Amul Milk Price Reduced: 26 ਜਨਵਰੀ ਤੋਂ ਪਹਿਲਾਂ ਅਮੂਲ ਦਾ ਵੱਡਾ ਤੋਹਫਾ, ਇੰਨਾ ਸਸਤਾ ਹੋ ਗਿਆ ਦੁੱਧ

ਸੰਕੇਤਿਕ ਤਸਵੀਰ

Amul Milk Price: ਅਮੂਲ ਨੇ ਆਪਣੇ ਦੁੱਧ ਉਤਪਾਦਾਂ ਦੀਆਂ ਕੀਮਤਾਂ ਘਟਾਉਣ ਦਾ ਐਲਾਨ ਕੀਤਾ ਹੈ। ਇਹ 26 ਜਨਵਰੀ ਤੋਂ ਪਹਿਲਾਂ ਲੋਕਾਂ ਲਈ ਵੱਡੀ ਰਾਹਤ ਹੈ। ਕੰਪਨੀ ਨੇ ਆਪਣੇ ਤਿੰਨ ਵੱਖ-ਵੱਖ ਦੁੱਧ ਉਤਪਾਦਾਂ ‘ਤੇ ਕੀਮਤਾਂ ਘਟਾਈਆਂ ਹਨ। ਇਸ ਵਿੱਚ ਅਮੂਲ ਗੋਲਡ, ਅਮੂਲ ਟੀ ਸਪੈਸ਼ਲ ਅਤੇ ਅਮੂਲ ਫਰੈਸ਼ ਸ਼ਾਮਲ ਹਨ। ਇਨ੍ਹਾਂ ਦੀਆਂ ਕੀਮਤਾਂ ‘ਚ 1 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ।

ਪਹਿਲਾਂ ਅਮੂਲ ਗੋਲਡ ਦੀ ਕੀਮਤ 66 ਰੁਪਏ ਸੀ। ਹੁਣ ਇਹ 65 ਰੁਪਏ ਵਿੱਚ ਉਪਲਬਧ ਹੋਵੇਗਾ। ਜਦੋਂ ਕਿ ਅਮੂਲ ਟੀ ਸਪੈਸ਼ਲ ਦੀ ਕੀਮਤ 63 ਰੁਪਏ ਤੋਂ ਵਧਾ ਕੇ 62 ਰੁਪਏ ਕਰ ਦਿੱਤੀ ਗਈ ਹੈ। ਜਦੋਂ ਕਿ ਅਮੂਲ ਫਰੈਸ਼ ਪਹਿਲਾਂ 54 ਰੁਪਏ ਵਿੱਚ ਉਪਲਬਧ ਸੀ। ਹੁਣ ਇਹ 53 ਰੁਪਏ ਵਿੱਚ ਉਪਲਬਧ ਹੋਵੇਗਾ। ਇਹ ਕਟੌਤੀ ਸਿਰਫ 1-ਲੀਟਰ ਪੈਕ ‘ਤੇ ਲਾਗੂ ਹੋਵੇਗੀ।

ਗੁਜਰਾਤ ਕੋਆਪ੍ਰੇਟਿਵ ਮਿਲਕ ਮਾਰਕੀਟਿੰਗ ਫੈਡਰੇਸ਼ਨ (GCMMF) ਦੇ ਮੈਨੇਜਿੰਗ ਡਾਇਰੈਕਟਰ ਜੈਨ ਮਹਿਤਾ ਨੇ ਇਹ ਐਲਾਨ ਕੀਤਾ ਹੈ। ਗਣਤੰਤਰ ਦਿਵਸ ਤੋਂ ਪਹਿਲਾਂ ਲੋਕਾਂ ਲਈ ਇਹ ਵੱਡੀ ਰਾਹਤ ਦੀ ਖ਼ਬਰ ਹੈ। ਕੀਮਤ ਵਿੱਚ ਕਟੌਤੀ ਤੋਂ ਬਾਅਦ ਕੰਪਨੀ ਨੇ ਇਸ ਦੇ ਪਿੱਛੇ ਕੋਈ ਕਾਰਨ ਨਹੀਂ ਦੱਸਿਆ ਹੈ। ਦੁੱਧ ਦੀਆਂ ਕੀਮਤਾਂ ‘ਚ ਵਾਧੇ ਤੋਂ ਬਾਅਦ ਅਮੂਲ ਨੇ ਪਹਿਲੀ ਵਾਰ ਅਜਿਹੀ ਕਟੌਤੀ ਕੀਤੀ ਹੈ। ਹੁਣ ਮੰਨਿਆ ਜਾ ਰਿਹਾ ਹੈ ਕਿ ਮਦਰ ਡੇਅਰੀ ਵੀ ਆਪਣੀਆਂ ਕੀਮਤਾਂ ‘ਚ ਕਟੌਤੀ ਕਰ ਸਕਦੀ ਹੈ।

ਜੂਨ 2024 ਵਿੱਚ ਅਮੂਲ ਨੇ ਆਪਣੇ ਦੁੱਧ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਸੀ। ਉਨ੍ਹਾਂ ਨੇ 2 ਰੁਪਏ ਪ੍ਰਤੀ ਲੀਟਰ ਦਾ ਵਾਧਾ ਕੀਤਾ ਸੀ।