ਨਾਈਟ ਸ਼ਿਫਟ ‘ਚ ਕੰਮ ਕਰਨ ਵਾਲੀਆਂ ਔਰਤਾਂ ਚ ਬ੍ਰੈਸਟ ਕੈਂਸਰ ਦਾ ਖ਼ਤਰਾ ਜ਼ਿਆਦਾ, ਰਿਸਰਚ ਚ ਦਾਅਵਾ
Breast Cancer: ਅੱਜ ਦੇ ਦੌਰ 'ਚ ਕੰਮ ਕਰਨ ਲਈ ਲਗਭਗ ਸਾਰੀਆਂ ਸ਼ਿਫਟਾਂ ਕਰਨੀਆਂ ਪੈਂਦੀਆਂ ਹਨ। ਪਰ ਇਕ ਰਿਪੋਰਟ ਔਰਤਾਂ ਲਈ ਬਹੁਤ ਬੁਰੀ ਖਬਰ ਲੈ ਕੇ ਆਈ ਹੈ, ਇਸ ਰਿਪੋਰਟ ਦੇ ਮੁਤਾਬਕ ਨਾਈਟ ਸ਼ਿਫਟ 'ਚ ਕੰਮ ਕਰਨ ਵਾਲੀਆਂ ਔਰਤਾਂ ਨੂੰ ਕੈਂਸਰ ਦਾ ਖਤਰਾ ਹੋਰ ਔਰਤਾਂ ਦੇ ਮੁਕਾਬਲੇ ਜ਼ਿਆਦਾ ਹੁੰਦਾ ਹੈ । ਆਓ ਜਾਣਦੇ ਹਾਂ ਕੀ ਵਜ੍ਹਾ ਹੈ ਜਿਸ ਕਾਰਨ ਕੈਂਸਰ ਦਾ ਖ਼ਤਰਾ ਵੱਧ ਜਾਂਦਾ ਹੈ।
ਅੱਜ ਦੇ ਕਾਰਪੋਰੇਟ ਕਲਚਰ ਵਿੱਚ ਕੰਮ ਕਰਨ ਲਈ ਵਿਅਕਤੀ ਹਰ ਸ਼ਿਫਟ ਕਰਨ ਲਈ ਮਜਬੂਰ ਹੈ। ਉੱਧਰ, ਮੈਡੀਕਲ, ਕਾਲ ਸੈਂਟਰ ਵਰਗੀਆਂ ਕੁਝ ਸੇਵਾਵਾਂ ਹਨ ਜਿੱਥੇ 24 ਘੰਟੇ ਕੰਮ ਕੀਤਾ ਜਾਂਦਾ ਹੈ, ਅਜਿਹੀ ਸਥਿਤੀ ਵਿੱਚ ਵਿਅਕਤੀ ਰਾਤ ਦੀ ਸ਼ਿਫਟ ਵੀ ਕਰਨ ਲਈ ਮਜਬੂਰ ਰਹਿੰਦਾ ਹੈ। ਸਾਡੇ ਸਰੀਰ ਦਾ ਇੱਕ ਨਿਸ਼ਚਿਤ ਪੈਟਰਨ ਹੈ ਜੋ ਦਿਨ ਵਿੱਚ ਕੰਮ ਕਰਨ ਅਤੇ ਰਾਤ ਨੂੰ ਸੌਣ ਲਈ ਬਣਿਆ ਹੋਇਆ ਹੈ, ਪਰ ਕੰਮ ਲਈ ਸਾਨੂੰ ਇਸ ਤੈਅ ਪੈਟਰਨ ਦੇ ਵਿਰੁੱਧ ਕੰਮ ਕਰਨਾ ਪੈਂਦਾ ਹੈ ਜਿਸਦਾ ਸਾਡੇ ਸਰੀਰ ‘ਤੇ ਬੁਰਾ ਪ੍ਰਭਾਵ ਪੈਂਦਾ ਹੈ।
ਜਾਮਾ ਜਰਨਲ ਵਿੱਚ ਇੱਕ ਖੋਜ ਦੇ ਅਨੁਸਾਰ, ਰਾਤ ਨੂੰ ਕੰਮ ਕਰਨ ਨਾਲ ਔਰਤਾਂ ਵਿੱਚ ਬ੍ਰੈਸਟ ਕੈਂਸਰ ਦਾ ਖ਼ਤਰਾ ਦੂਜੀਆਂ ਔਰਤਾਂ ਦੇ ਮੁਕਾਬਲੇ 3 ਗੁਣਾ ਵੱਧ ਜਾਂਦਾ ਹੈ। ਇਸ ਖੋਜ ਮੁਤਾਬਕ 24 ਘੰਟੇ ਚੱਲਣ ਵਾਲੀ ਬਾਡੀ ਕਲਾਕ ‘ਚ ਵਿਘਨ ਪੈਣ ਨਾਲ ਕੈਂਸਰ ਸੈੱਲ ਬਣਦੇ ਹਨ ਜੋ ਸਰੀਰ ‘ਚ ਕੈਂਸਰ ਦੀ ਗੰਢ ਬਣਾਉਂਦੇ ਹਨ।
ਮੇਲੇਟੋਨਿਨ ਬਹੁਤ ਜਰੂਰੀ
