FDA ਨੇ ਮੀਥੇਨੌਲ ਵਾਲੇ ਜ਼ਹਿਰੀਲੇ ਹੈਂਡ ਸੈਨੀਟਾਈਜ਼ਰਸ ਨੂੰ ਲਿਆ ਵਾਪਸ, ਅੰਨ੍ਹੇਪਣ, ਕੋਮਾ ਦਾ ਵੱਧ ਰਿਹਾ ਖਤਰਾ
FDA Called Back Sanitizers: ਬੀਤੀ 5 ਅਪ੍ਰੈਲ ਨੂੰ ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ ਨੇ ਘੋਸ਼ਣਾ ਕੀਤੀ ਸੀ ਕਿ 40 ਲਾਟ ਅਰੂਬਾ ਐਲੋ ਹੈਂਡ ਸੈਨੀਟਾਈਜ਼ਰ ਜੈੱਲ ਅਲਕੋਹਲ 80% ਅਤੇ ਅਰੂਬਾ ਐਲੋ ਅਲਕੋਹਾਲਾਡਾ ਜੈੱਲ ਵਿੱਚ ਮੀਥੇਨੌਲ ਮਿਲੇ ਹੋਣ ਕਾਰਨ ਵਾਪਸ ਮੰਗਵਾਏ ਗਏ ਸਨ। ਅਮਰੀਕਾ ਵਿੱਚ ਇਹ ਉਤਪਾਦ ਮਈ 2021 ਤੋਂ ਅਕਤੂਬਰ 2023 ਦੇ ਦਰਮਿਆਨ ਆਨਲਾਈਨ ਵੇਚੇ ਗਏ ਸਨ। ਇਸਦੇ ਸਾਰੇ ਖਪਤਕਾਰਾਂ ਨੂੰ ਈਮੇਲ ਰਾਹੀਂ ਉਹਨਾਂ ਦੀ ਅਗਲੀ ਖਰੀਦ 'ਤੇ ਛੋਟ ਦੀ ਪੇਸ਼ਕਸ਼ ਵੀ ਕੀਤੀ ਗਈ ਸੀ।
ਕਈ ਹੈਂਡ ਸੈਨੀਟਾਈਜ਼ਰ ਇਸ ਵੇਲ੍ਹੇ ਜਾਂਚ ਦੇ ਘੇਰੇ ਵਿੱਚ ਹਨ। ਬਾਜ਼ਾਰ ਵਿੱਚ ਮਿਲਣ ਵਾਲੇ ਜਿਆਦਾਤਰ ਹੈਂਡ ਸੈਨੀਟਾਈਜ਼ਰਸ ਵਾਲੇ ਮੰਨਿਆ ਜਾ ਰਿਹਾ ਸੀ ਕਿ ਇਸ ਵਿੱਚ ਮਿਲਾਇਆ ਗਿਆ ਮੀਥੇਨੌਲ ਇਨਸਾਨਾਂ ਲਈ ਖ਼ਤਰਨਾਕ ਸਾਬਿਤ ਹੋ ਰਿਹਾ ਹੈ। ਹੁਣ ਯੂਐਸ ਐਫਡੀਏ ਨੇ ਇਸ ਉੱਤੇ ਮੋਹਰ ਲਗਾ ਦਿੱਤੀ ਹੈ। ਐਫਡੀਏ ਦੁਆਰਾ ਸੈਨੀਟਾਈਜ਼ਰ ਵਿੱਚ ਪਾਏ ਜਾਣ ਵਾਲੇ ਮੀਥੇਨੌਲ ਕਾਰਨ ਇਨ੍ਹਾਂ ਨੂੰ ਵਾਪਸ ਮੰਗਵਾ ਲਿਆ ਹੈ। ਐਫਡੀਏ ਮੁਤਾਬਕ, ਇਹ ਸੈਨੀਟਾਈਜ਼ਰਸ ਸਕਿਨ ਦੀਆਂ ਸਮੱਸਿਆਵਾਂ, ਅੰਨ੍ਹੇਪਣ ਅਤੇ ਇੱਥੋਂ ਤੱਕ ਕਿ ਕੋਮਾ ਦੇ ਜੋਖਮ ਨੂੰ ਵੀ ਵਧਾ ਰਿਹਾ ਹੈ।
ਮੀਥੇਨੌਲ ਵਾਲੇ ਹੱਥਾਂ ਦੇ ਸੈਨੀਟਾਈਜ਼ਰ ਖ਼ਤਰਨਾਕ ਕਿਉਂ ਹਨ?
