ਪੰਜਾਬੀ ਸਿੰਗਰ ਗੁਰਲੇਜ ਅਖ਼ਤਰ ਪਰਿਵਾਰ ਸਮੇਤ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਹੋਏ ਨਤਮਸਤਕ, ਕਿਹਾ- “ਹਮੇਸ਼ਾ ਏਕਤਾ ਬਣਾ ਕੇ ਰੱਖੋ”
ਪੰਜਾਬੀ ਸਿੰਗਰ ਗੁਰਲੇਜ ਅਖ਼ਤਰ ਅਤੇ ਜੈਸਮੀਨ ਅਖ਼ਤਰ ਆਪਣੇ ਪੂਰੇ ਪਰਿਵਾਰ ਦੇ ਨਾਲ ਪ੍ਰਮਾਤਮਾ ਦਾ ਸ਼ੁਕਰਾਨਾ ਕਰਨ ਦੇ ਲਈ ਦਰਬਾਰ ਸਾਹਿਬ ਪਹੁੰਚੇ। ਪਰਿਵਾਰ ਨੇ ਜਿੱਥੇ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿੱਚ ਗੁਰਬਾਣੀ ਕੀਰਤਨ ਦਾ ਅਨੰਦ ਮਾਣਿਆ, ਉੱਥੇ ਹੀ ਚਾਹ ਦਾ ਲੰਗਰ ਵੀ ਛਕਿਆ।
ਅੰਮ੍ਰਿਤਸਰ ਅੱਜ ਪੰਜਾਬੀ ਸਿੰਗਰ ਗੁਰਲੇਜ ਅਖ਼ਤਰ ਤੇ ਜੈਸਮੀਨ ਅਖ਼ਤਰ ਨੇ ਆਪਣੇ ਪੂਰੇ ਪਰਿਵਾਰ ਸਮੇਤ ਸੱਚਖੰਡ ਸ਼੍ਰੀ ਹਰਿਮੰਦਰ ਸਾਹਿਬ ਪਹੁੰਚ ਕੇ ਗੁਰੂ ਘਰ ਹਾਜ਼ਰੀ ਭਰੀ। ਇਸ ਮੌਕੇ ਉਹਨਾਂ ਵੱਲੋਂ ਗੁਰੂ ਘਰ ਵਿੱਚ ਮੱਥਾ ਟੇਕਿਆ ਗਿਆ ਅਤੇ ਸਰੱਬਤ ਦੇ ਭਲੇ ਦੀ ਅਰਦਾਸ ਕੀਤੀ। ਪਰਿਵਾਰ ਨੇ ਵਾਹਿਗੁਰੂ ਜੀ ਦਾ ਸ਼ੁਕਰਾਨਾ ਕੀਤਾ। ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਸਿੰਗਰ ਗੁਰਲੇਜ ਅਖ਼ਤਾਰ ਨੇ ਕਿਹਾ ਕਿ ਅਸੀਂ ਮਾਲਿਕ ਦਾ ਸ਼ੁਕਰਾਨਾ ਕਰਨ ਪਹੁੰਚੇ ਹਾਂ, ਜੋ ਵੀ ਦਿੱਤਾ ਹੈ ਵਾਹਿਗੁਰੂ ਦਾ ਦਿੱਤਾ ਹੈ।
ਇਸ ਦੌਰਾਨ ਗੁਰਲੇਜ ਨੇ ਕਿਹਾ ਸਾਨੂੰ ਜਦੋਂ ਵੀ ਮੌਕਾ ਮਿਲਦਾ ਹੈ ਅਸੀਂ ਗੁਰੂ ਘਰ ਜ਼ਰੂਰ ਆਉਂਦੇ ਹਾਂ। ਪਵਿੱਤਰ ਤਿਉਹਾਰ ਹੌਲੇ ਮਹੁਲੇ ਮੌਕੇ ਸਾਡਾ ਪ੍ਰੋਗਰਾਮ ਸੀ ਅਸੀਂ ਉਸ ਦੌਰਾਨ ਸੰਗਤਾਂ ਵਿੱਚ ਬਹੁਤ ਸ਼ਰਧਾ ਭਾਵ ਦੇਖਿਆ। ਥਾਂ-ਥਾਂ ‘ਤੇ ਲੰਗਰ ਲੱਗੇ ਹੋਏ ਸੀ। ਇਹ ਗੁਰੂ ਦੇ ਰੰਗ ਨੇ ਸਾਰਿਆਂ ਨੂੰ ਇਸ ਦਾ ਆਨੰਦ ਮਾਨਣਾ ਚਾਹੀਦਾ ਹੈ। ਸਾਰੇ ਤਿਉਹਾਰਾਂ ਨੂੰ ਸੁਖ-ਸ਼ਾਂਤੀ ਅਤੇ ਲੜਾਈਆਂ-ਝਗੜਿਆਂ ਤੋਂ ਦੂਰ ਰਹਿ ਕੇ ਮਨਾਉਣਾ ਚਾਹੀਦਾ ਹੈ। ਏਕਤਾ ਦੇ ਵਿੱਚ ਬਰਕਤ ਹੈ। ਸਾਨੂੰ ਹਮੇਸ਼ਾ ਏਕਤਾ ਬਣਾ ਕੇ ਰੱਖਣੀ ਚਾਹੀਦੀ ਹੈ।
ਸਿੰਗਰ ਗੁਰਲੇਜ ਅਖ਼ਤਾਰ ਨੇ ਕਿਹਾ -“ਅਸੀਂ ਮਾਲਿਕ ਦਾ ਸ਼ੁਕਰਾਨਾ ਅਦਾ ਕਰਨ ਪਹੁੰਚੇ ਹਾਂ, ਜੋ ਵੀ ਦਿੱਤਾ ਹੈ ਵਾਹਿਗੁਰੂ ਦਾ ਦਿੱਤਾ ਹੈ।”#Amritsar #GurlezAkhtar pic.twitter.com/v3OaDwKwU3
