Abhishek Bachchan Birthday: ਪਤਨੀ ਐਸ਼ਵਰਿਆ ਰਾਏ ਤੋਂ ਅਮੀਰੀ ਵਿੱਚ ਬਹੁਤ ਪਿੱਛੇ ਹਨ ਅਭਿਸ਼ੇਕ ਬੱਚਨ; ਜਾਣੋ ਕਿੰਨੀ ਹੈ ਜੂਨੀਅਰ ਬੱਚਨ ਦੀ ਨੈੱਟ ਵਰਥ

ਅਭਿਸ਼ੇਕ ਬੱਚਨ ਦਾ ਜਨਮਦਿਨ

Abhishek Bachchan Birthday Special: ਦਿੱਗਜ ਅਦਾਕਾਰ ਅਮਿਤਾਭ ਬੱਚਨ ਅਤੇ ਮਸ਼ਹੂਰ ਅਦਾਕਾਰਾ ਜਯਾ ਬੱਚਨ ਦੇ ਪੁੱਤਰ ਅਭਿਸ਼ੇਕ ਬੱਚਨ ਨੇ ਆਪਣੇ ਮਾਪਿਆਂ ਦੇ ਨਕਸ਼ੇ-ਕਦਮਾਂ ‘ਤੇ ਚੱਲ ਕੇ ਬਾਲੀਵੁੱਡ ਵਿੱਚ ਅਦਾਕਾਰ ਵਜੋਂ ਕੰਮ ਕੀਤਾ, ਪਰ ਉਹ ਆਪਣੇ ਮਾਪਿਆਂ ਵਰਗੀ ਮਾਨਤਾ ਪਛਾਣ ਨਹੀਂ ਬਣਾ ਸਕੇ। ਹਾਲਾਂਕਿ, ਉਨ੍ਹਾਂ ਨੇ ਆਪਣੇ ਕੰਮ ਨਾਲ ਕਈ ਵਾਰ ਆਪਣੇ ਆਪ ਨੂੰ ਸਾਬਤ ਕੀਤਾ ਹੈ। ਅੱਜ, ਅਭਿਸ਼ੇਕ ਬੱਚਨ 50 ਸਾਲ ਦੇ ਹੋ ਗਏ ਹਨ। ਆਓ ਉਨ੍ਹਾਂ ਬਾਰੇ ਕੁਝ ਖਾਸ ਗੱਲਾਂ ‘ਤੇ ਇੱਕ ਨਜ਼ਰ ਮਾਰੀਏ।

ਅਭਿਸ਼ੇਕ ਬੱਚਨ ਦਾ ਜਨਮ 5 ਫਰਵਰੀ, 1976 ਨੂੰ ਮੁੰਬਈ ਵਿੱਚ ਅਮਿਤਾਭ ਬੱਚਨ ਅਤੇ ਜਯਾ ਬੱਚਨ ਦੇ ਘਰ ਹੋਇਆ ਸੀ। ਅਭਿਸ਼ੇਕ ਇੱਕ ਵਾਰ ਆਪਣੇ ਪਿਤਾ ਦੀ ਫਿਲਮ ‘ਤੇ ਪ੍ਰੋਡਕਸ਼ਨ ਬੁਆਏ ਵਜੋਂ ਕੰਮ ਕਰਦੇ ਸਨ। ਫਿਰ ਉਨ੍ਹਾਂ ਨੇ 2000 ਵਿੱਚ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ। ਅਭਿਸ਼ੇਕ ਨੇ 2007 ਵਿੱਚ ਸੀਨੀਅਰ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਨਾਲ ਵਿਆਹ ਕਰਵਾ ਲਿਆ। ਐਸ਼ਵਰਿਆ ਆਪਣੇ ਪਤੀ ਅਭਿਸ਼ੇਕ ਤੋਂ ਨਾ ਸਿਰਫ਼ ਅਦਾਕਾਰੀ ਵਿੱਚ ਸਗੋਂ ਦੌਲਤ ਵਿੱਚ ਵੀ ਬਹੁਤ ਅੱਗੇ ਹੈ।

