27 April 2024
TV9 Punjabi
Author: Ramandeep Singh
ਲੋਕ ਸਭਾ ਚੋਣਾਂ ਦੇ ਦੂਜੇ ਪੜਾਅ ਦੀ ਵੋਟਿੰਗ ਸ਼ੁੱਕਰਵਾਰ ਯਾਨੀ 26 ਅਪ੍ਰੈਲ ਨੂੰ ਮੁਕੰਮਲ ਹੋ ਗਈ, ਜਿਸ ਦੌਰਾਨ ਇਕ ਪਿੰਡ ਤੋਂ 100 ਫੀਸਦੀ ਵੋਟਿੰਗ ਦਰਜ ਕੀਤੀ ਗਈ।
ਵੋਟਿੰਗ ਤੋਂ ਬਾਅਦ ਚੋਣ ਕਮਿਸ਼ਨ ਦੇ ਅੰਕੜੇ ਜਾਰੀ ਕੀਤੇ ਗਏ, ਜਿਸ 'ਚ ਕਰਨਾਟਕ ਦੇ ਦੱਖਣੀ ਕੰਨੜ 'ਚ ਬੰਜਾਰੁਮਾਲੇ ਪਿੰਡ 'ਚ 100 ਫੀਸਦੀ ਵੋਟਿੰਗ ਹੋਣ ਦਾ ਦਾਅਵਾ ਕੀਤਾ ਗਿਆ ਹੈ।
ਬੰਜਾਰੁਮਾਲੇ ਪਿੰਡ ਵਿੱਚ ਕੁੱਲ ਵੋਟਰਾਂ ਦੀ ਗਿਣਤੀ ਸਿਰਫ਼ 111 ਹੈ। ਵੋਟਿੰਗ ਖਤਮ ਹੋਣ ਦਾ ਸਮਾਂ ਸ਼ਾਮ ਨੂੰ 6 ਵਜੇ ਸੀ ਪਰ ਇਸ ਤੋਂ 2 ਘੰਟੇ ਪਹਿਲਾਂ ਹੀ ਵੋਟਿੰਗ 100 ਫੀਸਦੀ ਤੱਕ ਪਹੁੰਚ ਗਈ।
ਬੰਜਾਰੁਮਾਲੇ ਪਿੰਡ ਇੱਕ ਪਛੜਿਆ ਹੋਇਆ ਪਿੰਡ ਹੈ, ਜਿੱਥੇ ਬਿਜਲੀ ਜਾਂ ਆਵਾਜਾਈ ਦਾ ਕੋਈ ਸੰਪਰਕ ਨਹੀਂ ਹੈ। ਜੰਗਲ ਨਿਵਾਸੀ, ਕਬਾਇਲੀ ਕਿਸਾਨ ਇੱਥੇ ਰਹਿੰਦੇ ਹਨ
ਅਕਸਰ ਜੇਕਰ ਕਿਸੇ ਪੋਲਿੰਗ ਬੂਥ 'ਤੇ ਜਾਰੀ ਅੰਕੜਿਆਂ 'ਚ 90 ਫੀਸਦੀ ਤੋਂ ਵੱਧ ਜਾਂ 10 ਫੀਸਦੀ ਤੋਂ ਘੱਟ ਵੋਟਿੰਗ ਦਿਖਾਈ ਦਿੰਦੀ ਹੈ ਤਾਂ ਉਨ੍ਹਾਂ ਥਾਵਾਂ 'ਤੇ ਜਾਂਚ ਕੀਤੀ ਜਾਂਦੀ ਹੈ।
ਇਸ ਜਾਂਚ ਲਈ ਚੋਣ ਕਮਿਸ਼ਨ ਵੱਲੋਂ ਪੂਰੀ ਟੀਮ ਬਣਾਈ ਗਈ ਹੈ। ਇਹ ਟੀਮ ਸ਼ੱਕ ਦੇ ਘੇਰੇ ਵਿੱਚ ਆਏ ਬੂਥ ਦੀ ਜਾਂਚ ਕਰਨ ਜਾਂਦੀ ਹੈ।
ਪਿੰਡ ਦੇ ਲੋਕਾਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਾਨੂੰ ਘੱਟ ਸਹੂਲਤਾਂ ਦੀ ਕੋਈ ਸ਼ਿਕਾਇਤ ਨਹੀਂ ਹੈ, ਜੇਕਰ ਸਾਡੀ ਗਿਣਤੀ ਜ਼ਿਆਦਾ ਹੁੰਦੀ ਤਾਂ ਉਹ ਸਾਰੇ ਵੋਟ ਪਾਉਣ ਜ਼ਰੂਰ ਆਉਂਦੇ।