— TV9 Punjab-Himachal Pradesh-J&K (@TV9Punjab) March 28, 2024
ਜੈਸਮੀਨ ਅਖ਼ਤਰ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ ਉਸ ਮਾਲਕ ਨੇ ਸਾਰਾ ਕੁਝ ਬਕਸ਼ਿਆ ਹੈ। ਹਮੇਸ਼ਾ ਪਰਿਵਾਰ ਨਾਲ ਗੁਰੂ ਘਰ ਆ ਕੇ ਬਹੁਤ ਵਧੀਆ ਮਹਿਸੂਸ ਹੁੰਦਾ ਹੈ। ਪ੍ਰੋਜੈਕਟਾਂ ਬਾਰੇ ਦੱਸਦੇ ਹੋਏ ਜਸਮੀਨ ਅਖ਼ਤਰ ਨੇ ਕਿਹਾ ਕਿ ਬਹੁਤ ਕੁਝ ਨਵਾਂ ਆਉਣ ਵਾਲਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਹਮੇਸ਼ਾ ਫੈਨਜ਼ ਨੇ ਬਹੁਤ ਪਿਆਰ ਦਿੱਤਾ ਹੈ। ਉਮੀਦ ਹੈ ਅੱਗੇ ਵੀ ਇੰਝ ਹੀ ਪਿਆਰ ਕਰਣਗੇ।
ਜੈਸਮੀਨ ਅਖ਼ਤਰ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ – ਹਮੇਸ਼ਾ ਪਰਿਵਾਰ ਨਾਲ ਗੁਰੂ ਘਰ ਆ ਕੇ ਬਹੁਤ ਵਧੀਆ ਮਹਿਸੂਸ ਹੁੰਦਾ ਹੈ।#Amritsar pic.twitter.com/NHwSjTkVxe
— TV9 Punjab-Himachal Pradesh-J&K (@TV9Punjab) March 28, 2024
ਗਾਇਕੀ ਨਾਲ ਸੰਬੰਧ ਰੱਖਦਾ ਹੈ ਅਖ਼ਤਰ ਪਰਿਵਾਰ
ਗਾਇਕਾ ਗੁਰਲੇਜ ਅਖ਼ਤਰ ਗਾਇਕੀ ਪਰਿਵਾਰ ਨਾਲ ਸਬੰਧ ਰੱਖਦੇ ਹਨ। ਗੱਲ ਕਰਿਏ ਉਨ੍ਹਾਂ ਦੇ ਪਰਿਵਾਰ ਦੀ ਤਾਂ ਉਨ੍ਹਾਂ ਦੀ ਛੋਟੀ ਭੈਣ ਜੈਸਮੀਨ ਵੀ ਪੰਜਾਬੀ ਇੰਡਸਟਰੀ ਵਿੱਚ ਕਾਫੀ ਫੈਮਸ ਹਨ। ਉਨ੍ਹਾਂ ਦਾ ਹਾਲ ਹੀ ਵਿੱਚ ਵਿਆਹ ਹੋਇਆ ਸੀ। ਦੋਵਾਂ ਭੈਣਾਂ ਨੇ ਆਪਣੀ ਸੁਰੀਲੀ ਅਵਾਜ਼ ਨਾਲ ਇੰਡਸਟਰੀ ਵਿੱਚ ਵੱਖਰੀ ਪਛਾਣ ਬਣਾਈ ਹੈ। ਗੁਰਲੇਜ ਦੇ ਦੋਵੇਂ ਛੋਟੇ ਭਰਾ ਜਿਨ੍ਹਾਂ ਨੂੰ ਅਖ਼ਤਰ Brothers ਦੇ ਨਾਅ ਤੋਂ ਵੀ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਨੇ 2018 ਵਿੱਚ ਇੱਕ ਫੈਸਮ ਰਿਏਲੀਟੀ ਸ਼ੋਅ Rising Star ਵਿੱਚ ਹਿੱਸਾ ਲਿਆ ਸੀ। ਜਿੱਥੋ ਉਨ੍ਹਾਂ ਨੇ ਕਾਫੀ ਫੇਮ ਹਾਸਿਲ ਕੀਤਾ।
ਇਹ ਵੀ ਪੜ੍ਹੋ: ਪਾਲੀਵੁੱਡ ਤੇ ਭੋਜਪੂਰੀ ਇੰਡਸਟਰੀ ਦੀ ਮਾਡਲ ਨੇਹਾ ਮਲਿਕ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਹੋਏ ਨਤਮਸਤਕ