ਭਾਰਤ ‘ਚ ਬਣੇਗਾ ਦੁਨੀਆ ਦਾ ਸਭ ਤੋਂ ਵੱਡਾ ਗ੍ਰੀਨ ਅਨਰਜੀ ਪਾਰਕ, ਕਿਹੜੇ ਸੂਬੇ ਚ ਚਲ ਰਿਹਾ ਨਿਰਮਾਣ ਕਾਰਜ ਜਾਣੋ
ਦਿੱਗਜ ਸਨਅਤਕਾਰ ਗੌਤਮ ਅਡਾਨੀ ਨੇ ਵੀਰਵਾਰ ਨੂੰ ਕਿਹਾ ਕਿ ਅਡਾਨੀ ਸਮੂਹ ਗੁਜਰਾਤ ਦੇ ਕੱਛ ਰੇਗਿਸਤਾਨ ਦੇ ਰਣ ਵਿੱਚ ਦੁਨੀਆ ਦਾ ਸਭ ਤੋਂ ਵੱਡਾ ਗ੍ਰੀਨ ਐਨਰਜੀ ਪਾਰਕ ਸਥਾਪਤ ਕਰ ਰਿਹਾ ਹੈ। ਇਸ ਦੀ ਜਾਣਕਾਰੀ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਦਿੱਤੀ ਹੈ ਅਤੇ ਨਿਰਮਾਣ ਅਧੀਨ ਪਲਾਂਟ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ। ਇਸ ਚ ਦੱਸਿਆ ਗਿਆ ਹੈ ਕਿਇਹ 726 ਵਰਗ ਕਿਲੋਮੀਟਰ ਦੇ ਵਿਸ਼ਾਲ ਖੇਤਰ ਨੂੰ ਕਵਰ ਕਰੇਗਾ ਅਤੇ 30 ਗੀਗਾਵਾਟ ਬਿਜਲੀ ਪੈਦਾ ਕਰੇਗਾ।
Photo Credit: @gautam_adani
ਅਡਾਨੀ ਗਰੁੱਪ ਗੁਜਰਾਤ ਦੇ ਮਾਰੂਥਲ ਖੇਤਰ ਵਿੱਚ ਦੁਨੀਆ ਦਾ ਸਭ ਤੋਂ ਵੱਡਾ ਗ੍ਰੀਨ ਐਨਰਜੀ ਪਾਰਕ ਬਣਾ ਰਿਹਾ ਹੈ। ਗ੍ਰੀਨ ਐਨਰਜੀ ਪਾਰਕ ਗੁਜਰਾਤ ਦੇ ਕੱਛ ਦੇ ਰਣ ਵਿੱਚ 726 ਵਰਗ ਕਿਲੋਮੀਟਰ ਵਿੱਚ ਫੈਲਿਆ ਹੋਵੇਗਾ। ਇਹ ਪਾਰਕ 2 ਕਰੋੜ ਤੋਂ ਵੱਧ ਘਰਾਂ ਨੂੰ ਬਿਜਲੀ ਦੇਣ ਲਈ 30 ਗੀਗਾਵਾਟ ਬਿਜਲੀ ਪੈਦਾ ਕਰੇਗਾ। ਗੌਤਮ ਅਡਾਨੀ ਨੇ ਖੁਦ ਆਪਣੇ ਐਕਸ ਹੈਂਡਲ ‘ਤੇ ਪਾਰਕ ‘ਚ ਚੱਲ ਰਹੇ ਕੰਮ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਅਡਾਨੀ ਸਮੂਹ ਦੇ ਇਸ ਪ੍ਰੋਜੈਕਟ ਨਾਲ ਭਾਰਤ ਦੀ ਹਰੀ ਊਰਜਾ ਸਮਰੱਥਾ ਵਿੱਚ ਵਾਧਾ ਹੋਣ ਦੀ ਉਮੀਦ ਹੈ, ਇਸ ਤੋਂ ਇਲਾਵਾ ਇਹ ਸੀਓਪੀ (COP) ਵਿੱਚ ਕੀਤੇ ਗਏ ਜਲਵਾਯੂ ਵਾਅਦੇ ਨੂੰ ਪੂਰਾ ਕਰਨ ਵਿੱਚ ਵੀ ਮਦਦ ਕਰੇਗਾ।
Proud to play a crucial role in India’s impressive strides in renewable energy as we build the world’s largest green energy park. This monumental project, covering 726 sq km in the challenging Rann desert, is visible even from space. We will generate 30GW to power over 20 million pic.twitter.com/FMIe8ln7Gn
