ਸਿਰਸਾ ਲੋਕ ਸਭਾ ਸੀਟ (Sirsa Lok Sabha Seat)

ਹਰਿਆਣਾ ਦੀ ਸਿਰਸਾ ਲੋਕ ਸਭਾ ਸੀਟ ਅਨੁਸੂਚਿਤ ਜਾਤੀ ਲਈ ਰਾਖਵੀਂ ਸੀਟ ਹੈ। ਇਹ ਸੀਟ ਪਹਿਲੀ ਵਾਰ 1962 ਵਿੱਚ ਹੋਂਦ ਵਿੱਚ ਆਈ ਸੀ। ਸੁਨੀਤਾ ਦੁੱਗਲ ਇੱਥੋਂ ਦੀ ਮੌਜੂਦਾ ਸੰਸਦ ਮੈਂਬਰ ਹੈ। ਪਿਛਲੀਆਂ ਲੋਕ ਸਭਾ (2019) ਚੋਣਾਂ ਵਿੱਚ ਸੁਨੀਤਾ ਦੁੱਗਲ ਨੇ ਹਰਿਆਣਾ ਕਾਂਗਰਸ ਦੇ ਸੂਬਾ ਪ੍ਰਧਾਨ ਅਸ਼ੋਕ ਤੰਵਰ ਨੂੰ ਵੱਡੇ ਫਰਕ ਨਾਲ ਹਰਾਇਆ ਸੀ। ਸੁਨੀਤਾ ਨੂੰ 52 ਫੀਸਦੀ ਤੋਂ ਵੱਧ ਵੋਟਾਂ ਮਿਲੀਆਂ।

ਜਦੋਂਕਿ ਅਸ਼ੋਕ ਨੂੰ ਸਿਰਫ਼ 29 ਫ਼ੀਸਦੀ ਵੋਟਾਂ ਮਿਲੀਆਂ ਸਨ। ਜਨਨਾਇਕ ਪਾਰਟੀ ਦੇ ਨਿਰਮਲ ਸਿੰਘ ਮਾਲੜੀ ਤੀਜੇ ਨੰਬਰ ’ਤੇ ਰਹੇ। ਨਿਰਮਲ ਸਿੰਘ ਨੂੰ 95,914 ਹਜ਼ਾਰ ਵੋਟਾਂ ਮਿਲੀਆਂ। ਸਿਰਸਾ ਲੋਕ ਸਭਾ ਅਧੀਨ 9 ਵਿਧਾਨ ਸਭਾ ਸੀਟਾਂ ਹਨ। ਇਨ੍ਹਾਂ ਸੀਟਾਂ ਵਿੱਚ ਨਰਵਾਣਾ (SC), ਟੋਹਾਣਾ, ਫਤਿਹਾਬਾਦ, ਰਤੀਆ (SC), ਕਾਲਾਂਵਾਲੀ (SC), ਡੱਬਵਾਲੀ, ਰਾਣੀਆ, ਸਿਰਸਾ, ਏਲਨਾਬਾਦ ਸ਼ਾਮਲ ਹਨ।

2019 ਲੋਕ ਸਭਾ ਚੋਣ ਨਤੀਜੇ

ਭਾਜਪਾ ਨੇ 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਇੱਥੋਂ ਸ਼ਾਨਦਾਰ ਜਿੱਤ ਹਾਸਲ ਕੀਤੀ ਸੀ। ਸੁਨੀਤਾ ਦੁੱਗਲ ਨੇ ਹਰਿਆਣਾ ਕਾਂਗਰਸ ਦੇ ਸੂਬਾ ਪ੍ਰਧਾਨ ਅਸ਼ੋਕ ਤੰਵਰ ਨੂੰ 3,09,918 ਵੋਟਾਂ ਨਾਲ ਹਰਾਇਆ ਸੀ। ਸੁਨੀਤਾ ਨੂੰ 714,351 ਲੱਖ ਵੋਟਾਂ ਮਿਲੀਆਂ ਜਦਕਿ ਤੰਵਰ ਨੂੰ 404,433 ਲੱਖ ਵੋਟਾਂ ਮਿਲੀਆਂ। ਜਨਨਾਇਕ ਪਾਰਟੀ ਦੇ ਨਿਰਮਲ ਸਿੰਘ ਮਾਲੜੀ ਤੀਜੇ ਨੰਬਰ ’ਤੇ ਰਹੇ। ਨਿਰਮਲ ਸਿੰਘ ਨੂੰ 95,914 ਹਜ਼ਾਰ ਵੋਟਾਂ ਮਿਲੀਆਂ।

