ਜਿੰਨੀ ਵਾਰੀ ਚਾਹੋ ਓਨੀ ਵਾਰ ਚੇਂਜ ਨਹੀਂ ਕਰ ਸਕਦੇ ਆਧਾਰ ਕਾਰਡ ‘ਚ ਇਹ ਡਾਟਾ, ਬੇਹੱਦ ਸਖਤ ਹਨ ਨਿਯਮ

(Photo Credit: tv9hindi.com)

ਬਿਜਨੈਸ ਨਿਊਜ। ਸਰਕਾਰ ਨੇ ਦੇਸ਼ ਦੇ ਹਰ ਨਾਗਰਿਕ ਲਈ ਆਧਾਰ ਕਾਰਡ (Aadhaar Card) ਜ਼ਰੂਰੀ ਕਰ ਦਿੱਤਾ ਹੈ। ਜੇਕਰ ਤੁਹਾਡੇ ਕੋਲ ਆਧਾਰ ਕਾਰਡ ਨਹੀਂ ਹੈ ਤਾਂ ਤੁਸੀਂ ਕਈ ਸਰਕਾਰੀ ਸਹੂਲਤਾਂ ਤੋਂ ਵਾਂਝੇ ਹੋ ਸਕਦੇ ਹੋ। ਆਧਾਰ ਕਾਰਡ ਵਿੱਚ ਜਨਮ ਮਿਤੀ, ਨਾਮ ਅਤੇ ਪਤੇ ਵਿੱਚ ਬਦਲਾਅ ਕੀਤਾ ਜਾ ਸਕਦਾ ਹੈ, ਪਰ ਇਸਦੇ ਲਈ ਨਿਰਧਾਰਤ ਨਿਯਮ ਹਨ। UIDAI ਨੇ ਆਧਾਰ ਕਾਰਡ ਧਾਰਕਾਂ ਲਈ ਪਤਾ ਬਦਲਣ ਦੀ ਸੀਮਾ ਤੈਅ ਕੀਤੀ ਹੈ। ਆਧਾਰ ਵਿੱਚ ਬਦਲਾਅ ਕਰਨ ਦੇ ਕੁਝ ਮੌਕੇ ਹਨ।

ਜੋ ਸੰਸਥਾ ਦੁਆਰਾ ਨਿਰਧਾਰਤ ਕੀਤੇ ਜਾਂਦੇ ਹਨ। ਇੱਥੇ ਦੱਸਿਆ ਗਿਆ ਹੈ ਕਿ ਤੁਸੀਂ ਆਪਣਾ ਆਧਾਰ ਕਿਵੇਂ ਅਤੇ ਕਿੰਨੀ ਵਾਰ ਅਪਡੇਟ ਕਰ ਸਕਦੇ ਹੋ ਅਤੇ ਇਸਦੀ ਕੀਮਤ ਕਿੰਨੀ ਹੈ।

ਰਜਿਸਟਰਡ ਮੋਬਾਈਲ ਨੰਬਰ ਦੀ ਹੁੰਦੀ ਹੈ ਲੋੜ

Money9 ਦੀ ਰਿਪੋਰਟ ਦੇ ਅਨੁਸਾਰ, ਆਨਲਾਈਨ ਸੇਵਾਵਾਂ ਤੱਕ ਪਹੁੰਚ ਕਰਨ ਲਈ ਇੱਕ ਰਜਿਸਟਰਡ ਮੋਬਾਈਲ ਨੰਬਰ ਦੀ ਲੋੜ ਹੁੰਦੀ ਹੈ। ਮੋਬਾਇਲ ਨੰਬਰ (Mobile number) ਨੂੰ ਔਨਲਾਈਨ ਅੱਪਡੇਟ ਨਹੀਂ ਕੀਤਾ ਜਾ ਸਕਦਾ। ਆਪਣਾ ਮੋਬਾਈਲ ਨੰਬਰ ਅੱਪਡੇਟ ਕਰਨ ਲਈ, ਤੁਹਾਨੂੰ ਨੇੜਲੇ ਆਧਾਰ ਸੇਵਾ ਕੇਂਦਰ (ASK) ਜਾਂ ਆਧਾਰ ਨਾਮਾਂਕਣ ਕੇਂਦਰ ‘ਤੇ ਜਾਣ ਦੀ ਲੋੜ ਹੈ।

