ਗਰਮੀਆਂ ‘ਚ ਕਿਉਂ ਓਵਰਹੀਟ ਹੋ ਜਾਂਦੀ ਹੈ ਕਾਰ? ਖਰਾਬੀ ਆਉਣ ਤੋਂ ਪਹਿਲਾਂ ਮਿਲਦੇ ਹਨ ਸੰਕੇਤ, ਇਹ ਹਨ ਬਚਾਅ ਦੇ ਤਰੀਕੇ

ਭਾਰਤ ਵਿੱਚ ਗਰਮੀ ਦਾ ਮੌਸਮ ਸ਼ੁਰੂ ਹੁੰਦੇ ਹੀ ਕਾਰ ਡਰਾਈਵਰਾਂ ਦੀਆਂ ਪਰੇਸ਼ਾਨੀਆਂ ਵਧਣ ਲੱਗਦੀਆਂ ਹਨ। ਤੇਜ਼ ਧੁੱਪ, ਲੰਮਾ ਟ੍ਰੈਫਿਕ ਅਤੇ ਲਗਾਤਾਰ ਡ੍ਰਾਈਵਿੰਗ ਕਾਰਨ ਕਾਰ ਦਾ ਇੰਜਨ ਜਲਦੀ ਗਰਮ ਹੋ ਜਾਂਦਾ ਹੈ। ਜੇ ਸਮੇਂ ਤੇ ਧਿਆਨ ਨਾ ਦਿੱਤਾ ਜਾਵੇ ਤਾਂ ਇੰਜਨ ਓਵਰਹੀਟ ਹੋ ਕੇ ਵੱਡੀ ਖਰਾਬੀ ਦਾ ਕਾਰਨ ਬਣ ਸਕਦਾ ਹੈ। ਇਸ ਨਾਲ ਇੰਜਨ ਦੇ ਕਈ ਜ਼ਰੂਰੀ ਪਾਰਟਸ ਖਰਾਬ ਹੋ ਸਕਦੇ ਹਨ ਅਤੇ ਵੱਡਾ ਰਿਪੇਅਰ ਖਰਚ ਵੀ ਆ ਸਕਦਾ ਹੈ।

ਆਓ ਜਾਣਦੇ ਹਾਂ ਕਿ ਆਖ਼ਰ ਗਰਮੀ ਦੇ ਮੌਸਮ ਵਿੱਚ ਕਾਰ ਕਿਉਂ ਓਵਰਹੀਟ ਹੋ ਜਾਂਦੀ ਹੈ? ਕਾਰ ਦੇ ਓਵਰਹੀਟ ਹੋਣ ਦੇ ਲੱਛਣ ਕਿਵੇਂ ਪਤਾ ਲੱਗਦੇ ਹਨ ਅਤੇ ਜੇ ਤੁਹਾਡੀ ਕਾਰ ਵੀ ਓਵਰਹੀਟ ਕਰ ਰਹੀ ਹੈ ਤਾਂ ਤੁਹਾਨੂੰ ਕੀ ਕਰਨਾ ਚਾਹੀਦਾ ਹੈ?

