ਪਲਾਸਟਿਕ ਫੂਡ ਪੈਕੇਜਿੰਗ ਨਾਲ ਵੱਧ ਸਕਦਾ ਹੈ ਬ੍ਰੈਸਟ ਕੈਂਸਰ ਦਾ ਖ਼ਤਰਾ, ਸਟਡੀ ‘ਚ ਹੋਇਆ ਖੁਲਾਸਾ

ਅੱਜ ਸਾਡੇ ਘਰਾਂ ‘ਚ 80 ਫੀਸਦੀ ਖਾਣ-ਪੀਣ ਦੀਆਂ ਚੀਜ਼ਾਂ ਪਲਾਸਟਿਕ ਦੀ ਪੈਕਿੰਗ ‘ਚ ਆਉਂਦੀਆਂ ਹਨ, ਬੱਚਿਆਂ ਦੇ ਚਿਪਸ ਤੋਂ ਲੈ ਕੇ ਦੁੱਧ ਦੇ ਪੈਕੇਟ, ਬਰੈੱਡ, ਆਮ ਤੌਰ ‘ਤੇ ਹਰ ਚੀਜ਼ ਪਲਾਸਟਿਕ ਦੀ ਪੈਕਿੰਗ ‘ਚ ਆਉਂਦੀ ਹੈ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਇਹ ਪੈਕਿੰਗ ਸਹੂਲਤ ਸਾਡੀ ਸਿਹਤ ਨੂੰ ਕਿੰਨਾ ਨੁਕਸਾਨ ਪਹੁੰਚਾ ਰਹੀ ਹੈ? ਅਜਿਹੇ ਕਈ ਅਧਿਐਨ ਸਾਹਮਣੇ ਆਏ ਹਨ, ਜਿਨ੍ਹਾਂ ‘ਚ ਇਨ੍ਹਾਂ ਪਲਾਸਟਿਕ ਦੀ ਪੈਕਿੰਗ ਨੂੰ ਸਾਡੀ ਸਿਹਤ ਲਈ ਖਤਰਨਾਕ ਕਰਾਰ ਦਿੱਤਾ ਗਿਆ ਹੈ। ਹਾਲ ਹੀ ‘ਚ ਹੋਏ ਇਕ ਅਧਿਐਨ ਮੁਤਾਬਕ ਇਨ੍ਹਾਂ ਫੂਡ ਪੈਕਿੰਗ ‘ਚ ਕਈ ਅਜਿਹੇ ਰਸਾਇਣ ਹੁੰਦੇ ਹਨ ਜੋ ਔਰਤਾਂ ‘ਚ ਬ੍ਰੈਸਟ ਕੈਂਸਰ ਦਾ ਖਤਰਾ ਵਧਾਉਂਦੇ ਹਨ।

ਇੱਕ ਖੋਜ ਵਿੱਚ ਸਾਹਮਣੇ ਆਇਆ ਹੈ ਕਿ ਫੂਡ ਪੈਕਿੰਗ ਅਤੇ ਪਲਾਸਟਿਕ ਦੇ ਟੇਬਲਵੇਅਰ ਵਿੱਚ 200 ਕੈਮੀਕਲ ਮੌਜੂਦ ਹੁੰਦੇ ਹਨ ਜੋ ਛਾਤੀ ਦੇ ਕੈਂਸਰ ਦਾ ਖ਼ਤਰਾ ਵਧਾਉਂਦੇ ਹਨ। ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਸਿਹਤ ਦੇ ਨਜ਼ਰੀਏ ਤੋਂ ਇਨ੍ਹਾਂ ਹਾਨੀਕਾਰਕ ਪਦਾਰਥਾਂ ਨੂੰ ਹਟਾਉਣਾ ਬਿਹਤਰ ਹੈ ਕਿਉਂਕਿ ਲੋਕਾਂ ਵਿੱਚ 76 ਅਜਿਹੇ ਪਦਾਰਥ ਪਾਏ ਗਏ ਹਨ ਜੋ ਬੇਹੱਦ ਨੁਕਸਾਨਦੇਹ ਹਨ, ਇਸ ਦੇ ਲਈ ਸਾਨੂੰ ਪੈਕਿੰਗ ਦਾ ਇੱਕ ਬਿਹਤਰ ਅਤੇ ਸੁਰੱਖਿਆਤਮਕ ਵਿਕਲਪ ਲੱਭਣਾ ਹੋਵੇਗਾ। ਨਹੀਂ ਤਾਂ ਇਨ੍ਹਾਂ ਕਾਰਨ ਹੋਣ ਵਾਲੀਆਂ ਬਿਮਾਰੀਆਂ ਦਾ ਖ਼ਤਰਾ ਘੱਟ ਨਹੀਂ ਹੋਵੇਗਾ।

ਕੀ ਕਹਿੰਦੀ ਹੈ ਸਟਡੀ?