ਸਿਰਫ ਇੱਕ ਵਾਰੀ ਬਦਲੀ ਜਾ ਸਕਦੀ ਹੈ ਇਹ ਜਾਣਕਾਰੀ

ਹੁਣ ਸਵਾਲ ਇਹ ਹੈ ਕਿ ਤੁਸੀਂ ਆਧਾਰ ਕਾਰਡ ਵਿੱਚ ਨਾਮ, ਜਨਮ ਮਿਤੀ, ਮੇਲ ਫੀਮੇਲ ਕਿੰਨੀ ਵਾਰ ਬਦਲ ਸਕਦੇ ਹੋ? UIDAI ਦੇ ਅਨੁਸਾਰ, ਇੱਕ ਆਧਾਰ ਕਾਰਡ ਧਾਰਕ ਹੁਣ ਸਿਰਫ਼ ਦੋ ਵਾਰ ਹੀ ਆਧਾਰ ਕਾਰਡ ‘ਤੇ ਆਪਣਾ ਨਾਮ ਬਦਲ ਸਕਦਾ ਹੈ। ਤੁਸੀਂ ਆਪਣੇ ਆਧਾਰ ਵਿੱਚ ਜਨਮ ਮਿਤੀ (DOB) ਨੂੰ ਸਿਰਫ਼ ਇੱਕ ਵਾਰ ਅੱਪਡੇਟ ਕਰ ਸਕਦੇ ਹੋ। ਖਾਸ ਮਾਮਲਿਆਂ ਵਿੱਚ ਕੁਝ ਕੀਤਾ ਜਾ ਸਕਦਾ ਹੈ।

ਤੁਸੀਂ ਆਪਣੀ ਫੋਟੋ ਨੂੰ ਇਸ ਤਰ੍ਹਾਂ ਬਦਲ ਸਕਦੇ ਹੋ

ਆਧਾਰ ਕਾਰਡ ‘ਚ ਫੋਟੋ ਬਦਲਣ ਲਈ ਤੁਹਾਨੂੰ ਆਧਾਰ ਕੇਂਦਰ ‘ਤੇ ਜਾ ਕੇ ਫਾਰਮ ਭਰਨਾ ਹੋਵੇਗਾ। ਫਾਰਮ ਵਿੱਚ ਸਹੀ ਅਤੇ ਪੂਰੀ ਜਾਣਕਾਰੀ ਭਰੀ ਜਾਣੀ ਚਾਹੀਦੀ ਹੈ। ਫਿਰ ਤੁਹਾਡੀ ਨਵੀਂ ਫੋਟੋ ਆਧਾਰ ਕੇਂਦਰ ਦੇ ਆਪਰੇਟਰ ਦੁਆਰਾ ਲਈ ਜਾਵੇਗੀ ਅਤੇ ਤੁਹਾਨੂੰ ਅਪਡੇਟ ਬੇਨਤੀ ਨੰਬਰ ਵਾਲੀ ਸਲਿੱਪ ਮਿਲੇਗੀ। ਇਸ ਤੋਂ ਬਾਅਦ, ਤੁਸੀਂ uidai.gov.in ‘ਤੇ ਜਾ ਕੇ ਆਧਾਰ ਕਾਰਡ ਦੀ ਨਵੀਂ ਡਿਜੀਟਲ ਕਾਪੀ (Digital copy) ਡਾਊਨਲੋਡ ਕਰ ਸਕਦੇ ਹੋ। ਇਸ ਪ੍ਰਕਿਰਿਆ ਲਈ ਤੁਹਾਨੂੰ ਆਧਾਰ ਕੇਂਦਰ ‘ਤੇ 100 ਰੁਪਏ ਫੀਸ ਦੇਣੀ ਪਵੇਗੀ।