ਰੇਡੀਏਸ਼ਨ ਔਨਕੋਲੋਜਿਸਟ ਡਾ: ਸੁਦਰਸ਼ਨ ਡੇ ਦਾ ਕਹਿਣਾ ਹੈ ਕਿ ਕਈ ਕਾਰਨ ਹਨ ਜੋ ਰਾਤ ਦੀ ਸ਼ਿਫਟ ਵਿਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਵਿਚ ਕੈਂਸਰ ਦੇ ਖ਼ਤਰੇ ਨੂੰ ਵਧਾਉਂਦੇ ਹਨ, ਜਿਨ੍ਹਾਂ ਵਿਚੋਂ ਪਹਿਲਾ ਮੇਲਾਟੋਨਿਨ ਦਾ ਉਤਪਾਦਨ ਹੈ। ਇਹ ਇੱਕ ਕਿਸਮ ਦਾ ਹਾਰਮੋਨ ਹੈ ਜੋ ਰਾਤ ਨੂੰ ਸੌਂਦੇ ਸਮੇਂ ਸਰੀਰ ਵਿੱਚ ਪੈਦਾ ਹੁੰਦਾ ਹੈ ਪਰ ਰਾਤ ਨੂੰ ਨਾ ਸੌਂਣ ਕਾਰਨ ਇਹ ਸਰੀਰ ਵਿੱਚ ਪੈਦਾ ਨਹੀਂ ਹੁੰਦਾ ਜੋ ਕੈਂਸਰ ਦਾ ਕਾਰਨ ਬਣਦਾ ਹੈ ਕਿਉਂਕਿ ਇਹ ਹਾਰਮੋਨ ਸਰੀਰ ਵਿੱਚ ਕੈਂਸਰ ਨੂੰ ਰੋਕਣ ਵਿੱਚ ਮਦਦ ਕਰਦਾ ਹੈ। ਇਸ ਕਾਰਨ ਸਰੀਰ ਵਿੱਚ ਕੈਂਸਰ ਸੈੱਲ ਨਹੀਂ ਬਣਦੇ ਅਤੇ ਇਹ ਹਾਰਮੋਨ ਟਿਊਮਰ ਦੇ ਵਿਕਾਸ ਵਿੱਚ ਸ਼ਾਮਲ ਜੀਨਸ ਨੂੰ ਵੀ ਪ੍ਰਭਾਵਿਤ ਕਰਦੇ ਹਨ। ਇਸ ਲਈ ਰਾਤ ਨੂੰ ਸਰੀਰ ਵਿਚ ਇਸ ਦਾ ਉਤਪਾਦਨ ਹੋਣਾ ਬਹੁਤ ਜ਼ਰੂਰੀ ਹੈ ਪਰ ਜਦੋਂ ਤੁਸੀਂ ਰਾਤ ਨੂੰ ਜਾਗਦੇ ਹੋ ਤਾਂ ਇਸ ਦਾ ਉਤਪਾਦਨ ਰੁਕ ਜਾਂਦਾ ਹੈ ਅਤੇ ਕੈਂਸਰ ਦਾ ਖ਼ਤਰਾ ਵਧ ਜਾਂਦਾ ਹੈ।
ਬਹੁਤ ਜ਼ਿਆਦਾ ਸਮੋਕਿੰਗ
ਨਾਲ ਹੀ ਉਹ ਸਾਰੀ ਰਾਤ ਜਾਗਦੇ ਰਹਿਣ ਲਈ ਸਿਗਰਟਨੋਸ਼ੀ ਦਾ ਸਹਾਰਾ ਲੈਂਦੇ ਹਨ। ਇਹ ਦੇਖਿਆ ਗਿਆ ਹੈ ਕਿ ਰਾਤ ਦੀਆਂ ਸ਼ਿਫਟਾਂ ਵਿਚ ਕੰਮ ਕਰਨ ਵਾਲੇ ਲੋਕ ਦਿਨ ਦੇ ਮੁਕਾਬਲੇ ਰਾਤ ਨੂੰ ਜ਼ਿਆਦਾ ਸਿਗਰਟ ਪੀਂਦੇ ਹਨ ਜਿਸ ਕਰਕੇ ਉਨ੍ਹਾਂ ਨੂੰ ਨੀਂਦ ਨਹੀਂ ਆਉਂਦੀ। ਬਹੁਤ ਜ਼ਿਆਦਾ ਸਿਗਰਟਨੋਸ਼ੀ ਵੀ ਸਰੀਰ ਵਿੱਚ ਕੈਂਸਰ ਸੈੱਲਾਂ ਦੇ ਵਿਕਾਸ ਨੂੰ ਉਤਸ਼ਾਹਿਤ ਕਰਦੀ ਹੈ। ਇਸ ਲਈ ਜ਼ਿਆਦਾ ਸਿਗਰਟ ਪੀਣ ਨਾਲ ਕੈਂਸਰ ਦਾ ਖਤਰਾ ਵੀ ਵਧ ਜਾਂਦਾ ਹੈ।