ਰੋਗ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰਾਂ ਦੇ ਅਨੁਸਾਰ, ਮੀਥੇਨੌਲ ਸ਼ਰਾਬ ਦਾ ਇੱਕ ਰੂਪ ਹੈ ਜੋ ਬਹੁਤ ਜ਼ਹਿਰੀਲਾ ਹੁੰਦਾ ਹੈ। ਮੀਥੇਨ ਨੂੰ ਆਮ ਤੌਰ ‘ਤੇ ਰੇਸਿੰਗ ਕਾਰਾਂ ਲਈ ਬਾਲਣ ਵਜੋਂ ਅਤੇ ਐਂਟੀਫਰੀਜ਼ ਵਜੋਂ ਵਰਤਿਆ ਜਾਂਦਾ ਹੈ। ਐਫਡੀਏ ਦੇ ਅਨੁਸਾਰ, ਮੀਥੇਨੌਲ ਇੰਨਾ ਖਤਰਨਾਕ ਹੋ ਸਕਦਾ ਹੈ ਕਿ ਜਦੋਂ ਇਸਨੂੰ ਚਮੜੀ ‘ਤੇ ਲਗਾਇਆ ਜਾਂਦਾ ਹੈ, ਤਾਂ ਇਹ ਚਮੜੀ ਵਿੱਚ ਸਿੱਧਾ ਪ੍ਰਵੇਸ਼ ਕਰਦਾ ਹੈ ਅਤੇ ਗੰਭੀਰ ਮਾਮਲਿਆਂ ਵਿੱਚ ਘਾਤਕ ਵੀ ਹੋ ਸਕਦਾ ਹੈ। ਹੱਥਾਂ ‘ਤੇ ਮੀਥੇਨੌਲ ਵਾਲਾ ਸੈਨੀਟਾਈਜ਼ਰ ਲਗਾਉਣ ਨਾਲ ਜ਼ਹਿਰੀਲੇ ਪ੍ਰਭਾਵ ਹੋ ਸਕਦੇ ਹਨ। ਅਜਿਹੇ ਅਲਕੋਹਲ ਵਾਲੇ ਸੈਨੀਟਾਈਜ਼ਰ ਨੂੰ ਸੁੰਘਣਾ ਵੀ ਖਤਰਨਾਕ ਹੋ ਸਕਦਾ ਹੈ।
ਮੀਥੇਨੌਲ ਵਾਲੇ ਸੈਨੀਟਾਈਜ਼ਰ ਦੇ ਕੀ ਹਨ ਖ਼ਤਰੇ?
ਐਫਡੀਏਦੇ ਅਨੁਸਾਰ, ਮੀਥੇਨੌਲ ਵਾਲੇ ਹੈਂਡ ਸੈਨੀਟਾਈਜ਼ਰ ਦੀ ਵਰਤੋਂ ਨਾਲ
- ਚੱਕਰ ਆਉਣਾ, ਉਲਟੀ ਆਉਣਾ ਅਤੇ ਸਿਰ ਦਰਦ ਦੀ ਸ਼ਿਕਾਇਤ ਹੋ ਸਕਦੀ ਹੈ।
ਇਹ ਧੁੰਦਲੀ ਨਜ਼ਰ ਅਤੇ ਅੰਨ੍ਹੇਪਣ ਦਾ ਕਾਰਨ ਬਣ ਸਕਦਾ ਹੈ।
ਸਰੀਰ ਦੇ ਕੰਬਣ ਅਤੇ ਬ੍ਰੇਨ ਸਿਸਟਮ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।
ਵਿਅਕਤੀ ਕੋਮਾ ਵਿੱਚ ਜਾ ਸਕਦਾ ਹੈ ਅਤੇ ਮਰ ਵੀ ਸਕਦਾ ਹੈ।
ਕਿਵੇਂ ਕਰੀਏ ਸੁਰੱਖਿਅਤ ਸੈਨੀਟਾਈਜ਼ਰ ਦੀ ਚੋਣ ?