ਕਾਰ ਦਾ ਇੰਜਨ ਓਵਰਹੀਟ ਹੋਣ ਦੇ ਵੱਡੇ ਕਾਰਨ

ਇੰਜਨ ਓਵਰਹੀਟ ਹੋਣ ਦੇ ਕੁਝ ਮੁੱਖ ਕਾਰਨ ਹੋ ਸਕਦੇ ਹਨ। ਜਿਵੇਂ ਜੇ ਕੂਲੈਂਟ ਘੱਟ ਹੋ ਜਾਵੇ ਜਾਂ ਰੇਡੀਏਟਰ ਤੱਕ ਠੀਕ ਤਰ੍ਹਾਂ ਨਾ ਪਹੁੰਚੇ, ਤਾਂ ਇੰਜਨ ਗਰਮ ਹੋ ਸਕਦਾ ਹੈ। ਥਰਮੋਸਟੈਟ ਕੂਲੈਂਟ ਦੇ ਫਲੋ ਨੂੰ ਕੰਟਰੋਲ ਕਰਦਾ ਹੈ। ਜੇ ਇਹ ਖਰਾਬ ਹੋ ਜਾਵੇ, ਤਾਂ ਕੂਲੈਂਟ ਠੀਕ ਤਰ੍ਹਾਂ ਨਹੀਂ ਘੁੰਮਦਾ ਅਤੇ ਇੰਜਨ ਓਵਰਹੀਟ ਹੋਣ ਲੱਗਦਾ ਹੈ। ਰੇਡੀਏਟਰ ਫੈਨ ਇੰਜਨ ਦੀ ਗਰਮੀ ਨੂੰ ਬਾਹਰ ਕੱਢਣ ਵਿੱਚ ਮਦਦ ਕਰਦਾ ਹੈ। ਜੇ ਫੈਨ ਕੰਮ ਨਾ ਕਰੇ, ਤਾਂ ਇੰਜਨ ਜਲਦੀ ਗਰਮ ਹੋ ਸਕਦਾ ਹੈ। ਇੰਜਨ ਆਇਲ ਇੰਜਨ ਦੇ ਹਿੱਸਿਆਂ ਨੂੰ ਚਿਕਨਾਈ ਦਿੰਦਾ ਹੈ ਅਤੇ ਗਰਮੀ ਘਟਾਉਂਦਾ ਹੈ। ਆਇਲ ਘੱਟ ਹੋਣ ਤੇ ਇੰਜਨ ਜ਼ਿਆਦਾ ਗਰਮ ਹੋ ਸਕਦਾ ਹੈ। ਐਕਸਪੈਂਸ਼ਨ ਟੈਂਕ ਕੂਲਿੰਗ ਸਿਸਟਮ ਦਾ ਪ੍ਰੈਸ਼ਰ ਕੰਟਰੋਲ ਕਰਦਾ ਹੈ। ਜੇ ਇਹ ਖਰਾਬ ਹੋ ਜਾਵੇ, ਤਾਂ ਵੀ ਇੰਜਨ ਓਵਰਹੀਟ ਹੋ ਸਕਦਾ ਹੈ।

ਇਸ ਤੋਂ ਇਲਾਵਾ ਰੇਡੀਏਟਰ ਨੂੰ ਠੰਢਾ ਰਹਿਣ ਲਈ ਹਵਾ ਦੀ ਲੋੜ ਹੁੰਦੀ ਹੈ। ਜੇ ਸਾਹਮਣੇ ਵਾਲੀ ਗ੍ਰਿੱਲ ਵਿੱਚ ਗੰਦਗੀ ਫਸ ਜਾਵੇ ਜਾਂ ਏਅਰ ਫਲੋ ਰੁਕ ਜਾਵੇ, ਤਾਂ ਇੰਜਨ ਗਰਮ ਹੋਣ ਲੱਗਦਾ ਹੈ। ਭਾਰੀ ਸਮਾਨ ਨਾਲ ਲਗਾਤਾਰ ਟ੍ਰੈਫਿਕ ਵਿੱਚ ਚਲਾਉਣਾ ਜਾਂ ਪਹਾੜੀ ਇਲਾਕੇ ਵਿੱਚ ਗੱਡੀ ਚਲਾਉਣਾ ਇੰਜਨ ਤੇ ਵੱਧ ਦਬਾਅ ਪਾਉਂਦਾ ਹੈ, ਜਿਸ ਨਾਲ ਗਰਮੀ ਵਧ ਜਾਂਦੀ ਹੈ। ਹੈਡ ਗੈਸਕਿਟ ਖਰਾਬ ਹੋ ਜਾਵੇ ਤਾਂ ਕੂਲੈਂਟ ਲੀਕ ਹੋਣ ਲੱਗਦਾ ਹੈ ਅਤੇ ਇੰਜਨ ਜਲਦੀ ਗਰਮ ਹੋ ਜਾਂਦਾ ਹੈ। ਵਾਟਰ ਪੰਪ ਕੂਲੈਂਟ ਨੂੰ ਪੂਰੇ ਸਿਸਟਮ ਵਿੱਚ ਘੁਮਾਉਂਦਾ ਹੈ। ਜੇ ਇਹ ਖਰਾਬ ਹੋ ਜਾਵੇ ਤਾਂ ਕੂਲੈਂਟ ਠੀਕ ਤਰ੍ਹਾਂ ਨਹੀਂ ਘੁੰਮਦਾ ਅਤੇ ਇੰਜਨ ਓਵਰਹੀਟ ਹੋ ਸਕਦਾ ਹੈ। ਰੇਡੀਏਟਰ ਵਿੱਚ ਧੂੜ ਜਾਂ ਗੰਦਗੀ ਜਮ੍ਹਾਂ ਹੋਣ ਨਾਲ ਕੂਲਿੰਗ ਠੀਕ ਤਰ੍ਹਾਂ ਨਹੀਂ ਹੋ ਪਾਉਂਦੀ, ਜਿਸ ਨਾਲ ਇੰਜਨ ਗਰਮ ਹੋ ਜਾਂਦਾ ਹੈ।