ਫਰੰਟੀਅਰਜ਼ ਇਨ ਟੌਕਸੀਕੋਲੋਜੀ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਦੇ ਅਨੁਸਾਰ, ਬ੍ਰੈਸਟ ਕੈਂਸਰ ਨਾਲ ਜੁੜੇ ਲਗਭਗ 200 ਰਸਾਇਣਾਂ ਦੀ ਵਰਤੋਂ ਭੋਜਨ ਦੀ ਪੈਕੇਜਿੰਗ ਅਤੇ ਪਲਾਸਟਿਕ ਦੇ ਟੇਬਲਵੇਅਰ ਵਿੱਚ ਕੀਤੀ ਜਾਂਦੀ ਹੈ। ਇਨ੍ਹਾਂ ਵਿੱਚੋਂ ਦਰਜਨਾਂ ਹਾਨੀਕਾਰਕ ਰਸਾਇਣ ਭੋਜਨ ਰਾਹੀਂ ਸਾਡੇ ਸਰੀਰ ਵਿੱਚ ਦਾਖਲ ਹੁੰਦੇ ਹਨ। ਫੂਡ ਪੈਕਜਿੰਗ ਫੋਰਮ ਦੇ ਖੋਜਕਰਤਾਵਾਂ ਦੁਆਰਾ ਕੀਤੇ ਗਏ ਇਹਨਾਂ ਅਧਿਐਨਾਂ ਨੇ ਇਹਨਾਂ ਫੂਡ ਪੈਕੇਜਿੰਗ ਬਾਰੇ ਚਿੰਤਾਵਾਂ ਪੈਦਾ ਕੀਤੀਆਂ ਹਨ। ਪੈਕਿੰਗ ਜਿੰਨੀ ਜ਼ਿਆਦਾ ਟਿਕਾਊ ਹੁੰਦੀ ਹੈ, ਇਹ ਸਾਡੀ ਸਿਹਤ ਲਈ ਓਨੀ ਹੀ ਜ਼ਿਆਦਾ ਹਾਨੀਕਾਰਕ ਹੈ।

ਅਧਿਐਨ ਦੇ ਲੇਖਕ, ਜੇਨ ਮੁਨਕੇ ਦੇ ਅਨੁਸਾਰ, ਭੋਜਨ ਦੀ ਪੈਕੇਜਿੰਗ ਦੇ ਸੰਪਰਕ ਵਿੱਚ ਆਉਣ ਵਾਲੇ ਭੋਜਨਾਂ ਵਿੱਚੋਂ 76 ਅਜਿਹੇ ਰਸਾਇਣ ਪਾਏ ਗਏ ਹਨ, ਜੋ ਕਿ ਬ੍ਰੈਸਟ ਕੈਂਸਰ ਲਈ ਜ਼ਿੰਮੇਵਾਰ ਹਨ, ਇਸ ਕੈਂਸਰ ਦੇ ਮਾਮਲਿਆਂ ਨੂੰ ਰੋਕਣ ਲਈ ਅਜਿਹੀ ਪਹਿਲਕਦਮੀ ਵਿੱਚ ਉਨ੍ਹਾਂ ਨੇ ਅਜਿਹੇ ਰਸਾਇਣਾਂ ਨੂੰ ਫੂਡ ਪੈਕਿੰਗ ਤੋਂ ਹਟਾ ਦਿੱਤਾ ਗਿਆ ਹੈ। ਇਨ੍ਹਾਂ ‘ਚੋਂ ਬਹੁਤ ਸਾਰੇ ਉਤਪਾਦ ਅਜਿਹੇ ਹਨ, ਜਿਨ੍ਹਾਂ ਨੂੰ ਭੋਜਨ ਦੀ ਪੈਕੇਜਿੰਗ ਦੇ ਨਾਲ ਗਰਮ ਕਰਨ ‘ਤੇ ਖਰਾਬ ਹੋ ਜਾਂਦੇ ਹਨ, ਅਜਿਹੇ ‘ਚ ਜਦੋਂ ਗਰਮ ਕੀਤਾ ਜਾਂਦਾ ਹੈ, ਤਾਂ ਇਨ੍ਹਾਂ ਪੈਕਿੰਗ ਦੇ ਮਾਈਕ੍ਰੋਪਲਾਸਟਿਕ ਕਣ ਭੋਜਨ ਦੇ ਨਾਲ-ਨਾਲ ਸਾਡੇ ਸਰੀਰ ‘ਚ ਦਾਖਲ ਹੋ ਜਾਂਦੇ ਹਨ।