News9Live ਨਾਲ ਗੱਲਬਾਤ ਵਿੱਚ, ਸ਼ਾਰਦਾ ਹਸਪਤਾਲ ਦੇ ਜਨਰਲ ਫਿਜ਼ੀਸ਼ੀਅਨ ਡਾ. ਸ਼੍ਰੇਅ ਸ਼੍ਰੀਵਾਸਤਵ ਨੇ ਦੱਸਿਆ ਕਿ ਸੈਨੀਟਾਈਜ਼ਰ ਨੂੰ ਸੁਰੱਖਿਅਤ ਢੰਗ ਨਾਲ ਕਿਵੇਂ ਚੁਣਿਆ ਜਾ ਸਕਦਾ ਹੈ। ਹੈਂਡ ਸੈਨੀਟਾਈਜ਼ਰ ਖਰੀਦਦੇ ਸਮੇਂ ਕੁਝ ਗੱਲਾਂ ਦਾ ਖਾਸ ਖਿਆਲ ਰੱਖੋ –
- ਉਤਪਾਦ ਜਾਂ ਬ੍ਰਾਂਡ ਦਾ ਨਾਮ
ਨਿਰਮਾਤਾ
ਵਿਤਰਕ
NDC ਜਾਂ ਰਾਸ਼ਟਰੀ ਡਰੱਗ ਕੋਡ ਨੰਬਰ
ਸੈਨੀਟਾਈਜ਼ਰ ਦੀ ਸੁਰੱਖਿਅਤ ਵਰਤੋਂ ਕਰਨ ਲਈ ਸੁਝਾਅ
ਸਾਬਣ ਨਾਲ ਹੱਥ ਧੋਣਾ ਹੱਥਾਂ ਸਭ ਤੋਂ ਵਧੀਆ ਤਰੀਕਾ ਹੈ ਪਰ ਉਪਲਬਧ ਨਾ ਹੋਣ ਦੀ ਸਥਿਤੀ ਵਿੱਚ ਲੋਕਾਂ ਨੂੰ ਹੈਂਡ ਸੈਨੀਟਾਈਜ਼ਰ ਦੀ ਵਰਤੋਂ ਕਰਨ ਦੇ ਸੁਰੱਖਿਅਤ ਤਰੀਕੇ ਜਾਣਨੇ ਚਾਹੀਦੇ ਹਨ:
- ਅਲਕੋਹਲ ਅਧਾਰਤ ਹੈਂਡ ਸੈਨੀਟਾਈਜ਼ਰ ਦੀ ਵਰਤੋਂ ਕਰੋ ਜਿਸ ਵਿੱਚ ਘੱਟੋ ਘੱਟ 60% ਅਲਕੋਹਲ ਹੋਵੇ।
ਉਦਾਹਰਨ ਲਈ, ਬਾਗਬਾਨੀ, ਬਾਹਰ ਖੇਡਣ, ਮੱਛੀਆਂ ਫੜਨ ਜਾਂ ਕੈਂਪਿੰਗ ਤੋਂ ਬਾਅਦ ਜੇਕਰ ਤੁਹਾਡੇ ਹੱਥ ਗੰਦੇ ਜਾਂ ਚਿਕਨਾਈ ਵਾਲੇ ਹਨ ਤਾਂ ਹੈਂਡ ਸੈਨੀਟਾਈਜ਼ਰ ਦੀ ਵਰਤੋਂ ਨਾ ਕਰੋ।
ਸੈਨੀਟਾਈਜ਼ਰ ਲਗਾਉਣ ਤੋਂ ਤੁਰੰਤ ਬਾਅਦ ਆਪਣੀਆਂ ਅੱਖਾਂ ਜਾਂ ਸੰਵੇਦਨਸ਼ੀਲ ਹਿੱਸਿਆਂ ਨੂੰ ਨਾ ਰਗੜੋ।
ਬੱਚਿਆਂ ਤੋਂ ਦੂਰ ਰੱਖੋ।
ਇਸਨੂੰ ਸੁੰਘਣ ਤੋਂ ਬਚੋ।
ਖਾਣਾ ਖਾਣ ਤੋਂ ਪਹਿਲਾਂ ਘੱਟੋ-ਘੱਟ 1-2 ਮਿੰਟ ਲਈ ਸੈਨੀਟਾਈਜ਼ਰ ਨੂੰ ਸੁੱਕਣ ਦਿਓ।
ਕਿਸੇ ਵੀ ਤਰ੍ਹਾਂ ਦੀ ਪਰੇਸ਼ਾਨੀ ਹੋਣ ‘ਤੇ ਡਾਕਟਰ ਦੀ ਸਲਾਹ ਲਓ