ਹਰਿਆਣਾ ਦੀ ਹਿਸਾਰ ਲੋਕ ਸਭਾ ਸੀਟ ਬਹੁਤ ਹੀ ਹੌਟ ਸੀਟ ਮੰਨੀ ਜਾਂਦੀ ਹੈ। ਇਹ ਲੋਕ ਸਭਾ ਸੀਟ 1952 ਵਿੱਚ ਹੋਂਦ ਵਿੱਚ ਆਈ ਸੀ। ਭਾਜਪਾ ਦੇ ਵਿਜੇਂਦਰ ਸਿੰਘ ਮੌਜੂਦਾ ਸੰਸਦ ਮੈਂਬਰ ਹਨ। ਇਸ ਸੀਟ 'ਤੇ ਭਜਨ ਲਾਲ ਅਤੇ ਦੇਵੀ ਲਾਲ ਦੇ ਪਰਿਵਾਰ ਦਾ ਲੰਮੇ ਸਮੇਂ ਤੋਂ ਕਬਜ਼ਾ ਹੈ। 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਵਿਜੇਂਦਰ ਸਿੰਘ ਨੇ ਜਨਨਾਇਕ ਪਾਰਟੀ ਦੇ ਦੁਸ਼ਯੰਤ ਚੌਟਾਲਾ ਨੂੰ ਹਰਾਇਆ ਸੀ। ਤੀਜੇ ਨੰਬਰ 'ਤੇ ਕਾਂਗਰਸ ਦੀ ਭਵਿਆ ਵਿਸ਼ਨੋਈ ਰਹੀ। ਦੱਸ ਦੇਈਏ ਕਿ ਹਿਸਾਰ ਲੋਕ ਸਭਾ ਹਲਕੇ ਵਿੱਚ ਕੁੱਲ 9 ਵਿਧਾਨ ਸਭਾ ਹਲਕੇ ਹਨ। ਇਨ੍ਹਾਂ ਵਿੱਚ ਉਚਾਨਾ ਕਲਾਂ, ਆਦਮਪੁਰ, ਉਕਲਾਨਾ (SC), ਨਾਰਨੌਂਦ, ਹਾਂਸੀ, ਬਰਵਾਲਾ, ਹਿਸਾਰ, ਨਲਵਾ ਅਤੇ ਭਵਾਨੀ ਖੇੜਾ (SC) ਸ਼ਾਮਲ ਹਨ।

2019 ਲੋਕ ਸਭਾ ਚੋਣ ਨਤੀਜੇ

2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਵਿਜੇਂਦਰ ਸਿੰਘ ਨੇ ਜਨਨਾਇਕ ਪਾਰਟੀ ਦੇ ਦੁਸ਼ਯੰਤ ਚੌਟਾਲਾ ਨੂੰ 3,14,068 ਲੱਖ ਵੋਟਾਂ ਨਾਲ ਹਰਾਇਆ ਸੀ। ਵਿਜੇਂਦਰ ਸਿੰਘ ਨੂੰ 603,289 ਲੱਖ ਜਾਂ 51 ਫੀਸਦੀ ਵੋਟਾਂ ਮਿਲੀਆਂ ਜਦਕਿ ਚੌਟਾਲਾ ਨੂੰ 289,221 ਲੱਖ ਜਾਂ 25 ਫੀਸਦੀ ਵੋਟਾਂ ਮਿਲੀਆਂ। ਤੀਜੇ ਨੰਬਰ 'ਤੇ ਕਾਂਗਰਸ ਦੀ ਭਵਿਆ ਵਿਸ਼ਨੋਈ ਰਹੀ। ਭਵਿਆ ਵਿਸ਼ਨੋਈ ਨੂੰ 184,369 ਲੱਖ ਭਾਵ ਸਿਰਫ਼ 15 ਫੀਸਦੀ ਵੋਟਾਂ ਮਿਲੀਆਂ ਸਨ।

ਹਿਸਾਰ ਲੋਕ ਸਭਾ ਵਿੱਚ ਕੁੱਲ ਕਿੰਨੇ ਵੋਟਰ ਹਨ?