• ਕੂਲੈਂਟ ਦੀ ਕਮੀ
• ਖਰਾਬ ਥਰਮੋਸਟੈਟ
• ਰੇਡੀਏਟਰ ਫੈਨ ਖਰਾਬ ਹੋਣਾ
• ਇੰਜਨ ਆਇਲ ਘੱਟ ਹੋਣਾ
• ਐਕਸਪੈਂਸ਼ਨ ਟੈਂਕ ਖਰਾਬ ਹੋਣਾ
• ਹਵਾ ਦਾ ਸਹੀ ਫਲੋ ਨਾ ਮਿਲਣਾ
• ਇੰਜਨ ਤੇ ਜ਼ਿਆਦਾ ਲੋਡ
• ਹੈਡ ਗੈਸਕਿਟ ਲੀਕ ਹੋਣਾ
• ਵਾਟਰ ਪੰਪ ਖਰਾਬ ਹੋਣਾ
• ਰੇਡੀਏਟਰ ਜਾਮ ਹੋਣਾ

ਇੰਜਨ ਓਵਰਹੀਟ ਹੋਣ ਦੇ ਸੰਕੇਤ

ਬੋਨਟ ਦਾ ਜ਼ਰੂਰਤ ਤੋਂ ਵੱਧ ਗਰਮ ਹੋਣਾ, ਡੈਸ਼ਬੋਰਡ ਤੇ ਟੈਮਪਰੇਚਰ ਇੰਡੀਕੇਟਰ ਦਾ ਦਿਖਣਾ, ਇੰਜਨ ਤੋਂ ਟਿਕ-ਟਿਕ ਵਰਗੀ ਆਵਾਜ਼ ਆਉਣਾ, ਕਾਰ ਦੇ ਹੇਠਾਂ ਤੋਂ ਕੂਲੈਂਟ ਦਾ ਟਪਕਣਾ, ਇੰਜਨ ਤੋਂ ਸੜਨ ਵਰਗੀ ਬੂ ਆਉਣਾ, ਬੋਨਟ ਤੋਂ ਧੂੰਆਂ ਜਾਂ ਭਾਫ਼ ਨਿਕਲਣਾ, ਕਾਰ ਦੀ ਪਾਵਰ ਦਾ ਘੱਟ ਹੋਣਾ ਅਤੇ ਡੈਸ਼ਬੋਰਡ ਤੇ ਲੋ ਕੂਲੈਂਟ ਦਾ ਸੰਕੇਤ ਆਉਣਾ—ਇਹ ਕੁਝ ਅਜਿਹੇ ਸੰਕੇਤ ਹਨ ਜਿਨ੍ਹਾਂ ਨਾਲ ਪਤਾ ਲੱਗ ਜਾਂਦਾ ਹੈ ਕਿ ਕਾਰ ਓਵਰਹੀਟ ਹੋ ਰਹੀ ਹੈ। ਜੇ ਅਜਿਹਾ ਹੋਵੇ ਤਾਂ ਤੁਰੰਤ ਸਰਵਿਸ ਸੈਂਟਰ ਜਾਂ ਮਕੈਨਿਕ ਨੂੰ ਦਿਖਾਉਣਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ

ਧੁੱਪ ਤੋਂ ਬਚਣ ਲਈ ਕਾਰ 'ਚ ਲਗਾਉਂਦੇ ਹੋ ਬਲੈਕ ਫਿਲਮ, ਜਾਣੋ ਕੀ ਹਨ ਨਿਯਮ?

ਗਰਮੀਆਂ 'ਚ ਟਾਇਰ ਪ੍ਰੈਸ਼ਰ ਦਾ ਰੱਖੋ ਖਿਆਲ, ਜਾਣੋ ਸਹੀ ਰੇਂਜ

ਆਖ਼ਰ ਹਰ ਕਾਰ ਦੇ ਟਾਇਰ ਕਾਲੇ ਰੰਗ ਦੇ ਹੀ ਕਿਉਂ ਬਣਾਏ ਜਾਂਦੇ ਹਨ?

ਜੇ ਤੁਹਾਡੀ ਕਾਰ ਓਵਰਹੀਟ ਕਰੇ ਤਾਂ ਕੀ ਕਰੀਏ?