ਸਿਰਸਾ ਲੋਕ ਸਭਾ ਸੀਟ 'ਤੇ ਵੋਟਰਾਂ ਦੀ ਕੁੱਲ ਗਿਣਤੀ

ਸਿਰਸਾ ਲੋਕ ਸਭਾ ਸੀਟ 'ਤੇ ਕੁੱਲ 17,40,188 ਵੋਟਰ ਹਨ, ਜਿਨ੍ਹਾਂ 'ਚੋਂ ਜੇਕਰ ਮਰਦ ਵੋਟਰਾਂ ਦੀ ਗਿਣਤੀ ਦੀ ਗੱਲ ਕਰੀਏ ਤਾਂ 9,25,150 ਮਰਦ ਵੋਟਰ ਹਨ, ਜਦਕਿ ਮਹਿਲਾ ਵੋਟਰਾਂ ਦੀ ਗਿਣਤੀ 8,15,032 ਹੈ। 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ 13,69,486 ਲੱਖ ਵੋਟਰਾਂ ਨੇ ਵੋਟ ਪਾਈ ਸੀ।

ਸਿਰਸਾ ਲੋਕ ਸਭਾ ਸੀਟ ਦਾ ਸਿਆਸੀ ਇਤਿਹਾਸ

ਸਿਰਸਾ ਕਾਂਗਰਸ ਦਾ ਗੜ੍ਹ ਰਿਹਾ ਹੈ। ਕਾਂਗਰਸ ਇਸ ਸੀਟ 'ਤੇ 9 ਵਾਰ ਜਿੱਤ ਦਾ ਝੰਡਾ ਲਹਿਰਾ ਚੁੱਕੀ ਹੈ। ਸਿਰਸਾ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਇਨੈਲੋ ਪ੍ਰਧਾਨ ਓਮਪ੍ਰਕਾਸ਼ ਚੌਟਾਲਾ ਦਾ ਗ੍ਰਹਿ ਹਲਕਾ ਹੈ ਅਤੇ ਇਨੈਲੋ ਦਾ ਗੜ੍ਹ ਵੀ ਰਿਹਾ ਹੈ। ਇਨੈਲੋ ਚਾਰ ਵਾਰ ਇੱਥੋਂ ਜਿੱਤ ਚੁੱਕੀ ਹੈ। ਸਿਆਸਤ ਦੀ ਗੱਲ ਕਰੀਏ ਤਾਂ ਸਿਰਸਾ ਦੀ ਪ੍ਰਪੱਕਤਾ ਪਹਿਲੇ ਦਰਜੇ ਦੀ ਰਹੀ ਹੈ। ਇੱਥੋਂ ਕਈ ਅਜਿਹੇ ਆਗੂ ਉੱਭਰ ਕੇ ਸਾਹਮਣੇ ਆਏ ਹਨ, ਜਿਨ੍ਹਾਂ ਦੀ ਭਾਰਤੀ ਸਿਆਸਤ ਵਿੱਚ ਵੱਖਰੀ ਪਛਾਣ ਰਹੀ ਹੈ। ਸਿਰਸਾ ਨੂੰ ਲਗਭਗ ਸਾਰੀਆਂ ਪਾਰਟੀਆਂ ਦੀ ਨੁਮਾਇੰਦਗੀ ਕਰਨ ਦਾ ਮੌਕਾ ਦਿੱਤਾ ਹੈ।