ਲੁਧਿਆਣਾ ਦੀ ਰਾਤ ਨੋਰਾ ਫਤੇਹੀ ਦੇ ਨਾਮ, ਸੈਲਫੀ ਲਈ ਉਮੜੀ ਭੀੜ
Nora Fatehi Ludhiana: ਲੁਧਿਆਣਾ ਦੇ ਪਾਸ਼ ਇਲਾਕੇ ਫਿਰੋਜ਼ਪੁਰ ਰੋਡ 'ਤੇ ਸਥਿਤ ਮਹਾਰਾਜਾ ਮੈਨਸ਼ਨ ਵਿਖੇ ਸੋਮਵਾਰ ਦੀ ਰਾਤ ਬਾਲੀਵੁੱਡ ਦੀ ਡਾਂਸਿੰਗ ਕੁਈਨ ਨੋਰਾ ਫਤੇਹੀ ਦੇ ਨਾਮ ਰਹੀ। ਨੋਰਾ ਨੂੰ ਆਪਣੇ ਵਿਚਕਾਰ ਪਾ ਕੇ ਮਹਿਮਾਨ ਉਸ ਨਾਲ ਸੈਲਫੀਆਂ ਲੈਣ ਲਈ ਬੇਕਾਬੂ ਹੋ ਰਹੇ ਸਨ। ਬਾਊਂਸਰਾਂ ਨੇ ਮੁਸ਼ਕਿਲ ਨਾਲ ਭੀੜ ਨੂੰ ਸੰਭਾਲਿਆ।
ਲੁਧਿਆਣਾ ਦੇ ਪਾਸ਼ ਇਲਾਕੇ ਫਿਰੋਜ਼ਪੁਰ ਰੋਡ ‘ਤੇ ਸਥਿਤ ਮਹਾਰਾਜਾ ਮੈਨਸ਼ਨ ਵਿਖੇ ਸੋਮਵਾਰ ਦੀ ਰਾਤ ਬਾਲੀਵੁੱਡ ਦੀ ਡਾਂਸਿੰਗ ਕੁਈਨ ਨੋਰਾ ਫਤੇਹੀ ਦੇ ਨਾਮ ਰਹੀ। ਇਹ ਮੌਕਾ ਸ਼ਹਿਰ ਦੇ ਇੱਕ ਮਸ਼ਹੂਰ ਸਮਾਜ ਸੇਵਕ ਦੇ ਪੁੱਤਰ ਦੇ ਕਾਕਟੇਲ ਫੰਕਸ਼ਨ ਦਾ ਸੀ, ਜਿੱਥੇ ਨੋਰਾ ਫਤੇਹੀ ਨੇ ਆਪਣੀਆਂ ਕਾਤਿਲਾਨਾ ਅਦਾਵਾਂ ਅਤੇ ਡਾਂਸ ਮੂਵਜ਼ ਨਾਲ ਸਮਾਂ ਬੰਨ੍ਹ ਦਿੱਤਾ।
ਨੋਰਾ ਨੂੰ ਆਪਣੇ ਵਿਚਕਾਰ ਪਾ ਕੇ ਮਹਿਮਾਨ ਉਸ ਨਾਲ ਸੈਲਫੀਆਂ ਲੈਣ ਲਈ ਬੇਕਾਬੂ ਹੋ ਰਹੇ ਸਨ। ਬਾਊਂਸਰਾਂ ਨੇ ਮੁਸ਼ਕਿਲ ਨਾਲ ਭੀੜ ਨੂੰ ਸੰਭਾਲਿਆ। ਇਸ ਤੋਂ ਬਾਅਦ ਲੋਕਾਂ ਨੇ ਨੋਰਾ ਨਾਲ ਡਾਂਸ ਕੀਤਾ ਅਤੇ ਉਸ ਤੇ ਫਿਲਮਾਏ ਓ ਸਾਕੀ ਸਾਕੀ ਅਤੇ ਓਹ ਮਾਮਾ ਤੇਤੇਮਾ ਵਰਗੇ ਗਾਣੇ ਵੀ ਗਾਏ।
700 ਮਹਿਮਾਨਾਂ ਵਿਚਕਾਰ ਆਕਰਸ਼ਣ ਦਾ ਕੇਂਦਰ ਬਣੀ ਨੋਰਾ
ਇਸ ਗ੍ਰੈਂਡ ਸੈਲੀਬ੍ਰੇਸ਼ਨ ਵਿੱਚ ਸ਼ਹਿਰ ਦੀਆਂ ਲਗਭਗ 700 ਨਾਮੀ ਹਸਤੀਆਂ ਨੇ ਹਿੱਸਾ ਲਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਗਾਇਕਾ ਸਹਰ ਭਾਟੀਆ ਦੀ ਸੁਰੀਲੀ ਆਵਾਜ਼ ਨਾਲ ਹੋਈ, ਜਿਨ੍ਹਾਂ ਨੇ ਆਪਣੀ ਗਾਇਕੀ ਨਾਲ ਮਾਹੌਲ ਬਣਾਇਆ।
