ਇਨਾਮ ਤੋਂ ਬਾਅਦ, ਹੁਣ ਨਵਾਬ ਸਾਹਿਬ ਵੀ ਮੇਹਰਬਾਨ… ਸੈਫ ਅਲੀ ਖਾਨ ਨੇ ਆਟੋ ਡਰਾਈਵਰ ਨਾਲ ਕੀਤੀ ਮੁਲਾਕਾਤ

ਆਟੋ ਡਰਾਈਵਰ ਨੂੰ ਮਿਲੇ ਸੈਫ ਅਲੀ ਖਾਨ

ਸੈਫ ਅਲੀ ਖਾਨ ਨੂੰ ਕੱਲ੍ਹ ਲੀਲਾਵਤੀ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ। ਸੈਫ ਹੁਣ ਪੂਰੀ ਤਰ੍ਹਾਂ ਠੀਕ ਹਨ। 16 ਜਨਵਰੀ ਨੂੰ ਇੱਕ ਅਣਜਾਣ ਵਿਅਕਤੀ ਚੋਰੀ ਦੇ ਇਰਾਦੇ ਨਾਲ ਸੈਫ ਅਲੀ ਖਾਨ ਦੇ ਘਰ ਵਿੱਚ ਦਾਖਲ ਹੋਇਆ ਸੀ। ਜਦੋਂ ਸੈਫ ਨੇ ਉਸਦਾ ਸਾਹਮਣਾ ਕੀਤਾ ਤਾਂ ਦੋਵਾਂ ਵਿਚਕਾਰ ਝਗੜਾ ਹੋ ਗਿਆ ਅਤੇ ਉਸ ਵਿਅਕਤੀ ਨੇ ਅਦਾਕਾਰ ‘ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਸੈਫ ਅਲੀ ਖਾਨ ਗੰਭੀਰ ਜ਼ਖਮੀ ਹੋ ਗਏ। ਉਸ ਸਮੇਂ ਇੱਕ ਆਟੋ ਡਰਾਈਵਰ ਸੈਫ ਨੂੰ ਲੀਲਾਵਤੀ ਹਸਪਤਾਲ ਲੈ ਗਿਆ ਸੀ। ਹੁਣ ਜਦੋਂ ਸੈਫ਼ ਠੀਕ ਹਨ, ਉਹ ਆਟੋ ਡਰਾਈਵਰ ਭਜਨ ਸਿੰਘ ਨੂੰ ਮਿਲੇ ਹਨ।

ਜੋ ਤਸਵੀਰ ਸਾਹਮਣੇ ਆਈ ਹੈ ਉਹ ਹਸਪਤਾਲ ਦੀ ਹੈ, ਜਿੱਥੇ ਸੈਫ ਦੇ ਨਾਲ ਆਟੋ ਡਰਾਈਵਰ ਭਜਨ ਦਿਖਾਈ ਦੇ ਰਿਹਾ ਹੈ। ਜਦੋਂ ਇਹ ਖ਼ਬਰ ਆਈ ਕਿ ਆਟੋ ਡਰਾਈਵਰ ਸੈਫ ਨੂੰ ਹਸਪਤਾਲ ਲੈ ਗਿਆ ਹੈ, ਤਾਂ ਸਾਰਿਆਂ ਨੇ ਉਸ ਤੋਂ ਜਾਣਨ ਦੀ ਕੋਸ਼ਿਸ਼ ਕੀਤੀ ਕਿ ਉਸ ਰਾਤ ਸੈਫ ਕਿਸ ਹਾਲਤ ਵਿੱਚ ਸv। ਆਪਣੇ ਬਿਆਨ ਵਿੱਚ, ਆਟੋ ਡਰਾਈਵਰ ਨੇ ਕਿਹਾ ਸੀ ਕਿ ਉਸਨੂੰ ਨਹੀਂ ਪਤਾ ਸੀ ਕਿ ਉਹ ਸੈਫ ਅਲੀ ਖਾਨ ਸਨ। ਹਾਲਾਂਕਿ, ਉਸਨੂੰ ਇਸ ਬਾਰੇ ਬਾਅਦ ਵਿੱਚ ਹਸਪਤਾਲ ਜਾਣ ਤੋਂ ਬਾਅਦ ਪਤਾ ਲੱਗਾ। ਉਸ ਸਮੇਂ ਭਜਨ ਸਿੰਘ ਨੇ ਸੈਫ਼ ਤੋਂ ਪੈਸੇ ਵੀ ਨਹੀਂ ਲਏ ਸਨ।