— Gautam Adani (@gautam_adani) December 7, 2023
ਅਡਾਨੀ ਨੇ ਕਹੀ ਇਹ ਗੱਲ
ਅਸੀਂ ਦੁਨੀਆ ਦੇ ਸਭ ਤੋਂ ਵੱਡੇ ਗ੍ਰੀਨ ਐਨਰਜੀ ਪਾਰਕ ਦਾ ਨਿਰਮਾਣ ਕਰ ਰਹੇ ਹਾਂ ਅਤੇ ਸਾਨੂੰ ਨਵਿਆਉਣਯੋਗ ਊਰਜਾ ਵਿੱਚ ਭਾਰਤ ਦੀ ਪ੍ਰਭਾਵਸ਼ਾਲੀ ਤਰੱਕੀ ਵਿੱਚ ਮੁੱਖ ਭੂਮਿਕਾ ਨਿਭਾਉਣ ‘ਤੇ ਮਾਣ ਹੈ। ਚੁਣੌਤੀਆਂ ਨਾਲ ਭਰੇ ਰਣ ਰੇਗਿਸਤਾਨ ਵਿੱਚ 726 ਵਰਗ ਕਿਲੋਮੀਟਰ ਵਿੱਚ ਫੈਲਿਆ ਇਹ ਪ੍ਰੋਜੈਕਟ ਪੁਲਾੜ ਤੋਂ ਵੀ ਦਿਖਾਈ ਦਿੰਦਾ ਹੈ। ਅਸੀਂ 2 ਕਰੋੜ ਤੋਂ ਵੱਧ ਘਰਾਂ ਨੂੰ ਬਿਜਲੀ ਦੇਣ ਲਈ 30 ਗੀਗਾਵਾਟ ਬਿਜਲੀ ਪੈਦਾ ਕਰਾਂਗੇ।
ਇਹ ਵੀ ਪੜ੍ਹੋ
ਭਾਰਤ ਦਾ ਟੀਚਾ
2030 ਤੱਕ, ਭਾਰਤ ਆਪਣੀ ਆਰਥਿਕਤਾ ਦੀ ਕਾਰਬਨ ਤੀਬਰਤਾ ਨੂੰ 45% ਤੋਂ ਵੱਧ ਘਟਾ ਦੇਵੇਗਾ। ਜਦਕਿ 2070 ਤੱਕ ਭਾਰਤ ‘ਨੈੱਟ ਜ਼ੀਰੋ’ ਦਾ ਟੀਚਾ ਹਾਸਲ ਕਰ ਲਵੇਗਾ। ਅਡਾਨੀ ਗ੍ਰੀਨ ਐਨਰਜੀ ਸੋਲਰ, ਵਿੰਡ ਅਤੇ ਹਾਈਬ੍ਰਿਡ ਰੀਨਿਊਏਬਲ ਪਾਵਰ ਪਲਾਂਟ ਵਿਕਸਿਤ ਕਰ ਰਹੀ ਹੈ। ਵਰਤਮਾਨ ਵਿੱਚ ਕੰਪਨੀ ਕੋਲ 8.4 ਗੀਗਾਵਾਟ ਦੀ ਨਵਿਆਉਣਯੋਗ ਪਾਵਰ ਸਮਰੱਥਾ ਹੈ। ਇਹ ਦੇਸ਼ ਦੀ ਸਭ ਤੋਂ ਵੱਡੀ ਨਵਿਆਉਣਯੋਗ ਊਰਜਾ ਕੰਪਨੀ ਹੈ। ਸ਼ੁੱਕਰਵਾਰ ਨੂੰ ਕੰਪਨੀ ਦੇ ਸ਼ੇਅਰ 5.70 ਫੀਸਦੀ ਦੀ ਗਿਰਾਵਟ ਨਾਲ 1533.00 ਰੁਪਏ ‘ਤੇ ਕਾਰੋਬਾਰ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਪੂਰੇ ਕਾਰੋਬਾਰੀ ਹਫਤੇ ‘ਚ ਅਡਾਨੀ ਗ੍ਰੀਨ ਐਨਰਜੀ ਦੇ ਸ਼ੇਅਰਾਂ ‘ਚ 15-20 ਫੀਸਦੀ ਦਾ ਉਪਰੀ ਸਰਕਟ ਦੇਖਣ ਨੂੰ ਮਿਲਿਆ ਹੈ। ਹਿੰਡਨਬਰਗ ਰਿਸਰਚ ਦੀ ਰਿਪੋਰਟ ਜਾਰੀ ਹੋਣ ਤੋਂ ਪਹਿਲਾਂ ਅਡਾਨੀ ਗ੍ਰੀਨ ਐਨਰਜੀ ਦਾ ਸ਼ੇਅਰ 2,185.30 ਰੁਪਏ ‘ਤੇ ਸੀ ਪਰ 28 ਫਰਵਰੀ ਨੂੰ ਇਹ ਘਟ ਕੇ 439.35 ਰੁਪਏ ‘ਤੇ ਆ ਗਿਆ। ਹਾਲਾਂਕਿ, ਉਦੋਂ ਤੋਂ ਇਸ ਦੀ ਕੀਮਤ ਲਗਭਗ ਤਿੰਨ ਗੁਣਾ ਵਧ ਗਈ ਹੈ।