ਅੰਬਾਲਾ ਲੋਕ ਸਭਾ ਸੀਟ (Ambala Lok Sabha Seat)

ਹਰਿਆਣਾ ਦੀ ਅੰਬਾਲਾ ਸੀਟ ਅਨੁਸੂਚਿਤ ਜਾਤੀ ਲਈ ਰਾਖਵੀਂ ਸੀਟ ਹੈ। ਇਹ ਸੀਟ 1952 ਵਿੱਚ ਹੋਂਦ ਵਿੱਚ ਆਈ ਸੀ। ਭਾਵੇਂ ਅੰਬਾਲਾ ਕਾਂਗਰਸ ਦਾ ਗੜ੍ਹ ਰਿਹਾ ਹੈ ਪਰ ਪਿਛਲੀਆਂ ਦੋ ਚੋਣਾਂ ਵਿੱਚ ਭਾਜਪਾ ਨੇ ਇਹ ਸੀਟ ਜਿੱਤੀ ਹੈ। ਰਤਨ ਲਾਲ ਕਟਾਰੀਆ ਇੱਥੋਂ ਦੇ ਮੌਜੂਦਾ ਸੰਸਦ ਮੈਂਬਰ ਹਨ। ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਰਤਨ ਲਾਲ ਕਟਾਰੀਆ ਨੇ ਕਾਂਗਰਸ ਦੀ ਕੁਮਾਰੀ ਸ਼ੈਲਜਾ ਨੂੰ ਕਰਾਰੀ ਹਾਰ ਦਿੱਤੀ ਸੀ।

ਇਸ ਲੋਕ ਸਭਾ ਸੀਟ 'ਤੇ ਕਾਂਗਰਸ ਅਤੇ ਭਾਜਪਾ ਦੋਵਾਂ ਦਾ ਦਬਦਬਾ ਰਿਹਾ ਹੈ। ਪਿਛਲੀਆਂ 17 ਲੋਕ ਸਭਾ ਚੋਣਾਂ ਵਿੱਚੋਂ ਕਾਂਗਰਸ ਨੇ 9 ਤੇ ਭਾਜਪਾ ਨੇ 5 ਜਿੱਤੀਆਂ ਹਨ। ਅੰਬਾਲਾ ਲੋਕ ਸਭਾ ਸੀਟ ਵਿੱਚ 9 ਵਿਧਾਨ ਸਭਾ ਸੀਟਾਂ (ਕਾਲਕਾ, ਪੰਚਕੂਲਾ, ਨਰਾਇਣਗੜ੍ਹ, ਅੰਬਾਲਾ ਕੈਂਟ, ਮੁਲਾਣਾ-ਐਸਸੀ, ਸਢੌਰਾ-ਐਸਸੀ, ਜਗਾਧਰੀ ਅਤੇ ਯਮੁਨਾਨਗਰ) ਸ਼ਾਮਲ ਹਨ।

2019 ਦਾ ਨਤੀਜੇ

2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਰਤਨ ਲਾਲ ਕਟਾਰੀਆ ਨੇ ਕੁਮਾਰੀ ਸ਼ੈਲਜਾ ਨੂੰ 3,42,345 ਵੋਟਾਂ ਨਾਲ ਹਰਾਇਆ ਸੀ। ਕਟਾਰੀਆ ਨੂੰ 746,508 ਭਾਵ 56 ਫੀਸਦੀ ਵੋਟਾਂ ਮਿਲੀਆਂ। ਕੁਮਾਰੀ ਸ਼ੈਲਜਾ ਦੂਜੇ ਸਥਾਨ 'ਤੇ ਰਹੇ। ਉਨ੍ਹਾਂ ਨੂੰ 404,163 ਭਾਵ 30 ਫੀਸਦੀ ਵੋਟਾਂ ਮਿਲੀਆਂ। ਬਸਪਾ ਦੇ ਨਰੇਸ਼ ਕੁਮਾਰ ਤੀਜੇ ਨੰਬਰ 'ਤੇ ਰਹੇ। ਨਰੇਸ਼ ਕੁਮਾਰ ਨੂੰ 96,296 ਵੋਟਾਂ ਮਿਲੀਆਂ।

• ਕੁੱਲ ਕਿੰਨੇ ਵੋਟਰ ?

ਤੁਹਾਨੂੰ ਦੱਸ ਦੇਈਏ ਕਿ ਇਸ ਸੀਟ ਦੀ ਕੁੱਲ ਆਬਾਦੀ 26,23,581 ਹੈ। ਇਸ ਦੇ ਨਾਲ ਹੀ ਜੇਕਰ ਵੋਟਰਾਂ ਦੀ ਗੱਲ ਕਰੀਏ ਤਾਂ ਅੰਬਾਲਾ ਲੋਕ ਸਭਾ ਸੀਟ 'ਤੇ ਕੁੱਲ 17,57,524 ਵੋਟਰ ਹਨ, ਜਿਨ੍ਹਾਂ 'ਚੋਂ ਜੇਕਰ ਮਰਦ ਵੋਟਰਾਂ ਦੀ ਗਿਣਤੀ ਦੀ ਗੱਲ ਕਰੀਏ ਤਾਂ 9,38,972 ਪੁਰਸ਼ ਵੋਟਰ ਹਨ। ਮਹਿਲਾ ਵੋਟਰਾਂ ਦੀ ਗਿਣਤੀ 8,18,549 ਹੈ।

ਅੰਬਾਲਾ ਲੋਕ ਸਭਾ ਸੀਟ ਦਾ ਸਿਆਸੀ ਇਤਿਹਾਸ

ਅੰਬਾਲਾ ਲੋਕ ਸਭਾ ਸੀਟ 'ਤੇ ਕਾਂਗਰਸ ਅਤੇ ਭਾਜਪਾ ਦੋਵਾਂ ਦਾ ਹੀ ਦਬਦਬਾ ਹੈ। ਪਿਛਲੀਆਂ 17 ਲੋਕ ਸਭਾ ਚੋਣਾਂ ਵਿੱਚੋਂ ਕਾਂਗਰਸ ਨੇ 9 ਤੇ ਭਾਜਪਾ ਨੇ 5 ਜਿੱਤੀਆਂ ਹਨ। ਪਹਿਲੀ ਵਾਰ 1952 ਵਿੱਚ ਕਾਂਗਰਸ ਦੇ ਟੇਕ ਚੰਦ ਇਸ ਸੀਟ ਤੋਂ ਜਿੱਤੇ ਸਨ। ਕਾਂਗਰਸ ਨੇ ਅਗਲੀਆਂ ਦੋ ਚੋਣਾਂ 1957 ਅਤੇ 1962 ਵਿੱਚ ਵੀ ਜਿੱਤੀਆਂ। 1977 ਅਤੇ 1980 ਵਿੱਚ ਇਹ ਸੀਟ ਜਨਤਾ ਪਾਰਟੀ ਦੇ ਹਿੱਸੇ ਗਈ। ਜਦੋਂ ਕਿ 1998 ਵਿੱਚ ਬਸਪਾ ਨੇ ਇਹ ਸੀਟ ਜਿੱਤੀ ਸੀ।