ਇਸ ਲਈ ਪਲਾਸਟਿਕ ਦੇ ਭਾਂਡਿਆਂ ਜਾਂ ਫੂਡ ਪੈਕਿੰਗ ਵਿੱਚ ਕਿਸੇ ਵੀ ਤਰ੍ਹਾਂ ਦੇ ਭੋਜਨ ਨੂੰ ਗਰਮ ਕਰਨ ਤੋਂ ਬਚਣਾ ਚਾਹੀਦਾ ਹੈ। ਤਾਂ ਜੋ ਇਸ ਵਿਚ ਪਾਏ ਜਾਣ ਵਾਲੇ ਰਸਾਇਣ ਗਰਮ ਨਾ ਹੋਣ ਅਤੇ ਭੋਜਨ ਵਿਚ ਨਾ ਰਲਣ। ਪਰਫਲੂਓਰੋਸੀਲ ਅਤੇ ਪੌਲੀਫਲੂਰੋਆਸਿਲ ਭੋਜਨ ਦੀ ਪੈਕਿੰਗ ਵਿਚਲੇ ਰਸਾਇਣ ਹਨ ਜੋ ਉੱਚ ਕੋਲੇਸਟ੍ਰੋਲ, ਕੈਂਸਰ ਅਤੇ ਦਿਲ ਦੀ ਬਿਮਾਰੀ ਲਈ ਜ਼ਿੰਮੇਵਾਰ ਹਨ।

ਇਹ ਵੀ ਪੜ੍ਹੋ

ਬਹੁਤ ਜ਼ਿਆਦਾ ਮੋਬਾਈਲ ਦੇਖਣ ਨਾਲ ਨਜ਼ਰ ਹੋ ਰਹੀ ਹੈ ਕਮਜ਼ੋਰ, ਜਾਣੋ ਲੱਛਣ

ਮਹਿਲਾਵਾਂ ਨੂੰ ਇਸ ਉਮਰ ਤੋਂ ਹੋ ਸਕਦੀਆਂ ਹਨ ਦਿਲ ਦੀਆਂ ਬੀਮਾਰੀਆਂ, ਬਚਾਅ ਲਈ ਜਾਂਚ

ਟਾਟਾ ਨੇ ਦਿੱਤਾ ਕੈਂਸਰ ਦਾ ਸਭ ਤੋਂ ਵਧੀਆ ਇਲਾਜ਼, ਇਹ ਹਸਪਤਾਲ ਕਰ ਰਹੇ ਹਨ ਸੇਵਾ

ਔਰਤਾਂ ਵਿੱਚ ਵੱਧ ਰਿਹਾ ਬ੍ਰੈਸਟ ਕੈਂਸਰ

ਇਸ ਤੋਂ ਇਲਾਵਾ ਕਈ ਹੋਰ ਕਾਰਕ ਵੀ ਔਰਤਾਂ ਵਿਚ ਬ੍ਰੈਸਟ ਕੈਂਸਰ ਦੇ ਖ਼ਤਰੇ ਨੂੰ ਵਧਾ ਰਹੇ ਹਨ, ਜਿਨ੍ਹਾਂ ਵਿਚ ਮੋਟਾਪਾ, ਸ਼ਰਾਬ ਅਤੇ ਸਿਗਰਟ ਦਾ ਸੇਵਨ, ਸਰੀਰਕ ਗਤੀਵਿਧੀਆਂ ਦੀ ਕਮੀ ਅਤੇ ਗੈਰ-ਸਿਹਤਮੰਦ ਜੀਵਨ ਸ਼ੈਲੀ ਸ਼ਾਮਲ ਹਨ। ਅੱਜ ਬ੍ਰੈਸਟ ਕੈਂਸਰ ਔਰਤਾਂ ਵਿੱਚ ਮੌਤ ਦਾ ਦੂਜਾ ਸਭ ਤੋਂ ਵੱਡਾ ਕਾਰਨ ਹੈ।

ਹੋਰ ਪੈਕਿੰਗ ਵਿਕਲਪਾਂ ਨੂੰ ਲੱਭੋ

ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਭਾਵੇਂ ਪਲਾਸਟਿਕ ਦੀ ਪੈਕਿੰਗ ਸਸਤੀ ਅਤੇ ਟਿਕਾਊ ਹੁੰਦੀ ਹੈ ਪਰ ਇਸ ਵਿਚ ਹਾਨੀਕਾਰਕ ਕੈਮੀਕਲ ਪਾਏ ਜਾਂਦੇ ਹਨ, ਇਸ ਲਈ ਸਿਹਤਮੰਦ ਰਹਿਣ ਲਈ ਪੈਕੇਜਿੰਗ ਲਈ ਕੱਚ ਜਾਂ ਸਟੀਲ ਦੇ ਡੱਬਿਆਂ ਦੀ ਹੀ ਵਰਤੋਂ ਕਰੋ।