7 ਮਹੀਨਿਆਂ ਬਾਅਦ, ਨਿਤਿਨ ਨਬੀਨ ਦੀ ਨਵੀਂ ਟੀਮ ਦਾ ਐਲਾਨ, ਸਮ੍ਰਿਤੀ ਦੀ ਵਾਪਸੀ, ਵਸੁੰਧਰਾ-ਮਾਧਵ ਉਪ-ਪ੍ਰਧਾਨ

7 ਮਹੀਨਿਆਂ ਬਾਅਦ, ਨਿਤਿਨ ਨਬੀਨ ਦੀ ਨਵੀਂ ਟੀਮ ਦਾ ਐਲਾਨ ਹੋ ਗਿਆ ਹੈ। ਵਸੁੰਧਰਾ ਰਾਜੇ ਨੂੰ ਉਪ-ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ। ਨਵੀਂ ਟੀਮ ਵਿੱਚ ਅੱਠ ਜਨਰਲ ਸਕੱਤਰ ਨਿਯੁਕਤ ਕੀਤੇ ਗਏ ਹਨ। ਅਨਿਲ ਬਲੂਨੀ ਪਹਿਲਾਂ ਵਾਂਗ ਮੀਡੀਆ ਇੰਚਾਰਜ ਦੇ ਅਹੁਦੇ ਤੇ ਬਣੇ ਰਹਿਣਗੇ। ਇਸੇ ਤਰ੍ਹਾਂ, ਬੀਐਲ ਸੰਤੋਸ਼ ਕੋਲ ਵੀ ਸੰਗਠਨ ਜਨਰਲ ਸਕੱਤਰ ਦਾ ਅਹੁਦਾ ਬਰਕਰਾਰ ਰਹੇਗਾ।

ਉੱਧਰ, ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ ਨੂੰ ਅਹੁਦੇ ਤੋਂ ਹਟਾ ਦਿੱਤਾ ਗਿਆ ਹੈ। ਉਹ ਲੰਬੇ ਸਮੇਂ ਤੱਕ ਭਾਜਪਾ ਦੇ ਆਈਟੀ ਸੈੱਲ ਦੇ ਮੁਖੀ ਸਨ। ਮਾਲਵੀਆ ਦੀ ਜਗ੍ਹਾ ‘ਤੇ ਦੀਪਕ ਮਹਿਸਕੇ ਨੂੰ ਸੋਸ਼ਲ ਮੀਡੀਆ ਦਾ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ।

ਕੇਂਦਰੀ ਮੰਤਰੀ ਪਿਊਸ਼ ਗੋਇਲ ਨੂੰ ਵੀ ਨਿਤਿਨ ਨਬੀਨ ਦੀ ਟੀਮ ਵਿੱਚ ਥਾਂ ਮਿਲੀ ਹੈ। ਉਨ੍ਹਾਂ ਨੂੰ ਰਾਜੇਸ਼ ਅਗਰਵਾਲ ਦੀ ਜਗ੍ਹਾ ਖਜ਼ਾਨਚੀ ਨਿਯੁਕਤ ਕੀਤਾ ਗਿਆ ਹੈ। ਰਾਜੇਸ਼ ਮੰਗਲ ਨੂੰ ਸਹਿ-ਖਜ਼ਾਨਚੀ ਨਿਯੁਕਤ ਕੀਤਾ ਗਿਆ ਹੈ।ਜਦੋਂ ਕਿ ਤਰੁਣ ਚੁੱਗ ਨੂੰ ਹੈੱਡਕੁਆਰਟਰ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ।

ਮੱਧ ਪ੍ਰਦੇਸ਼ ਭਾਜਪਾ ਦੇ ਸਾਬਕਾ ਪ੍ਰਧਾਨ ਬੀਡੀ ਸ਼ਰਮਾ ਨੂੰ ਸਾਰੀਆਂ ਇਕਾਈਆਂ ਦਾ ਕੋਆਰਡੀਨੇਟਰ ਨਿਯੁਕਤ ਕੀਤਾ ਗਿਆ ਹੈ। ਨਿਤਿਨ ਨਬੀਨ ਦੀ ਨਵੀਂ ਟੀਮ ਵਿੱਚ 10 ਔਰਤਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਦੀਪਕ ਮਹਿਸਕੇ ਨੂੰ ਸੋਸ਼ਲ ਮੀਡੀਆ ਦਾ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ।\

ਨਿਤਿਨ ਦੀ ਟੀਮ ਵਿੱਚ ਕੌਣ-ਕੌਣ? ਪੂਰੀ ਲਿਸਟ

ਮੀਤ ਪ੍ਰਧਾਨ: ਵਸੁੰਧਰਾ ਰਾਜੇ, ਰਾਮ ਮਾਧਵ, ਤੀਰਥ ਸਿੰਘ ਰਾਵਤ, ਬੈਜਯੰਤ ਜੈ ਪੰਡਯਾ, ਰੇਖਾ ਵਰਮਾ, ਡੀ ਪੁਰੰਦੇਸ਼ਵਰੀ, ਵੀ ਨਰਿੰਦਰ ਭਾਈ ਦੋਸ਼ੀ, ਲਾਲ ਸਿੰਘ ਆਰਿਆ, ਐਮ ਨਾਗਰਾਜ, ਤਾਰਿਕ ਮੰਸੂਰ, ਅਤੇ ਮਧੂਚੰਦਰ ਕਰ।