ਜੰਕ ਫੂਡ ਅਤੇ ਬੇਵਰੇਜ ਦੀ ਵਰਤੋ
ਨਾਲ ਹੀ, ਡਾ: ਡੇ ਦਾ ਕਹਿਣਾ ਹੈ ਕਿ ਰਾਤ ਨੂੰ ਕੰਮ ਕਰਨ ਵਾਲੇ ਲੋਕ ਦਿਨ ਵਿਚ ਕੰਮ ਕਰਨ ਵਾਲਿਆਂ ਨਾਲੋਂ ਜ਼ਿਆਦਾ ਜੰਕ ਫੂਡ ਅਤੇ ਪੀਣ ਵਾਲੇ ਪਦਾਰਥਾਂ ਦਾ ਸੇਵਨ ਕਰਦੇ ਹਨ। ਜਿੱਥੇ ਲੋਕ ਦਿਨ ਵਿਚ ਫਲ, ਸਲਾਦ ਅਤੇ ਸਪਰਾਉਟਸ ਖਾਂਦੇ ਹਨ, ਉਥੇ ਰਾਤ ਨੂੰ ਕੰਮ ਕਰਨ ਵਾਲੇ ਲੋਕ ਜ਼ਿਆਦਾ ਨਮਕੀਨ ਸਨੈਕਸ, ਪੀਜ਼ਾ, ਬਰਗਰ, ਕੋਲਾ ਆਦਿ ਦਾ ਸੇਵਨ ਕਰਦੇ ਹਨ। ਜਿਸ ਨਾਲ ਮੋਟਾਪਾ, ਸ਼ੂਗਰ, ਹਾਈ ਬਲੱਡ ਪ੍ਰੈਸ਼ਰ ਵਰਗੀਆਂ ਸਮੱਸਿਆਵਾਂ ਵਧ ਜਾਂਦੀਆਂ ਹਨ। ਇਸ ਦੇ ਨਾਲ ਹੀ ਇਹ ਕੈਂਸਰ ਦਾ ਕਾਰਨ ਵੀ ਬਣਦੇ ਹਨ।
ਇਹ ਵੀ ਪੜ੍ਹੋ
ਆਦਮੀਆਂ ਵਿੱਚ ਪ੍ਰੋਸਟੇਟ ਕੈਂਸਰ
ਡਾਕਟਰ ਡੇ ਦੱਸਦੇ ਹਨ ਕਿ ਜਿੱਥੇ ਰਾਤ ਦੀ ਸ਼ਿਫਟ ਕਾਰਨ ਔਰਤਾਂ ਵਿੱਚ ਬ੍ਰੈਸਟ ਕੈਂਸਰ ਦਾ ਖ਼ਤਰਾ ਵੱਧ ਜਾਂਦਾ ਹੈ, ਉੱਥੇ ਮਰਦਾਂ ਵਿੱਚ ਪ੍ਰੋਸਟੇਟ ਕੈਂਸਰ ਦਾ ਖ਼ਤਰਾ ਵੀ ਵੱਧ ਜਾਂਦਾ ਹੈ, ਹਾਲਾਂਕਿ ਇਸ ਦੇ ਕੇਸ ਬਹੁਤ ਦੇਰ ਨਾਲ ਅਤੇ ਬਹੁਤ ਵੱਡੀ ਉਮਰ ਵਿੱਚ ਦੇਖੇ ਜਾਂਦੇ ਹਨ। ਹਾਲਾਂਕਿ ਰਾਹਤ ਦੀ ਗੱਲ ਇਹ ਹੈ ਕਿ ਨਾਈਟ ਸ਼ਿਫਟ ਦਾ ਹੋਰ ਕੈਂਸਰਾਂ ਨਾਲ ਸਬੰਧ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ।
ਕਿਵੇਂ ਕਰੀਏ ਬਚਾਅ
ਜੇਕਰ ਰਾਤ ਦੀ ਸ਼ਿਫਟ ਹੈ ਤਾਂ ਉਸ ਨੂੰ ਛੱਡ ਕੇ ਦਿਨ ਦੀ ਡਿਊਟੀ ਕਰਨ ਦੀ ਕੋਸ਼ਿਸ਼ ਕਰੋ। ਜੇਕਰ ਇਹ ਸੰਭਵ ਨਹੀਂ ਹੈ ਤਾਂ ਰਾਤ ਦੀਆਂ ਸ਼ਿਫਟਾਂ ਦੌਰਾਨ ਕੰਮ ਦੇ ਵਿਚਕਾਰ ਬਰੇਕ ਲੈਂਦੇ ਰਹੋ। ਰਾਤ ਨੂੰ ਬਹੁਤ ਜ਼ਿਆਦਾ ਕੌਫੀ ਜਾਂ ਚਾਹ ਨਾ ਪੀਓ। ਰੋਜ਼ਾਨਾ ਕਸਰਤ ਕਰੋ ਅਤੇ ਆਪਣੀ ਖੁਰਾਕ ਦਾ ਧਿਆਨ ਰੱਖੋ।