‘ਰਿਫਿਊਜੀ’ ਤੋਂ ਸ਼ੁਰੂਆਤ

ਅਭਿਸ਼ੇਕ ਬੱਚਨ ਨੇ ਆਪਣੀ ਸ਼ੁਰੂਆਤੀ ਪੜ੍ਹਾਈ ਮੁੰਬਈ ਵਿੱਚ ਪੂਰੀ ਕੀਤੀ ਅਤੇ ਅੱਗੇ ਦੀ ਪੜ੍ਹਾਈ ਲਈ ਅਮਰੀਕਾ ਚਲੇ ਗਏ। ਹਾਲਾਂਕਿ, ਜਦੋਂ ਅਮਿਤਾਭ ਬੱਚਨ ਦੀ ਕੰਪਨੀ, ਅਮਿਤਾਭ ਬੱਚਨ ਕਾਰਪੋਰੇਸ਼ਨ ਲਿਮਟਿਡ (ਏਬੀਸੀਐਲ), ਮਾੜੇ ਦੌਰ ਵਿੱਚੋਂ ਲੰਘ ਰਹੀ ਸੀ, ਤਾਂ ਅਭਿਸ਼ੇਕ ਸਭ ਕੁਝ ਛੱਡ ਕੇ ਭਾਰਤ ਵਾਪਸ ਆ ਗਏ। ਇਸ ਤੋਂ ਬਾਅਦ, ਅਭਿਸ਼ੇਕ ਨੇ ਆਪਣੇ ਪਿਤਾ ਦੀ ਫਿਲਮ ‘ਮੇਜਰ ਸਾਬ’ (1998) ਵਿੱਚ ਕੰਮ ਕੀਤਾ।

ਅਮਿਤਾਭ ਬੱਚਨ ਫਿਲਮ ‘ਮੇਜਰ ਸਾਬ’ ਦੇ ਨਿਰਮਾਤਾ ਸਨ। ਅਭਿਸ਼ੇਕ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ, “ਉਨ੍ਹਾਂ ਨੇ ਮੈਨੂੰ ਆਪਣੀ ਫਿਲਮ ‘ਮੇਜਰ ਸਾਬ’ ਵਿੱਚ ਪ੍ਰੋਡਕਸ਼ਨ ਬੁਆਏ ਬਣਾਇਆ। ਭਾਵ, ਮੇਰਾ ਕੰਮ ਚਾਹ ਬਣਾਉਣਾ, ਲਾਈਟਾਂ ਲਗਾਉਣਾ ਅਤੇ ਸਿਤਾਰਿਆਂ ਨੂੰ ਜਗਾਉਣਾ ਸੀ।” ਅਭਿਨੇਤਾ ਨੇ 2002 ਦੀ ਫਿਲਮ ‘ਰਿਫਿਊਜੀ’ ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ, ਜਿਸ ਵਿੱਚ ਕਰੀਨਾ ਕਪੂਰ ਖਾਨ ਨੇ ਉਨ੍ਹਾਂ ਦੇ ਓਪੋਟਜਿਟ ਅਭਿਨੇਤਰੀ ਵਜੋਂ ਕੰਮ ਕੀਤਾ ਸੀ। ਇਹ ਕਰੀਨਾ ਦੀ ਵੀ ਪਹਿਲੀ ਫਿਲਮ ਸੀ, ਪਰ ਇਹ ਬਾਕਸ ਆਫਿਸ ਤੇ ਐਵਰੇਜ ਰਹੀ ਸੀ।

ਅਭਿਸ਼ੇਕ ਬੱਚਨ ਦੀ ਨੈੱਟ ਵਰਥ

ਆਪਣੇ ਕਰੀਅਰ ਵਿੱਚ ਕਈ ਫਲਾਪ ਫਿਲਮਾਂ ਦੇ ਚੁੱਕੇ ਅਭਿਸ਼ੇਕ ਨੇ ਧੂਮ, ਬੰਟੀ ਔਰ ਬਬਲੀ, ਸਰਕਾਰ, ਕਭੀ ਅਲਵਿਦਾ ਨਾ ਕਹਿਣਾ, ਧੂਮ 2, ਦੋਸਤਾਨਾ, ਪਾ, ਬੋਲ ਬੱਚਨ ਅਤੇ ਹਾਊਸਫੁੱਲ 3 ਵਰਗੀਆਂ ਫਿਲਮਾਂ ਨਾਲ ਪਛਾਣ ਬਣਾਈ ਹੈ। ਟਾਈਮਜ਼ ਆਫ਼ ਇੰਡੀਆ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਉਨ੍ਹਾਂ ਦੀ ਕੁੱਲ ਜਾਇਦਾਦ 280 ਕਰੋੜ ਰੁਪਏ ਹੈ। ਟਾਈਮਜ਼ ਆਫ਼ ਇੰਡੀਆ ਦੀ ਇੱਕ ਹੋਰ ਰਿਪੋਰਟ ਵਿੱਚ ਅਭਿਸ਼ੇਕ ਦੀ ਪਤਨੀ ਐਸ਼ਵਰਿਆ ਦੀ ਕੁੱਲ ਜਾਇਦਾਦ 900 ਕਰੋੜ ਦੱਸੀ ਗਈ ਹੈ।