ਜਨਰਲ ਸਕੱਤਰ: ਸੁਨੀਲ ਬਾਂਸਲ, ਵਿਨੋਦ ਤਾਵੜੇ, ਬਿਪਲਬ ਦੇਬ, ਸਮ੍ਰਿਤੀ ਇਰਾਨੀ, ਸਤੀਸ਼ ਪੂਨੀਆ, ਗਜੇਂਦਰ ਪਟੇਲ, ਹਰੀਸ਼ ਦਿਵੇਦੀ, ਅਤੇ ਸੰਜੇ ਭਾਟੀਆ।

ਸੰਗਠਨ ਦੇ ਜਨਰਲ ਸਕੱਤਰ – ਬੀ.ਐਲ ਸੰਤੋਸ਼

ਸਹਿ-ਸੰਗਠਨ ਜਨਰਲ ਸਕੱਤਰ– ਸੌਦਾਨ ਸਿੰਘ, ਸ਼ਿਵਪ੍ਰਕਾਸ਼

ਰਾਸ਼ਟਰੀ ਸਕੱਤਰ – ਕਵਿਤਾ ਪਾਟੀਦਾਰ, ਕੇ ਸੁਰੇਂਦਰਨ, ਭੋਲਾ ਸਿੰਘ, ਪ੍ਰਦੀਪ ਵਰਮਾ, ਜਗਦੀਸ਼ ਪਟੇਲ, ਸੰਦੀਪ ਪਾਠਕ, ਫੇਂਗਨੋਨ ਕੋਨਯਾਕ, ਸੰਗੀਤਾ ਯਾਦਵ, ਅਨਿਲ ਐਂਟਨੀ, ਐਮ ਵੈਂਕਟੇਸ਼ਨ, ਮਨੋਜ ਟਿੱਗਾ, ਸਿਧਾਰਥ ਸ਼ੰਭੂ, ਸਵਦੇਸ਼ ਸਿੰਘ, ਮ੍ਰਿਗਾਂਕਾ ਦੇਬ ਵਰਮਨ, ਰੋਹਨ ਗੁਪਤਾ, ਜੈ ਪ੍ਰਕਾਸ਼।

भाजपा राष्ट्रीय अध्यक्ष श्री @NitinNabin द्वारा निम्नलिखित सदस्यों को भाजपा के राष्ट्रीय पदाधिकारी एवं अन्य दायित्वों पर नियुक्त किया जा रहा है। (1/2) pic.twitter.com/tcTJsJG0dc

— BJP (@BJP4India) August 17, 2026

ਇਨ੍ਹਾਂ ਆਗੂਆਂ ਦੀ ਭਾਜਪਾ ਸੰਗਠਨ ਤੋਂ ਛੁੱਟੀ

ਜੇਪੀ ਨੱਡਾ ਦੀ ਟੀਮ ਵਿੱਚ ਜਨਰਲ ਸਕੱਤਰ ਵਜੋਂ ਕੰਮ ਕਰ ਰਹੇ ਅਰੁਣ ਸਿੰਘ, ਦੁਸ਼ਯੰਤ ਗੌਤਮ, ਤਰੁਣ ਚੁੱਘ ਅਤੇ ਰਾਧਾਮੋਹਨਦਾਸ ਅਗਰਵਾਲ ਦੀ ਛੁੱਟੀ ਹੋ ਗਈ ਹੈ। ਇਸੇ ਤਰ੍ਹਾਂ ਗਠਨ ਵਿੱਚ ਸਕੱਤਰ ਵਜੋਂ ਸੇਵਾਵਾਂ ਨਿਭਾਉਣ ਵਾਲੇ ਅਰਵਿੰਦ ਮੈਨਨ, ਪੰਕਜਾ ਮੁੰਡੇ, ਨਰਿੰਦਰ ਸਿੰਘ, ਅਲਕਾ ਗੁਰਜਰ, ਓਮਪ੍ਰਕਾਸ਼ ਧੁਰਵੇ, ਰਿਤੂਰਾਜ ਸਿਨਹਾ, ਕਾਮਾਖਿਆ ਪ੍ਰਸਾਦ ਤਾਸ਼ਾ, ਅਤੇ ਸੰਸੁਰਿੰਦਰ ਨਾਗਰ ਦੀ ਛੁੱਟੀ ਹੋ ਗਈ ਹੈ।

ਨੱਡਾ ਦੀ ਟੀਮ ਵਿੱਚ ਉਪ-ਪ੍ਰਧਾਨ ਵਜੋਂ ਸੇਵਾ ਨਿਭਾ ਚੁੱਕੇ ਸਰੋਜ ਪਾਂਡੇ, ਡੀਕੇ ਅਰੁਣਾ, ਐਮ. ਚੁਬਾ ਰਾਓ ਅਤੇ ਅਬਦੁੱਲਾ ਕੁੱਟੀ ਨੂੰ ਵੀ ਨਵੀਂ ਟੀਮ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ।