ਔਰਤ ਨੇ ਪੁੱਤਰ ਦਾ ਨਸ਼ਾ ਛੁਡਾਉਣ ਲਈ ਮੰਗੀ ਅਫੀਮ, ਮੰਤਰੀ ਬੋਲੇ- ਓਹ ਮੈਂ ਕਿੱਥੋ ਲੈ ਆਵਾਂ ਬੇਬੇ
ਖੇਤਬਾੜੀ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਨੇ ਕਿਹਾ ਕਿ ਓਹ ਮੈਂ ਕਿੱਥੋ ਲੈ ਆਵਾਂ ਬੇਬੇ। ਬਜ਼ੁਰਗ ਔਰਤ ਨੇ ਖੁੱਡੀਆਂ ਨੂੰ ਕਿਹਾ ਕਿ ਅਫੀਮ ਬੀਜਨ ਦੀ ਖੁੱਲ ਦਿੱਤੀ ਜਾਵੇ। ਜਵਾਬ ਵਿੱਚ ਗੁਰਮੀਤ ਖੁੱਡੀਆਂ ਨੇ ਕਿਹਾ ਕਿ ਐਵੇਂ ਨਹੀਂ ਅਫੀਮ ਬੀਜੀ ਦੀ ਬੇਬੇ। ਆਪਾਂ ਨਸ਼ਾ ਖਤਮ ਕਰਵਾਉਣਾ ਹੈ। ਉੱਥੇ ਹੀ ਬਜ਼ੁਰਗ ਔਰਤ ਨੇ ਕਿਹਾ ਕਿ ਜੇਕਰ ਨਸ਼ਾ ਬੰਦ ਕਰਨਾ ਹੈ ਤਾਂ ਪਹਿਲਾਂ ਠੇਕੇ ਬੰਦ ਕਰਵਾਉ। ਮੇਰਾ ਪੁੱਤਰ ਮਰ ਗਿਆ ਤਾਂ ਕਿੱਥੋ ਲੈ ਕੇ ਆਵਾਂਗੀ।
ਲੋਕ ਸਭਾ ਚੋਣਾਂ 2024 ਲਈ ਪੰਜਾਬ ਦੇ ਸਾਰੇ ਸਿਆਸੀ ਆਗੂ ਮੈਦਾਨ ਵਿੱਚ ਉੱਤਰੇ ਹੋ ਹਨ। ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਅਤੇ ਖੇਤਬਾੜੀ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਚੋਣ ਪ੍ਰਚਾਰ ਕਰ ਰਹੇ ਹਨ। ਇਸ ਦੌਰਾਨ ਇੱਕ ਬਜ਼ੁਰਗ ਔਰਤ ਨੇ ਕਿਹਾ ਕਿ ਉਸ ਦਾ ਪੁੱਤਰ ਨਸ਼ੇ ਲਈ ਪੈਸੇ ਮੰਗਦਾ ਹੈ। ਉਹ ਬਾਹਰ ਜਾਂਦਾ ਹੈ ਤਾਂ ਨਸ਼ੇ ਕਰਦਾ ਹੈ। ਜੇਕਰ ਮੇਰੇ ਪੁੱਤਰ ਨੂੰ ਕੁਝ ਹੋ ਜਾਂਦਾ ਹੈ ਤਾਂ ਉਸ ਲਈ ਕੌਣ ਜ਼ਿੰਮੇਵਾਰ ਹੈ।
ਆਪਾਂ ਨਸ਼ਾ ਖਤਮ ਕਰਵਾਉਣਾ- ਮੰਤਰੀ ਗੁਰਮੀਤ ਖੁੱਡੀਆਂ
ਇਸ ਦੌਰਾਨ ਪੰਜਾਬ ਦੇ ਖੇਤਬਾੜੀ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਨੇ ਕਿਹਾ ਕਿ ਓਹ ਮੈਂ ਕਿੱਥੋ ਲੈ ਆਵਾਂ ਬੇਬੇ। ਬਜ਼ੁਰਗ ਔਰਤ ਨੇ ਖੁੱਡੀਆਂ ਨੂੰ ਕਿਹਾ ਕਿ ਅਫੀਮ ਬੀਜਨ ਦੀ ਖੁੱਲ ਦਿੱਤੀ ਜਾਵੇ। ਜਵਾਬ ਵਿੱਚ ਗੁਰਮੀਤ ਖੁੱਡੀਆਂ ਨੇ ਕਿਹਾ ਕਿ ਐਵੇਂ ਨਹੀਂ ਅਫੀਮ ਬੀਜੀ ਦੀ ਬੇਬੇ। ਆਪਾਂ ਨਸ਼ਾ ਖਤਮ ਕਰਵਾਉਣਾ ਹੈ। ਉੱਥੇ ਹੀ ਬਜ਼ੁਰਗ ਔਰਤ ਨੇ ਕਿਹਾ ਕਿ ਜੇਕਰ ਨਸ਼ਾ ਬੰਦ ਕਰਨਾ ਹੈ ਤਾਂ ਪਹਿਲਾਂ ਠੇਕੇ ਬੰਦ ਕਰਵਾਉ। ਮੇਰਾ ਪੁੱਤਰ ਮਰ ਗਿਆ ਤਾਂ ਕਿੱਥੋ ਲੈ ਕੇ ਆਵਾਂਗੀ।