• ਧੁੱਪ ਵਿੱਚ ਖੜੀ ਕਾਰ ਜ਼ਿਆਦਾ ਗਰਮ ਹੋ ਜਾਂਦੀ ਹੈ। ਇਸ ਲਈ ਕੋਸ਼ਿਸ਼ ਕਰੋ ਕਿ ਕਾਰ ਨੂੰ ਛਾਂ ਵਿੱਚ ਪਾਰਕ ਕੀਤਾ ਜਾਵੇ।
• ਖਿੜਕੀਆਂ ਥੋੜ੍ਹੀਆਂ ਖੁੱਲ੍ਹੀਆਂ ਰੱਖੋ, ਤਾਂ ਜੋ ਗਰਮ ਹਵਾ ਬਾਹਰ ਨਿਕਲਦੀ ਰਹੇ ਅਤੇ ਕੇਬਿਨ ਠੰਢਾ ਰਹੇ।
• ਬਹੁਤ ਜ਼ਿਆਦਾ ਏਸੀ ਚਲਾਉਣ ਨਾਲ ਇੰਜਨ ਤੇ ਦਬਾਅ ਵਧਦਾ ਹੈ। ਸ਼ੁਰੂ ਵਿੱਚ ਫ੍ਰੈਸ਼ ਏਅਰ ਮੋਡ ਦਾ ਇਸਤੇਮਾਲ ਕਰੋ।
• ਵਿੰਡਸ਼ੀਲਡ ਤੇ ਸਨ ਰਿਫਲੈਕਟਰ ਲਗਾਉਣ ਨਾਲ ਕਾਰ ਦੇ ਅੰਦਰ ਗਰਮੀ ਘੱਟ ਹੁੰਦੀ ਹੈ।
• ਵਿੰਡੋ ਟਿੰਟਿੰਗ ਕਰਵਾਉਣਾ ਵੀ ਲਾਭਦਾਇਕ ਹੈ, ਕਿਉਂਕਿ ਇਹ ਸੂਰਜ ਦੀ ਗਰਮੀ ਨੂੰ ਅੰਦਰ ਆਉਣ ਤੋਂ ਘਟਾਉਂਦੀ ਹੈ।
• ਸਮੇਂ-ਸਮੇਂ ਤੇ ਏਸੀ ਦੀ ਸਰਵਿਸ ਕਰਵਾਉਣ ਨਾਲ ਇੰਜਨ ਤੇ ਦਬਾਅ ਘੱਟ ਰਹਿੰਦਾ ਹੈ।
• ਬਹੁਤ ਤੇਜ਼ ਗੱਡੀ ਚਲਾਉਣ ਨਾਲ ਇੰਜਨ ਵੱਧ ਮਿਹਨਤ ਕਰਦਾ ਹੈ ਅਤੇ ਗਰਮ ਹੋ ਜਾਂਦਾ ਹੈ।
• ਰੇਡੀਏਟਰ ਦੀ ਸਫਾਈ ਕਰਵਾਉਣ ਨਾਲ ਕੂਲਿੰਗ ਸਿਸਟਮ ਵਧੀਆ ਕੰਮ ਕਰਦਾ ਹੈ।
• ਕੂਲਿੰਗ ਫੈਨ ਦੀ ਜਾਂਚ ਕਰੋ ਅਤੇ ਜੇ ਫੈਨ ਖਰਾਬ ਹੋਵੇ ਤਾਂ ਤੁਰੰਤ ਬਦਲਵਾਓ।
• ਰਸਤੇ ਦਾ ਧਿਆਨ ਰੱਖੋ, ਕਿਉਂਕਿ ਬਹੁਤ ਵੱਧ ਚੜ੍ਹਾਈ ਜਾਂ ਭਾਰੀ ਟ੍ਰੈਫਿਕ ਵਾਲੇ ਰਸਤੇ ਚ ਇੰਜਨ ਜਲਦੀ ਗਰਮ ਹੋ ਸਕਦਾ ਹੈ।

ਇਨ੍ਹਾਂ ਆਸਾਨ ਗੱਲਾਂ ਦਾ ਧਿਆਨ ਰੱਖ ਕੇ ਤੁਸੀਂ ਆਪਣੀ ਕਾਰ ਦੇ ਇੰਜਨ ਨੂੰ ਓਵਰਹੀਟ ਹੋਣ ਤੋਂ ਬਚਾ ਸਕਦੇ ਹੋ ਅਤੇ ਵੱਡੀ ਖਰਾਬੀ ਤੋਂ ਵੀ ਬਚ ਸਕਦੇ ਹੋ।

Source:TV9Hindi.com