ਲੋੜ ਪੈਣ ‘ਤੇ ਕੀਤੀ ਜਾਵੇਗੀ ਆਟੋ ਡਰਾਈਵਰ ਦੀ ਮਦਦ

ਜਦੋਂ ਸੈਫ ਅਲੀ ਖਾਨ ਹਸਪਤਾਲ ਪਹੁੰਚੇ ਤਾਂ ਉਹ ਖੂਨ ਨਾਲ ਲੱਥਪੱਥ ਸਨ। IANS ਦੇ ਅਨੁਸਾਰ, ਸੈਫ ਅਲੀ ਖਾਨ ਨੇ ਆਟੋ ਡਰਾਈਵਰ ਨਾਲ ਵਾਅਦਾ ਕੀਤਾ ਹੈ ਕਿ ਉਨ੍ਹਾਂ ਦਾ ਬਕਾਇਆ ਕਿਰਾਇਆ ਦਿੱਤਾ ਜਾਵੇਗਾ ਅਤੇ ਲੋੜ ਪੈਣ ‘ਤੇ ਉਸਦੀ ਮਦਦ ਵੀ ਕੀਤੀ ਜਾਵੇਗੀ। ਇਸ ਦੌਰਾਨ ਸੈਫ ਦੀ ਮਾਂ ਸ਼ਰਮੀਲਾ ਟੈਗੋਰ ਵੀ ਉੱਥੇ ਮੌਜੂਦ ਸਨ ਉਨ੍ਹਾਂ ਨੇ ਵੀ ਆਟੋ ਡਰਾਈਵਰ ਦਾ ਧੰਨਵਾਦ ਕੀਤਾ।

ਆਟੋ ਡਰਾਈਵਰ ਭਜਨ ਸਿੰਘ ਨੂੰ ਮਿਲ ਚੁੱਕਾ ਹੈ 11 ਹਜ਼ਾਰ ਰੁਪਏ ਦਾ ਇਨਾਮ

ਹਾਲਾਂਕਿ, ਫਿਲਮ ਇੰਡਸਟਰੀ ਨਾਲ ਜੁੜੇ ਫੈਜ਼ਾਨ ਅੰਸਾਰੀ ਨੇ ਆਟੋ ਡਰਾਈਵਰ ਨੂੰ ਇਨਾਮ ਵਜੋਂ 11 ਹਜ਼ਾਰ ਰੁਪਏ ਦਿੱਤੇ ਸਨ। ਹੁਣ ਸੈਫ਼ ਨੇ ਵੀ ਆਟੋ ਡਰਾਈਵਰ ਨੂੰ ਮਿਲ ਕੇ ਧੰਨਵਾਦ ਕੀਤਾ ਹੈ। ਜੇਕਰ ਸੈਫ ਨੂੰ ਸਹੀ ਸਮੇਂ ‘ਤੇ ਹਸਪਤਾਲ ਨਾ ਲਿਜਾਇਆ ਜਾਂਦਾ ਤਾਂ ਸਥਿਤੀ ਗੰਭੀਰ ਹੋ ਸਕਦੀ ਸੀ। ਪੈਸਿਆਂ ਦੀ ਚਿੰਤਾ ਕੀਤੇ ਬਿਨਾਂ, ਭਜਨ ਸਿੰਘ ਨੇ ਸੈਫ਼ ਨੂੰ ਜਾਣ ਦਿੱਤਾ। ਉਨ੍ਹਾਂ ਕਿਹਾ ਕਿ ਪੈਸਾ ਕਿਸੇ ਦੀ ਜਾਨ ਤੋਂ ਵੱਧ ਕੇ ਨਹੀਂ ਹੈ।