਾਂਚ ਕੀਤਾ ਸੀ। 5 ਅਗਸਤ ਨੂੰ ਇਹ ਪਹਿਲੀ ਵਾਰ ਚੰਦਰਮਾ ਦੇ ਪੰਧ ਵਿੱਚ ਦਾਖਲ ਹੋਇਆ। ਇਸ ਨੇ 16 ਅਗਸਤ ਨੂੰ ਆਪਣਾ ਆਖਰੀ ਅਭਿਆਸ ਪੂਰਾ ਕੀਤਾ। ਲੈਂਡਰ ਮੋਡੀਊਲ ਨੂੰ 17 ਅਗਸਤ ਨੂੰ ਪ੍ਰੋਪਲਸ਼ਨ ਮੋਡੀਊਲ ਤੋਂ ਵੱਖ ਕਰ ਦਿੱਤਾ ਗਿਆ ਸੀ।

ਅਧੂਰਾ ਸੁਪਨਾ ਹੋਵੇਗਾ ਪੂਰਾ

ਇਸ ਵਾਰ ਅਧੂਰਾ ਸੁਪਨਾ ਪੂਰਾ ਹੋਣ ਜਾ ਰਿਹਾ ਹੈ। ਭਾਰਤ ਨੇ ਸਾਲ 2019 ‘ਚ ਚੰਦਰਯਾਨ-2 ਮਿਸ਼ਨ ਲਾਂਚ ਕੀਤਾ ਸੀ, ਜੋ ਸਾਫਟ ਲੈਂਡਿੰਗ ਤੋਂ ਠੀਕ ਪਹਿਲਾਂ ਖਰਾਬ ਹੋ ਗਿਆ ਅਤੇ ਮਿਸ਼ਨ ਅਧੂਰਾ ਹੀ ਰਹਿ ਗਿਆ। ਹੁਣ ਉਹੀ ਮਿਸ਼ਨ ਪੂਰਾ ਕਰਨਾ ਹੈ। ਚੰਦਰਯਾਨ-3 ਦਾ ਕੰਮ ਚੰਦਰਮਾ ਦੇ ਦੱਖਣੀ ਧਰੁਵ ‘ਤੇ ਸਾਫਟ ਲੈਂਡਿੰਗ ਕਰਨਾ, ਚੰਦਰਮਾ ‘ਤੇ ਘੁੰਮਣਾ ਅਤੇ ਖੋਜ ਕਰਨਾ ਹੈ। ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