ਹਾਲਾਂਕਿ, ਜਿਵੇਂ ਹੀ ਨੋਰਾ ਫਤੇਹੀ ਨੇ ਸਟੇਜ ਤੇ ਐਂਟਰੀ ਕੀਤੀ, ਪੂਰਾ ਹਾਲ ਤਾਲੀਆਂ ਅਤੇ ਸ਼ੋਰ ਨਾਲ ਗੂੰਜ ਉੱਠਿਆ। ਨੋਰਾ ਨੇ ਆਪਣੇ ਸਿਗਨੇਚਰ ਸਟੈਪਸ ਅਤੇ ਮਨਮੋਹਕ ਸਟੇਜ ਪ੍ਰੈਜ਼ੈਂਸ ਨਾਲ ਹਰ ਕਿਸੇ ਨੂੰ ਝੂਮਣ ਤੇ ਮਜਬੂਰ ਕਰ ਦਿੱਤਾ
ਸੈਲਫੀ ਲਈ ਮਚੀ ਹੋੜ, ਸੁਰੱਖਿਆ ਘੇਰੇ ਚ ਰਹੀ ਅਦਾਕਾਰ
ਨੋਰਾ ਦੀ ਪਰਫਾਰਮੈਂਸ ਦੌਰਾਨ ਉੱਥੇ ਮੌਜੂਦ ਮਹਿਮਾਨ ਅਤੇ ਬੱਚੇ ਉਸ ਨਾਲ ਸੈਲਫੀ ਲੈਣ ਲਈ ਬੇਤਾਬ ਨਜ਼ਰ ਆਏ। ਹਰ ਕੋਈ ਇਸ ਪਲ ਨੂੰ ਆਪਣੇ ਮੋਬਾਈਲ ਕੈਮਰਿਆਂ ਵਿੱਚ ਕੈਦ ਕਰਨਾ ਚਾਹੁੰਦਾ ਸੀ। ਹਾਲਾਂਕਿ, ਸੁਰੱਖਿਆ ਕਾਰਨਾਂ ਅਤੇ ਟਾਈਟ ਸ਼ੈਡਿਊਲ ਕਾਰਨ ਨੋਰਾ ਨੇ ਸਿਰਫ ਆਪਣੀ ਤਹਿ ਕੀਤੀ ਪਰਫਾਰਮੈਂਸ ਦਿੱਤੀ ਅਤੇ ਉਸ ਤੋਂ ਬਾਅਦ ਤੁਰੰਤ ਉੱਥੋਂ ਰਵਾਨਾ ਹੋ ਗਈ। ਉਹ ਫੰਕਸ਼ਨ ਵਿੱਚ ਲਗਭਗ 40 ਮਿੰਟ ਰਹੀ।
ਇਹ ਵੀ ਪੜ੍ਹੋ
ਲੱਡੂ ਨੇ ਮੇਜ਼ਬਾਨੀ ਨਾਲ ਜਿੱਤਿਆ ਦਿਲ
ਸ਼ਹਿਰ ਦੇ ਸਮਾਜਿਕ ਘੇਰਿਆਂ ਵਿੱਚ ਕਾਫ਼ੀ ਪ੍ਰਸਿੱਧ ਸਮਾਜਸੇਵੀ ਲੱਡੂ ਨੇ ਇਸ ਜਸ਼ਨ ਦਾ ਆਯੋਜਨ ਕੀਤਾ ਸੀ। ਆਪਣੇ ਕਰੀਬੀ ਦੋਸਤਾਂ ਅਤੇ ਪਰਿਵਾਰ ਲਈ ਰੱਖੀ ਗਈ ਇਸ ਕਾਕਟੇਲ ਪਾਰਟੀ ਦੀ ਚਰਚਾ ਹੁਣ ਪੂਰੇ ਲੁਧਿਆਣਾ ਵਿੱਚ ਹੋ ਰਹੀ ਹੈ। ਆਯੋਜਨ ਵਿੱਚ ਖਾਣ-ਪੀਣ ਤੋਂ ਲੈ ਕੇ ਸਜਾਵਟ ਤੱਕ ਹਰ ਚੀਜ਼ ਵਿੱਚ ਰੌਇਲ ਟਚ ਨਜ਼ਰ ਆਇਆ।
ਇਹ ਵੀ ਪੜੋ : ਭਾਰਤ ਚ ਵਿਦੇਸ਼ੀਆਂ ਨੂੰ ਰਹਿਣ ਲਈ ਕਿਵੇਂ ਮਿਲਦਾ ਹੈ OCI ਕਾਰਡ? ਸ਼੍ਰੀਲੰਕਾ ਵਿੱਚ ਤਾਮਿਲ ਭਾਈਚਾਰੇ ਲਈ ਹੋਇਆ ਵੱਡਾ ਐਲਾਨ