ਹਿਸਾਰ ਲੋਕ ਸਭਾ ਸੀਟ 'ਤੇ ਕਰੀਬ 15,58,281 ਲੱਖ ਵੋਟਰ ਹਨ। ਇਨ੍ਹਾਂ ਵਿੱਚੋਂ ਲਗਭਗ 8,40,183 ਲੱਖ ਪੁਰਸ਼ ਵੋਟਰ ਹਨ ਜਦਕਿ 7,18,095 ਮਹਿਲਾ ਵੋਟਰ ਹਨ। ਪਿਛਲੀਆਂ ਲੋਕ ਸਭਾ ਚੋਣਾਂ (2019) ਵਿੱਚ 11,79,869 ਵੋਟਰਾਂ ਨੇ ਵੋਟ ਪਾਈ ਸੀ। ਮਤਲਬ ਇੱਥੇ 75 ਫੀਸਦੀ ਵੋਟਿੰਗ ਹੋਈ।

ਹਿਸਾਰ ਲੋਕ ਸਭਾ ਸੀਟ ਦਾ ਸਿਆਸੀ ਇਤਿਹਾਸ

ਹਿਸਾਰ ਲੋਕ ਸਭਾ ਸੀਟ ਲੰਬੇ ਸਮੇਂ ਤੋਂ ਭਜਨ ਲਾਲ ਅਤੇ ਦੇਵੀ ਲਾਲ ਦੇ ਪਰਿਵਾਰ ਕੋਲ ਹੈ। 1952 ਤੋਂ ਹੁਣ ਤੱਕ ਕਾਂਗਰਸ ਇਸ ਸੀਟ 'ਤੇ ਕੁੱਲ 7 ਵਾਰ ਜਿੱਤ ਚੁੱਕੀ ਹੈ। ਇਸ ਦੇ ਨਾਲ ਹੀ 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਭਾਜਪਾ ਨੇ ਇੱਥੇ ਪਹਿਲੀ ਵਾਰ ਜਿੱਤ ਦਰਜ ਕੀਤੀ ਸੀ। ਇਸ ਤੋਂ ਪਹਿਲਾਂ ਭਾਜਪਾ ਨੇ ਹਿਸਾਰ ਵਿੱਚ ਕਦੇ ਵੀ ਚੋਣ ਨਹੀਂ ਜਿੱਤੀ ਸੀ। 1952 ਦੀ ਪਹਿਲੀ ਚੋਣ ਕਾਂਗਰਸ ਦੇ ਲਾਲਾ ਅਚਿੰਤ ਰਾਮ ਨੇ ਜਿੱਤੀ ਸੀ। 1957 ਵਿੱਚ ਵੀ ਇੱਥੋਂ ਕਾਂਗਰਸ ਨੇ ਜਿੱਤ ਹਾਸਲ ਕੀਤੀ ਸੀ। ਠਾਕੁਰ ਦਾਸ ਭਾਰਗਵ ਨੇ ਜਿੱਤ ਪ੍ਰਾਪਤ ਕੀਤੀ ਸੀ। ਇਸ ਤੋਂ ਬਾਅਦ 1967 ਅਤੇ 1971 ਦੀਆਂ ਚੋਣਾਂ ਕਾਂਗਰਸ ਨੇ ਜਿੱਤੀਆਂ। ਫਿਰ 1984 ਵਿੱਚ ਕਾਂਗਰਸ ਨੇ ਇਹ ਸੀਟ ਜਿੱਤੀ। ਇਸ ਤੋਂ ਬਾਅਦ 1991 ਅਤੇ 2004 ਵਿੱਚ ਕਾਂਗਰਸ ਨੇ ਇੱਥੋਂ ਜਿੱਤ ਹਾਸਲ ਕੀਤੀ ਸੀ। 2004 ਤੋਂ ਬਾਅਦ ਕਾਂਗਰਸ ਨੂੰ ਇੱਥੋਂ ਜਿੱਤ ਨਹੀਂ ਮਿਲੀ।