Upcoming Cars: ਬੈਂਕ ਬੈਲੇਂਸ ਰੱਖੋ ਤਿਆਰ, ਭਾਰਤ ਵਿੱਚ ਲਾਂਚ ਹੋਣ ਜਾ ਰਹੀਆਂ ਹਨ ਇਹ 4 ਨਵੇਂ ਇਲੈਕਟ੍ਰਿਕ ਕਾਰਾਂ!

ਭਾਰਤ ਵਿੱਚ ਲਾਂਚ ਹੋਣ ਜਾ ਰਹੀਆਂ ਹਨ ਇਹ 4 ਨਵੇਂ ਇਲੈਕਟ੍ਰਿਕ ਕਾਰਾਂ!

ਭਾਰਤੀ ਬਾਜ਼ਾਰ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਵਧਦੀ ਜਾ ਰਹੀ ਹੈ, ਇਸੇ ਕਰਕੇ ਆਟੋ ਕੰਪਨੀਆਂ ਵੀ ਗਾਹਕਾਂ ਦੀਆਂ ਜ਼ਰੂਰਤਾਂ ਨੂੰ ਸਮਝਦੇ ਹੋਏ ਨਵੀਆਂ ਇਲੈਕਟ੍ਰਿਕ ਕਾਰਾਂ ਲਾਂਚ ਕਰ ਰਹੀਆਂ ਹਨ। ਜੇਕਰ ਤੁਸੀਂ ਵੀ ਨਵੀਂ EV ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਥੋੜ੍ਹਾ ਇੰਤਜ਼ਾਰ ਕਰਨਾ ਬਿਹਤਰ ਹੋਵੇਗਾ, ਕਿਉਂਕਿ ਜਲਦੀ ਹੀ ਤੁਹਾਡੇ ਲਈ ਇੱਕ ਜਾਂ ਦੋ ਨਹੀਂ ਸਗੋਂ 4 ਨਵੇਂ ਇਲੈਕਟ੍ਰਿਕ ਵਾਹਨ ਲਾਂਚ ਹੋਣ ਜਾ ਰਹੇ ਹਨ।

Maruti Suzuki e Vitara

ਇਹ ਮਾਰੂਤੀ ਸੁਜ਼ੂਕੀ ਦੀ ਪਹਿਲੀ ਇਲੈਕਟ੍ਰਿਕ ਕਾਰ ਹੈ, ਜਿਸਨੂੰ ਕੰਪਨੀ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਹੋਏ ਆਟੋ ਐਕਸਪੋ 2025 ਵਿੱਚ ਵੀ ਸ਼ੋਕੇਸ ਕੀਤਾ ਸੀ। ਇਸ ਕਾਰ ਵਿੱਚ ਲੱਗੀ 49kWh ਦੀ ਬੈਟਰੀ ਪੂਰੀ ਚਾਰਜ ਹੋਣ ‘ਤੇ 500 ਕਿਲੋਮੀਟਰ ਤੱਕ ਦੀ ਡਰਾਈਵਿੰਗ ਰੇਂਜ ਆਫਰ ਕਰੇਗੀ। ਫਿਲਹਾਲ ਕੰਪਨੀ ਨੇ ਇਸ ਕਾਰ ਦੀ ਲਾਂਚ ਡੇਟ ਦਾ ਖੁਲਾਸਾ ਨਹੀਂ ਕੀਤਾ ਹੈ ਪਰ ਇਸ ਕਾਰ ਦੇ ਜਲਦੀ ਹੀ ਲਾਂਚ ਹੋਣ ਦੀ ਉਮੀਦ ਹੈ।

MG M9

MG ਦੀ ਇਹ ਪ੍ਰੀਮੀਅਮ ਇਲੈਕਟ੍ਰਿਕ MPV ਆਟੋ ਐਕਸਪੋ 2025 ਵਿੱਚ ਵੀ ਪੇਸ਼ ਕੀਤੀ ਗਈ ਸੀ, ਕੰਪਨੀ ਇਸ ਕਾਰ ਨੂੰ ਭਾਰਤ ਵਿੱਚ MG ਸਿਲੈਕਟ ਰਿਟੇਲ ਨੈੱਟਵਰਕ ਰਾਹੀਂ ਵੇਚੇਗੀ। ਇਸ ਕਾਰ ਨੂੰ 7 ਸੀਟਿੰਗ ਆਪਸ਼ਨ ਅਤੇ 90kWh ਬੈਟਰੀ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ, ਇੱਕ ਵਾਰ ਪੂਰੀ ਤਰ੍ਹਾਂ ਚਾਰਜ ਹੋਣ ‘ਤੇ, ਇਹ ਕਾਰ 430 ਕਿਲੋਮੀਟਰ ਤੱਕ ਦੀ ਰੇਂਜ ਪ੍ਰਦਾਨ ਕਰੇਗੀ। ਇਸ ਕਾਰ ਦੀ ਕੀਮਤ ਕਿੰਨੀ ਹੋਵੇਗੀ, ਇਸ ਬਾਰੇ ਫਿਲਹਾਲ ਕੋਈ ਜਾਣਕਾਰੀ ਨਹੀਂ ਹੈ।

MG Cyberster

ਐਮਜੀ ਦੀ ਇਹ ਕਾਰ ਟੂ-ਡੋਰ ਸਪੋਰਟਸ ਕਾਰ ਹੈ। ਇਸ ਕਾਰ ਵਿੱਚ 77kWh ਦੀ ਬੈਟਰੀ ਦਿੱਤੀ ਜਾ ਸਕਦੀ ਹੈ ਜੋ ਇੱਕ ਵਾਰ ਚਾਰਜ ਕਰਨ ‘ਤੇ 443 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰਦੀ ਹੈ। ਭਾਰਤ ਵਿੱਚ ਲਾਂਚ ਹੋਣ ਤੋਂ ਬਾਅਦ, ਇਹ ਇਲੈਕਟ੍ਰਿਕ ਕਾਰ MG9 ਦੇ ਨਾਲ MG Select ਰਾਹੀਂ ਭਾਰਤ ਵਿੱਚ ਵੀ ਵੇਚੀ ਜਾਵੇਗੀ।

Tata Harrier EV

ਟਾਟਾ ਮੋਟਰਜ਼ ਦੀ ਇਸ ਮਸ਼ਹੂਰ SUV ਦਾ ਇਲੈਕਟ੍ਰਿਕ ਵਰਜ਼ਨ ਵੀ ਤੁਹਾਡੇ ਲਈ ਜਲਦੀ ਹੀ ਲਾਂਚ ਕੀਤਾ ਜਾ ਸਕਦਾ ਹੈ। ਟਾਟਾ ਹੈਰੀਅਰ ਈਵੀ ਨੂੰ ਡਿਊਲ ਮੋਟਰ ਸੈੱਟਅੱਪ ਅਤੇ ਆਲ ਵ੍ਹੀਲ ਡਰਾਈਵ ਆਪਸ਼ਨ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ। ਫਿਲਹਾਲ ਕੰਪਨੀ ਨੇ ਬੈਟਰੀ ਅਤੇ ਡਰਾਈਵਿੰਗ ਰੇਂਜ ਬਾਰੇ ਕੋਈ ਖੁਲਾਸਾ ਨਹੀਂ ਕੀਤਾ ਹੈ।