ਔਰਤ ਨੇ ਕਿਹਾ, ਨਸ਼ਾ ਛੁਡਾਉਣ ਲਈ ਪੁੱਤਰ ਨੂੰ ਅਫੀਮ ਚਾਹਿੰਦੀ ਹੈ, ਮੰਤਰੀ ਬੋਲੇ-ਓਹ ਮੈਂ ਕਿੱਥੋ ਲੈ ਆਵਾਂ ਬੇਬੇ#Bathinda #ViralVideo pic.twitter.com/p5PoCS0Xww
— TV9 Punjab-Himachal Pradesh-J&K (@TV9Punjab) May 2, 2024
ਪੰਜਾਬ ਵਿੱਚ ਨਸ਼ੇ ਦੇ ਖਾਤਮੇ ਨੂੰ ਲੈ ਕੇ ਸਰਕਾਰਾਂ ਚੋਣਾਂ ਤੋਂ ਪਹਿਲਾਂ ਆਪਣੇ ਮੈਨੀਫੈਸਟੋ ਵਿੱਚ ਦਾਅਵਾ ਕਰਦਿਆਂ ਹਨ। ਪਰ ਹਾਲੇ ਤੱਕ ਕੋਈ ਵੀ ਸਰਕਾਰ ਨੇ ਇਸ ਨਸ਼ੇ ਵਰਗੇ ਕੋੜ ਨੂੰ ਪੰਜਾਬ ਵਿੱਚ ਖਤਮ ਨਹੀਂ ਕੀਤਾ। ਪੰਜਾਬ ਇੱਕ ਸਰੱਹਦੀ ਸੂਬਾ ਹੈ। ਇਸ ਨਾਲ ਪਾਕਿਸਤਾਨ ਦਾ ਕੌਮਾਂਤਰੀ ਬਾਰਡਰ ਲੱਗਦਾ ਹੈ। ਜਿਸ ਕਾਰਨ ਵਿਦੇਸ਼ਾਂ ਵਿੱਚ ਬੈਠੇ ਨਸ਼ੇ ਦੇ ਸੌਦਾਗਰ ਨਸ਼ੇ ਦੀ ਖੇਪ ਡਰੋਨਾਂ ਰਾਹੀਂ ਭਾਰਤ ਭੇਜਦੇ ਹਨ। ਦੱਸ ਦਈਏ ਕਿ 2017 ਵਿੱਚ ਕੈਪਟਨ ਅਮਰਿੰਦਰ ਸਿੰਘ ਨੇ ਗੁਟਕਾ ਸਾਹਿਬ ਦੀ ਸੁੰਹ ਚੁੱਕੀ ਸੀ ਕਿ ਉਹ ਇੱਕ ਮਹੀਨੇ ਵਿੱਚ ਪੰਜਾਬ ਵਿੱਚੋਂ ਨਸ਼ਾ ਖਤਮ ਕਰ ਦੇਣਗੇ। ਉਨ੍ਹਾਂ ਦਾ ਕਾਰਜ਼ਕਾਲ ਵੀ ਪੂਰ ਹੋ ਗਿਆ। ਕਾਂਗਰਸ ਸਰਕਾਰ ਦੇ ਕਾਰਜਕਾਲ ਦੌਰਾਨ ਦੂਸਰੇ ਮੁੱਖ ਮੰਤਰੀ ਬਣੇ ਚੰਨੀ ਨੇ ਵੀ ਕਈ ਵਾਰ ਨਸ਼ੇ ਦੇ ਖਾਤਮੇ ਦੀ ਗੱਲ ਕਹਿ ਪਰ ਜ਼ਮੀਨੀ ਹਕੀਕਤ ਕੁੱਝ ਹੋਰ ਹੀ ਹੈ। ਆਏ ਦਿਨ ਪੰਜਾਬ ਵਿੱਚ ਨੌਜਵਾਨਾਂ ਦੀ ਨਸ਼ੀਆਂ ਨਾਲ ਮੌਤਾਂ ਹੋ ਰਹੀਆਂ ਹਨ।
ਦੱਸ ਦਈਏ ਕਿ ਪੰਜਾਬ ਦੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੱਲੋਂ ਨਸ਼ੀਆਂ ਖਿਲਾਫ ਕਈ ਤਰ੍ਹਾਂ ਦੀਆਂ ਮੁਹਿੰਮ ਚਲਾਈ ਜਾ ਰਹੀ ਹੈ। ਦੇਖਣ ਇਹ ਹੋਵੇਗਾ ਕਿ ਆਮ ਆਦਮੀ ਪਾਰਟੀ ਦੀ ਇਹ ਸਰਕਾਰ ਵਿੱਚ ਨਸ਼ੇ ਨੂੰ ਪੂਰੀ ਤਰ੍ਹਾਂ ਨਾਲ ਖਤਮ ਕਰ ਪਾਵੇਗੀ ਜਾਂ ਨਹੀਂ। ਜੇਕਰ ਇਸ ਤਰ੍ਹਾਂ ਦਾ ਕੁਝ ਹੁੰਦਾ ਹੈ ਤਾਂ ਦੇਸ਼ ਹੀ ਪੂਰੀ ਦੁਨੀਆਂ ਵਿੱਚ ਪੰਜਾਬ ਦੀ ਇੱਕ ਵੱਖਰੀ ਤਸਵੀਰ ਹੋਵੇਗੀ।